V
დაკვირვება(ნი) ახალ კარველებზე
ახალი კარველები იმ ახალშემატებული წევრებივით არიან, ოჯახში რომ ჟრიამულს შეიტანენ ხოლმე... ჰოდა, მერე მიდის მათი გაცნობა ლაშქრობაში, თბილისურ შეხვედრებზე ან ჩემ შემთხვევაში-პოსტების გამოკვლევა-ანალიზით
(მოგეხსენებათ, არასტაბილური რეჟიმის გამო ლაშქრობების სიას წინა დღეებში ვაკლდები ხოლმე)
მოკლედ, ძალიან საინტერესო მასალა დაგროვდა ახლებთან დაკავშირებით...
ნიკების დაწერას არ ვაპირებ, უბრალოდ ლაით-ტიპაჟებად შეიძლება მათი დაყოფა და მგონი ასეც აჯობებს
))
I კატეგორია ახალი კარველებისა წააგავს ახლადგახსნილ კარავს: ულაშქრობის ნაკეცები ეტყობა, ქარხნული სურნელი დაჰკრავს, მაგრამ როგორც კი ლაშქრობაში გაიხსნება, გარედან დასველდება, შიგნიდან კი სითბოს იგრძნობს, გარედან ქარი დაუბერავს, შიგნაგანი სითბო კიდევ უფრო მატულობს და გაუთოების კანონის თანახმად ნაკეცები უქრება, სწორდება და ლამაზდება...
II კატეგორია წააგავს სუსტი ელემენტების ფანარს: სად დაგიჯდება კაცმა არ იცის...
III კატეგორია შეგვიძლია შევადაროთ ე.წ. "ზალატოი ზაპასს"-"ზგუშონს": ატარებ, ატარებ, მძიმეა, მაინც ატარებ, რაღაც მომენტში კიდეც ნანობ მის წამოღებას, მაგრამ ბოლოს ისე გასიამოვნებს, ყველანაირი დაღლა გავიწყდება...
IV კატეგორია უბრალოდ... ნუ, პრინციპში, ხანდახან რადიოც საჭიროა... მაგრამ მაინც ვერ ვხვდები, რატომ აქვს ყველა რადიოს მხოლოდ დინამიკი და არ გააჩნია მიკროფონი?..
სხვათაშორის, რადიოზე ერთი საინტერესო დაკვირვება ვაწარმოე: როგორც კი წვიმა-ტალახიან ლაშქრობაში აღმოჩნდება, წყალი ჩასდის და ჩუმდება...
V კატეგორიაა ,,ავტობუსის მძღოლი": ფაქტიურად ლაშქრობაშია, მაგრამ სულით და გულით-სამსახურში!..
VI კატეგორიაა "შამპანური": შიგნით პოტენციური მხიარულებაა და ამ დროს თავისთვის დევს... სანამ არ შეანჯღრევ...
VII კატეგორია შესანიშნავია და ყველაზე მრავალრიცხოვანი: კარგები ლაშქრობაშიც, ქალაქშიც და მონიტორებს იქითაც...