:!: თემა ყველაზე მცირეწლოვანი ადამიანებისთვის :!:

Bivrili · Post by **Bivrili** » 16 თებ 2009, 22:46

თხუპნია

უკვირს შალვას, გაიძახის:
ანის ეს რა უქნია,
ცხვირი ლოყა,ხელები
სულ მთლად გაუთხუპნია.
სასაცილოდ დატანტალებს,
შუბლზეც მური აცხია
ბებოს კაბა უპოვნია
და ამაყად აცვია.
გურიკოსაც არ ასვენებს,
ცელქია და ანცია.
პრანჭიკელა იქნება,
ზედ კოჭებზე ატყვია.

ჯ.მაღრაძე

Bivrili · Post by **Bivrili** » 16 თებ 2009, 22:49

ვინ არის მხატვარი?

კომბოსტოს, ჭარხალს,სტაფილოს,-
მინდა ვიცოდე ყველაფერს,
ბოსტანში სხვადასხვაფერად,
ნეტავი ვინ აფერადებს?

პამიდორს წითლად ვინ ღებავს,
კიტრს ხან ყვითლად და ხან მწვანედ?
საზამთროს ასე რა ატკბობს,
წიწაკას რაღა ამწარებს?

ფერიც სხვა აქვს და სურნელიც,
რეჰანს,ქინძსა და კამასა,
მაკრატლით მათი ფოთლები,
ნეტავ ვინ შეალამაზა?

სულ ბოსტანში ვარ ჩამჯდარი,
სადაც დგას ჩემი ჩინარი,
ვდარაჯობ უცხო მხატვარს და
ვერ დავინახე ვინ არი?

ნ.თარგამაძე

Bivrili · Post by **Bivrili** » 16 თებ 2009, 22:56

გამოცანები

1.
კუდაბზიკა,თავმომწონე
ყველის ნახვამ აამჩატა,
მსუნაგია თაგვის მტერი,
ღნავილა და ჰქვია .........
კატა

2.
კუდნამგალა დეზებით,
კრუხ-წიწილის ამალით,
დაბრძანდება ეზოში,
თქვი რა ჰქვია?
მამალი

3.
ავმუცელა,მსუნაგი
დედალ-მამლის მტერია,
ტყუილების გუდაა,
კუდფუმფულა.....
მელია

4.
ნაცრისფერი ქათიბი
უხდება ჩვენს პრანჭიას,
ბაფთასავით ყურები
ალამაზებს პაწიას,
კომბოსტო და სტაფილო
ურჩევნია ვარდს,იას.
გამოიცან, სახელად
მას რა ჰქვია?
ბაჭია

ლეონტი · Post by **ლეონტი** » 01 მარ 2009, 15:46

ვიმეორებ წინა გვერდებზე დადებულ ბმულებს;

http://children.iatp.ge/ ან ასლი: http://children.wanex.net/

http://1tv.ge/kids/

http://www.press.tsu.ge/GEO/sabavshvo/i ... vshvo.html

და ვამატებ ფილმის გადმოსაქაჩ ბმულს:

"მაგდანას ლურჯა"

http://www.gio-gio.ucoz.com/load/1-1-0-32

ლეონტი · Post by **ლეონტი** » 09 მარ 2009, 09:57

საბრალო დედაბრისასა
თაგვნი ყანასა მკიანო,
ლომნი უგრეხენ ულოსა
და ვეფხვნი შეუკვრიანო;
დევნი ურემსა უბიან,
ირემნი ძნასა ჰყრიანო,
შველნი კევრებში შებმულან,
კალოს გარს დარბენიანო;
ზედ ანგელოზნი უსხედან,
ტკბილ ხმაზედ დასძახიანო,
ჭინკები მარდად უქცევენ,
ყანასა გაჰფორცხიანო;
ტახნი მისწევენ კალოსა,
მელები კუდით ჰგვიანო,
წერონი ანიავებენ
და ბატნი დაჰკაზმიანო;
დათვებს ჰკიდიათ ტომრები,
ორმოში პურსა ჰყრიანო,
მგლები წისქვილში გაგზავნეს,
პურს მალე დაუფქვიანო;
შაშვი ფქვილს მტკიცავს,გნოლი ჰზელს,
კაჭკაჭნი ამოჰქნიანო,
მტრედნი ჩააკვრენ ლავაშსა
და გვრიტნი ამოჰყრიანო;
ვარიები ამზადებენ,
იხვნი სუფრასა შლიანო,
ზეცას ტოროლა გაგზავნეს,
სტუმრები მოჰკრიბიანო,
შენს მადლსა,ჩხიკვნი ნუ გვინდა,
სუფრასა აგვიშლიანო;
სილამაზითა ხოხობი
შუაში ჩაისვიანო,
ბულბული გალობისათვის
სულ თავსა დაისვიანო,
საწყალი ბერი ქედანი
ბოლოში მოიგდიანო,
ერთად სმენ,სჭამენ,ლხინობენ,
â€žჰარალეს“ დასძახიანო.

Kakha · Post by **Kakha** » 09 მარ 2009, 11:02

ლეონტი
გაიხარე. ამაზე უკეთესი რა უნდა წამეკითხა ამ დილას.....

lama · Post by **lama** » 09 მარ 2009, 19:35

ლეონტი
გაიხარეეეეეეეეეეეეეეეეე

მადლობა

გადამისროლე ღრმა ბავშვობაში

კარგი ადამიანი ხარ

ლეონტი · Post by **ლეონტი** » 25 მარ 2009, 22:22

ბაბილინას საკვირაო სკოლა

http://www.1tv.ge/Shows/Default.aspx?Sh ... nguageID=1

GAMARJOBA SAKARTVELO

ლეონტი
ვიტყოდი, რომ ძნ კეთილი თემაა.
დიდი იმედი მაქვს, მუდმივად განაახლებ.
მეც რაღაცეებს მოვძებნი და შემოგთავაზებ.
მათ შორის, ბმულებსაც

Lola · Post by **Lola** » 26 მარ 2009, 05:57

lama wrote:ზღაპარ იყო, ზღაპარ იყო
ჭალას ჩიტი მომკვდარიყო
მაღლა შევდე დამპალიყო
დაბლა დავდე გამხმარიყო

დიდ ქვაბში არ ეტეოდა
პატარაში ლაღად იყო
ასმა კაცმა ვერ შეჭამა
პატარძალმა ლუკმად იგდო

გასაკვირი არაა შეშინებული რატო დავდიოდი ბავშობაში....

ლეონტი · Post by **ლეონტი** » 03 აპრ 2009, 22:15

კიდე 1 ფილმი პატარებისთვის:

აქ ათეისტური გაჭედვებია, მაგრამ საერთოში ფილმი უნიკალურია.
ხარისხიც არ ვარგა, მაგრამ სულ არარაობას ჯობია:
"ქაჯანა" ნიკო ლომოურის მიხ.

http://allshares.ge/download.php?id=0AD316337

lali · Post by **lali** » 04 აპრ 2009, 00:01

წუხელი რწყილმა მიკბინა
გათენებისა ხანსაო,
ავდექ, ავანთე სანთელი,
გავუდექ იმის კვალსაო.

გავიხედე და გასულა
აზამბურისა თავსაო,
დავუჩოქე და ვესროლე,
მოვარტყი ბეჭის ფთასაო.

ასსა ურემზე დავუდებ
სამას უღელსა ხარსაო,
მიჰქონდეს გაჭირვებითა,
ამტვრევდეს ფერსო-ჭალსაო.

ამას ქალაქში ჩავიტან
დიდი ვეზირის კარსაო,
ლიტრას აბაზად გავყიდი,
უყურე მოგებასაო.

ხალხური

optimisti · Post by **optimisti** » 22 დეკ 2010, 17:23

ვინმე ხომ ვერ დამეხმარება ამ ლექსის გახენებაში:

"კარი გამიღეთ მეკვლე ვარ,
ახალწლის მახარებელი......"

გვალდა · Post by **გვალდა** » 22 დეკ 2010, 17:39

მეკვლე

კარი გამიღეთ!
მეკვლე ვარ
სულს ღაფავს
ღამე ბებერი!
ისმის მამლების
ყივილი
ახალწლის მაუწყებელი!

ჩვენც ავიშალეთ,
ბალღებო,
და შევხვდეთ
როგორც შეჰფერის!
ხარობდეთ!
ფეხი შემოვდგი!
გილოცავთ
ხონჩა-ძღვენითა!
დაიზარდენით,
ისწავლეთ,
დრო გაატარეთ
ლხენითა!

გიორგი ქუჩიშვილი

გვალდა · Post by **გვალდა** » 22 დეკ 2010, 17:43

optimisti
მაგრამ შენ მგონი ამ ლექსს არ ეძებ:

http://children.wanex.net/

აქ უნდა იყოს შენ რასაც ეძებ, ის.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS