კარავი 21 წლის გახდა და ჯერაც ცოცხალია! და თქვენ "კარველებო", ცოცხლები ხართ?

მაშ ასე, წინა დღეების წვიმების მიუხედავად ეს აქცია შედგა. იგი ასე მზადდებოდა: http://karavi.caucasus.net/viewtopic.ph ... 811#297811

დღეს დილაადრიან გოგა, წივწივა და მე კახეთში ჩავედით და ნორიოს ნერგთსაშენიდან 130 ძირი ნერგი ჩამოვიტანეთ. ს/ქიმიასთან მისულებს იმაზე მეტი ხალხი დაგვხვდა ვიდრე ეს სიაში ეწერა: გოგონას, მოქანდაკის, კარავი9-ს და გიორგი.ლ-ის მანქანებში გადავნაწილდით (ჩემი უკვე სავსე იყო ნერგებით) და გუდვილისკენ გავემართეთ (იქაც შემოგვიერთდნენ გამწვანების აქციის მონაწილეები:). გუდვილთან გამწვანების სამსახურის წარმომადგენლები დაგვხვდნენ, რომელთა მუშებს უკვე ამოეღოთ დასარგავი ორმოები. აგვიხსნეს თუ როგორ უნდა გაგვესხლა ფესვები და დაგვერგო ხე.

დარგვა დავიწყეთ და რახან ეს აქცია ჩვენ გარდაცვლილ თანაფორუმელ დიკლო8-ს ეძღვნებოდა, პირველი ძირი ლილიკას დავარგვევინეთ. ბოლო ძირის დარგვაში კი ყველამ შევიტანეთწ ვლილი. სულ დღეს დიდ დიღომში 115 ძირი ხე დავრგეთ (ფიჭვი და იფანი). 10 ძირი ფიჭვი და 5 ძირი იფანი თხოთის მთაზე წავიღეთ და იქ დავრგეთ.

ძალიან კარგი დღე გამოგვივიდა. დიდი მადლობა ორგანიზატორებს ასეთი კარგი იდეის თაოსნობა-განხორციელებისთვის. ამინდმაც ძალიან შეგვიწყო ხელი. თხოთის მთიდან წამოსვლა აღარ გვინდოდა ისეთი სასიამოვნო იყო დაღლილზე მზის გულზე კოტრიალ-ძილი

პს. აბა, დაყარეთ ახლა ფოტოები

მართლაც, ძალიან, ძალიან კარგი დღე იყო!
მიხარია, რომ ვიხსენებ, რამდენი ახალი ხე იხარებს დიკლო9-ის სახელზე!
ისე, მართლაც, რამდენია? - აქამდე მეგონა, რომ 115 დავრგეთ დღეს და თურმე გაცილებით მეტი ყოფილა?
ისიც მიხაროდა, ასეთ გამრჯეებს რომ ვუყურებდი!
და თხოთის მთაზე ისეთი სასიამოვნო გარემო გვქონდა, მზე ისე გვეფერებოდა, რომ იქიდან წამოსვლა აღარ მინდოდა!
კიდევ გავახაროთ ნერგები და ჩვენც გავიხაროთ ხშირად!

ყოჩაღ თქვენ... კარგები ხართ ...

ეს დღე რაღაც განსაკუთრებული იყო ჩემთვის. ეს არ იყო მხოლოდ ნერგების დარგვა, არამედ კიდევ რაღაც ის, რაც ჩვეულებრივ დღეს არაჩვეულებრივად აქცევს ხოლმე. ჩემი დილა იმით დაიწყო, რომ ამ სამი წლის წინანდელმა ჩიტმა ისევ მოაკითხა ჩემს ეზოში, ჩემსავე დადგმულ ქვის მაგიდაზე დაწყობილ დოქებს და ერთ-ერთ მათგანში (იგივეში, რომელშიც სამი წლის წინათ დაიბუდა) ჩაძვრა და კვერცხების დასადებად მზადება დაიწყო...

მერე წავედი თბილისში, სადაც შევუერთდი ნერგების მრგველებს და სადაც ნოდარშომ ერთი ერთობ საინტერესო, სვანი მჭედელის, გვარად ქალდანის გამოჭედილი დანა მაჩვენა, რომელზეც დამღაც კი იყო "ქ" -ანუ ქალდანი.

ძველი, მაგრამ მეტად კარგი ნაკეთობა ჩანდა.

დიდ დიღონში ასე საათნახევარში მოვილიეთ საქმე (მე ბოლოს მივუსწარი) და დავადექით თხოთის მთისაკენ მიმავალ გზას, სადაც სიმბოლურად წავიღეთ 10 ფიჭვი და 5 იფანი. თხოთის მთაზე პირველი მე და ჩემი ეკიპაჟი ავედით, მანამდე კი ჩემს მარანში შევიარეთ და საყოველშემთხვევოთ 10 ლიტრი გორული მწვანე გავაყოლეთ ხელს, რა იცი რაში გამოგვადგეს პრინციპით.
დანარჩენები ქვემოთ ცოტა შეყოვნდნენ, მანქანებში გადანაწილდნენ და მალევე ამოვიდნენ.
აი ესაა დაბლა დროებით შეყოვნებული ხალხი.

ავედით ტაძართან, რომელშიც მე ეჭვი მღრნიდა, რომ ფრესკები უნდა ყოფილიყო ძველ დროში, რადგან ასეთი მდიდრული ტაძარი უფრესკოთ არ დარჩებოდა, თუმცა პირველ და მეორე ასვლისას ვერაფერი სახეირო ვერ ვნახე ტაძარის დათვალიერებისას, მაგრამაი ამ ასვლისას კი ვნახე
მანამდე კი ტაძარს შემოვუარე გარეშემო ...

სადაც სამარხები შევნიშნე.

ხედი ტაძრიდან. სოფელი ხანდაკი, რომელსაც ჩამოუდის მდინარე კავთურა, რომელიც უერთდება მდ. მტკვარს.

მერე ყველანი ამოვიდნენ, რომელთა ერთი ნაწილი ტაძარში შევიდა და მიცვალებულთა სახელზე დაუჯდომელი წაიკითხა.

ეხლა კი ფრესკების ნაშთების თაობაზე...
აი ეს შევამჩნიე თავდაპირველად, რის შემდეგაც ტაძარი ძირეულად დავათვალიერე და არცუ უშედეგოდ.

სწორედ ამ ფრაგმენტის გვერდით შევნიშნე ეს წრე, რომელიც სავარაუდოთ ძველი ფრესკის ნაშთია და წარმოადგენს რომელიმე წმინდანის შარავანდედს.

მერე კი ასეთი წრეების მთელი დასტა აღმოვაჩინე საკურთხეველის სარკმელის კამარაში.

ხოლო მის თავზე კი სავარაუდოთ ღვთისმშობლის სამოსელის შემკულობა შევნიშნე,(შეასძლოა მაცხოვრისაც.) რომლის გარშემოც აშკარად შეიმჩნეოდა სხვა ძველი ფრესკული ნაშთებიც.

დავრგეთ ჩვენი ნერგები, რისი დარგვის ბოლოში იქვე ახლოს მდებარე მაგიდაზე მცირეოდენი ხემსი გველოდა, რომელი ხემსიც წამოსვლის წინ გუდვილში შევიძინეთ სულ რაღაც 90 ლარად.

ჩვენმა ყოჩაღმა გოგუებმა სუფრა გაახაზირეს, რომელსაც დიდი მოდომებითა და სიკისკასით შემოვუსხეთით გარეშემო.

ჯამაათი


თხოთიდან დანახული ნიჩბისი

უცებ ბალახებში აი ეს ყმაწვილი შევნიშნე

რომელსაც მეგობრობის ხელი გავუწოდე

ჩემი ეკიპაჟი მცირედი ხნით ადრე წამოვედით და არც გვინანია, დავათვალიერეთ ერთი საინტერესო ადგილი, რომელიც მე იქვე ახლოს მეგულებოდა. ეს იყო უზარმაზარი ბერმუხა, ქვევრების დასტა, ნიში და წყარო

ქვევრების უმეტესობა ცხავათური აღმოჩნდა. აგერ ისიც- ცხავათური ქვევრი

ჩვენ ჯერ კიდევ ქვემოთ ვიყავით, რომ ჩვენი დანარჩენი საზოგადოება დაძვრას არც კი ფიქრობდა ზევიდან

ამის მერე საერთო გადაწყვეტილებით გავემართეთ სოეფლ ხიდისყურში, სადაც მოვინახულეთ ერთი ძალზედ სავალალო მდგომარეობაში მყოფი ტაძარი, რომელზეც ერთობ საინტერესო წარწერაა და ამის გარდა ტაძარში არის ფრესკებიც. ტაძარს კარები არა აქვს, რის გამოც საქონლის გომურათ არის ქცეული.
აი ესეც თავად ტაძარი

ეს კი ტაძარის წარწერა, რომელშიც მოიხსენიება ამბა ალავერდელი და კიდევ ვინმე ღვინიანიძე

ყოვლადწმინდა ღვთისმშობლის ფრესკა

ამ წმინდანს შარავანდედზე აწერია წმ. დავითი. შესაძლოა ეს იყოს წმ.მეფე დავით მეფსალმუნე ან დავით გარეჯელი.

და ბოლოს ჯგუფური სურათი. აბა თქვენ იცით, მე ხვალ რაჭაში მივდივარ მივლინებით რამოდენიმე დღე და არ მოიწყინოთ.

ვანსკი დადე რა შენი გადაღებული სურათებიც.

ჩემი დიდიხნის ოცნება ავისრულე რისთვისაც დიდი მადლობა გოგას.

არაჩვეულებრივი დღე იყო მზიანი და თბილი ასევე ძალიან საინტერესო და ნაყოფიერი.

ესეთი ორგანიზებული ღონისძიება ძალიან ბევრ ლიდერსა და მმართველს, ძლიერსა ამაქვეყნისა შეშურდებოდა.

გოგა გაიხარე, ოქრო ადამიანი ხარ და მადლიანი. რაც შენ გუშინ გააკეთე ძალიან ბევრი ვერ შევძლებდით ამას. ღმერთმა გვიმრავლოს შენისთანა გულიანი მამულიშვილები.

tamuna_gudarexi wrote:მართლაც, ძალიან, ძალიან კარგი დღე იყო!
მიხარია, რომ ვიხსენებ, რამდენი ახალი ხე იხარებს დიკლო9-ის სახელზე!
ისე, მართლაც, რამდენია? - აქამდე მეგონა, რომ 115 დავრგეთ დღეს და თურმე გაცილებით მეტი ყოფილა?

გავასწორე წუხელ ისე მეძინებოდა, რომ გამომრჩენია

ბუნდოვნათ მახსოვს და ძლივს მაგონდება, რომ სურათებს სხვებიც იღებდნენ...

გუშინდელი დღე ნათელი წერტილი იყო ჩემთვის ბოლო დროის მანძილზე.

დიდი მადლობა პირველ რიგში წივწივას იდეისთვის და გოგას სულის ჩადგმისთვის და რა თქმა უნდა თითოეულს ვინც მონაწილეობა მიიღო გუშინდელი მზიანი დღის კიდევ უფრო გათბობაში


პ.ს. თან, გუშინ ჩემი დიდი ხნის ოცნება ახდა და ჩემი პირველი ხე(ები) დავრგე

karavi87 wrote:ვანსკი დადე რა შენი გადაღებული სურათებიც.

მე ინტელას ფოტოაპარატით ვიღებდი ფოტოებს. ასე რომ ინტელას მიმართე ფოტოების საკითხზე

ძალიან მინდოდა გუშინდელ აქციაზე ყოფნა. მიხარია რომ ასე წარმატებულად ჩაატარეთ. ყოჩაღები ხართ

ყველას მოგესალმებით გუშინდელი, არაჩვეულებრივი დღის შემდეგ, ხალასი ენერგიით დატვირთული და კმაყოფილი!!!!!!!!!!შევეცდები,საინტერესო ფოტორეპორტაჟი შემოგთავაზოთ!!!!!!!!!!!11