ძველი თემა აღმოვაჩინე ამდაგვარი პრობლემატიკის,
გთავაზობთ ლინკს და ერთ ამონარიდს... არ ვიცოდი ასეთ სიბრძნეებს თუ ვამბობდი ხოლმე:
http://karavi.caucasus.net/viewtopic.ph ... sc&start=0
ვისაც გაინტერესებთ როგორ შეარჩიოთ პარტნიორი, ახლოს მოიწიეთ, ჩამოსხედით და გაისუსეთ.
ეტო რას!
როგორ შევარჩიოთ პარტნიორი
მთავარი იმის გარკვევაა, თქვენ რა უფრო გხიბლავთ: "როგორ" თუ "პარტნიორი"...
პარტნიორის შესარჩევად საჭიროა იგი ლაშქრობაში შეგხვდეთ სრულიად შემთხვევით... ვთქვათ, დათვიჯვრის უღელტეხილზე... საბურავი დაგეშვათ, მარტო ხართ, საბურავის მოხსნა დაიწყეთ, გცივათ, გშიათ, ხელები გეყინებათ, თითებს კარგად ვერ ამოძრავებთ, ჭანჭიკი გაგივარდათ ხელიდან და უცბათ ვიღაცის ნატიფმა ხელმა მოგაწოდათ... არა მარტო ჭანჭიკი, არამედ ერთი ჭიქა არაყიც(მისაყოლებელს მიხვდებით).
ასევე ძველი და მამა-პაპისეული მეთოდია პარტნიორის პოვნა მეტროში.
პირველ რიგში თქვენ დგებით ჟეტონების ჩასაგდებ აპარატთან და იწყებთ დაკვირვებას, ვინ როგორ აგდებს ჟეტონს ჭრილში. ეს მთელი მეცნიერებაა.
ის, ვინც ჩვენ გვჭირდება ჟეტონს უნდა აგდებდეს არაქაოსურად, ჰა ჰა მე-3 ცდაზე, თუ პირდაპირ შეაგდო ხო მთლად კარგი. ჟეტონის ცაგდების შემდეგ დააკვირდით როგორ გაივლის ჯეტონ-კონტროლიორის მოწყობილობას, თუ მან მოქალაქეობრივი ვალის მოხდის მიუხედავად, გვერდებზე მაინც მიაფარა ხელი (რეზინებმა არ დამარტყასო), ესე იგი, იგი მთელი ცხოვრება ზედმეტი და არაფრისმომცემი გარანტიების ძიებაში იქნება და შესაძლოა, მასთან ერთად თქვენც. თუ პირდაპირ და გაბედულად გაიარა, ეს იმეტყველებს 3 რამეზე: 1. ან მას აქ არ გაუტარებია ბავშვობა და არ იცის ჩვენ კეთილმოწყობათა ზერელეობაზე, ან 2. ძალზედ წინდაუხედავია (რომელი პრობლემატიკაც უკვე ესკალატორზე მწვავდება) ან 3. გაბედულია. თუ ჟეტონის ჩაუგდებლად ახტა, ჯებირს გადაევლო და პირდაპირ ესკალატორთან დახტა, მასთან ბევრი თეთრად გათენებული და ენერგიული ღამე გელით. თუ ჟეტონიც ჩააგდო, იყოყმანა და ბოლოს არ გაიარა, დააკვირდით შემდეგ მოქალაქეს.
რაც შეეხება ესკალატორს, თუ ესკალატორზე დგომისას მუდამ გამვლელ ესკალატორზე მდგომთ ათვალიერებს და მათ აყოლებს თვალს, ჩათვალეთ, რომ დაგტანჯავთ წარსულზე და ყოფილ მეგობრებზე საუბრით. თუ პირდაპირ იყურება, ესე იგი მეტროში განთავსებულ ტელეეკრანს უყურებს და სერიალების ფანია, უყვარს ილუზიები ან უბრალოდ კისერი აქვს გაციებული. თუ პირდაპირ იყურება, მაგრამ თვალის კუთხით აკვირდება გარშემო ხალხს, ესე იგი მან ეს სტატია თქვენზე ადრე წაიკითხა.
შემდეგი... თუ თქვენი თანდასწრებით ვინმე სხვას დაუწყო ალოგიკურად ფერება და ტანკლი-ტუნკლი, ესე იგი საქმე თქვენთან აქვს სინამდვილეში, ხოლო თუ სხვისი თანდასწრებით, თქვენ დაგიწყოთ ალოგიკურად მოქცევა-მოფერება, სანამ არ დაასრულებს, ნუ დაიწყებთ იმის გარკვევას საქმე ვისთან აქვს. დააკვირდით საათზე როგორ იყურება: ზედხედით(ზემოდან ქვემოთ), ქვემოდან (ქვემოდან უყურებს აწეულ ხელს), გვერდიდან თუ ირიბად... ეს ისე.
ასევე საინტერესო იქნება თქვენს თავს კითხოთ-მოგწონთ თუ არა.
თქვენ პარტნიორს კი არ პოულობთ, თქვენს თავში პოულობთ ალტერ ეგოს, რომელიც უკვე მზადაა პარტნიორისთვის, სადაც დგახართ, მოიცადეთ, მოვლენ და გიპოვიან
