გურგენიანის იგივე ნინიგორის იგივე ნინოს ხეობის ჩანჩქერი

უკვე შემდგარი ლაშქრობების შესახებ

Moderators: Kakha, Druides, Ketevan Guliashvili, Mta Mkvarebia, Kakha, Druides, Ketevan Guliashvili, Mta Mkvarebia, Kakha, Druides, Ketevan Guliashvili, Mta Mkvarebia, Kakha, Druides, Ketevan Guliashvili, Mta Mkvarebia

User avatar
Kakha
იეტი
Posts: 1931
Joined: 13 ივნ 2005, 10:08
Location: თბილისი
გურგენიანის იგივე ნინიგორის იგივე ნინოს ხეობის ჩანჩქერი

Post by Kakha » 21 ივლ 2008, 14:22

უცხოელებთან (საელჩოში) მოშაუობას ერთი დამატებითი პლიუსი ის აქვს რომ პერიოდულად, კაცმა არ იცის რატომ, გვეპატიჟებიან ხოლმე რაღაც-რაღაც ღონისძიებებზე.

ამჟამად მოგვივიდა მოსაწვევი გარემოს დაცვის სამინისტროდან - გვეპატიჟებოდნენ ლაგოდეხის ნაკრძალში ერთ დღიან საინფორმაციო და, როგორც ახლა ამბობენ, "პრომოუშენ" ტურზე როლის დროსაც გურგენიანის, იგივე ნინიგორის და იგივე ნინოს ხევის ჩანჩქერზე უნდა ავსულიყავით.

ვისარგებლე ამ მომწვევით და კვირას, 20 ვილისს, დილას აღმოვჩნდი სამინისტროს მიერ დაქირავებულ უზარმაზარ ავტობუსში. ჩემს გარდა აღმოჩნდა რომ კარვიდან სხვებიც იყვნენ - მირანდამაც ისარგებლა ამ შესაძლებლობით.

ახლა კი რიგით მივყვეთ

1. რეგიონი: კახეთი, ლაგოდეხის რაიონი

2. მარშუტის დასახელება: გურგენიანის, იგივე ნინიგორის, იგივე ნინოს ხევის ჩანჩქერის მონახულება ლაგოდეხის ნაკრძალში

3. ხანგრძლივობა: ერთი დღე

4. სირთულე: მე ვიტყოდი რომ მარტივია, მაგრამ ზოგიერთებს მაინც გაუჭირდათ

5. გასვლის, ლაშქრობის ღირებულება - არ ვიცი, მაგრამ თუ მინიბუს დაიქირავებთ ლაგოდეხამდე ცხადია ფასი გაიყოფა და ეგ იქნება ღირებუელბა

6. მონაწილეთა რაოდენობა -

7. ორგანიზატორი - ჩემს შემთხვევაში გარემოს დაცვის სამინისტრო

8. დანიშნულების პუნქტთან უახლოესი დასახლებული პუნქტი: დაბა ლაგოდეხი და სოფელი ხიზაბავრა (არ აგერიოთ სამცხე-ჯავახეთის ხიზაბავრაში)

9. მარშრუტის სიგრძე ტრანსპორტით: თბილისი- ლაგოდეხი 170 კმ, დაახლოებით 2,5 სთ.
10. ფეხით გავლილი მანძილი: ნაკრძალის შესასვლელიდან ჩანჩქერამდე 7 კმ-ია, შესაბამისად იქით და უკან 14 კმ

11. სანახავი და ყურადღებამისაქცევი ადგილები: თავად ჩანჩქერი და ულამაზესი ლაგოდეხის ნაკრძალის ტყე

12. საბანაკე ადგილები: რამდენიმე საბანაკე ადგილია, ნაკრძალში შესასვლელთან სპეციალურად მოწყობილი ადგილიც კია

13. სასმელი წყალი მარშრუტზე: უამრავი წყარო - მთელ მანძილზე მიყვებით პატარა მდინარეს - ნინოს ხევს, რომლიც ისმევა

14. საჭირო აღჭურვილობა, რჩევები: არ დაგავიწყდეთ საბანაო კოსტუმები

15. გასვლისთვის, ლაშქრობისთვის საუკეთესო დრო: თუმცა ზაფხულს დიდი უპირაესობა ისაა რომ იბანავებთ, მაგრამ დიდი ეჭვი მაქვს რომ გაცილებით ლამაზი იქნება ჩანჩქერზე გასვლა ოქტომბერში, როცა ტყე შემოდგომის ფერს დაიდებს

16. რისკები, საფრთხეები: თუ რამე მნიშვნელოვანი ღონისძიება დაგეგმილი გერემოს დაცვის ან ნაკრძალის ადმინისტრაციის მიერ დაემთხვა თქვენს მერ შერჩეულ დღეს შეიძლება რეინჯერებმა არ შეგიშვან ნაკრძალში, ჯობია დარეკოთ წინასწარ ნაკრძალის ადმინისტრაციაში და წინასწარ შეათანხმოთ

17. უახლოესი ღირსშესანაშნავი ადგილი, რომელიც დროის გახანგრძლივების შემთხვევაში, შეიძლება, ამ გასვლის ფარგლებში ინახოს: ნაკრძალში რამდენიმე მარშრუტია დამუშავებული, ერთდღიანიც და სამდღიანიც - ალპიურ ზონაში ასვლით და ტბის მონახულებით

18. რუქა, ჯი-პი-ეს-მონაცემები - თუ მოვიპოვე დავდებ

19. სასარგებლო საკონტაქტო ინფო: ლაგოდეხის დაცული ტერიტორიების ადმინისტრაციული შენობის
მის: ქ. ლაგოდეხი, ვაშლოვანის ქ #197. ტელ+995 354) 22715;
(+995 99) 385283
(+99577) 101890
დაწვრილებითი ინფორმაცია იხილეთ www.lagodekhipa.ge

დამატებით რჩევა თუ საიდან უნდა მიუდგეთ ჩანჩქერისკენ მიმავალ ბილიკს: თუ გურგენიანის ჩანჩქერის სანახავად გადაწყვიტეთ წასვლა და ლაგოდეხის გზას დაადექით არაა საჭირო ლაგოდეხის ნაკრძალის ადმინისტრაციაში მიხვიდეთ - პირდაპირ გურგენიანის ჩანჩქერისკენ მიმავლი ბილიკისკენ წადით. საქმე იმაშია რომ ლაგოდეხის ნაკრძალი დიდია და მასში რამდენიმე შესასვლელია - ნაკრძალია ადმინისტრაცია დაბა ლაგოდეხშია, ხოლო გურგენიანის ჩანჩქერისაკენ შესასვლელი სოფელ გურგენიანსა და ხიზაბავრას ზემოთაა, მთის (ტყის) ძირში. ნაკრძალის ეს შესასვლელი თბილისიდან წამსვლელებისათვის გაცილებით ახლოა, რომ წარმოიდგინოთ თბილისიდან მიმავლი ტრასა ადგება ლაგოდეხ-ყვარლის დამაკავშირებელ ტრასას. რეალურად ეს გზაჯვარედინია, რადგან ერთი პატარა გზა იქვე შედის ორღობეებში და მთებისკენ მიიწევს. სწორედ ამ პატარა სოფლის გზას უნდა გაყვეთ და მიადგებით გურგენიანის ბილიკის დასაწყის.

მოკლედ, თუ გაუგებრად დავწერე გაითვალისწინეთ მთავარი - როგორც კი თბილისიდან მიმავალი გზა მიადგება ლაგედეხ-ყვარლის დამაკავშირებელ გზას იქვე იკითხეთ გურგენიანის გზა. არ წახვიდეთ ნაკრძალის ადმინისტრაციისკენ ლაგოდეხში, რომელიც მოშორებითაა, ასე 15 წუთის სავალზე მანქანით.
Last edited by Kakha on 22 ივლ 2008, 10:05, edited 2 times in total.

User avatar
Kakha
იეტი
Posts: 1931
Joined: 13 ივნ 2005, 10:08
Location: თბილისი
გურგენიანის იგივე ნინიგორის იგივე ნინოს ხეობის ჩანჩქერი

Post by Kakha » 21 ივლ 2008, 14:46

როგორც კი პოსტი გავაკეთე, კაუკასიკამ ეს დამატებითი ინფო გამომიგზავნა - დიდი მადლობა მას. ხალხო არ აურიოთ გურგენიანისა და ლაგოდეხის ჩანჩქერები - ეს სხვადასხვა ჩანჩქერებია.

ეს კი ნაკრძალში დამუშავებული მარშრუტების აღწერილობა და საკონტაქტო ინფო - კაუკასიკასაგან

რას გთავაზობთ პარკი:
1.საფეხმავლო ტურისტული მარშრუტი “ლაგოდეხის ჩანჩქერი”:
• მარშრუტის ხანგრძლივობა _ 1 დღე;
• მარშრუტის სიგრძე _ 7 კმ;
მარშრუტი იწყება ნაკრძალის ადმინისტრაციული ცენტრიდან, მიუყვება მდინარე შრომის ხევის მარცხენა მხარეს და შედის ხეობაში საფეხმავლო ბილიკით და სრულდება ჩანჩქერთან.
მარშრუტი ვიზიტორებს საშუალებას აძლევს, ნახონ ხელუხლებელი ფართოფოთლოვანი ტყე, სხვადასხვა ჯიშის საუკუნოვანი ხეები, მინერალური გოგირდოვანი წყაროები. ვიზიტორებს აგრეთვე საშუალება აქვთ გზად შეისვენონ სპეციალურად მოწყობილ საპიკნიკე ადგილებზე.

2. საფეხმავლო ტურისტული მარშრუტი “გურგენიანის ჩანჩქერი”:
• მარშრუტის ხანგრძლივობა _ 1 დღე;
• მარშრუტის სიგრძე _ 8 კმ;
მარშრუტი იწყება დაცული ტერიტორიების ადმინისტრაციიდან ავტომანქანით სოფელ ზემო გურგენიანში, ნინოს ხევის ხეობის დასაწყისამდე, შემდეგ ფეხით მიემართება ვიწრო ბილიკით ხეობის გასწვრივ ჩანჩქერამდე. მარშრუტზე ვიზიტორები ნახავენ მრავალსაუკუნოვან ცაცხვის ხეს, კლდეებზე გადმომდინარე ანკარა წყაროებს, მდინარეებზე ბუნებრივად შექმნილ მრავალ კომპოზიციას. ვიზიტორებს აქვთ საშუალება გზად შეისვენონ საპიკნიკე ადგილას.
3. საფეხმავლო ტურისტული მარშრუტი “მაჭის ციხე”:
• მარშრუტის ხანგრძლივობა _ 1 დღე;
• მარშრუტის სიგრძე _ 4კმ;
მარშრუტი იწყება ლაგოდეხის დაცული ტერიტორიების ადმინისტრაციიდან, კერძოდ კი სოფელ მაწიმის უბნიდან და ბილიკით მიუყვება მდინარე მაწიმჩაის პარალელურად “მაჭის ციხემდე”, სადაც V-VI საუკუნის ისტორიულ-კულტურული ძეგლის ნანგრევებია შემორჩენილი. ამ მარშრუტის გავლისას არა არის გამორიცხული ვიზიტორები შეხვდნენ გარეულ ცხოველებს: ირემი, შველი, გარეული ღორი და სხვა.
4. სამანქანო _ საცხენოსნო ტურისტული მარშრუტი “შავი კლდეების ტბა”:
• მარშრუტის ხანგრძლივობა _ 3 დღე;
• მარშრუტის სიგრძე _ 50კმ;
მარშრუტი იწყება ლაგოდეხის დაცული ტერიტორიების ადმინისტრაციიდან, მანქანით გადაადგილდება სოფელ მაწიმში, იქიდან საცხენოსნო ბილიკით მიუყვება მიტოს სერის მიმართულებით ალპური ზონისკენ და გადის სახელწიფო საზღვრის პარალელურად შავი კლდეების ტბის მიმართულებით.

ტურისტული მომსახერეობის ტარიფები
გიდის მომსახურება 1 დღე 35 ლარი
ცხენით მომსახურება 1 დღე 35 ლარი
კარავი 1 დღე 7 ლარი
საკარვე ადგილი 1 დღე 5 ლარი
საპიკნიკე ადგილი 1 დღე 5 ლარი
სასტუმროს ნომერი ვიზიტორთა ცენტრში ორადგილიანი 40 ლარი
სასტუმროს ლუქსი ნომერი
ვიზიტორთა ცენტრში ორადგილიანი 50 ლარი
საკონფერენციო დარბაზით სარგებლობა 1 დღე 100 ლარი

ავტომობილით მომსახურება:
ვიზიტორთა ცენტრი - "გურგენიანის ჩანჩქერი" 20 ლარი
ვიზიტორთა ცენტრი - "მაწიმის" სიანფორმაციო ცენტრი 10 ლარი



ლაგოდეხის დაცული ტერიტორიების ადმინისტრაციული შენობის
მის: ქ. ლაგოდეხი, ვაშლოვანის ქ #197. ტელ+995 354) 22715;
(+995 99) 385283
(+99577) 101890
დაწვრილებითი ინფორმაცია იხილეთ www.lagodekhipa.ge

User avatar
Naia
იეტი
Posts: 7704
Joined: 28 მაი 2007, 12:25
Location: პლანეტა დედამიწა
გურგენიანის იგივე ნინიგორის იგივე ნინოს ხეობის ჩანჩქერი

Post by Naia » 21 ივლ 2008, 15:07

Kakha
რა საინტერესოა

დიდი ხანია ვგეგმავ მაქაურობის მონახულებას

დიდი მადლობა ინფოსთვის :)

User avatar
ნინი_85
იეტი
Posts: 2289
Joined: 29 აგვ 2007, 12:16
Contact:
გურგენიანის იგივე ნინიგორის იგივე ნინოს ხეობის ჩანჩქერი

Post by ნინი_85 » 21 ივლ 2008, 15:12

თემის სათაური რომ წავიკითხე, მაშინვე გავიფიქრე: აქ აუცილებლად უნდა მოვხვდე მეთქი!
დიდი ხანია ლაგოდეხის ნაკრძალის მონახულებაზე ვფიქრობ და ახლა ეს სურვილი გამიორმაგდა...
სამწუხაროდ საიტზე ვერ შევედი, მაგრამ ადმინისტრაციას ტელეფონით დავუკავშირდები ალბათ.

ძალიან მომეწონა მარშუტი, ფასებიც მისაღებია.

მადლობა კახა ინფორმაციისათვის.
იმედია თემას გააგრძელებ და ჩვენც შენთან ერთად გვამოგზაურებ :)
მეაც გავთუშდ მეაც!

User avatar
TuTa
იეტი
Posts: 1392
Joined: 29 ოქტ 2007, 14:11
Location: where the streets have no name...
გურგენიანის იგივე ნინიგორის იგივე ნინოს ხეობის ჩანჩქერი

Post by TuTa » 21 ივლ 2008, 15:16

Kakha

ძალიან საინტერესოა, ფოტოებიც ხომ არ შეგიძლიათ შემოგვთავაზოთ

ალბათ ულამაზესია :)

User avatar
Mta Mkvarebia
მარგალიტი
Posts: 9960
Joined: 23 აგვ 2007, 12:23
Location: ღრუბელზე ვზივარ, მთას ვუცქერ
გურგენიანის იგივე ნინიგორის იგივე ნინოს ხეობის ჩანჩქერი

Post by Mta Mkvarebia » 21 ივლ 2008, 15:25

მეც მინდა მანდ. აუცილებლად გიდის თანხლებით, რომ არცერთი ღირშესანიშნავი და ლამაზი კუნჭული არ დამრჩეს უნახავი :)
Image

User avatar
Kakha
იეტი
Posts: 1931
Joined: 13 ივნ 2005, 10:08
Location: თბილისი
გურგენიანის იგივე ნინიგორის იგივე ნინოს ხეობის ჩანჩქერი

Post by Kakha » 21 ივლ 2008, 15:26

ჯერ გზა ასეთ ტყეში მიდის
Image

მერე და მერე კი სულ მდინარეს მიუყვება
Image

მდინარეზე რამდენიმე ადგილას უნდა გადახვიდეთ და გადმოხვიდეთ - პატარა ხიდებია გაკეთებული - ფეხსაც კი არ დაისველებთ
Image

ალაგ-ალაგ ან გადმოქცეული ხის ქვეშ უნდა გაძვრეთ ან პირიქით ხეზე უნდა გადაცოცდეთ. ჩანჩქერს რომ მიუახლოვდებით პატარა საძრომილოცაა, მაგრამ არაა რთული, პირიქით სახალისოა

და ბოლოს მიადგებით ჩანჩქერს
Image

User avatar
Kakha
იეტი
Posts: 1931
Joined: 13 ივნ 2005, 10:08
Location: თბილისი
გურგენიანის იგივე ნინიგორის იგივე ნინოს ხეობის ჩანჩქერი

Post by Kakha » 21 ივლ 2008, 15:30

Mta Mkvarebia
არ ვარ დარწმუნებული რომ ამ მარშრუტზე გიდი საჭირო იყოს - როგორც ხევსურეთის გზაზე თქვა ვიღაცამ - მანდ როგორც წყალქვეშა ნავში ისე ხარ, ვერ აცდები გზას და ვერ დაიკარგებიო - აქაც იგივე სიტუაციაა, თუ ლამა არ ხარ ვერ დაიკარგები და ალბათ ლამაც კი ვერ დაიკარგება :wink:

User avatar
Kakha
იეტი
Posts: 1931
Joined: 13 ივნ 2005, 10:08
Location: თბილისი
გურგენიანის იგივე ნინიგორის იგივე ნინოს ხეობის ჩანჩქერი

Post by Kakha » 21 ივლ 2008, 15:31

ეს კი მირანდა და მისი პლიუსი, თუ ამ შემთხვევაში მირანდა იყო მგონია პლიუსი.
შანსი ხელიდან არ გაუშვეს და ჩანჩქერში იბანავეს
Image

User avatar
Kakha
იეტი
Posts: 1931
Joined: 13 ივნ 2005, 10:08
Location: თბილისი
გურგენიანის იგივე ნინიგორის იგივე ნინოს ხეობის ჩანჩქერი

Post by Kakha » 21 ივლ 2008, 15:33

აქ კი დიდ ქვაზე მოკალათდნენ სურათის გადასაღებად
Image

User avatar
Kakha
იეტი
Posts: 1931
Joined: 13 ივნ 2005, 10:08
Location: თბილისი
გურგენიანის იგივე ნინიგორის იგივე ნინოს ხეობის ჩანჩქერი

Post by Kakha » 21 ივლ 2008, 15:36

გარდა იმისა, რომ ბილიკი მშენივრად ჩანს ორიოდ ადგილას ამისთანა ისარი შეგხვდებათ გზად - ზედ სავარაუდოდ რამდენი ხნის სავალია ისაა აღნიშნული, მაგრამ აშკარად მეტობითაა დრო აღებული - ამიტომ მხოლოდ მიმართულებას დაუჯერეთ (თუმცა მეტი ბილიკი იქ არცაა), ხოლო ნაჩვენებ დროს ყურადღებას ნუ მიაქცევთ - ნამდვილად უფრო სწრაფად მიხლალთ
Image

User avatar
Kakha
იეტი
Posts: 1931
Joined: 13 ივნ 2005, 10:08
Location: თბილისი
გურგენიანის იგივე ნინიგორის იგივე ნინოს ხეობის ჩანჩქერი

Post by Kakha » 21 ივლ 2008, 15:44

ახლა მივაქციე ყურადღება რომ ნაკრძალის ადმინისტრაციის ინფორმაციაში გურგენინის ჩანჩქერის აღწერაში მარშრუტის სიგრძედ მითითებულია 8 კმ - ეს ერთი მარეს მხოლოდ ანუ როგორც ჩანს ერთღიანების სიგრძეები ორზე უნდა გაამრავლოთ, რომ იქით-აქეთ გაიგოთ რამდენის გავლა მოგიწევთ. გაითვალისწინეთ.....

Sikvdila
ბოდიალა
Posts: 202
Joined: 20 აპრ 2007, 19:35
Location: Tbilisi, GE
Contact:
გურგენიანის იგივე ნინიგორის იგივე ნინოს ხეობის ჩანჩქერი

Post by Sikvdila » 21 ივლ 2008, 16:05

Kakha
ნაკრძალის შესასვლელიდან ჩანჩქერამდე ცხენებით მისვლის საშუალება არის ?

User avatar
Kakha
იეტი
Posts: 1931
Joined: 13 ივნ 2005, 10:08
Location: თბილისი
გურგენიანის იგივე ნინიგორის იგივე ნინოს ხეობის ჩანჩქერი

Post by Kakha » 21 ივლ 2008, 16:12

Sikvdila
მგონია, ჯობია, რომ ნაკრძალის ადმინისტრაციას დაუკავშირდე და იმათ ჰკითხო. საკონტაქტო ტელეფონები ნახე პირველ ორ პოსტში.

ისე ჩანქერს რომ უახლოვდები, როგორც დავწერე, რამდენიმე გადასაძრომია, დიდი არაფერი ადმიანისთავის, მაგრამ არა მგონია რომ ცხენი იქ გადაძვრეს.

Sikvdila
ბოდიალა
Posts: 202
Joined: 20 აპრ 2007, 19:35
Location: Tbilisi, GE
Contact:
გურგენიანის იგივე ნინიგორის იგივე ნინოს ხეობის ჩანჩქერი

Post by Sikvdila » 21 ივლ 2008, 16:17

Kakha
გასაგებია, დიდი მადლობა.
და თვითონ ნაკრძალამდე როგორი გზაა ? მსუბუქი მანქანა (ვოლვო) მივა ? თუ გაუჭირდება ?
ლაგოდეხისკენ არ ვყოფილვარ წლებია უკვე და მაგიტომ მაინტერესებს

ახალი თემის შექმნა
პასუხი თემაზე

FORUM_PERMISSIONS

You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum

ახალი წერილი ახალი წერილი    ახალი წერილი არაა ახალი წერილი არაა    ანონსი ანონსი
ახალი წერილი [ ცხარე ] ახალი წერილი [ ცხარე ]    ახალი წერილი არაა [ ცხარე ] ახალი წერილი არაა [ ცხარე ]    თვალშისაცემი თვალშისაცემი
ახალი წერილი [ დაკეტილია ] ახალი წერილი [ დაკეტილია ]    ახალი წერილი არაა [ დაკეტილია ] ახალი წერილი არაა [ დაკეტილია ]