საქართველოს ალტერნატიული გეოგრაფია

arcivi9 · Post by **arcivi9** » 16 ოქტ 2011, 16:46

შეხედეთ საქართველოს რუკას! აქ თქვენ ნახავთ მთებსაც და დაბლობებსაც, ტყეებსაც და ველებსაც, ტენიან სუბტროპიკებსაც და უდაბნოებსაც! ბევრგან როდი ნახავთ ასეთ მრავალფეროვნებას ასეთ პატარა ქვეყანაში!
მაგრამ რა კარგი იქნებოდა რომ შეგვეძლოს ზოგიერთი რამის ჩვენი გემოვნებით გადაკეთება, მე მაგალითად რომ შემეძლოს ავდგებოდი და იალბუზის მთას მისი ახლანდელი ადგილმდებარეობიდან გადმოვიტანდი დვალეთის ტერიტორიაზე, ზუსტად იქ სადაც â€žკასრისკარი“ მდებარეობა-ეს იყო საქართველოს საზღვარი შუა საუკუნეებში.
თქვენ იკითხავთ-რისთვის? იმის გამო რომ შიდა ქართლის კავკასიონი შედარებით დაბალია და არც კასრისკარია (მდინარე არდონის ხეობაა მანდ) გაუვალი, მტერი სწორედ აქედან (თუმცა ხანდახან დარიალიდანაც) მოდიოდა საქართველოში ჩრდილოეთიდან. სწორედ ამ მიზეზის გამოა რომ დვალეთში და შიდა ქართლში ოსური მოსახლეობაა და რომ საქართველოს მთიანეთის სხვა ნაწილები ქართული დარჩა (სხვაგან კავკასიონი უფრო მაღალი და შესაბამისად-გაუვალიც).
ჰოდა რა მოხდებოდა რომ იალბუზი რაჭის და ხევის კავკასიონის შემაერთებელ ხაზზე იყოს? საქართველოს რუკას როცა ვუყურებდი ხშირად მიფიქრია ამაზე

ასე რომ იყოს ოსებთან საერთოდ არ გვექნებოდა პრობლემა, იალბუზი უფრო ახლოს იქნებოდა თბილისთან და მასზე ასვლა უფრო იოლი იქნებოდა, ხოლო სვანეთს ამით არაფერი დააკლდებოდა რადგან ეს მთა მდებარეობს კავკასიონის მთავარი ქედის ცოტა იქით (ზედ ქედზე მაინც იყოს).
აი, სად მინდა და სად ჯობია რომ იალბუზი ყოფილიყო:

შემდეგი იდეა:
ბამბაკის ქედი, რომელიც ახლა სომხეთშია და რომელიც საერთოდ საქართველო-სომხეთის საზღვარს წარმოადგენდა ცოტა დაბალია აშკარად. ამის გამო(ც) არის რომ მტერი ამ გზითა(ც) შემოდიოდა საქართველოში და რომ მერე იგი სომხებით იქნა დასახლებული. აშკარად არ ვიტყოდი უარს რომ ეს ქედი და აგრეთვე ჯავახეთის ქედი (რომელიც ჯავახეთს და ქვემო ქართლს ჰყოფს) 1 კილომეტრით მაღალი იყოს, მაღალი მთა-მაღალი და ლამაზი მწვერვალებია

და მეტი ჰიდრორესურსიც.
ზოგადად კი მე კავკასიონის სიმაღლეც არ მაკმაყოფილებს, 5642 მეტრი-ეს არც ისე ბევრია კაცმა რომ თქვას. რათქმაუნდა ახლა რვაათასიანებს ვერ მოვითხოვთ შავ და კასპიის ზღვებს შორის, მაგრამ ასე 6500-მეტრიანი მწვერვალები აშკარად არ გვაწყენდა

არაერთხელ წარმომიდგენია რომ მე ვითომ 6-7 კმ სიმაღლის მწვერვალს ვიპყრობდი სამხრეთ საქართველოში და მის ფერდობებზე ჩამომჯდარი სახეს ვუშვერდი სამხრეთული მზის მწველ სხივებს

ან ჩანჩქერები? რა კარგი იქნებოდა რომ მსოფლიოს უდიდესი ჩანჩქრები-ანხელი (მდებარეობს ვენესუელაში და მისი სიმაღლეა 979 მეტრი) მდებარეობდეს საქართველოში, მაგალითად ცივის მთაზე (საამისოდ მისი სიმაღლის რომელიც ამჟამად 1991 მეტრს შეადგენს აწევა მოგვიხდებოდა 1-2 კილომეტრით), მისი გუგუნი ისმოდეს რამდენიმე კილომეტრზე მაინც, მისი დანახვისას ადამიანი მოკრძალებულად ჩუმდებოდეს და მას შეჰყურებდეს აღტაცებით......ხოლო კარაველები კი ყოველთვის იოლად შევძლებდით მის მონახულებას, იქნებ რომელიმე თავზეხელაღებულს ამ ვეება კლდეზე, ანუ ჩანჩქერის გვერდით აცოცება მოეწადინებინა კიდეც

ან კანიონები? რატომ უნდა მდებარეობდეს მსოფლიოში უღრმესი და უდიდესი კანიონი არიზონაში (აშშ) და არა საქართველოში? წარმოიდგინეთ რომ სადმე ვაშლოვანის ნაკრძალში არის ასე 20-30 კილომეტრი სიგრძის და 2 კმ სიღრმის ვიწრო და გაუვალი კანიონი......მის ფსკერზე სიარულისას თქვენ მზეს კი არა ცასაც კი ვერ ნახავთ იმდენად ვიწროა იგი.........თავი წარმოგიდგენიათ სხვა, ზღაპრულ სამყაროში, მიაბიჯებთ კლდოვან ზედაპირზე სადაც სამარისებული სიჩუმეა, სადაც გარე უდაბნოს ხვატი და პაპანაქება ვერ აღწევს თქვენამდე და სადაც ისეთი შთაბეჭდილება იქმნება თითქოს დედამიწას თქვენი ჩაყლაპვა უნდაო..........

ან კუნძულები? რატომ უნდა იყოს მაგალითად ეგეოსის ზღვა ასე მოფენილი პატარ-პატარა კუნძულებით და შავ ზღვაში კი ისინი (ყოველ შემთხვევაში საქართველოს ნაპირთან) თითქმის არ უნდა იყოს? დაე იყონ ისინი სრულიად დაუსახლებელნი და მდიდარნი ხშირი მცენარებით და ცხოველებით, მაშინ ხომ ჩვენ, კარაველები რობინზონიადასაც მოვაწყობდით, ხის მორებისგან ტივს ავაგებდით და უკანა გზაზე მისით დავბრუნდებოდით, ან ჩავძვრებოდით ამ კუნძულზე არსებულ მღვიმეებში და გამოქვაბულებში.........ხოლო ღამე კოცონს ავანთებდით ზღვის პირას და ტალღების ხმაურში ტკბილ ძილს მივცემდით თავს

თქვენც დაამატეთ თქვენი გეოგრაფიული ოცნებები

datoforesti · Post by **datoforesti** » 16 ოქტ 2011, 17:17

შენ რა სარისკო ოცენებები გაწუხებს:D ისედაც სეისმურად აქტიურ წერტილში ვართ და მთის გადაადგილების ოცნება გვაწყობს ეხლა ჩვეენ?:P

ხო ანხელი აქაც და ვიკიშიც აშკარად არასწორედ წერია..1000-ზე მეტი მახსოვს მე..

arcivi9 · Post by **arcivi9** » 17 ოქტ 2011, 14:23

datoforesti

შენ რა სარისკო ოცენებები გაწუხებს ისედაც სეისმურად აქტიურ წერტილში ვართ და მთის გადაადგილების ოცნება გვაწყობს ეხლა ჩვეენ?

უხმაუროდ და ფრთხილად უნდა გადავიტანოთ

ხო ანხელი აქაც და ვიკიშიც აშკარად არასწორედ წერია..1000-ზე მეტი მახსოვს მე..

მეც ასე მახსოვდა სკოლიდან

Naia · Post by **Naia** » 17 ოქტ 2011, 16:41

კავკასიონის ადგილას კასპიის ზღვას გადავჭიმავდი, რომელიც აფხაზეთთან სრუტის მეშვეობით შავ ზღვას შეუერთდებოდა. ოღონდ იმ პირობით რომ სრუტის კონტროლი და კასპის ზღვის ნავთობის მოპოვების უფლება საქართველოს ექნებოდა. სულ სხვა ქვეყანა ვიქნებოდით... (წავედი ოცნებებში

)

arcivi9 · Post by **arcivi9** » 17 ოქტ 2011, 18:31

Naia

წავედი ოცნებებში

განავითარე, საინტერესოა

burdiani · Post by **burdiani** » 17 ოქტ 2011, 19:51

ცივზე ჩანჩქერის გუგუნირა გვაკლია რა საგარეჯოელებს, მაშინ ტელავის მხარეს იგუგუნოს :დ

CheLo · Post by **CheLo** » 17 ოქტ 2011, 20:15

ივანიშვილს ჩამოვასახლებდი ნუცუბიძის პლატოზე რომ გაზის წყლის და დენის ფული ეხადა.. : )) კიდე კორპუსზე სახურავი გაეკეთებინა და ახალი გაზქურა და მაცივარი ეჩუქნა

Naia · Post by **Naia** » 17 ოქტ 2011, 21:02

arcivi9 wrote:Naia
წავედი ოცნებებში
განავითარე, საინტერესოა

მეტი რაღა განვავითარო

სიმდიდრე და უსაფრთხოება გარანტირებული გვექნებოდა

დანარჩენი თქვენი ფანტაზიებისთვის მომინდია

arcivi9 · Post by **arcivi9** » 17 ოქტ 2011, 22:22

burdiani

ცივზე ჩანჩქერის გუგუნირა გვაკლია რა საგარეჯოელებს, მაშინ ტელავის მხარეს იგუგუნოს

თელაველებს ვკითხოთ და თუ თანახმანი არიან ეგრე იყოს

CheLo

ივანიშვილს ჩამოვასახლებდი ნუცუბიძის პლატოზე რომ გაზის წყლის და დენის ფული ეხადა.. : )) კიდე კორპუსზე სახურავი გაეკეთებინა და ახალი გაზქურა და მაცივარი ეჩუქნა

პოლიტიკას ნუ გავრევთ კარავზე თუ შეიძლება

Naia

დანარჩენი თქვენი ფანტაზიებისთვის მომინდია

შევუდგებით საქმეს

nagli33 · Post by **nagli33** » 17 ოქტ 2011, 22:59

arcivi9 wrote:
თქვენც დაამატეთ თქვენი გეოგრაფიული ოცნებები

ბევერლი-ჰილზი რომ იყოს ვაზის უბნის პლატოზე, და ჯენიფერ ლოპესის სახლის გვერდით ვცხოვრობდე 16 სართულიან კორპუსში, და ფანნჯრები ჰკონდეს ჯეილოს აუზისკენ...

meleksa · Post by **meleksa** » 17 ოქტ 2011, 23:43

ფორუმ.გე ზე ერთი თემაა "ქართველები რომ 50 მილიონი ვიყოთ" იხილეთ თემა

:)

nagli33 · Post by **nagli33** » 18 ოქტ 2011, 00:00

meleksa wrote:ფორუმ.გე ზე ერთი თემაა "ქართველები რომ 50 მილიონი ვიყოთ" იხილეთ თემა :)

რა აზრი აქვს მელექს. 50დან 45 მილიონი ჩვენი ძმები იქნებოდნენ სომხეთიდან და ჩვენ ისევ 5 მილიონი ვიქნებოდით

meleksa · Post by **meleksa** » 18 ოქტ 2011, 09:43

nagli33

ნახე ის თემა არ ინანებ

chuna · Post by **chuna** » 18 ოქტ 2011, 11:52

arcivi9 · Post by **arcivi9** » 18 ოქტ 2011, 16:29

nagli33 wrote:
arcivi9 wrote:
თქვენც დაამატეთ თქვენი გეოგრაფიული ოცნებები
ბევერლი-ჰილზი რომ იყოს ვაზის უბნის პლატოზე, და ჯენიფერ ლოპესის სახლის გვერდით ვცხოვრობდე 16 სართულიან კორპუსში, და ფანნჯრები ჰკონდეს ჯეილოს აუზისკენ...

დიდი არაფერია ეს ჯენიფერა

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS