კვლავ ლექსებს დაგიწერ ანუ მეწერება და რა ვქნა

ნინი_85 · Post by **ნინი_85** » 13 ნოე 2008, 23:14

მინდა,
ჟინიანი,
ურჩი
გამეტებით,
ფეხქვეშ დავიყარო
გონჯი
პლანეტები.
მინდა,
აზიურად,
უტყვი გამალებით,
უკიდ-უნაპირო
ვსერო ტრამალები.
უდაბნოს ჯიშის და
მზის შვილთა
თვალების,
ვიწრო და უხეში,
კერპი გამოხედვა,
მონათა ლეგიონს,
ვაძგერო ხმალივით.
ვთესო და
ვამრავლო,
ფლოქვების თქარუნში,
ცხენის ფერდებიდან
ახსნილი აკვნების
უძღები ნაყოფი.
ავზილო ალაფი
სისხლში და
აწმყოში.
სარზეწამოცმული
მონათა თავებით,
შევკრა გალავანი,
დავიდგა კარავი....
მიწისთვის ნაჩუქარ
ოქრო-იაგუნდის
ყორღანზე გადმოვდგე
ურცხვი და თავხედი,
უდაბნოს გავხედო
უკვდავ
უსასრულოს
ცხელსა და
მშობლიურს
გულზე ამოვკაწრო
დ ი დ ე ბ ა
სახელად.
ქვიშაში გავწმინდო
ნამგალა ხმალი და...
ჩემს
თ ა ვ ი ს უ ფ ლ ე ბ ა ს
მივუძღვნა მსოფლიო...

ლუბა ელიაშვილი

ele · Post by **ele** » 15 ნოე 2008, 01:08

საღამოს უნდოდა ეკონკა რითმები
და თეთრი ვარდების ბალიში.
მოდი, დამაფინე გულზე შენი თმები,
ღამევ, ბოდვის სიმხურვალეში.

მეგონა, მუდამჟამს ვერცხლეულ სიახლეს
ებანის წკრიალში ვნახავდი,
კლდეებზე აფთართა ჯარებს რომ მიაფლეთს
ბორიო ზარების დახლამდი.

იკმარა საუნჯე ფსკერზე დამარხული
ალ სულში ალები ალობენ,
ჩრდილი კი კირჩხიბის ზოლზე გადახრილა
და ცის სერაფიმნი
სულისა სალხენად მისისა გალობენ.

caucasica · Post by **caucasica** » 15 ნოე 2008, 10:09

შენი მზე მიყვარს მწველი
ზამთრის ქათქათა სუსხი
ნისლდაფენილი ჭალა
და კვამლიშენი ბუხრის
შენი ტყე მინდორ ველი
შენი დეკა და ღვია
მე ყველაფერი მიყვარს
რასაც ქართული ჰქვია.

ნიკო წიკლაური (ხარაგაულში მცხოვრები, სოფ. საღანძილეში)

Tamusia · Post by **Tamusia** » 15 ნოე 2008, 16:21

წიკლაურ ნ.-ს რა ჰქვია?

მადლობაა

დღეს(18-ში) ეგ ლექსი სკოლაში ვასწავლე ორ კლასს

ნინი_85 · Post by **ნინი_85** » 15 ნოე 2008, 19:30

თანდაყოლილი,
თან დამთრევს ფრთები -
და მოთმინებით ვეძებ სინაზეს,
შენ რომ გგონია, ძვირფასო,
ცდები,
არ დამიდგია ფეხი მიწაზეც!
ახლა ბუმია, ძვირფასო,
დენთის
და მე ჩამაცვეს ხალათი გიჟის,
თანდაყოლილი
შვეული ფრთები,
მიწაზე მყარად სიარულს მიშლის...

ეკა ქაჯაია

ele · Post by **ele** » 15 ნოე 2008, 23:44

თვალები ბუდეში ღრმად ჩამჯდარი. . .
თითები გრძელი და ნატიფი. . .
ჩაყრილი ყვრიმალნი. . .
ხმა ბოხი. . .

შიშს მგვრიდა ბავშვობაში უზომოს. . .
ახლა კი. . .

მიყვარს. . .

http://www.link.ge/file/146342/-men-ge- ... a.flv.html

http://www.myvideo.ge/?video_id=275011

ნიმფა · Post by **ნიმფა** » 15 ნოე 2008, 23:49

ele

მანამ ლინკს დავხედავდი
წავიკითხე:

"თვალები ბუდეში ღრმად ჩამჯდარი. . .
თითები გრძელი და ნატიფი. . .
ჩაყრილი ყვრიმალნი. . .
ხმა ბოხი. . .

შიშს მგვრიდა ბავშვობაში უზომოს. . .
ახლა კი. . .

მიყვარს. . . "

და ეგრევე ვიფიქრეწ მურმან ჯინორიაზე ამბობსმეთქი

ვიფიქრე მურმან

ele · Post by **ele** » 15 ნოე 2008, 23:51

~nimfa~

ხომ. . .

Mta Mkvarebia · Post by **Mta Mkvarebia** » 15 ნოე 2008, 23:51

ele
მე ბავშვობიდან მიყვარდა

ჰოდა ლინკისთვის არც შემიხედავს...ან რად მინდოდა..ხომ ისედაც ვიცოდი, ვის გულისხმობდი?

ეს ახალია, იდოს აქაც

:

სულელო, გიღებავ...

იქ თუ არასდროს არ იყო ღამე.
არც ჩვენ ვიყავით.
შენ კი გჯეროდა,
როცა წამწამის დახრილ ჩეროდან
თვალი ცრემლებით გამოვიბანე
და ქარაშოტად გაშლილ დალალებს-
ქვეშ მონატრება შემოვილალე.
რომ იყო ღამე.
რომ ჩვენ ვიყავით
რომ მე გითხარი:

-ხელები მათხოვე...
მათხოვე ხელები.
მწველია მზეები, რომლებსაც ვატარებ.
დამასკდა ვენები-მზის წნულის სხივები.
გამიტყდა დამცავი ცისფერი სათვალე.
ლანგარზე დაგიდე სამყაროს სიჭრელე.
ახლა დამიჯერე,
ოღონდ დამიჯერე...
მანამ ხელისგულზე ჩამოწვა წყვდიადი
ეს მზე გამომართვი...
ამ სიტყვებს სხეულზე სხივებად მოგაწვდი
დამხრჩვალი სიმართლით.

-სისულელეა გულახდილობა
როცა ცხოვრება ასე ყალბია,
როცა უბრალოდ დებენ პირობას
ისიც, მხოლოდ და მხოლოდ სარფიანს.
და თუ თამაში არ გინდა,
მართლა...
და ამიტომაც ტოვებ ასპარეზს
ჩრდილად ქცეული სისუსტის განცდას
მაინცდამაინც ნისლში აპარებ ,
მაშინ არასდროს არ გიცხოვრია
ეს შენ გეგონა, რომ სულდგმულობდი.
გულს ხან ავსებდი შენ უგულობით
ხანაც სიმართლით.
იქნებ სწორია
როცა გარდერობს სწრაფად იახლებ.
ანდა ვიტრინას
კვლავ შორიახლოს უვლი გარშემოâ€¦
ყელში გაჩრილი სიკვდილი დაგაქვს
ისიც, რატომღაც

მხოლოდ საშენო...

-ამ ნაფეხურებით ზეცისკენ წავედი,
შენ კი კვლავ მიწაზე
ისე რუდუნებით უვლიდი ყვავილებს.

სიცოცხლე ვისწავლეâ€¦

-და არასოდეს არ იყო ღამე
შენ მხოლოდ ფიქრებმა..
წაგიღეს, ცხოვრება ისედაც შავია,

სულელო, გიღებავ...

-ხელები მათხოვე... მათხოვე ხელები
თეთრი ღამეების პასაჟ- რუხჩრდილები
ფურცელზე დავხატე.-ძველი ჩილიმიდან
და წლები მოვწიე
და სვენებ-სვენებით
როგორც სევდიანი მუზების საცოლე
ფოკუსს ხელისგულის განედზე ვასწორებ.

-და შემოდგომის თალხი სიმწვანე
ცოტაა ჩემთვის,
სუნთქვა მთიდან რომ ჩამოგეტანა
ხომ მომარჩენდი?!â€¦

-ხელები მათხოვეâ€¦
ძნელია ძალიან შიშველი მზეების ხელებით ტარება
შემოგეშველები.

თეკლე ბატონიშვილი

ele · Post by **ele** » 15 ნოე 2008, 23:59

Mta Mkvarebia

მე არ შემეძლო ბავშვობიდან მყვარებოდა რატომღაც
მაგრამ სჯობს გვიანო. . .

ლექსს ვინ არ წერს!
შენც წერ, მეც ვწერ,
სული ლექსით გვიდგას!
მაგრამ ჩემგან ეს გახსოვდეს:
შაირ-სიტყვის სხვლაში
ის, რაც შესაძლებელია
ოთხ სტრიქონში ითქვას,
ყოვლად შეუძლებელია
კარგად ითქვას რვაში!

მურმან ლებანიძე

zura N. · Post by **zura N.** » 21 ნოე 2008, 23:10

რა'გვერ ხარ-ივ - შემომეყარ
ნანი-ნანატრ ღიმილ',
შემოგბედ-ედ შემოგხედ-ედ
შემოგაფრქვი ტკივილ',
ვეღარ დახკვლი ჩემ თვალებში
შენ რო გათბო'ბდ, ი'ს სხივ',
ჩემ დანთებულ ვნების ალებ'
შენ სხვის მკერდზე გი'გრილ'.
- რა'გვერ ღჟამკრობ - თვალ-თვალ დახრით,
გულსგონგაყრით ვიკითხ',
გან ძალად'ა, ან გან ვალად,
მართლ' მოგილოც შვილიც.
ვერც მისდიოდ, ვერც რას მე გთმობდ'
ვერც ვჭკვაობდი'თ სიტყვით,
ცა'-იდ მიწა' შემოგვყურე'ბდ,
აღარ გვახსოვდ სირცხვილ'.

ხვალ გომეწარს ქორწილ მაქვ-ად
სხვისას დამდგმენ გვირგვინს,
მკერდით გულად ქვა' დამაქვ-ად
შენაც გამტყდარ გიჩინს...

qvevri · Post by **qvevri** » 21 ნოე 2008, 23:12

ერთმა კარგმა ადამიანმა შექპირის სონეტები მაჩუქა გუშინ და მეთვრამეტემდე უკვე წავიკითხე

ele · Post by **ele** » 21 ნოე 2008, 23:13

ორიგინალში კითხულობ?

qvevri · Post by **qvevri** » 21 ნოე 2008, 23:16

ele wrote:ორიგინალში კითხულობ?

ორიგინალში თვითონ არ წერდა და მე როგორ წავიკითხავ?

ele · Post by **ele** » 21 ნოე 2008, 23:42

qvevri wrote:
ele wrote:ორიგინალში კითხულობ?
ორიგინალში თვითონ არ წერდა და მე როგორ წავიკითხავ?

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS