ნიჩბისი - 2009 წლის 8 მარტს

ilia · Post by **ilia** » 09 მარ 2009, 15:05

მშუენიერი ადგილი დაგილაშქრიათ, წელს აუცილებლად მოვინახულებ

L-O-M-I · Post by **L-O-M-I** » 09 მარ 2009, 15:06

ამიგო,

მაგარი ფოტო გამოგივიდა!

Mta Mkvarebia · Post by **Mta Mkvarebia** » 09 მარ 2009, 15:15

ეკლესიაც გამოჩნდა

ასეთი შემაღლებული კიბიანი საკურთხეველი მე პირადად არსად მინახავს

გული დაგვწყდა, გიომ რომ ფოტო დადო, ზედაშეს ის პატარა ქვევრუკა ვერ ვნახეთ. წვიმამ კიდევ უფრო იმატა. ბებო გვეპატიჟებოდა სახლში, "ყველი მაქვს, არაყი მაქვსო". მადლობა გადავუხადეთ, ძალიან გვეჩქარებათქო და ნაბიჯაჩქარებულები მეორე, ფართო გზას გამოვუყევით, რომელიც როგორც მივხვდით, პირდაპირ ციხიდან მოდიოდა. მაგრამ ბებო კვლავ ჩვენ გამოგვყვა, "მეც მაქეთ მოვდივარ, შვილოო"

მერე ნაიას რომ ვკითხე, რაზე გესაუბრებოდათქო, მიპასუხა: "უცოლო ბიჭი მყავს, ცოლის მოყვანა არ უნდა. ახლანდელი ტინგიცა გოგოები არ მომწონს, სადღა არიან შენისთანა კარგი გოგოებიო"

ასე მხიარულად გავაგრძელეთ გზა უმზეურას ეკლესიისკენ, რომელსაც კითხვა-კითხვით მივაგენით. და ისიც გავარკვიეთ, რომ წმ. ნიკოლოზის ეკლესია და უმზეურა სხვადასხვა ძეგლი ყოფილა. რაც მართლა ლოგიკურია, რადგან სახელწოდებიდან გამომდინარე, "უმზეურა" ხეობაში უნდა ყოფილიყო, სადაც მზის სხივები ნაკლებად ხვდება. წმ. ნიკოლოზის ტაძარი კი გაშლილ ადგილზეა.

burdula · Post by **burdula** » 09 მარ 2009, 15:16

მშვენიერი ლაშქრობა გქონიათ

Mta Mkvarebia · Post by **Mta Mkvarebia** » 09 მარ 2009, 15:30

გზის ნაწილი ფეხით გავიარეთ. ტალახის ზელვამ ჩვენც მოგვიწია

გზად ნიში ვნახეთ

უმზეურა გამოჩნდა

თვთისმშობლის სახელობის ამ ეკლესიამ იმით გაგვაკვირვა, რომ საკურთხეველი აღმოსავლეთით კი არა დასავლეთითაა

ტაძარში ბლომად იყო თვითნასწავლი მხატვრის დაწერილი ხატები

კარევზე კი ასეთი მოქარგული ტილო იყო გაკრული

მოგვეწონა "უმზეურაც" და ხეობაც. ძალიან ლამაზი იქნება გაზაფხულზეც და ზაფხულშიც. მაგრამ ისეთი დანაგვიანებულია

. იდეა გაგვიჩნდა, დასუფთავების პატარა აქცია მანდ მოვაწყოთ. თუმცა მის განხორციელებას ბევრი ხალხი არ დასჭირდება.

TuTa · Post by **TuTa** » 09 მარ 2009, 15:47

L-O-M-I wrote:

ამიგო,

მაგარი ფოტო გამოგივიდა!

გეთანხმები, სრულად გადმოსცემს იმ ადგილზე ყოფნის განცდას

L-O-M-I · Post by **L-O-M-I** » 09 მარ 2009, 15:53

TuTa
კარგ ამინდსჰი ღირს ასვლა

Mta Mkvarebia · Post by **Mta Mkvarebia** » 09 მარ 2009, 16:15

მერე იმ თავსხმა წვიმაში წავიხემსეთ. ჯერ კიდევ როდის ვიზახდი: "მშია, მშიათქო"

შემდეგ წმ. ნიკოლოზის სახელობის უგუმბათო ეკლესია ვნახეთ

ეკლესია ასეა შემინული

როგორც ადგილობრივმა მცხოვრებმა მოგვითხრო. ლეგენდის მიხედვით, წმ. ნიკოლოზის სახელობის, ღვთისმშობლის სახელობის ეკლესიაბს და ციციშვილების ციხეს ერთი და იქივე ადამიანი აშენებდა, ზაზა ციციშვილი-ფანასკერტელის დაკვეთით. მცხეთის ეპისკოპოსს ენა მიუტანეს, ერთი კაცი აკეთებსა ამ ყველაფერსო, მასაც დაუბარებია არქიტექტორი მცხეთაში. მაგრამ ამ უკანასკნელს უფიქრია, ბარემ ამ ტაძრის გუმბათის ყელს ამოვაშენებ და მერე ჩავალო. მაგრამ იძულებული გამხდარა ეპისკოპოსის ნებას დაყოლოდა. გაბრაზებულ ეპისკოპოსს კი ცხენებზე გამოუბია არქიტექტორი და სვეტიცხოვლის გალავნისთვის ორჯერ თუ სამჯერ შემოუტარებია. ოსტატი გარდაიცვალა და გუმბათის დასრულება ვერ შეძლო. ახლა ტანხებია გამოყოფილი და პროექტიც არსებობს, რომლის მიხედვითაც 7-მეტრიანი გუმბათი უნდა დაადგან ეკლესიასო.

qvevri · Post by **qvevri** » 09 მარ 2009, 16:18

ჩემი მდაბალი სალამი და მოწიწება ამ თემის იდეის ავტორთა და შემსრულებელთ. ფრიად მომეწონა ეს თემა და ვწუხვარ, რომ მოუცლელობის გამოისობით ვერ წამოვედი თქვენთან ერთად, როგორც ვთქვი მე და მარიამი რუის-ურბნისში გახლდით. სურათებში ერთი ჩუქურთმაზე არაბული წარწერა ამოვიცანი და ადგილი მეცნო... ეს უნდა იყოს არმაზის ღიაცისქვეშ მუზეუმი, უფრო სწორედ ის რაც მუზეუმიდან დარჩა და მანდ სხვა სურათი არ გადაგიღიათ? მანდ ჯერ კიდევაა შემორჩენილი რამოდენიმე საინტერესო ექსპონატი.

amigo · Post by **amigo** » 09 მარ 2009, 16:35

qvevri
მე ადრე მაქვს გადაღებული მანდაური ექსპონატები. ამ ჯერად მხოლოდ ეგ გადავიღე.

ხომ არ იცი სად წაიღეს სხვები? მაგ ტერიტორიას ხომ არ უპირებენ მოწესრიგებას?

Mta Mkvarebia · Post by **Mta Mkvarebia** » 09 მარ 2009, 16:36

წმ. ნიკოლოზის ეკლესიის გვერდით, ღვთაების, მე-4 საუკუნის ეკლესია დგას.

იმავე ადგილობრივის თქმით, ყველაზე ძველი ტაძარი ხეობაში. მალე მისი რეაბილიტაციაც უნდა დაიწყოსო, გვითხრა.

აქ იმ ადგილობრივს ვესაუბრებით:

Mta Mkvarebia · Post by **Mta Mkvarebia** » 09 მარ 2009, 16:44

qvevri
მე გადავიღე რაც კი რამ ჩუქურთმა ვნახე, მანამდე რომ მოვალ, დავდებ

ისე ამოვიზილეთ ტალახში, მცდელობის მიუხედავად ვერაფრით გავსუფთავდით.

მერე ზემოთ მთაზე , დიდგორისკენ მიმავალ გზაზე ეკლესია დავინახეთ. ტავიდან ვერ შევნიშნეთ მარჯვნივ პატარა გადასახვევი, ამ ეკლესიას თურმე კარგად გავცდით და სადღაც მაღლა ასულებმა ზემოდან რომ გადმოვიხედეთ, ჩვენს თვალწინ ასეთი ხედები გადაიშალა. ის ეკლესიაც სადღაც ქვემოთ ჩანდა.

უკან დავბრუნდით, მერე იუს გადასახვევიც ადვილად ვიპოვნეთ და ზოგი ფეხით და ზოგი მანქანით შევუყევით აღმართს

Mta Mkvarebia · Post by **Mta Mkvarebia** » 09 მარ 2009, 16:50

ძალიან ლამაზი ადგილია. ხედებიც ბრწყინვალე, ეკლესიაც საინტერესო, წმ. გიორგის სახელობის. ეტყობა, ლომისის წმინდა გიორგის ეკლესიის მსგავსად, აქაც ამოუტანია ხალხს რკინის ჯაჭვები (თუმცა არა ისეთი დიდი და მძიმე)

TuTa · Post by **TuTa** » 09 მარ 2009, 16:53

Mta Mkvarebia

mTaSenka mSvenieri fotoebia, mokled shens xelshi nebismieri fotoaparati cocxldeba

Mta Mkvarebia · Post by **Mta Mkvarebia** » 09 მარ 2009, 16:54

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS