II-III ბილიკი, ბორჯომ-ხარაგაული, 12-14 ივნისი 2009წ.

Ninukala · Post by **Ninukala** » 16 ივნ 2009, 14:30

მეგობრებო... თქვენ სამოთხეში ყოფილხართ.... რა სილამაზეა....

Mta Mkvarebia · Post by **Mta Mkvarebia** » 16 ივნ 2009, 14:30

ქოხში თავშეფარებულებმა წავიხემსეთ, სველი ტანსაცმელი გავიშრეთ და შემდეგ ეროტიული და ამურული პოეზიის ნახევარსაათეული მოვაწყვეთ

პოეტები:

(წაგვიკითხა: "ცამეტი წლის ხარ" რუსულად

)

ამათ აღარ მახსოვს რა წაიკითხეს, თუ უბრალოდ უსმენდნენ

Mta Mkvarebia · Post by **Mta Mkvarebia** » 16 ივნ 2009, 14:30

გავშრით და გავაგრძელეთ გზა

მაგრამ მალე ისეთი დაუშვა, ხელახლა გავილუმპეთ. და აღარც გადაუღია, შეუსვენებლად წვიმდა, ზურგჩანთები უზარმაზარ პარკებში გვქონდა გახვეული მაგრამ მაინც დაასველა. ფოტოებიც აღარ გადამიღია.
ოჭორადან სამი საათი მოვდიოდით თითქმის, თუმცა მოვდიოდით სწორი ფორმა არ არის, მოვაბოტებდით ტალახებში, გუბეებში, წვიმის მდინარეებში, ნამდვილ მდინარეებში ქვებზე გადახტომის გარეშე მივატოპებდით და ასე მივაღწიეთ კოტეჯამდე, შეძლებისდაგვარად გამოვიცვალეთ სველი ტანსაცმელი, ვინც მშრალი გამოსაცვლელი ტანსაცმელი აღმოაჩინა ზურგჩანთებში. ჩავბარგდით და გავუდექით გზას ბორჯომისკენ, სადაც კავკასიკა გველოდა. გზის ის რთული, ტალახიანი მონაკვეთი ადვილად გადავლახეთ, თიკომ ხერხი იხმარა და ლიანდაგებზე ავიდა, ისე აუარა ტალახიან გუბეს გვერდი.

Mta Mkvarebia · Post by **Mta Mkvarebia** » 16 ივნ 2009, 14:42

მივედით ბორჯომში, კავკასიკა გზაზე გამოგვეგება

Mta Mkvarebia · Post by **Mta Mkvarebia** » 16 ივნ 2009, 14:45

მერე კავკასიკამ ჩაიზე და ყავაზე შეგვიპატიჟა. ნაწილმა ვიუარეთ, თბილისში გვეჩქარებაო, მაგრამ ილია ვერ დავაკავეთ

, ამიტომ მიპატიჟება მივიღეთ. კიდევ ერთხელ დიიიიიიიდი მადლობა კავკასიკას

რას ილუკმება?

მერე დავემშვიდობეთ გიოს და გამოვეშურეთ თბილისისკენ.

ესაა ჩემი კომენტარი კი არადა რეპორტაჟი

მობილურით გადაღებული რამდენიმე ფოტო მაქვს და მოგვიანებით დავდებ.

QEBURIUS · Post by **QEBURIUS** » 16 ივნ 2009, 14:49

ქალებო ეგეთინ წითლები....მთვრალები ხართ, დაბოლილები თუ.....,.,.

ZVIOSULI · Post by **ZVIOSULI** » 16 ივნ 2009, 15:15

მაქეთ მხარეში სოფლები ან მოსახლეობები რატომ არ არის?

კაი გასვა გქონიათ
მოგიწონეთ
შეგაქეთ
მომენატრეთ

Mta Mkvarebia · Post by **Mta Mkvarebia** » 16 ივნ 2009, 15:22

kurush
დამწვრები, სიყვარულით არა ოღონდ

ZVIOSULI

ეროვნული პარკის ტერიტორიაზე მწყემსების საზაფხულო აგარაკებია. სოფელი ოჭორაც ერთერთი ასეთია. მანდ აწყურელი მწყემსები აძოვებენ საქონელს და ზამთარში ანუ უკვე სექტემბრიდან ბარში, აწყურში ჩადიან.

ჩვენც მოგვენატრე, გამოჩნდი მერე

TuTa · Post by **TuTa** » 16 ივნ 2009, 15:52

ეს ყვავილები ივლისში არ მახსოვს, ულამაზესია

მთაშენკა ახალი ფოტოაპარატი გაქვს? გილოცავ შენ და სრულიად კარავს

Mta Mkvarebia wrote:რაც უფრო მაღლა მივიწევდით მცენარეთა საფარი უფრო ლამაზდებოდა

მთის ტიტები:

ამ ყვავილმა კი ყველა მოხიბლა თავის შეფერილობით

nusa · Post by **nusa** » 16 ივნ 2009, 16:05

მმ... აი როგორ ველოდი ამ რეპორტაჟს რა...

მოლონიები გამიმართლდა

, მართლაც ულამაზესი 2 დღე გაგიტარებიათ...

ეს რა ფოტოებია?!....

გადავირიე... სამოთხეა დედამიწაზე!
ლიკ, ჩვეულ ფორმაში ხარ, რეპორტაჟების დედა ხარ! ინფორმაცია + დასურათება! ყოოჩAღ!
შეიძლება ადამიანმა შენი მონათხრობით გაიკვლიოს გზა, კითხვა/დათვალიერებით გამოწვეულ სიამოვნებაზე რომ აღარაფერი ვთქვა

ილო, ვანსკი
მერე რა რომ უკმენტაროდაა, მაინც მაგარი ფოტოები გადაგიღიათ

ყვავილებისთვის მადლობააააა

ხო, კიდევ რამოდენიმე ფოტოგრაფი შევნიშნე და ფოტოების დადება დავაძალოთ რა...

გაიხარეთ ხალხ, თვალს და გულს უხარიხართ! და ენატრებით!

Mta Mkvarebia · Post by **Mta Mkvarebia** » 16 ივნ 2009, 16:11

TuTa
nusa
დიდი მადლობა სიხარულებო, მიხარია თუ ისიამოვნეთ

კი თიკოს, დეივბრუდეკს და და ოთო-ფოტოს არ დაუდიათ ჯერ ფოტოები. მთელი სიამოვნება წინაა

თიკო ვერ იცლის, დეივბრუდეკი გააქტიურებას ელოდება, ოთო-ფოტოს კიდევ გამოცდები აქვს. ვაცადოთ ცოტა ხანს

Monadire · Post by **Monadire** » 16 ივნ 2009, 17:22

ძალიან ნასიამოვნები,დასვენებული გახლავართ. ჯერ ისევ ემოციებში..
საოცარი ბუნება იყო .რეპორტაჟიც ზედმიწევნით აღწერს მას.
მეოთხე ბილიკთან შედარებით ეს II â€“III მართლაც ზღაპარი აღმოჩნდა .
ჯერ ადრეაო , ყვავილები არ იქნებაო , მარა შენც არ მომიკვდე..რაღა არ ყვაოდა?!
საღალატოს სერზე რომ ვნახე,ეგეთ სილამაზეს მართლაც არ ველოდი .
მაგრამ ამ სილამაზეზე მეტად მე პირადად მთა მყვარებიამ განმაცვიფრა.
საიდან აქვს ამდენი ენერგია ამ ადამიანს ვერ ვხვდები.
ერთი არ დაუწუწუნია არსად..
გზაზე სიარული გინდა,სუფრის-გაშლა ალაგება, ხალხის დაბინავება, მათზე მზრუნველობა, სურათები, ყველას ლიკა ეკერა პირზე ფიგაროსავით და ბოლოს ეგეთი რეპორტაჟი.
ცეცხლი ხარ ცეცხლი..
მეორე ჭიქაში რომ ვსვამდით შენს სადღეგრძელოს, ნამდვილად სწორად ვიქცეოდით.

აა ესაა ჩემი კომენტარი

Mta Mkvarebia · Post by **Mta Mkvarebia** » 16 ივნ 2009, 17:55

Monadire

ჰაჰააა, ლიკა არა ოღონდ, ვინ მეძახის ლიკას ნეტა?

აი დაწუწუნების რა გითხრა, ცუდად რომ გავხდი მაშინ ხომ ვიწუწუნე

, მაგრამ არაფერი, მალე გადამიარა

ფიგაროზე გამახსენდა, მაგრად ვიხალისე, კავკასიკასთან რომ ვიყავით და ნამცხვრები რომ დავჭერი, მაგიდასთან მოვიტანე და გავიფიქრე უკვე დასხმულ ყავას უცებ გადავკრავთქო, და დაჩიმ რომ შემაჩერა, მერე ფოტოებს ვინ გადაიღებსო?

კომენტარი ჰო, მაგრამ ფოტოები სადაა? იეტი მობილურის ბიძაშვილით ხომ იღებდი?

Monadire · Post by **Monadire** » 16 ივნ 2009, 18:50

mTa myvarebia
აქ ისეთი ფოტოები დევს და დაიდება კიდევ, რომ ჩემების დადება მცხუენია.

anano · Post by **anano** » 16 ივნ 2009, 22:15

ვაიმე დედააა

ეხლა ორმაგად მწყდება გული,რომ ვერ წამოვედი.....

..თუმცა ისიც ვიცი ამ მუხლით ვერ ვივლიდი:(

ფოტოგრაფებს ჩემი დიდი პატივისცემა... ულამაზესი ფოტოებია....დანარჩენებთან ერთად, თქვენდამი კეთილი შურით ვარ განწყობილი

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS