კვლავ ლექსებს დაგიწერ ანუ მეწერება და რა ვქნა

lama · Post by **lama** » 01 ნოე 2007, 13:53

ჰაფეზ შენს საფლავს სატრფომ სიოდ, რომ ჩაუქროლოს
შემოგეხევა ვნებისაგან ტანზე სუდარა

ჰაფეზი

qvevri · Post by **qvevri** » 01 ნოე 2007, 15:49

მეუბნებიან რად სვამ ხაიამ...
როდესაც ვსვავ მე მესმის რას ჩურჩულებენ ვარდები, იები და ჟასმინები.
მე ისიც კი მესმის, რასაც თვით სატრფოც კი ვერ მეტყოდა...
ომარ ხაიამი.

gobe · Post by **gobe** » 02 ნოე 2007, 01:17

ამ ქვეყნად გმართებს, არ გადასცდე სიფრთხილის კიდეს,
ქვეყნად მოსავალს შენსას უნდა უჩუმრად მკიდე.
სანამ გაქვს ენა, ყურები და თვალები გიჭრის,
უნდა დამუნჯდე, დაყრუვდე და დაბრმავდე კიდეც...

ომარ ხაიამი

ჰმ...

guruli · Post by **guruli** » 02 ნოე 2007, 11:49

თუ დავიხრჩვები, ღვინომ დამახრჩოს,
ვგავდე ყაყაჩოს სათისხალიანს,
ძლივს მობარბაცებს მთვრალი ყაყაჩო,
ომარ ხაიამ!
გული, თელილი ბედის ფლოქვებით,
მოკვდა, დადუმდა დიდი ხანია,
სულს მაინც შერჩა ღვინო დოქებით,
ომარ ხაიამ!
არ ვიცი, ეს ოფტოპიკია თუ არა და ლექსი ბევრი სხვაც მიყვარს, მაგრამ ანა კალანდაძის ეს ლექსი (თუმცა აქ მხოლოდ საწყისი 2 სტროფი დავწერე) - მაინც გამორჩეულად.

meore monadire · Post by **meore monadire** » 02 ნოე 2007, 11:58

გიორგი ჭინჭარაულს (ბაბოთ გიორგის, იცნობენ კარველები, ბაქარმა მოკლა )

მეთერთმეტე კლასში თავის მერხზე საკუთარი ტეპები ქონდა ამოჩორკნილი:

"მორჩა, დასრულდა დღეს ყველაფერი, ხვალიდან უკვე ვიწყებ ლოთობას!"

კიდევ ერთი მისი ტაეპი მახსოვს:
"გაივლის დრო და ქარი წლებს თმებში ჩამოშლის"

ძალიან მაგარი ხევსური იყო ბაბოთ გიორგი...

shatilis asuli · Post by **shatilis asuli** » 02 ნოე 2007, 13:09

მაგარია ომარ ხაიამის სერია გააგრძელეთ რა?

meore monadire · Post by **meore monadire** » 02 ნოე 2007, 13:34

მას შემდეგ, რაც კი მზე და მთვარე ცაზე ანთია,
მადლი ღვინისა ამა ქვეყნად დიდზე დიდია,
ისინი, ღვინოს გასაყიდად ვინც იმეტებენ,
ვერ გამიგია, ღვინოზე კარგს რას იყიდიან.

ომარ ხაიამი

qvevri · Post by **qvevri** » 02 ნოე 2007, 14:59

shatilis asuli wrote:მაგარია ომარ ხაიამის სერია გააგრძელეთ რა?

ჩვენ კი გავაგრძელებთ მარა შენ რას იტყვი?

ZVIOSULI · Post by **ZVIOSULI** » 02 ნოე 2007, 16:13

ჩვენ გვინდა ვჭამდეთ იმას რაც გვიყვარს
და მოუნელებლობით ტკობით ვღრღვინავდეთ,
ვეფეთებოდეთ ნალურსმნალ კედლებს და ყოველ აგურზე ქრისტეს ვერ ვამჩნევდეთ.
გატეხო საკუთარი ნეკნების ჯავშანი და გამოიღო გულის წრფელობა,
რომელიც სისხლს საფარით დაფარული და სიმთვრალის ორთქლით გალეშიალია.
მე არ დაგარქმევთ არც ერთს სახელს,
სახელი წარმავალია.
მე არ დაგისმევთ არც ერთხელ კითხვებს,
კითხვები მხოლოდ ცალი მხარეა,
არამედ მხოლოდ მარტოობაში, ჩემიანომით განგეშორებით
და ასე დავაფასებ თქვენს არსებობას. ჩემს სიშორეში.

Archil · Post by **Archil** » 02 ნოე 2007, 17:05

გუდაურში მივდივარ და
სიტყვა მინდა დაგიტოვოთ
ლექსი ლექსად დაწერეთ და
სხვა რამ აქ არ დამიტოვოთ

მალე მოვალ, დავბრუნდები
სიონს მთისას ვინახულებ
მოვიკითხავ მოხევებს
და ადგილებს უნახულებს

ომარ კაი კაცი იყო,
ღმერთი იქაც გაანათლებს,
მაგრამ ქართულ სიტყვის მადლსა,
ომარს ვერვინ დაანათლებს

კაი ლექსი დამახვედრეთ,
ჯიგარი და ეშხიანი
თქვენი ნაბრძნობ ნათქვამი და
თქვენი აზრის ნაზიარი

როცა მოვალ, რომ შევხედავ
გულის ძირში გამიხარდეს
ჩემი თავი თუნდაც ჭირსა
ამ კარავის შემხედვარეს

lika · Post by **lika** » 02 ნოე 2007, 19:30

Archil

ძალიან კარგი განყოფილება გახსენი ძალიან მაგარი ლექსებია, ყველანი მაგრები ხართ

tama · Post by **tama** » 02 ნოე 2007, 22:59

არც სინაგოგა, არც მეჩეთი, არც ეკლესია, _
არ მწამს არც ერთი, მათი გმობა ჩემი წესია!
მე არც სამოთხის იმედებით ვყოფილვარ ქვეყნად,
არც ჯოჯოხეთის მოლოდინით დამიკვნესია.

ომარ იბნ იბრაჰიმ ხაიამ ნიშაბური

meore monadire · Post by **meore monadire** » 03 ნოე 2007, 11:46

ლოცვას რომ მორჩე, მეჩეთიდან წადი, იარე
სარდაფში ჩადი, ქუჩა-ქუჩა ნუ იყიალებ,
ხაიამ შესვი, თორემ მალე შენი ნეშტიდან
გამოძერწავენ მაგ ღვინისთვის თასს და ფიალებს.

tama · Post by **tama** » 03 ნოე 2007, 23:51

ტურფავ, ღვინო მომაწოდე.ორი რამე მინდა მხოლოდ:
ღვინო შევსვა და ზედ შენი ტკბილი ბაგე დავაყოლო.
ღვინო! ღვინო მომიტანე, რათა თავის შეკავების
აღთქმა შენი დალალივით ქარს და ნიავს გავაყოლო!

tama · Post by **tama** » 04 ნოე 2007, 00:36

"დახუჭე თვალები, დახუჭე...
სინათლე ყველაფერს აფუჭებს..
სიბნელე მათრობს და მაჩუმებს...
არ გინდა?... ცხოვრებას გაჩუქებ...
თვალებზე შეგახებ ცხელ ტუჩებს...
ეს კოცნა ტკივილებს აყუჩებს...
გთხოვ შენი თვალები მაჩუქე
და შენი თითები მაჩუქე..
და შენი სიზმრები მაჩუქე...
და შენი ალერსი მაჩუქე...
დილა და საღამო მაჩუქე ...
და ამ ყველაფრის სანაცვლოდ...
დარჩენილ სიცოცხლეს გაჩუქებ...
დახუჭე თვალები დახუჭე...
სინათლე ყველაფერს აფუჭებს!"

სხვა ფორუმზე ვნახე შემთხვევუთ და რაღაცნაირად მომეწონა

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS