16-17.05.09. სამწევრისი-მზოვრეთის მამათა მონასტერი-ყინწვისი

zura N. · Post by **zura N.** » 21 მაი 2009, 00:46

ცოტა ხანში გზა განვაგრძეთ მზოვრეთისკენ...

zura N. · Post by **zura N.** » 21 მაი 2009, 00:49

ნელ-ნელა ვუახლოვდებით...

ავედიიიით...

zura N. · Post by **zura N.** » 21 მაი 2009, 00:59

მონასტერში ჩემი ნაცნობი არქიტექტორი დაგვხვდა აწ უკვე მონასტრის მორჩილი...

და კიდევ დიიიდი ცუგო...

ეს ადამიანი იყო ჩვენი გიდი მონასტერში (უფრო სწორედ მონასტერს ეხლა აშენებენ ციხე-სიმაგრეში... ამჟამად გაწმენდითი სამუშაოები მიმდინარეობს. ციხის შიდა ეზო ამოვსებულია მიწით...

)

zura N. · Post by **zura N.** » 21 მაი 2009, 01:03

ციხის ქვედა კოშკი...

შიგნით მოხალისეთა ჯგუფი მუშაობდა...

ძალიან დიდი საქმე გააკეთეს ეს კედლები თითქმის სულ მიწით იყო ამოვსებული და ხელით ასუფთავებდნენ... თითქმის 3 სართული იყო მიწაში...

ესეც გარედან ციხის კედელი...

ninia · Post by **ninia** » 21 მაი 2009, 03:22

ვინმეს რომ ეთქვა მონასტრამდე ასულებისათვის უკან დაბრუნდით და ხელმეორედ გამოიარეთ იგივე გზაო, უსიტყოდ დავემორჩილებოდით, იმ სულიერების აღქმის სანაცვლოდ, რაც ჩვენ იქ, ღრუბლებს შეკედლებულ მონასტრში შევიგრძენით

ეზოში შესვლისთანავე განსაკუთრებულად ამაღლებული განწყობა დაგვეუფლა. მონასტრის არქიტექტორი ზურა ნ.-ს კარგად იცნობდა, რადგან სწორედ ზურა ნ-ს მიუძღვის უდიდესი წვლილი მონასტრის სამრეკვლოს დაპროექტებაში

ბატონმა ზაზამ (მონასტრის არქიტექტორმა) შესანიშნავი მასპინძლობა გაგვიწია

მოგვატარა მონასტრის მიდამოები და დეტალურად აგვიღწერა მიმდინარე სამუშაოები. ამჯერად 2-3 სართულის დონეზე ამოღებული აქვთ მიწა და ვარაუდობენ რომ შესაძლებელია მიწა კიდევ რამდენიმე სართულს ფარავდეს. ბატონმა ზაზამ საინტერესო ინფორმაცია მოგვაწოდა მონასტრის შესახებ

მზოვრეთის წმ. იოანე ზედაზნელისა და 12 მოწაფის სახელობის მამათა მონასტერი გაიხსნა 2008 წლის 1 მაისს. ტაძარი იკურთხა 2008 წლის 20 მაისს მონასტრის დღესასწაულზე (ზუსტად 1 წლის წინ

). ტრაპეზი აკურთხა მროველ-ურბნელმა მიტროპოლიტმა იობმა(აქიაშვილმა) და მესტიისა და ზემოსვანეთის ეპისკოპოსმა ილარიონმა(ქიტიაშვილმა).
ძველად მონასტრის ადგილას ციხე-სიმაგრე იყო აღმართული, რომლის კედლებშიაც საბრძოლო თვალსაზრისით ალაგ-ალაგ თაღები იყო დატანილი. საქართველოს გასაჭირის ჟამს, ეს ციხე ქართველ მეფეთა საუკეთესო თავშესაფარს წარმოადგენდა, მტერი უძლური ხდებოდა მათ წინააღმდეგ ბრძოლაში და უკან იხევდა. მისი აღება მხოლოდ თემურ-ლენგმა მოახერხა ქვის სატყორცნი საშუალებების გამოყენებით (თუ არ ვცდები 1403 წელს) გიორგი VII-ის მეფობის დროს. მეფე გიორგი კი სავარაუდოდ საიდუმლო გვირაბიდან გაპარულა.დღეისათვის ეს გვირაბი აღმოჩენილი არ არის.
მოვილოცეთ წმ. იოანე ზედაზნელისა და 12 მოწაფის, ასევე წმინდა გიორგის სახელობის ტაძრები

ტაძრიდან გამოსულები ბატონმა ზაზამ ბერების კელიების მოსნახულებლად წაგვიყვანა მოპირდაპირე მხარეს. გზად ძველისძველი ჭურჭლის ნატეხი შენიშნა მიწაზე და შეგვახსენა რომ ამ წმინდა ადგილიდან მცირდეი ნივთის წაღებაც კი არ არის სასურველი, შესაძლოა მიწის ამოღების დროს ძვლებიც კი აღმოჩნდეს, მაგრამ ყველაფერი მონასტრის ტერიტორიაზე უნდა დარჩესო

ამასთან დაკავშირებით გაახსენდა ერთი ისტორია: თურმე მეზობელ სოფლად ერთ-ერთ მონასტერს საკუთარი ტყე ჰქონია. ამ ტყეს კარგად უვლიდნენ და უფრთხილდებოდნენ

ამავე სოფელში ცხოვრობდა ერთი ურწმუნო კაცი, რომელმაც გადაწყვიტა რომ მონასტრის ტყეში შეშა მოეჭრა. წაიყვანა ხარები და წავიდა ტყეში. თანასოფლელები აფრთხილებდნენ და სთხოვდნენ მონასტრის საკუთრებას ნუ შეეხებიო, მაგრამ ურწმუნომ არ ისმინა მათი. დაჩეხა შეშა და ხარებს შეაბა, თან შესძახა სადაა თქვენი ღმერთიო? ამ სიტყვების წარმოთქმისთანავე ხარები გაუგიჟდა და შეშაც მიეფანტ-მოეფანტა. მეზობლებმა კვლავ გააფრთხილეს, ეხლა მაინც მიხვდი შენი ხარები რამ გააგიჟაო, მაგრამ მან ესეც არ იკმარა. ესაა თქვენი ღმერთი? ხარებს რას ერჩოდა პატრონისთვის ეზღვევინებინაო და მას შემდეგ თვითონაც შეიშალა. 10 წელი ტყეში დარბოდა და ყვიროდაო, 10 წლის შემდეგ კი გარდაიცვალა.
ბატონმა ზაზამ ბერების კელიები დაგვანახა, რომლებიც რა თქმა უნდა ძალზედ მცირე ზომისანი იყვნენ. შემდეგ მამა იოანესთან მიგვიყვანა და გააცნო ჩვენი თავი

მისი დანახვისთანავე გავშეშდით, თითქოს დავმუნჯდით კიდეც, ისეთი საოცარი ნათელი და სიმშვიდე მოდიოდა მისგან. ბერი იოანე (ხვედელიძე)არის მონასტრის წინამძღვარი. მასთან ერთად მონასტრული ცხოვრების წესს 1 სქიმმღვდელმონაზონი და 2 ბერი ეწევა.
ბოლოს ბატონმა ზაზამ უკან დასაბრუნებლად მოკლე გზით წასვლა გვირჩია და ბილიკებზეც მიგვანიშნა

გადმოცემა მიჭირს იმ განცდისა რა განცდითაც ჩვენ უკან ვბრუნდებოდით

caucasicas_da · Post by **caucasicas_da** » 22 მაი 2009, 21:45

ესეც მამაოს სენაკი.. ზომებში როგორც გვითხრეს ძალიან პატარაა..

ეს.. ბერ_მონაზვნის სენაკი..

caucasicas_da · Post by **caucasicas_da** » 22 მაი 2009, 21:47

zura N. · Post by **zura N.** » 26 მაი 2009, 19:56

გავაგრძელებ თემას და ფოტოების დადებას...

მამაო..

ესეც მონასტრის შიდა ეზოში...

ეს კი ხედი მონასტრის გალავნის კედლიდან...

zura N. · Post by **zura N.** » 26 მაი 2009, 19:59

ამ გზით მოვედით...

აქ სამრეკლო აშენდება ამ დროებითი გადახურვის ნაცვლად...

ეს კარის ნაწილი სხვა მონასტრიდანაა მოტანილი... ძალიან ძველია...

zura N. · Post by **zura N.** » 26 მაი 2009, 20:04

შესასვლელში...

ესეც ჩვენ...

ეს კი მარიამი და ნინია მონასტრის გარეთ...

ესეც კოშკში...(სამწუხაროდ კოშკი ძალიანაა დაზიანებული და დანგრეული...

)

zura N. · Post by **zura N.** » 26 მაი 2009, 20:10

უკან მოკლე ბილიკით დავბრუნდით რომელიც ფერდზე ეშვებოდა...

და დავტოვეთ მზოვრეთი...

ჩვენმა მასპინძელმა ბილიკი გვაჩვენა და ცოტაც გამოგვაცილა...

ჩვენც გამოვეშურეთ ყინწვისისკენ...

zura N. · Post by **zura N.** » 26 მაი 2009, 20:16

ხევში რომ ჩამოვედით მოგვშივდა და ცოტა წავისადილეთ...

...და გავუყევით ყინწვისისკენ გზას...საკმაოდ ბევრი გვქონდა სავალი.. სოფ. ორთუბანში რო მივედით ერთმა კაცმა გვკითხა: "საით მიდიხართო?" ჩვენც ვუპასუხეთ ყინწვისშიო... ხოდა წაგიყვანთ იქეთ მივდივარო და წაგვიყვანა თავის სატვირთოთი და ყინწვისის ეკლესიის ასახვევთან ჩამოვედით...

საიდანაც 3.5 კმ გვაშორებდა ყინწვისამდე...

zura N. · Post by **zura N.** » 26 მაი 2009, 20:20

19:45 სთ-ზე ვიყავით ყინწვისში...

მზის ჩასვლისას ძალიან ლამაზი იყო ყინწვისი...

zura N. · Post by **zura N.** » 26 მაი 2009, 20:22

zura N. · Post by **zura N.** » 26 მაი 2009, 20:27

ყინწვისიდან მალე წამოვედით. დაღამებამდე კარგი საბანაკე ადგილი შევარჩიეთ და შეშაც მოვიმარაგეთ...

ეს კი მზის ჩასვლისას...

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS