კვლავ ლექსებს დაგიწერ ანუ მეწერება და რა ვქნა

ნინი_85 · Post by **ნინი_85** » 09 თებ 2008, 12:10

ხეტიალით ძლიერ დავითვერი,
სასტიკია: სევდას დაღლაც ერთვის,
მიველ, ვნახე ცისკარივით ფერი,
ვიდექი და ვლოცულობდი შენთვის...

ვიტრინაში ჩანდი, როგორც დილა.
როცა სხივი ჰქარგავს ხოლმე ველებს,
გიცქეროდი, მაგრამ ისე ფრთხილად,
როგორც ერთ დროს მოვეფერე ხელებს.

მირზა გელოვანი

ნინი_85 · Post by **ნინი_85** » 09 თებ 2008, 21:41

შენ გიგროვებდი მთვარის ბულულებს,
ღამე თრთვილავდა გამოწვდილ ხელებს,
ნეტავ, რად ვრგავდი შენს კულულებში
რუზე შუქშემკრთალ ციცინათელებს?!

რად გიყვებოდი მოქარგულ ზღაპარს,
სადაც სიმღერა ჟრუანტელს ერთვის...
შენ ღვთისმშობელმა ხელით გატარა,
მე კი სიზმრები მომქონდა შენთვის.

თეთრკაბა იებს რად წასკდათ ცრემლი,
იქნებ მოსწყინდათ ჩვენი ფერება?
გარეთ ქარი დგას ფეხის ცერებზე,
უკან რად იხევს ბედნიერება?...

რატომღაც მინდა, კიდევ ვემთხვიო,
ოდესღაც ჩემსკენ გამოწვდის ხელებს.
საფლავად მკერდი ამოვუთხარო,
შენს თმებში მოკლულ ციცინათელებს.

ნ. სამადაშვილი

namcecuna · Post by **namcecuna** » 10 თებ 2008, 01:14

ნამცეცი

გადაღებილი ფრესკების და საგნების კაწვრა,
ყველა სახელით ერთი ჯამის გათამაშება,
სიხარულებით, ტკივილებით, ბევრჯერ რომ გასცდა,
ყოფნა-არყოფნის საზღვარზე რომ პატარა შრეა
და ღმერთი სუფევს, ჯერ სიბნელე, მერე სინათლე
რომ აიფარა, გაქცეული, ხასხასა ღმერთი,
ქედს რომ არ იხრის არსებობის ხვედრის წინაშე,
თან სულ რომ მოდის, ნამცეც-ნამცეც და ღმერთად ვერ ვთვლით
და ვცდილობთ, უფრო გადავდღაბნოთ, გავაფერადოთ
ყველა საგანი, გამოთვლილი ზომით და წონით
და ტკივილებით ამოვკაწროთ, რადგან ვერასდროს
ვერ გავიხედავთ ყოფნასა და არყოფნას შორის,
სადაც საგნებმა შეინახეს თავისი სახე,
საითაც მოჭრილ ფრთებს და ხელებს მიწვდი, ვაცეცებ,
ვერ დაგვაჯერეს “ყველაფერი ღმერთის შესახებ”,
მთლიანად რომ ვერ მოვიხელთეთ, ვკენკავთ ნამცეცებს,
ყოფნა-არყოფნის საზღვარზე რომ გამოვედავოთ,
რომ ჩემთვის გინდა, სანამ აქ ვართ, შენთვის მჭირდება
ყველა ის ფერი, რასაც მხოლოდ ბრმები ხედავენ,
ის მხარე, სადაც მიფრინავენ მკვდარი ჩიტები

რ. გეთიაშვილი

namcecuna · Post by **namcecuna** » 12 თებ 2008, 11:46

თებერვლის

მე შემიძლია დაგარქვა სახელი
და მერე
დაგბადო თებერვლის მზესავით-
ცივი და მოთეთრო.
თითებით გამხელილ
სიტყვებად გაქციო,
ჩაგკეტო მუჭებში- წამიხვალ ვერსაით,
ან,
ფრანად შეგაბა
ოქროსფერ ნაწნავს და
ცას გადაგაცილო.
მე შემიძლია დაგწერო ქვიშაზე,
თოვლზეც და წყალზეც და
გიკითხო... გიკითხო...
ან,
საქანელებად თეთრ ცაში დაგკიდო,
რომ ხელით მატარო.
და მერე, ხელიდან,
ან ხელის გულიდან
ისე აგიორთქლდე, თვალიც ვერ შემასწრო-
თებერვლის ფიფქივით
თეთრსა და პატარას .

namcecuna · Post by **namcecuna** » 13 თებ 2008, 12:51

"...ჩემი ნაპირი
წვიმისა და შენი ხელისგულების ნაპირია,
საიდანაც უფრო შორს და
უფრო უცხო ჩანს
სხვების მიწები და ნაპირები.
შენ იცი,როგორ უნდა დამაბრუნო
სხვისი მიწებიდან შენთან!.."

ნათია ნაცვლიშვილი...

ნუ მიივიწყეთ ეს ოთახი, კარგია აქ

პ.ს ლოკოკინა სად ხარ...

KINALOKO · Post by **KINALOKO** » 13 თებ 2008, 14:41

namcecuna wrote:ტრფობა ძლიერი და გაბედული,
რომ ქვეყნად მეტი არა რა მსურდეს.
ტოროლასავით აფრინდეს გული
და სამუდამოდ დასტოვოს ბუდე.
რომ აღარ დარჩეს გოჯიც კი ცამდე,
შევიძლო მზესთან თვალის სწორება,
რომ მთიდან მომსკდარ ლილეოს ჰგავდეს
ადუღებული ჩემი ცხოვრება.

ა. სულაკაური

au au auuu
es Cemzea xoooo

vaa xalxo, raaaaaa aaaaaaaambebia aamdens ver moovaswreb, coota xniT var aqaa

hoooda...
moomenatreT

lomikata · Post by **lomikata** » 13 თებ 2008, 14:49

ასე დამიბარა მამაჩემმა...

ღვთისგან ნაჩუქრად მიიღე, რაც მოგეცეს,
ყოველ წამს მადლობა უთხარი გამჩენს,
წვიმაც თუ ზეციდან ცეცხლად გადმოგექცეს,
დაგწვას და მწირივით უქონელი დარჩე,
ეგეც ღვთის წყალობად მიიღე, არ დაეცე
და მადლობა ალალად შესწირე გამჩენს.

ნუ შეიყვარებ ამ სოფელს წამიერს,
ცახცახა ფოთოლივით დროების მგზავრი ხარ,
ყოველ წამს ბეწვის ხიდზე მოქანავე
ათასჯერ გავლილ გზას ამაოდ გადიხარ.
შემწედ და მეგზურად ღმერთი გეყოლება,
თუკი არ ისურვებ ღმერთობას ხანდისხან.

ამ ცას,ამ მიწას ვერ გამოეკერები,
წუთისოფლის მეფედ სხვა ვინ დარჩენილა,
გახსოვდეს მიწა ხარ და მიწად მიიქცევი,
სამყაროს მირაჟების მტვრიანი ნარჩენი ხარ.
- ასე დამიბარა მაშინ მამაჩემმა,
ამ სოფლის ბოლო წუთს ითვლიდა რომელიც,
- არ შეგაშინოსო კაცთა განაჩენმა,
მთავარი სამსჯავრო უფალთან მოგელის.
მისგან ნაჩუქრად მიიღე ყველაფერი,
მოგეცეს ცხოვრების ლხენად თუ სატანჯველად,
გახსოვდეს, გაუძლებს ვინც სოფლის სიავეს,
საუკუნო ცხონებისთვის გადარჩება...
ასე დამიბარა მაშინ მამაჩემმა,
სიკვდილის მოუსწრო როცა განაჩენმა.

KINALOKO · Post by **KINALOKO** » 13 თებ 2008, 14:51

namcecuna
Cemi sayvareli ubania "zogadi saubrebi" da " uusayvarlesi oTaxia" esaaa

:D:D:D

namcecuna · Post by **namcecuna** » 13 თებ 2008, 15:10

ANIKOKOL

ხოდა, დააკლდი და მოგინატრა უბანმაც და ოთახმაც

nodari · Post by **nodari** » 13 თებ 2008, 15:28

lomikata · Post by **lomikata** » 14 თებ 2008, 13:39

მზის ნაწვიმარზე გაშხვართული ფიქრი ნებივრობს,
მოტრფე თითებით ეფერება გატრუნულს სიო,
სიცხით ალოკილ მუხლისთავებს ატყდება ღელვა...
და კივის ფიქრი, _ ალეწილო ტრფიალო მსვიო!
დახეთქილ ტუჩეს ჩამოტყდება ვნების ნაპირი
და ელამ თვალებს გადანისლავს უდაბნოს ხვატი,
ავსილი ჟინით და სურვილით გაწყდება თმენა,
სიცხის რუებში , დახვრეპილში სულს დალევს ხვადი...
ეროტიული ზმანებების მწველი კადრებით
შეშლილი ტვინი გადასცდება სისხლისფერ საზღვარს,
ცხელი სხეული შეისრუტავს მზის წვიმას, ზანტი ,
და უდაბნოში მიაშურებს მაცთურთა ზღაპარს.

legenda · Post by **legenda** » 14 თებ 2008, 13:47

nodari

ბოლო ლექსი კარგია...

ნინი_85 · Post by **ნინი_85** » 14 თებ 2008, 20:56

...........................რისთვის მიყავრხარ?.......................

რისთვის მიყვარხარ?მისთვის,რომ ცრემლსა
ჰბადავს ჩემსა თვალში ეს სიყვარული:
მისთვის,რომ მტანჯველს ჩემს ავსა ბედსა
უფრო სასტიკად ებრძვის ეს გული.

რისთვის მიყვარხარ?მისთვის რომ შენს თვალს
ჩემ გულის ალი არ უდნობს ცრემლსა;
მისთვის მიყვარხარ რომ მაძლევ ტანჯვას
და იმ ტანჯვაში სრული სიცოცხლესა.

31 დეკემბერი 1858 წ. პეტერბურგი.

ილია ჭავჭავაძე.

nodari · Post by **nodari** » 14 თებ 2008, 23:50

namcecuna · Post by **namcecuna** » 15 თებ 2008, 00:11

უშენობიდან უშენობამდე
ცხოვრებას მწარე ეკლით ვღობავდე.

გული არ მქონდეს - გული მტკიოდეს,
ცოცხალი ვიყო - მკვდარი მქვიოდეს.

გეძებდე ქვეყნის დასალიერზე -
ქვეყანა ჩემთვის დაცარიელდეს.

დავდიოდე და შენზე ვგლოვობდე,
მაგრამ გავუძლო ტკივილს ბოლომდე.

და იქნებ მისწვდეს გლოვა ნაზარეთს!
და იქნებ აღსდგეს მკვდრეთით ლაზარე!..

მკვდარი ვიყო და ცოცხალს მოვგავდე -
უშენობიდან უშენობამდე.

"ადარნასე"

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS