თუშეთიდან ხევსურეთში აწუნთის უღელტეხილით 1-8.08.09.

Naia · Post by **Naia** » 12 აგვ 2009, 13:39

Mta Mkvarebia
უფ, ეგ საკართანო არ გამახსენო

უკვე ეზოში ვიყავით და მარო ბებოს და მის შვილს ვემშვიდობებოდით, რომ მარიმ 'საკართანოს გარეშე როგორ გაგიშვებთო'. ჯერ ვერ მივხვდით რა იყო ეს 'საკართანო'. სანამ ვარკვევდით, მარი არყიანი ჭიქით კახას მივარდა და ძალით გადააკვრევინა ცეცხლივით არაყი

შემდეგ დანარჩენებს ჩამოგვიარა, მაგრამ ჩვენ უკვე მორალურად მომზადებულნი მაინც შევხვდით ამ საკართანოს

guruli · Post by **guruli** » 12 აგვ 2009, 13:42

დედა, დედა - რა ლამაზები ხართ გოგოებო, იმ თუნგებით ხელში.

უფრო სწორად, თუნგები თქვენს სილამაზეს დამატებით ეშხს სძენს. რა სანახაობა იქნება, მაგ თუნგებით მხარზე წყაროს წყალზე რომ წაგოგმანდ-წამოგოგმანდებით.

მარიამს კიდევ ყოჩაღ ეთქმის რიტუალის დაცვისთვის!

Nika · Post by **Nika** » 12 აგვ 2009, 13:45

ისე წვიმიან ლაშქრობაში უფრო მაგარი ფოტოები გამოდის. მზე რო გამიიჭყიტება ცა ისეთი ლურჯია დაეცემი.

Naia · Post by **Naia** » 12 აგვ 2009, 13:46

Nika wrote:ისე წვიმიან ლაშქრობაში უფრო მაგარი ფოტოები გამოდის. მზე რო გამიიჭყიტება ცა ისეთი ლურჯია დაეცემი.

გეთანხმები

ისეთი ფერები იყო ჩემმა მობილურმაც კი გადასარევი ფოტოები გადაიღო

Mta Mkvarebia · Post by **Mta Mkvarebia** » 12 აგვ 2009, 14:11

guruli
აბაააა, ჩვენი სილამაზის შემხედვარე, მზეს ღრუბლებიდან გამოხედვის ერიდებოდა

Naia
სწორედ მაგ არყის დამსახურება იყო უცებ ფრთები რომ გამოგვესხა და საკმაოდ რთული გზა, მანამდე რომ სრიალ-სრიალით და ფრთხილი ნაბიჯებით ამოვიარეთ სულ კუნტრუშ-კუნტრუშით და სიცილ-კისკისით გავიარეთ 2-ჯერ ნაკლებ დროში

გელა მდინარეში შევარდა რომ გოგოებისთვის ხელი მოიწოდებინა და ხიდზე გადასვლაში დახმარებოდა

გზად ძალიან მხიარულად ვიარეთ, მწკრივში გაბმულები უკან მომავლებს სათქმელს გაფუჭებული ტელეფონივით გადაძახილ-გადმოძახილებით ვაგებინებდით და ამ ხელოვნური ექოთი დიდად ვხალისობდით. გელა რიგში ბოლოს მომავალ სულთანს გადასძახებდა: "სულთან, მიყვარხარო", მერე სათითაოდ ვიმეორებდით ამ ფრაზას, სანამ სულთანთან მიაღწევდა. ახლა იქიდან მოდიოდა პასუხი: "ვისაო, ვისაო?", შემხვედრი პასუხიც არ აგვიანებდა: "გელასო, გელასო", მაგრამ მერე მალევე გამოვასწორეთ: "ყველასო, ყველასოოოო"

მერე ხიდზე ჩამოვსკუპდით და ფოტოები ისე გადავიღეთ. ჯგუფური ფოტო გელამ გადაიღო პაატას აპარატით. იმედია პაატა გვაღირსებს, როცა იქნება

პატარა ხევსურს კალმახები დაეჭირა მდინარეში

Mta Mkvarebia · Post by **Mta Mkvarebia** » 12 აგვ 2009, 14:12

მერე ორწყალს (ორი მდინარის შესართავს) მოვუახლოვდითო, გვითხრა მარიმ და აქ უნდა დავილოცოთო, გამოაძვრინა საიდანღაც ღვინით სავსე ბოთლი, პური და ყველი

Mta Mkvarebia · Post by **Mta Mkvarebia** » 12 აგვ 2009, 14:12

Mta Mkvarebia · Post by **Mta Mkvarebia** » 12 აგვ 2009, 14:13

Mta Mkvarebia · Post by **Mta Mkvarebia** » 12 აგვ 2009, 14:44

ბანაკთან მოახლოებულებმა მაშინვე შევნიშნეთ გიგანტური კოსმიური ხომალდი ჩვენი კარვებს შორის რომ აღმართულიყო. კობას პაატას სამოთახიანი კარავი წამოეღო და მის ფონზე ჩვენი კარვები ჯუჯათა საცხოვრისებად მოჩანდა

. პაატას ვუთხარი კიდეც, რომ მცოდნოდა ასეთი მაგარი კარავი გქონდა მის წამოღებას როგორ არ გირჩევდითთქო. თავიდან რომ გვითხრა დიდი კარვის წამოღებას ვაპირებო, რადგან ადგილები საკმარისი გვქონდა, გადავაფიქრებინეთ, მძიმე იქნება და მისი ტარება ცხენებს გაუჭირდებათთქო. სწორედ ამ დროს წვიმამ დასცხო, ჰოდა თავი ამ ხომალდში შევაფარეთ და მოვკალათდით. რა თქმა უნდა, ყველანი დავეტიეთ

(ფეხზე მდგარი ადამიანი თავისუფლად ეტეოდა მთელი სიმაღლით

)

მარი და ყველასთვის ნაცნობი და საყვარელი ზვიადი

მერე საკართანოს ბახუსიდან ოდნავგამოფხიზლებულებმა სადღეგრძელოების სმა ლუდით გავაგრძელეთ. კოსმოსურ ხომალდში გაზის ქურაც შემოვიტანეთ და ზვიადმა გემრიელი სოსისებიც მოგვიხარშა

.

Mta Mkvarebia · Post by **Mta Mkvarebia** » 12 აგვ 2009, 14:48

გელამ თავისი სიმღერები იმღერა და დაუკრა

. მოგვნატრებია მისი "თუშეთის მთებიდან ხევსურეთს წაგიყვანნნ........., ან "არხოტის ცასავით ლურჯი გაქვს თვალებიიიიიიი.....", ან კიდევ ყველასთვის საყვარელი - "ნაბიჯებს, ნაბიჯებს, ზედ გულზე რატომ მაბიჯებ, მაბიჯებ..."

სულგანაბული საზოგადოება

გოგოებმაც მშვენივრად იმღერეს. ახლაც ჩამესმის მათი "ჭყინტი ყველის ჭამა მიყვარს, კბილის გაკრაჭუნებაო....

".

სიმღერებს საინტერესო საუბრები ენაცვლებოდა, ბევრი რამ მოგვითხრეს.
უკვე გვიანი იყო რომ დავიშალეთ.

Mrs. Robinson · Post by **Mrs. Robinson** » 12 აგვ 2009, 15:55

მაგრებო! ყოჩაღად გივლიათ!!!!!!!!

მთაშენკა მადლობა. შენი ფოტოების თვალიერება ყოველთვის მიყვარს, თითქოს უმნიშვნელო დეტალსაც რომ არასდროს ტოვებ უყურადღებოდ.
ნამდვილად მშვენიერი რეპორტაჟია. აქ დარჩენილებს თუშეთ-ხევსურეთი თავის ლამაზი ფერებით და შეგრძნებებით ჩამოგვიტანე....

პ.ს. პატარა თაია როგორი გოგო გახდა? ფოტო ხომ არ გაქვს შემთხვევით?

Mta Mkvarebia · Post by **Mta Mkvarebia** » 12 აგვ 2009, 16:00

Mrs. Robinson
მიხარია, თუ მოგეწონა ჩემი თვალით დანახული თუშეთ-ხევსურეთი, მარი

თაიას ერთხელ მოვკარი მხოლოდ თვალი, რომ მივესალმე და მოვიკითხე, მერე სადღაც დაგვეკარგა, ჰოდა ფოტოს გადაღებაც ვერ მოვახერხე

, მაგრამ პაატა გადაიღებდა, 2 დღე მათთან ერთად იყო.

შემდეგ დილით ადრე ავდექით და გამოსამგზავრებლად მოვემზადეთ. კარვები ავკეცეთ, ბარგი მინიბუსში ჩავალაგეთ და გამოვემგზავრეთ.

გზად მუცოში გავჩერდით, ვინც წინა დღეს ასვლა ვერ მოახერხა, იმ დრეს მოინახულა ციხე.

მე კვლავ ყვავილების გადაღება ვარჩიე

Mta Mkvarebia · Post by **Mta Mkvarebia** » 12 აგვ 2009, 16:03

მერე გავემართეთ შატილისკენ, მაგრამ გზად ანატორი მოვინახულეთ

Mta Mkvarebia · Post by **Mta Mkvarebia** » 12 აგვ 2009, 16:05

ცეკვა ხევსურული

ცეკვა ხევსურული II

ისეთი მოსიყვარულე ძაღლი შეგვხვდა შატილშიც, კინაღამ გადაგვყარა მე და მარი საცალფეხო ხიდიდან მდინარეში

Mta Mkvarebia · Post by **Mta Mkvarebia** » 12 აგვ 2009, 16:20

შატილიდან გზა გავაგრძელეთ და რადგან წვიმამ მოგვისწრო, დათვისჯვარზე გადასვლა გზის ატალახებამდე გვერჩივნა, კისტანთან და ლებაისკართან მხოლოდ ფოტოების გადასაღებად შევჩერდით

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS