:!: თემა ყველაზე მცირეწლოვანი ადამიანებისთვის :!:

Ninukala · Post by **Ninukala** » 22 დეკ 2010, 18:00

დღეს სკოლაში მივდივარ
და ვერ ველევი თოჯინას.
ვიცი მასთან განშორება
ბევრ საფიქრალს მომიტანს.

ახლა წიგნი, ასოები,
გვერდზე მრჩება თამაში,
მერე როგორ დავეხმარო
ჩემს თოჯინას ჭამაში?

მაინც ასე გადავწყვიტე
შევიყვარო წიგნები.
როცა დიდი გავიზრდები
კარგი დედა ვიქნები.

მარინა ბლიაძე (ჩემი დედიკო.... :*)

lama · Post by **lama** » 22 დეკ 2010, 19:00

ლეონტი
არც ერთი ბმული არ იხსნება

ლეონტი · Post by **ლეონტი** » 22 დეკ 2010, 21:13

Sarajistka wrote:http://www.press.tsu.ge/GEO/sabavshvo/i ... vshvo.html

ვფიქრობ ბავშვებისთVის ერთ-ერთი საუკეთესო საიტია.

აი ეს იხსნება.
ესეც ;

მაგდანას ლურჯა"

http://www.gio-gio.ucoz.com/load/1-1-0-32

ესეც
ქაჯანა" ნიკო ლომოურის მიხ.

http://allshares.ge/download.php?id=0AD316337

Ninukala · Post by **Ninukala** » 22 დეკ 2010, 23:42

პატარა ქართველის სიმღერა

ჰერი ბიჭებო ჰერიო,
მოვდივარ მოვიმღერიო,
ჩემს ლამაზ მთა-ბარს ვფიცავარ
არ გავახარო მტერიო.

სადაც არ უნდა წავიდე
ვიქნები ქვეყნის მცველიო.
არ შეგარცხვინო მამულო,
შენს აყვავებას ველიო.

თუნდ მწყემსი ვიყო, ან მეზვრე,
მეფოლადე თუ მხვნელიო,
ყველგან სიკეთე დავთესო,
ვიყო, მამულის მცველიო.

სწავლული გავხდე დიადი,
ზეცას შევახო ხელიო,
თუ გიღალატო მამულო,
არ მერქვას მე ქართველიო.

დათუნია დრუნჩა

ზოოპარკში წაიყვანა
დედამ ცელქი უჩა.
გაუხარდა როცა ნახა
დათუნია დრუნჩა.

უთრხა - დათვო, დათუნია
თუ გაჭმევენ თაფლსო?
წამო ჩემთან მე გასწავლი
ფუტკრებიან სკასო.

დათვმა უთრა - ჩემო უჩა
ვფიცავ ამ ჩემს თათსო,
ახლა თაფლს სჯობს,
თუ გამიღებ, ამ გალიის კარსო.

მარინა ბლიაძე

Ninukala · Post by **Ninukala** » 22 დეკ 2010, 23:51

მოდა, მოდა...

რა სჯობია როცა კოხტად
მაცვია და ვკეკლუცობ.
თან ყველასგან მოწონებას
აღტაცებას ვღებულობ.

მაგრამ რა ვქნა, მამიკო და
ჩემი ტკბილი ბებია,
ასეთ საქციელის გამო
ბევრჯერ გამბრაზებია.

მაინც მოდის ტრფიალი ვარ,
მაინც მოდით ვამაყობ,
ხშირად, ხშირად ჩემს სარკის წინ
ქალობანას ვთამაშობ.

შემომხედეთ... თუნდაც ახლა
როგორ გარდავიქმნები,
ეს პატარა ციცქნა გოგო
ქალად გადავიქცევი.

შემოვიცმევ მაღალ ქუსლებს
და დედიკოს ბეწვის ქურქს,
შემდეგ ყელზე შემოვიგდებ
ჩემს ბებიკოს მელის კუდს

ტუჩზე პომადას წავიცხებ,
გავიკეტებ ყელსაბამს,
ქურქის გარეთ შემოვირტყავ
ულამაზეს გრძელ ქამარს.

რა სჯობია როცა კოხტად
მაცვია და ვკეკლუცობ.
თან ყველასგან მოწონებას
აღტაცებას ვღებულობ.

მიყვარს მზერა ფარული და
მიყვარს თვალის პაჭუნი,
ამას მაშინ ვიმსახურებ
როცა ვარ გაპრანჭული.

მარინა ბლიაძეა

Ninukala · Post by **Ninukala** » 23 დეკ 2010, 00:10

ეს ლექსი დედიკოსი ძალიან მომწონს, რადგან ქართულ ანბანის მიხედვით არის დაწერილი

აფრინდა ბუდიდან გნოლი,
დალი ეფერება ვარდს,
ზვინთან თრითინა იწვევდა
კურდღელს, ლომსა და მაჩვს.

ნიორს, ოხრახუშსა და პრასს,
ჟირაფი რიონით რწყავს.
სტვენს ტოროლა და უმღერის
ფერდობს, ქედსა და ღვარს.

ყაყაჩოს შაშვი ჩასცქერის,
ციდან ძერა ეძებს წყალს.
ჯიხვი ხარჯიხვთან ჭიდაობს
ჰიმნი უმღეროთ მათ.

მარინა ბლიაძე

optimisti · Post by **optimisti** » 23 დეკ 2010, 10:54

გმადლობ გვალდა გამოხმაურებისათვის!!

Naia · Post by **Naia** » 23 დეკ 2010, 11:24

Ninukala
რა კარგი ლექსია, ნინ :*

Ninukala · Post by **Ninukala** » 23 დეკ 2010, 17:02

Naia
მადლობა ნინ....

chuna · Post by **chuna** » 20 იან 2011, 09:15

მხატვარი მელა.

ახლოს დამიჯექ ყარყატო.
უნდა ლამაზად დახატო!

სანამ წინ დაგიჯდებოდე,
მანამ გაგიხმეს ყანყრატო!

გივი ჭიჭინაძე

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS