კომენტარები და ინფო რუსეთ-საქართველოს ომზე

ARCHILI · Post by **ARCHILI** » 19 თებ 2009, 01:45

ნაწილი მეორე: დასავლეთის ორმაგი სტანდარტები

შპიგელი: რას ნიშნავს ეს საქართველოსთვის?

ლავროვი: საქართველოს ყავდა უმცირესობის ორი პატარა ჯგუფი, რომელთაც საბჭოთა კავშირის დაშლის შემდეგ შოვინისტურად ეპყრობოდნენ. პრეზიდენტმა მიხეილ სააკაშვილმა თვითონ დაარღვია საქართველოს ტერიტორიული მთლიანობა, როდესაც სამხრეთ ოსეთის მშვიდობიანი ქალაქი დაბომბა. ეს იყო დანაშაული საკუთარი ხალხის წინააღმდეგ, რადგან ძალადობა აქაური მოსახლეობის წინააღმდეგ განხორციელდა. მათ კი სააკაშვილი მანამდე საკუთარი ქვეყნის მოქალაქეებად ასახელებდა.

შპიგელი: მაგრამ ფაქტი ფაქტად რჩება, რუსეთმა და მისმა არმიამ არად ჩააგდო საქართველოს ტერიტორიული მთლიანობა მაშინ, როდესაც კოსოვოში ის ამტკიცებდა, რომ ეს წმიდათაწმიდა პრინციპია

ლავროვი: ზედაპირზე ორივე კონფლიქტი მსგავსია, მაგრამ დასავლეთი ორმაგი სტანდარტებით ოპერირებს. იყო ომი კოსოვოშიც, ხანგრძლივი სასტიკი კონფლიქტი, რომელიც ჩვენი თვალთახედვით აბსოლუტურად ეწინააღმდეგებოდა საერთაშორისო სამართალს. კონფლიქტი 1999 წელს დასრულდა, გაეროს 1244 რეზოლუციით, გადაწყვეტილებით, რომელსაც სერბეთიც დაეთანხმა. სამხრეთ ოსეთისგან და აფახაზეთისგან განსხვავებით, კოსოვოში ალბანელებზე ზეწოლას არავინ ახორციელებდა, მათზე შეტევა არავის დაუწყია. არ არსებობდა საფუძველი იმისა, რომ კოსოვოს დამოუკიდებლობა გამოეცხადებინა.

შპიგელი: არავის მიუბაძავს რუსეთის მაგალითისთვის, არავის უღიარებია აფხაზეთისა და სამხრეთ ოსეთის დამოუკიდებლობა, თქვენს უახლოეს მოკავშირეებსაც კი. გაგაოცათ ამან, თუ არა?

ლავროვი: ჩვენ არ გვინდოდა გეოპოლიტიკური ეფექტის მიღება. ყველაფერი ეს იმ ადამიანების დასაცავად მოხდა, ვინც უკვე 20 წლის განმავლობაში გაუთავებლად ხდებოდა პროვოკაციებისა და თავდასხმების მსხვერპლი. საქართველოს აგრესიის შემდეგ ჩვენ არ ვფიქრობდით ამ ქვეყნების დამოუკიდებლობის აღაირებას. სარკოზი-მედვედევის დოკუმენტში ნათქვამი იყო, რომ ცეცხლის შეწყვეტის შემდეგ გადაწყდებოდა სამხრეთ ოსეთისა და აფახაზეთის სტატუსის საკითხი.

შპიგელი: და რატომ არ მოხდა ეს?

ლავროვი: როდესაც სარკოზიმ გეგმა თბილისს გააცნო, სააკაშვილმა კატეგორიული უარი განაცხადა სტატუსთან დაკავშირებულ მოლაპარაკებებზე. მერე ნატო-რუსეთის საბჭომაც უარი თქვა პრობლემის მოგვარებაზე, ასევე მოიქცა გაეროს უსაფრთხოების საბჭო. ბოლოს, საქართველოს ხელისუფლებამ განაცხადა, რომ ომი არ დამთავრებულა და რომ ისინი მას რაღაც ფორმით დროთა განმავლობაში გააგრძელებენ. მერე კი დასავლეთშიც გაისმა ხმები, რომ ისინი საქართველოს ჯარის მხარდაჭერას აპირებენ. ამიტომ შემდეგ დასკვნამდე მივედით: ჩვენ მხოლოდ ასე შეგვიძლია გადავარჩინოთ სამხრეთ ოსეთი და აფხაზეთი - ვაღიაროთ ისინი დამოუკიდებელ სახელმწიფოებად.

ARCHILI · Post by **ARCHILI** » 19 თებ 2009, 01:45

შპიგელი: მოდით, წინ გავიხედოთ. ავღანეთის ომი აშშ-ს ახალი ადმინისტრაციისთვის ყველაზე მნიშვნელოვანი საგარეო პოლიტიკური პრობლემაა. რუსეთიც დაინტერესებულია იმაში,რომ დასავლეთმა მარცხი თავიდან აირიდოს. რით შეგიძლიათ დახმარება?

ლავროვი: 2008 წლის აპრილში ჩვენ ნატოსთან მოვაწერეთ ხელი ხელშეკრულებას, რომლის მიხედვითაც თანხმობა განვაცხადეთ რუსეთის ტერიტორიაზე არასამხედრო ტვირთის ტრანზიტზე ავღანეთისკენ. დღემდე ასეთი შეთანხმება მხოლოდ გერმანიასა და საფრანგეთთან გვქონდა და ამ ცოტა ხნის წინ მსგავს ხელშეკრულებას ხელი მოეწერა ესპანეთთანაც. იანვრის ბოლოს აშშ-მ გვთხოვა, რომ ნატოს ხელშეკრულება ამერიკული კონტინგენტისთვის ტვირთის ტრანსპორტირების საფუძვლად მიგვეღო. ჩვენ დაუყოვნებლივ განვაცხადეთ თანხმობა და იმასაც დავეთანხმეთ, რომ რუსული სატრანსპორტო საშუალებები ავღანეთის სამშვიდობო ჯარებისთვის ხელმისაწვდომი გამხდარიყო. ჩვენ ასევე შეგვიძლია ნარკოტიკულ საშუალებათა თრეფიქინგის აღკვეთაზეც მჭიდროდ ვითანამშრომლოთ.

შპიგელი: ეს ყველაფერი ძალიან იმედისმომცემად გამოიყურება. მაგრამ რატომ მოინდომა ყირგიზეთმა ზუსტად ახლა ამერიკული სამხედრო საჰაერო ბაზის გაუქმება, ამ ბაზის მეშვეობით ავღანეთში ცენტრალური აზიიდან ტვირთი გადაჰქონდათ. ისე ჩანს, რომ მან ეს რუსეთის ზეწოლით გააკეთა.

ლავროვი: ეს ყირგიზეთის ხელისუფლების გადაწყვეტილებაა. იყო უამრავი ინციდენტი, რომელმაც უკმაყოფილება გამოიწვია: ერთხელ ამერიკელმა ჯარისკაცმა ყირგიზეთის მოქალაქეს ესროლა და პოლიციას საქმის გამოძიების ნება არ დართეს; მეორედ ამერიკელმა ფეხით მოსიარულეებს გადაურა და ამას არავითარი შედეგი არ მოყოლია. კიდევ ერთხელ, რეაქტიული ძრავის საწვავის ტონები ყირგიზულ სოფლებში დაიღვარა და ამაზეც პასუხი არავის უგია. ამერიკელებმა ყირგიზეთის პრეზიდენტის, ყურმანბექ ბაკიევის სახელმწიფო თვითმფრინავიც კი დააზიანეს.

შპიგელი: ახლა რუსეთმა განაცხადა, რომ ყირგიზეთს მნიშვნელოვან სესხს გადასცემს., ნუთუ იმის თქმა გინდათ, რომ ეს უბრალო დამთხვევაა?

ლავროვი: ჩვენ საჭირო ხელშეკრულებას მოვაწერეთ ხელი. ყირგიზეთი ჩვენი ერთ-ერთი ყველაზე ღარიბი მოკავშირეა. ჩვენ მეგობრებს ისე ვექცევით, როგორც საჭიროა.

შპიგელი: ბატონო მინისტრო, გმადლობ ინტერვიუსთვის.

GAMARJOBA SAKARTVELO

ARCHILI wrote:მოსკოვი ამერიკის ახალი მიდგომით კმაყოფილია

ინტერვიუ რუსეთის საგარეო საქმეთა მინისტრთან
17 თებერვალი 2009

SPIEGEL

უი, ამ ინტერვიუს ვეძებდი.
გუშინ საინფორმაციო გამოშვებები ინტერვიუს ფრაგმენტებს გადმოსცდემდნენ

ARCHILI · Post by **ARCHILI** » 19 თებ 2009, 02:01

GAMARJOBA SAKARTVELO wrote:
ARCHILI wrote:მოსკოვი ამერიკის ახალი მიდგომით კმაყოფილია

ინტერვიუ რუსეთის საგარეო საქმეთა მინისტრთან
17 თებერვალი 2009

SPIEGEL

უი, ამ ინტერვიუს ვეძებდი.
გუშინ საინფორმაციო გამოშვებები ინტერვიუს ფრაგმენტებს გადმოსცდემდნენ

GAMARJOBA SAKARTVELO

დათო wrote:GAMARJOBA SAKARTVELO
3. თბილისში არ შევიდნენ შემდეგი მიზეზების გამო:
ა) დასავლეთის დიპლომატიური ჩარევა ნიშნავდა იმას, რომ გროზნოს სცენარის გამეორება თბილისში პოლიტიკურად სარისკო იქნებოდა, ხოლო თბილისში მდგომი ქართული ჯარი ნიშნავდა იმას, რომ მძიმე დაბომბვების და მასშტაბური სისხლისღვრის გარეშე ქალაქს ვერ აიღებდნენ.
ბ) რუსული ჯარი და მისი ლოგისტიკური ხაზები გაიწელა და საჭირო იყო ოპერატიული პაუზა.
გ) მათი აზრით, ასეთი მარცხის შემდეგ სააკაშვილი ჩამოგდებული იქნებოდა საქართველოს მოსახლეობის მიერვე.

აი ამას რუსეთის მთავრობაში გაუწიეს ანგარიში. იდიოტები ნამდვილად არ არიან. და ისინი მიზანმიმართულად მუშაობენ ოკუპაციის შემაფერხებელი მიზეზების აღმოსაფხვრელად

აგაშენა, ღმერთმა.
მაგას ვამბობდი, რომ რუსეთის მთავრობამ ფართომაშტაბიანი ომი იმიტომ არ დაიწყო, რომ რაღაცას გაუწია ანგარიში.
ის რაღაცეები თავად შენ ჩამოწერე.
უ1ლესად, იმას გაუწიეს ანგარიში, რომ ახლა 1921 წელი აღარ იყო.
ეგაა, რომ პუნქტ "გ"-ში ვერ დაგეთანხმები.
ჰომ ხედავ, იმ დღეებში თვით ქართული ოპოზიციაც აღარაფერს ამბობდა სააკაშვილის წინააღმდეგ.
პრინციპში, თუ არ მეშლება, მთელი საქართველო იმ პერიოდში კონსოლიდირებული იყო.
ჰოდა, როცა ერი გა1ანებულია, 10 რუსეთიც ვერაფრეს დაგაკლებს.
სულაც არ არის ეს პათეტიკა.
წინასწარ შემოგდებული თემების რეალიზაციას რაც შეეხება, ჭკვიანი ამას გაშიფრავს, იფიქრებს, ვინ თქვა, რატომ თქვა, რა კონტექსტში.
ვფიქრობ, საყურადღებოა რუსეთის გენერალიტეტი განცხადები, ხოლო საეჭვო ექსპერტს კი არ დაეჯერება.

Wanderer wrote: GAMARJOBA SAKARTVELO
აგერ, დასკვნის გამოტანა ARCHILIს მიერ დადებული მასალებით უფრო შეიძლება, სადაც,
უცხოელი ექსპერტების გაწონასწორებული მსჯელობანია
ვერ დაგეთანხმები. საკმაოდ მიკერძოებული, ცალმხრივი და ანტიქართულად განწყობილი "ექსპერტები" ჩანან ეგენი...

ანტიქართული განწყობა მიკერძოებას სულაც არ ნიშნავს, რადგან არც ჩვენ ვართ ანგელოზნი.
ჩვენ რომ დემოკრატიული ქვეყნის იმიჯი გვქონოდა, ცხადია, მსგავის ხასიათის წერილები საგრძნობლად მცირე იქნებოდა.
მე დასავლეთში გამოქვეყენებულ ბევრ მწარე წერილშიც კი, უფრო მეტად,
სიმართლეს ვხედავ, ვიდრე სასურველის სინამდვილედ გასაღებას.
რუსეთის დაკვეთილი წერილებიც იბეჭდება, მაგრამ ეს დამოუკიდებელი ჟურნალისტის ნაწერისგან ადვილად განირჩევა

ARCHILI · Post by **ARCHILI** » 19 თებ 2009, 11:30

მორიგი ცივი ომისგან გაქცევა

სკოტ რიტერი
17 თებერვალი 2009

”თუ ეს მხოლოდ სიტყვები არ არის, თუ ისინი ნამდვილ პოლტიკად ტრანსფორმირდება, ძალიან კარგი, ჩვენც შესაბამისად ვუპასუხებთ და ჩვენი ამერიკელი პარტნიორები ამას მაშინვე იგრძნობენ”.

ეს რუსეთის მაგარი კაცის, პრემიერ-მინისტრის, ვლადიმერ პუტინის სიტყვებია, რომლებიც ბარაკ ობამას არჩევის შემდეგ, სულ მალე, რუსეთის ტელევიზიით გადაცემულ პროგრამაში წარმოთქვა. პუტინი შემდეგ შეკითხვას პასუხობდა : განიმუხტება, თუ არა, მისი აზრით, დაძაბულობა აშშ-სა და რუსეთს შორის ახალი პრეზიდენტის მმართველობისას. პუტინმა და მისმა მემეკვიდრემ, რუსეთის პრეზიდენტმა, დიმიტრი მედვედევმა ბოლო რამდენიმე წელი ჯორჯ ბუშის ადმინისტრაციასთან სასტიკ სიტყვიერ ორთაბრძოლაში გაატარეს. მიუხედავად იმისა, რომ პრეზიდენტ ბუშის არაჩვეულებრივი განცხადების თანახმად, მან ერთხელ პუტინს თვალებში ჩახედა და ”მისი სული დაინახა”, პირადი ურთიერთობა ამ ორ კაცს შორის მაინც დაიძაბა მას შემდეგ, რაც შეერთებულმა შტატებმა ისეთი ნაბიჯები გადადგა, რომლებსაც რუსეთი სტრატეგიულ მანევრებად აღიქვამდა.

ამავე დროს რუსეთი დასავლური დემოკრატიისა და თავისუფალი ვაჭრობის გზას გადაუდგა, არადა სწორედ ამ ორ მომენტს (დემოკრატიას და თავისუფალ ბაზარს) ასაღებდნენ ბუშის ადმინისტრაციის ჰარდლაინერები ცივ ომში შეერთებული შტატების გამარჯვების მნიშვნელოვან მტკიცებულებად. პუტინის თანდათანობითი დაბრუნება ავტორიტარიზმთან ძველ საბჭოთა კავშირს წააგავდა, რაც ეკონომიკის ცენტრალიზაციის პროცესმაც დააგვირგვინა.

ამავდროულად ამერკის გარკვეული ნაბიჯების გამო, რომელთაც მოსკოვის შეკავების მცდელობად განიხილავდა, რუსეთი თავს ხიფათში გრძნობდა: შეერთებული შტატები ანტიბალისტიკური სარეკეტო ხელშეკრულებიდან გამოვიდა; ევროპაში სარაკეტო თავდაცვითი ფარის განთავსებას სულ უფრო დიდი ყურადღება ეთმობოდა(რომელიც თითქოს ირანიდან წამოსული ნებისმიერი სარაკეტო საფრთხის საპასუხოდ უნდა გამოეყენებინათ), ნატო აგრესიული ექსპანსიის გამო, რუსეთის საზღვრებს მიუახლოვდა (ვარშავის პაქტის ყველა ყოფილი ქვეყანა ამ პროცესში ჩათრეული აღმოჩნდა, ისევე, როგორც რამდენიმე ყოფილი საბჭოთა რესპუბლიკა ბალტიისპირეთში).

ეს ქმედებები, აშშ-ს ერაყში შეჭრასთან და აშშ-ნატოს მიერ ავაღნეთის ერთობლივ ოკუპაციასთან ერთად, რამაც აშშ-ს სამხედრო ბაზებს ცენტრალურ აზიაში, ყოფილ საბჭოთა რესპუბლიკებში გზა გაუხსნა, სულ უფრო ჰეგემონიური და მილიტარისტული შეერთებული შტატების ხელმძღვანელობით ნატოს დაუსრულებელი გაფართოვების შთაბეჭდილებას ქმნიდა.

ARCHILI · Post by **ARCHILI** » 19 თებ 2009, 11:31

იმისთვის, რომ აშშ-ს ძალაუფლების ექსპანსია და რუსეთის მახლობელ რეგიონებში მისი გავლენა შეეჩერებინა, მოსკოვი თავის ძველ მეტოქეს, ჩინეთს შეუთანხმდა და ორივე ერთად შანჰაის თანამშრომლობის ორგანიზაციაში (შთო) გაწევრიანდა. ცენტრალური აზიის ოთხ ყოფილ საბჭოთა რესპუბლიკასთან (ყაზახეთი, ყირგიზეთი, ტაჯიკეთი და უზბეკეთი) თანამშრომლობით რუსეთმა და ჩინეთმა ევრაზიული გეოპოლიტიკური კოორდინაციის მექანიზმები შემოიღეს, რომელიც ძლიერ სამხედრო კომპონენტს შეიცავდა.

ამ კომპონენტს არა მარტო ისლამისტი ტერორისტები უნდა ეკონტროლებინა, არამედ ამერიკა და ნატოც. ბუშის ადმინისტრაციამ თავიდან ამ ახალ ორგანიზაციას დიდი ყურადღება არ მიქცია, მაგრამ 2006 წლიდან, როდესაც შთო-ს შეხვედრას ინდოეთი, პაკისტანი და ირანი დამკვირვებლების სტატუსით დაასწრნენ, სხვა გზა აღარ დარჩა გარდა იმისა, რომ ეს ორგანიზაცია ყურად ეღო. ამ დროიდან მოყოლებული შთო იმ უმთავრეს რეგიონულ ძალად იქცა, რომელმაც ისეთი ქვეყნების ყურადღება მიიზიდა, როგორიცაა ავღანეთი (თუნდაც აშშ-ს ინიციატივით მიმდინარე ოკუპაციის პირობებში), ახალი ზელანდია, აშშ-სა და ნატოს ძველი პარტნიორი. ცენტრალური აზიის ქვეყნებმა, უზბეკეთმა და ყირგიზეთმა, რომლებმაც მანამდე აშშ-ს ჯარს თავის საჰაერო ბაზების გამოყენებაზე თანხმობა უთხრეს, უკვე აღარ ეგებოდნენ ფიანდაზად აშშ-ს და ამერიკული ჯარი უახლოეს დროში ამ ბაზების დატოვებისთვის მოემზადა.

იმის ნაცვლად, რომ ხელახლა გადაესინჯა აშშ-ს ნაბიჯების შედეგები და რუსეთის კონტრაქტივობა, იმის მაგივრად, რომ ჩამოეყალიბებინა გაძლიერებულ რუსეთთან ურთიერთობის მოგვარების ახალი სტრატეგია და ამით დაეცხრო უთანხმოება, ბუშის ადმინისტრაციამ განაცხდა, რომ ვარშავის პაქტის ყოფილ ქვეყნებში, პოლონეთსა და ჩეხეთის რესპუბლიკაში სარაკეტო ბალისტიკური სისტემების განთავასებას და აქედან ოპერირებას აპირებს.

სისტემა, რომელსაც, თითქოს, ირანის მიერ ევროპაზე მიმართული შორი დამიზნების რაკეტების პრობლემა უნდა გადაეწყვიტა, რუსეთმა ისე აღიქვა, როგორც ნატოს მიერ შექმნილი სამხედრო საფრთხის ესკალაცია. სარაკეტო ფარის მეშვეობით, რომელიც ნებისმიერი საპასუხო დარტყმისგან თავდასაცავად იყო გამიზნული, შეერთებულ შტატებსა და ნატოს, თეორიულად შეეძლოთ რუსეთის სამიზნეებზე წინმსწრები შეტევა განეხორციელებინათ. რუსეთის პროტესტს დაგეგმილი ინსტალაციის წინააღმდეგ ყური არავინ მიუგდო.

როდესაც 2008 წლის აგვისტოში რუსეთი და საქართველოს რესპუბლიკა კავკასიაში მწვავე რეგიონალურ კონფლიქტში ჩაერთვნენ, სიტუაცია აშშ-ს, ნატოს მის მოკავშირეებსა და რუსეთს შორის კიდევ უფრო გაუარესდა, რამაც უმალ გამოიღო გლობალური შედეგები. საქართველოს პრეზიდენტი, მიხეილ სააკაშვილი თავის ხალხს დაპირდა, რომ ის ქვეყანას სეპარატისტული რეგიონების, სამხრეთ ოსეთისა და აფხაზეთის ხელახალი ოკუპაციით გააერთიენებს. აგვისტოს დასაწყისში იმის საპასახუდ, რასაც თავად რუსულ პროვოკაციად მიიჩნევდა, სააკაშვილმა ქართულ ჯარი სამხრეთ ოსეთში შეიყვანა .

რუსეთმა მასიური კონტრშეტევით უპასუხა, რის შედეგადაც ქართულ ჯარს არა მხოლოდ სამხრეთ ოსეთის ტერიტორია დაატოვებინა, არამედ საქართველოს ტერიტორიაზეც შეიჭრა, ქართული საპორტო ქალაქის, ფოთის ოკუპირება მოახდინა და საქართველოს დედაქალაქს, თბილისსაც კი დაემუქრა. რუსეთ-საქართველოს კონფლიქტამდე, ნატოში საქართველოსა და უკრაინის გაწევრიანებაზე შიდა დისკუსიები მიმდინარეობდა. რუსეთმა საქართველოზე დარტყმით ცხადი გახადა, რომ მოსკოვი ასეთი აქციების მიმართ შეუწყნარებელი იქნება.

აშშ-მ საპასუხოდ საბრძოლო ხომალდები, ნატოს საზღვაო ძალების ნაწილი, შავ ზღვაში გააგზავნა. რუსეთმა, თავის მხრივ, საზღვაო ფლოტის მცირე შენაერთი და მძიმე ბომბდამშენები ვენესუელაში გაუშვა. არც ერთი აქცია სერიუზულ სამხედტო საფრთხეს არ წარმოადგენდა, მაგრამ ერთად ისინი ერთ რამეზე მეტყველებდნენ - ბუშის ადმინისტრაციის მმართველობის პირობებში აშშ-რუსეთის ურთიერთობათა გაუარესების მასშტაბებზე.

დათო · Post by **დათო** » 19 თებ 2009, 14:38

GAMARJOBA SAKARTVELO

რომ რუსეთის მთავრობამ ფართომაშტაბიანი ომი იმიტომ არ დაიწყო, რომ რაღაცას გაუწია ანგარიში.

ფართომასშტაბიანი ომი რუსეთმა დაიწყო.
ჩართული იყო Ð’Ð”Ð’-ს 80%, მთელი ჩრდილო-კავკასიური სამხედრო ოლქი, გრუ-ს სპეცრაზმის ნაწილები, საზღვაო ქვეითები. ასევე ავიაცია და მთელი შავი ზღვის ფლოტი თავის სარაკეტო კრეისერიანად.

უ1ლესად, იმას გაუწიეს ანგარიში, რომ ახლა 1921 წელი აღარ იყო.

1921 წელი არის ყოველთვის, ოღონდ კი ხელსაყრელი პირობები გამოჩნდეს. გლობალური შეხედულება იმაზე, რომ ქვეყნის ოკუპაცია არ შეიძლება - რუსეთში არ არსებობს.
ყველაფერი დამოკიდებულია კონკრეტულ ვითარებაზე. მეტი დიპლომატიური მხარდაჭერა რომ ყოფილიყო, საერთოდ ვერ დაგვესხმებოდნენ. ნაკლები რომ ყოფილიყო - ბოლომდე გავიდოდნენ. ახლა ისინი სწორედ ცდილობვენ შექმნან ოკუპაციისთვის უფრო ხელსაყრელი დიპლომატიური გარემო, რაც ჩვენთვის სახიფათოა. იმიტომ რომ აქტიურად ცდილობენ.

სააკაშვილს რაც შეეხება, საუბარია არა შუა ომის დროს არეულობაზე, არამედ ომის შემდეგ ცოტა ხანში. რუსებს შეეძლოთ ეფიქრათ, რომ 2-3 თვეში, ომის ემოციები რომ ჩაცხრებოდა, საქართველოში დაიწყებოდა დიდი მოძრაობა სააკაშვილის წინააღმდეგ, ამ მარცის გამო.

ლეონტი · Post by **ლეონტი** » 19 თებ 2009, 21:12

15:21 19.02.09 - ამერიკელი ანალიტიკოსები ახალ ქართულ-რუსულ ომს პროგნოზირებენ

აშშ-ს ჯეიმსთაუნის ფონდის ანალიტიკური ცენტრის პროგნოზით, 2009 წლის მაისში საქართველო-რუსეთის ახალი ომია მოსალოდნელი.

როგორც ფონდის მიერ გამოქვეყნებულ ბიულეტენ â€žევრაზი დეილი მონიტორშია" აღნიშნული, რუსეთის მთავარი მიზანი პრეზიდენტ სააკაშვილის დამხობაა და ამ მიზნის განხორციელებას კრემლი 2009 წლის მაისში შეეცდება.

ფონდის ექსპერტების მტკიცებით, რუსეთს ისიც წაახალისებს, რომ ევროკავშირმა და აშშ-მ, გარკვეულწილად, საქართველოს მხარდაჭერა შეასუსტეს.

ცნობისთვის: ჯეიმსთაუნის ფონდი ათეული წლების განმავლობაში იკვლევს აღმოსავლეთ ევროპაში რუსეთის პოლიტიკას და მისი კლიენტების რიცხვში აშშ-ს სადაზვერვო სამსახურებიც არიან.

â€žმედიანიუსი"

lama · Post by **lama** » 19 თებ 2009, 21:36

ჩვენი პრეზიდენტი

უმხდალესი ადამიანია, რომელმაც გამოავლინა უდიდესი სიმხდალე

მაშინ, როცა გორში იყო კუშნერთან და ჟურნალისტებთან ერთად

როგორ გაერთხა მიწაზე ეგ ურჯულო ეგა

ეგ მშიშარა

მე მრცხვენია ამის ნახვის

უმხდალესი ადამიანია იგი და მეჯავრება!!!!

18 წლის ახალგაზრდები, როცა იხოცებოდნენ ეგ მშიშარა იმ დროს მიწას თხრიდა ცხვირით

ძირს

მიშა !!!!!!

ლეონტი · Post by **ლეონტი** » 19 თებ 2009, 22:28

lama
შენ სვანი ხარ თუ რაჭველი?
ეგ კადრები უკვე დაგვავიწყდა.

ARCHILI · Post by **ARCHILI** » 19 თებ 2009, 22:37

საქართველო და რუსეთი ახალი შეტაკებების თავიდან აცილების გეგმაზე შეთანხმდნენ

რობერტ ევანსი
19 თებერვალი 2009

რუსეთი და საქართველო შეთანხმდნენ მექანიზმზე, რომლითაც სეპარატისტული რეგიონის, სამხრეთ ოსეთის გარშემო ნებისმიერი ინციდენტის სრულმაშტაბიან შეტაკებაში გადაზრდის პრევენცია უნდა მოხდეს, განაცხადეს ოთხშაბათს საერთაშორისო მედიატორებმა.

დიპლომატები მიესალმნენ შეთანხმებას და მას რეგიონში დაძაბულობის განმუხტვისკენ წინ გადადგმული ნაბიჯი უწოდეს, მაგრამ დიპლომატები შიშობენ, რომ ამ მექანიზმს წინასწარ გამოცდა ადგილებზე დასჭირდება. დაძაბულობის ზრდას რეგიონში, შარშან აგვისტოში, მოკლე, მაგრამ დამანგრეველი ომი მოჰყვა.

”ვფიქრობთ ეს უსაფრთხოებისა და სტაბილურობისკენ გადადგმული მნიშვნელოვანი ნაბიჯია,” განაცხადა, ევროკავშირის სპეციალურმა წარმომადგენელმა პიერ მორელმა პრესკონფერენციაზე. გაეროს მედიატორმა ჯოან ვერბეკმა მას ”პირველი გრანდიოზული შეთანხმება უწოდა”.

თუმცა, აშშ-ს სახელწმიფო მდივნის თანაშემწის, დენიელ ფრიდის შფასება უფრო ფრთხილი იყო და ჟენევაში ოქტომბრიდან დაწყებული მოლაპარაკებების მეოთხე რაუნდს, ”პოზიტიური და პრაქტიკული” უწოდა.

”მისი განხორციელება ადგილზე მხარეების კეთილ ნებაზე იქნება დამოკიდებული,” განაცხადა მან პრესკონფერენციაზე. ამერიკის შეერთებული შტატები, რომელიც არასტაბილურ კავკასიის რეგიონში საქართველოს თავის მოკავშირედ მიიჩნევს, მოლაპარაკებებში როგორც დაინტერესებული მხარე ისე მონაწილეობს.

სამი მედიატორის, რომელთაგან ერთ-ერთი ევროპის უსაფრთხოებისა და თანამშრომლობის ორგანიზაციის (ეუთო) წარმომადგენელიც იყო, ოფიციალურ განცხადებაში ნათქვამია, რომ მოლაპარაკებებზე კონსენსუსის საფუძველზე მომზადდა ” წინადადებები ინციდენტების ერთობლივი პრევენციასა და მათზე რეაგირების მექანიზმებზე”

დოკუმენტში ასევე ნათქვამია, რომ მექანიზმები გულისხმობს რეგულარულ კონტაქტებს ”შესაბამისს საერთაშორისო ორგანიზაციებსა და იმ სტრუქტურებს შორის, რომლებიც დაძაბულ ზონებში უსაფრთხოებასა და საზოგადოებრივ წესრიგზე არიან პასუხისმგებლები”.

ფრთხილი ფორმულირება

ფრთხილი ფორმულირებებია გამოყენებული, როგორც რუსული, ასევე ქართული ძალების მიმართ, ისევე როგორც სამხრეთ ოსეთის პოლიციისა და მისი სხვა დაჯგუფებების, და აფხაზეთის, მეორე სეპარატისტული რეგიონის მისამართით. საქართველოს ამ ორმა რეგიონმა დამოუკიდებლობა გამოაცხადა და სუვერენიტეტის აღიარება რუსეთისგანაც მიიღო, თუმცა საქართველო მათ ძველებურად საკუთარ ტერიტორიებად მიიჩნევს.

მექანიზმების შემუშავების მიზანი, რომელთა დეტალებიც მომენტალურად არ გახმაურებულა, მდგომარეობს ”უსაფრთხოების ზონებში სიტუაციებზე დროულ და ადექვატურ რეაგირებაში, მათ შორის ინციდენტების გამოძიებაში,” ნათქვამია განცხადებაში.

ის დასძენს, რომ ყველა მხარის უსაფრთხოებაზე პასუხისმგებელი ძალები ამ კვირაში შეიკრიბებიან, მეტიც, აუცილებლობის შემთხვევაში შეხვედრა შესაძლოა უფრო ადრეც გაიმართოს.

საქართველოს საგარეო საქმეთა მინისტრის მოადგილემ გიგა ბოკერიამ, ცალკე ჩატარებულ პრესკონფერენციაზე განაცხადა, რომ ნაბიჯი ”სწორი მიმართულებით” გადაიდგა, მაგრამ მოითხოვს, რომ ამას უნდა მოჰყვეს მოლაპარაკებები რუსების მიერ ”ოკუპირებული ქართული ტერიტორიების” მთლიანი დატოვების შესახებ.

მოლაპარაკების მონაწილე რუსულ მხარეს არანაირი ოფიციალური განცხადება არ გაუკეთებია.

თუმცა ის, რომ ქართველებისა და რუსების მოსაზრებებში მკვეთრი სხვაობები რჩება, ორი დღის განმავლობაში მიმდინარე პარალელურ მოლაპარაკებებზე გამოჩნდა - რეგიონში დევნილებსა და ჰუმანიტარულ საკითხებზე.

დიპლომატებმა განაცხადეს, რომ სამხრეთ ოსეთელები, როგორც თავად ამბობენ, უსაფრთხოების გამო, უარს აცხადებენ რეგიონში ჰუმანიტარული ტვირთების გატარებასა და ქართველი დევნილების დაბრუნებაზე, რომლებიც საკუთარი სახლებიდან აგვისტოს ომის ბრძოლების დროს და ომის დასრულების შემდეგაც, შეიარაღებულმა ფორმირებებმა გამოყარეს.
რუსებმა მოლაპარაკებების შემდეგი რაუნდის თარიღის განსაზღვრაზე ჯერ უარს ამბობენ, განაცხადეს დიპლომატებმა.

მორელმა თქვა, რომ არსებობს შეთანხმება, რომლის მიხედვითაც შემდეგი რაუნდის მოლაპარაკებები მიეძღვნება უსაფრთხოების ისეთი მექანიზმებით უზრუნველყოფას, როგორებიცაა ძალის გამოუყენებლობა და საერთაშორისო წარმომადგენლობის ყოფნა რეგიონში.

lama · Post by **lama** » 19 თებ 2009, 22:39

ლეონტი wrote:lama
შენ სვანი ხარ თუ რაჭველი?
ეგ კადრები უკვე დაგვავიწყდა.

აღარასოდეს დამავიწყდება

ეგ სამარცხვინო კადრები

ნათელი მოეფინა ამ მხდალის ფარისევლობას

ძირს მიშას სიმხდალე და მიშა ძირს!!!!!!!!!!!!!!

მე მრცხვენია ამისი

ეს ვინ არის

ეს მხდალზე მხდალი!!!!!!!!!!!!

ფარდა აეხადა იმას, რომ განმუხურში სპექტაკლი იყო რეალურად

ვითომ გაიწია რუსი ჯარისკაცებისკენ

და

აი

ახლა...

საქმე საქმეზე, რომ მიდგა

მიწაზე გახოხდა ვითარცა დამფრთხალი მხეცი

და
ცხვირი უხახუნა მიწას

მაგ მშიშარამ

ძირს მიშა!!!!!!!!!!!!!!!!!!!!

GAMARJOBA SAKARTVELO

lama
ჩემი თხოვნაა, ეგებ, გაითვალისწინო, რა შინაარსიის ფორუმია და იქნებ, შემდეგში მაინც შეიკავო თავი მსგავსი გამოსვლებისგან.
მით უფრო, შეურაცხყოფებისგან.
მერე, ნუ გიკვირს, შენზე სხვას თუ ენა უბრუნდება.
დამიჯერე, ლანძღვა-გინება არ არის, კგ საქციელი.

და კიდევ, როდესაც სხვას რამეზე უთითებ, ისიც გაითვალისწინე, თავად შენ როგორი ხარ ან როგორ მოიქცეოდი მსგავს ვითარებაში.
ეს საკამათოდ კი არ მითქვამს, არამედ, დასაფიქრებლად.
დიდი მადლობა, მეგობარო

GAMARJOBA SAKARTVELO

დათო wrote:GAMARJOBA SAKARTVELO
რომ რუსეთის მთავრობამ ფართომაშტაბიანი ომი იმიტომ არ დაიწყო, რომ რაღაცას გაუწია ანგარიში.
ფართომასშტაბიანი ომი რუსეთმა დაიწყო.
ჩართული იყო Ð’Ð”Ð’-ს 80%, მთელი ჩრდილო-კავკასიური სამხედრო ოლქი, გრუ-ს სპეცრაზმის ნაწილები, საზღვაო ქვეითები. ასევე ავიაცია და მთელი შავი ზღვის ფლოტი თავის სარაკეტო კრეისერიანად.

კგ, ახლა, რას მიმტკიცებ, რა არის ფართომაშტაბიანი ომი?
თუ ყურადღებით წაიკითხავ (53-ე გვერდი), ნახავ, ვწერ, რომ სახმელეთო ომი შიდა ქართლს არ გასცილებია-მეთქი,
თორემ ფართომაშტაბიანი ომის დამწყებზე კი არ ვდავობ.
ომი ვინ დაიწყო, ცხადია, ჩვენი საკამათო აღარ არის.
მშვენივრად ვიცით, რომ ჯერ კიდევ შარშან იგრიკაში (აპრილში) რუსეთმა ომის ზურგის უზრუნველსაყოფად,
აფხაზეთში სარკინიგზო ჯარები შეიყვანა.
ამაზე "ნიუ-იორკ თაიმსმაც" დაწერა და "გარდიანმაც" და სხვამაც.
შენ მიერ დასახელებული 3ხედრო ტექნიკიდან რუსეთს ყველაფერი სრულად რომ გამოეყენებინა,
გარწმუნებ, დღეს სხვანაირი საქართველო გვექნებოდა.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS