ნოე, ვენახი და კამეჩები...
Posted: 31 იან 2008, 09:08
პირველი მეღვინეობა ძველი აღთქმის წმინდანისა და წინასწარმეტყველის, ნოეს სახელს უკავშირდება. ბიბლიიდან ყველას კარგად მოგვეხსენება რომ პირველად ღვინო სწორედ ნოემ დააყენა, რასაც თავისთავად ცხადია წინ უძღოდა ნოესვე მიერ ვენახის გაშენება. თავად ბიბლიაში ამის შესახებ საკმაოდ მწირი ინფორმაციაა გადმოცემული. ნოეს მიერ ვენახის გაშენების თაობაზე გასათვალისწინებელია ერთი მნიშვნელოვანი ფაქტი, კერძოდ ის თუ სად და როგორ გააშენა მან ვენახი. ბიბლია იმის შესახებ, თუ კონკრეტულად სად გააშენა ნოემ ვენახი მსოფლიო წარღვნის შემდეგ არაფერს ამბობს. (კიდევ ერთხელ გადავავლოთ იმ ადგილს თვალი სადაც აღწერილია ნოეს მიერ ვენახის გაშენება და ამაში თავად დავრწმუნდებით). უნდა აღინიშნოს, რომ ვაზი, სითბოს მოყვარული მცენარეა და იგი მინუს10-15 გრადუსზე უფრო დაბალ ტემპერატურაზე იყინება, ხოლო არარატის მთის იმ ფერდობზე სადაც ნოეს კიდობანი გაჩერდა ზამთრობით ტემპერატურა მინუს ოც გრადუსზე დაბლა ეცემა, აქედან გამომდინარე ბუნებრივია ნოე, თავისი სახლეულით სხვა, ვაზისათვის უფრო შესაფერის ადგილას დასახლდებიდა, თუ რა თქმა უნდა გავითვალისწინებთ იმ ფაქტს, რომ ვენახს პირველ მოსავლამდე სამი-ოთხი წელი ესაჭიროება...
ამას წინათ ერთ ჩემს ხატმწერ მეგობარს ვთხოვე ნოეს ხატი დაეწერა ჩემთვის. ჩემივე თხოვნით მან ამ ხატზე გამოსახა ნოეს მიერ ყურძნის კრეფისა და დაწურვის სცენაც. ხოლო ის ტრაგიკული ისტორია თუ რა მოჰყვა ღვინის ზედმეტად სმას ყველას კარგად მოგვეხსენება ბიბლიიდან და ამაზე აღარაფერს ვამბობ, მხოლოდ დავამატებ ერთ შედარებით უცნობ ხალხურ გადმოცემას, კერძოდ: როდესაც ნოემ ღმერთის ბრძანებით ყველა ცხოველი და ფრონველი კიდობანში შეიყვანა, თურმე გარეთ, ნუ იტყვით და ერთი წყვილი კამეჩი არ დარჩა??? დარჩა და დარჩა. დაიწყო წვიმა, წარღვნა, ატივტივდა კიდობანი და შეუყვა ტალღებს. მისდევენ თურმე ცურვით საბრალო კამეჩები კიდობანს და თან რაც ძალი და ღონე აქვთ ეძახიან ნოეს, მაგრამ ვის ესმის ამ წარღვნაში და თქეშში რამე? თურმე ორმოცი დღე და ღამე სდიეს ძახილითა და ცურვით საბრალო კამეჩებმა კიდობანს...
ნოეს თურმე ამის მერე ძალიან შეჰყვარებია კამეჩები. ბევრი დროის შემდეგ ერთი ესეთი ცდა ჩაატარეს, ყველა ცხოველი რომელმაც კი ცურვა იცოდა წყალში ჩასვეს და დააკვირდნენ, ვინ რამდენი ხანი გაძლებდა. აღმოჩნდა, რომ ყველაზე მეტ ხანს კამეჩმა გაძლო, და იცით ეს ყველაზე დიდი ხანი რამდენი იყო??? ზუსტად 40 დღეღამე. ამბობენ, თურმე როდესაც კამეჩი ზმუის, მისი ხმა ძალიან წააგავს სიტყვა ნოესო... მე პირადად გამიგონია კამეჩების ძახილი, რომელიც მართლაც წააგავს სიტყვა ნოეს...
აი სულ ეს იყო.
ეუუუფ, რაღაც ღვინის დალევა მომინდა. ორ ჯამფილა საფერავს გამოვცლიდი სიამოვნებთ, ერთით ნოეს ვადღეგრძელებდი მეორეთი თქვენ...
ამას წინათ ერთ ჩემს ხატმწერ მეგობარს ვთხოვე ნოეს ხატი დაეწერა ჩემთვის. ჩემივე თხოვნით მან ამ ხატზე გამოსახა ნოეს მიერ ყურძნის კრეფისა და დაწურვის სცენაც. ხოლო ის ტრაგიკული ისტორია თუ რა მოჰყვა ღვინის ზედმეტად სმას ყველას კარგად მოგვეხსენება ბიბლიიდან და ამაზე აღარაფერს ვამბობ, მხოლოდ დავამატებ ერთ შედარებით უცნობ ხალხურ გადმოცემას, კერძოდ: როდესაც ნოემ ღმერთის ბრძანებით ყველა ცხოველი და ფრონველი კიდობანში შეიყვანა, თურმე გარეთ, ნუ იტყვით და ერთი წყვილი კამეჩი არ დარჩა??? დარჩა და დარჩა. დაიწყო წვიმა, წარღვნა, ატივტივდა კიდობანი და შეუყვა ტალღებს. მისდევენ თურმე ცურვით საბრალო კამეჩები კიდობანს და თან რაც ძალი და ღონე აქვთ ეძახიან ნოეს, მაგრამ ვის ესმის ამ წარღვნაში და თქეშში რამე? თურმე ორმოცი დღე და ღამე სდიეს ძახილითა და ცურვით საბრალო კამეჩებმა კიდობანს...
ნოეს თურმე ამის მერე ძალიან შეჰყვარებია კამეჩები. ბევრი დროის შემდეგ ერთი ესეთი ცდა ჩაატარეს, ყველა ცხოველი რომელმაც კი ცურვა იცოდა წყალში ჩასვეს და დააკვირდნენ, ვინ რამდენი ხანი გაძლებდა. აღმოჩნდა, რომ ყველაზე მეტ ხანს კამეჩმა გაძლო, და იცით ეს ყველაზე დიდი ხანი რამდენი იყო??? ზუსტად 40 დღეღამე. ამბობენ, თურმე როდესაც კამეჩი ზმუის, მისი ხმა ძალიან წააგავს სიტყვა ნოესო... მე პირადად გამიგონია კამეჩების ძახილი, რომელიც მართლაც წააგავს სიტყვა ნოეს...
აი სულ ეს იყო.
ეუუუფ, რაღაც ღვინის დალევა მომინდა. ორ ჯამფილა საფერავს გამოვცლიდი სიამოვნებთ, ერთით ნოეს ვადღეგრძელებდი მეორეთი თქვენ...
არა გჯერა და ნუ გჯერა. ჩვენ რას გვერჩი 
ეხლა უნდა დავჯდე და გიმტკიცო ნოემ ყურძენი სად დაწურა