ჩემი სოფელი

guruli · Post by **guruli** » 21 აპრ 2009, 18:07

Makena

თუმცა ჯერ ყველაფერი წინ გვაქვს ასერომ ზემოხეთის სილამაზით დატკბობა მომავლის საქმეა.

ათაბაგ, რაკიღა შენ ამ თემაში შემოგიტყუე, იმედია, ზემოხეთშიც გაგიტყუებ.

რამდენიმე დღეში კიდევ დავდებ რამდენიმე ფოტოს.

guruli · Post by **guruli** » 03 ივნ 2009, 16:08

ჩემი სოფლის კიდევ რამდენიმე ფოტო, ოღონდ ბევრი ჩემი არაა და თან - უბრალო მობილითაა გადაღებული. ამიტომ ხარისხზე - ბოდიში.
სადათვიის ჩანჩქერი, ერთ-ერთი ყველაზე ცნობილი ადგილი და ყველაზე ლამაზი ჩანჩქერი. მანდ საბანაოცაა, თუმცა ერთი პატარა გუბეა. იმდენად დაბურული ხეობააა, ზაფხულში მზის სხივიც ვერ ატანს და რაც უნდა სიცხე იყოს, მანდ სულ გრილა.

ესეც იგივე ჩანჩქერი. მაგის თავზე კიდევ ორი ჩანჩქერია - შედარებით პატარები, რომლებიც სამკუთხედს ქმნიან. ეს სამკუთხედი პატარა ტაფობია, ასევე ხეებით დაფარული და გრილი, თითქოს ბუნებას საგანგებოდ მოუწყვია საქეიფოდ. მანდ ახლოს, დაახლოებით 50 მეტრის რადიუსში 5-6 ჩანჩქერი კიდევაა - იმათგან ზოგის ფოტო უკვე დავდე.

ეს სხვა ჩანჩქერია

იდეაში, ეს სურათი - ზამთრის პეიზაჟი, კარგ რამედაა ჩაფიქრებული - სუროიანი კაკლის ხე, მაგრამ ხარისხი ვერაა კარგი.

ფოტოზე ამ ადგილის სილამაზე კარგად არ ჩანს. მაგას ეძახიან ქვაბას და მართლაც ქვაბივით ჩაღრმავებულია - ორივე მხარეს მაღალი კლდეების გალავანი მიუყვება და ესეც იმდენად დაჩრდილული და გრილი ადგილია, რაც უნდა გვალვები იყოს, ნესტი არასოდეს შრება და მუდამ საკაიფო სიგრილეა.

ესაა სოფლის სამხრეთი საზღვარი. მაგ მთების გადაღმაა სუფსის ხეობა და გიო-ჰორუსის მშობლიური სოფელი - შუასურები. სურათის მარცხენა კიდეში, სულ ბოლოს, შორს რომ მომრგვალებული მთა ჩანს, მაგის დაბლაა. მაგ მთას საყინულეს ვეძახით, რადგან ყველაზე პირველად მანდ გადმოთოვს-ხოლმე, თუმცა გეოგრაფიულად ყვითელოური ჰქვია და სურებლებიც მასე ეძახიან, მაგრამ მესამე სახელიც აქვს - კოკოცა.

მე მხოლოდ ერთხელ ვარ მანდ ნამყოფი და ულამაზესი ტყეებია.
მაგავე სურათზე მარჯვნიდან მეორე მთას კინჩხას ვეძახით და მაგის გადაღმა ნოე რამიშვილის სოფელია - დიდვანი, რომელსაც ადრე ქვემო სურები ერქვა. მაგ მთაზეა ცივზე ცივი დადიანის წყარო, ისიც ცნობილი და ძაან ლამაზი ადგილია. სამწუხაროდ, ჩემი სოფლის ტოპონიმიკაზე ბევრი არაფერი ვიცი და ვერც ის დავადგინე, რატომ ეძახიან დადიანის წყაროს.

ესეც თითქმის იგივე მთებია, მაგრამ უფრო აღმოსავლეთით გადანაცვლებული, ორკეს მთისკენ.

ესეც თვით ორკეს მთა და დღეს ამით დავამთავრე.

Kakha · Post by **Kakha** » 03 ივნ 2009, 16:51

guruli
ვაჰ, რა ჩანჩქერებია, რა სიგრილე მოდის ფოტებიდან....

guruli · Post by **guruli** » 03 ივნ 2009, 17:02

Kakha

guruli
ვაჰ, რა ჩანჩქერებია, რა სიგრილე მოდის ფოტებიდან....

ჩანჩქერები ერთია და ტყეები - მეორე.

თუმცა ზაფხულში ტყეებში მაინც ცხელა, მანდ კი სულ სიგრილეა.
ამ ზაფხულს წაგიყვანთ მანდ კარაველებს - თქვენი ფოტოები ბევრად უკეთ აღნუსხავს იმ სილამაზეს.

qvevri · Post by **qvevri** » 16 ივნ 2009, 21:07

ჩემი სახლი ჩემს სოფელში

guruli · Post by **guruli** » 17 ივნ 2009, 00:36

qvevri

ჩემი სახლი ჩემს სოფელში

მიგვიწერე, რომელი სოფელია და გპირდებით, არ წაგართმევთ.

ისე, დასავლეთს ჰგავს. რა მშვენიერი მდელოა წინ!

ფეხბურთის სათამაშო მოედანია.

qvevri · Post by **qvevri** » 17 ივნ 2009, 09:31

guruli wrote:qvevri
ჩემი სახლი ჩემს სოფელში
მიგვიწერე, რომელი სოფელია და გპირდებით, არ წაგართმევთ.
ისე, დასავლეთს ჰგავს. რა მშვენიერი მდელოა წინ! ფეხბურთის სათამაშო მოედანია.

იმერეთი, ვანის რაიონი სოფელი ფერეთა.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS