კარავი 21 წლის გახდა და ჯერაც ცოცხალია! და თქვენ "კარველებო", ცოცხლები ხართ?

მოხარული ვარ გაცნობოთ, რომ ა.წ. 6 დეკემბერს მოეწყობა ოფროუდ შეჯიბრი.

შეჯიბრში მონაწილეობა შეუძლია ნებისმიერ მსურველს ვინც დააკმაყოფილებს შემდეგ პირობებს
1) უნდა ჰქონდეს B კატეგორიის მართვის მოწმობა
2) უნდა ყავდეს 4X4 ტიპის ავტომობილი
3) გადაიხადოს შენატანი 30 ლარი. (კლუბის წევრებისთვის მონაწილეობა უფასოა)

შეჯიბრის ფორმატია ე.წ. Trial
ანუ მოკლე, მაგრამ საინტერესო და დაბრკოლებებიანი ტრასის გავლა დროზე.

შეჯიბრის ჩატარების ადგილია დიდი დიღმის მიმდებარე ტერიტორია.

შეჯიბრი იწარმოებს სამ ჯგუფში.
1) სტანდარტული ლაითი. ამ ჯგუფში აკრძალულია მანქანის ყველანაირი დალიფტვა, სტანდარტულზე მეტი დიამეტრის საბურავები და პორტალური ხიდების გამოყენება. მანქანის წონა არ უნდა აღემატებოდეს 2000 კილოგრამს ხოლო კარებების რაოდენობა 3-ს.
2) სტანდარტული. ამ ჯგუფში აკრძალულია მანქანის ყველანაირი დალიფტვა, სტანდარტულზე მეტი დიამეტრის საბურავები და პორტალური ხიდების გამოყენება (2 ტონაზე მძიმე და 5 კარიანი მანქანები).
2) მომზადებული. ამ ჯგუფში დაშვეულია ავტომობილის ყველანაირი მოდიფიცირება. ერთადერთი პირობაა რომ მანქანა ზოგადი დანიშნულების გზებისთვის იყო დასაშვები (უნდა ჰქონდეს ჰქონდეს ტექ. პასპორტი), და მისი დასაშვები წონა 3.5 ტონაზე ნაკლები იყოს.

ყველა კატეგორიაში 1-2–3 ადგილებზე გასულებისთვის იქნება პრიზები.

მონაწილეთა წინასწარი რეგისტრაცია იწყება 1 დეკემბერს.

დამატებითი ინფორმაცია შეგიძლიათ იხილოთ შეჯიბრის საიტზე http://extreme.offroad.ge
აქვე შეგიძლიათ ნახოთ განაცხადის ელექტრონული ფორმა, შეაქვსოთ ის და გამოაგზავნოთ ელ. ფოსთით მისამართზე extreme@offroad.ge

ან დაგვიკავშირდეთ
"ოფროუდერს კლუბი" 519732, 423571

ტრასასთან მისასვლელი სქემა

ვაააა.. რა მაგარია .. ისევ ოფროუდ შეჯიბრი და ისევ ჩემს სახლთან საკმაოდ ახლოს...

შევეცდები ამჯერად აღარ გამოვტოვო..

მეც არ ვარ ნამყოფი

მეც...

jaba picxelauri
არ გამოხვალ?

ნიკა დიდი სურვილი მაქვს ვნახავ "ცქვიტო" როგორ ფორმში მეყოლება

Nika
ტრასასთან ჩემი მანქანით ხომ შევძლებ მოსვლას?

ilia
ფერარითაც მიხვალ.

მაყურებლების დიდი იმედი გვაქ რომ ბევრნი მოვლენ

ესეც შედეგები


სტანდარტული ლაითი
1) ომარ ფხაკაძე/რევაზ ხვედელიძე - Pajero II
2) გიორგი ხელაძე - Pajero Jr
3) ირაკლი გედენიძე/დავით მძინარიშვილი - Suzuki Samurai

სტანდარტული (4 კარიანები)
1) გიორგი ყაზიშვილი/რამინ მიქელაძე - Toyota 4Runner
2) სანდრო მაკარიძე/გიორგი ქვლივიძე - Pajero II
3) დავით საძაგლიშვილი - Landrover Discovery

მომზადებულები
1) გეგა მეთეფშიშვილი/ბექა მეთეფშიშვილი - Chevrolet Geo Tracker (aka Suzuki Vitara)
2) გიორგი ჭეიშვილი - Pajero II
3) ზურაბ კახაშვილი - Pajero II


სრული შედეგები
http://extreme.offroad.ge/results.html

2008 წლის 6 დეკემბერს დიდი დიღმის მიმდებარე ტერიტორიაზე საქართველოს „ოფროუდერს კლუბის“ მიერ ჩატარდა მორიგი შეჯიბრი. შეჯიბრის ფორმატი იყო თრაიალი, ანუ მოკლე და რთული ტრასის გავლა დროზე. მონაწილეები სამ ჩათვლის ჯგუფად იყვნენ დაყოფილები. სტანდარტული ლაითი – სტანდარტული 2 კარიანი ავტომობილები. სტანდარტული– აქ 4 კარიანი ავტომობილები მონაწილეობდნენ. და ბოლოს მომზადებულები. აქ მონაწილეობას სპეციალურად მომზადებული, დალიფტული და დიდ საბურავებიანი მანქანები ღებულობდნენ. ტრასაც ამ კატეგორიების მიხედვით განსხვავებული იყო და სტანდარტულებს უფრო იოლი გზა ელოდათ წინ.
შეჯიბრის სპონსორები იყვნენ „თეგეტა მოტორსი“ და „ავერსი ფარმა“, საინფორმაციო მხარდაჭერა „რუსთავი 2“, „ავტოკლინიკა“, „ავტორადიო“, გაზეთი „ვერსია“ და ჟურნალი „ავტობილდი“.
მოკლედ მიმოვიხილოთ შეჯიბრის მიმდინარეობა და შედეგები კატეგორიაბის მიხედვით

„სტანდარტული ლაით“. ამ კატეგორიაში სტარტზე 10 მანქანა გამოვიდა. ბრძოლა საკმაოდ დაძაბულად წარიმართა. საბოლოოდ გამარჯვება ომარ ფხაკაძე/რევაზ ხვედელიძის ეკიპაჟმა მოიპოვა Mitsubishi Pajero II ავტომობილით. მათ 7 წამით ჩამორჩა გიორგი ხელაძე Mitsubishi Pajero Jr–ით. მესამე ადგილისთვის ბრძოლა კი იმდენად დაძაბული გამოდგა რომ პირველი ცდით პრიზიორის გამოვლენა ვერ მოხერხდა. ორმა მონაწილემ ერთნაირი შედეგი აჩვენეს. დამატებითი რბოლის შედეგებით მესამე ადგილზე ირაკლი გედენიძე/დავით მძინარიშვილი გავიდნენ Suzuki Samurai–თ ხოლო ირაკლი ვაშაკიძე Toyota LandCruiser 72–ით მეოთხე ადგილს დასჯერა. ამ კატეგორიაში მონაწილეობდა შეჯიბრის ერთადერთი მანდილოსანი თამარ ალფაიძე. წინა შეჯიბრთან შედარებით ის საკმაოდ კარგ შედეგზე მიდიოდა თუმცა ფინიშამდე რამდენიმე მეტრის წინ ავტომობილმა უმტყუნა და საბოლოოდ ამის გამო კარგი შედეგი ვერ აჩვენა.

„სტანდარტული“. ამ კატეგორიაში მონაწილეობდნენ სტანდარტული 4 კარიანი ავტომობილები. სტარტზე 8 მანქანა გამოვიდა. ბრძოლა აქაც საკმაოდ დაძაბულად წარიმართა. 1–2 ადგილზე გასულებს ერთნაირი დრო ჰქონდათ და საბოლოოდ გამარჯვებული საჯარიმო ქულების დათვლით გამოვლინდა. პირველი ადგილი გიორგი ყაზიშვილი/რამინ მიქელაძეს ეკიპაჟს ერგო Toyota 4Runner–ით. მეორე ადგილზე სანდრო მაკარიძე/გიორგი ქვლივიძე გავიდნენ MMC Pajero II–თი 10 წამიანი ჩამორჩენით. მათ კიდევ 8 წამით ჩამორჩა დავით საძაგლიშვილი Landrover Discovery–თ.

„მომზადებულები“. ცხადია შეჯიბრის დამაგვირგვინებელი იყო ამ კატეგორიის მანქანების გამოსვლა. 20 მონაწილე და გაცილებით უფრო რთული ტრასა. ტრასის სირთულეზე ისიც მეტყველებს რომ 6–მა მონაწილემ ტრასის დაძლევა ვერ მოახერხა. ბრძოლაც აქ უკომპრომისო გამოდგა. გამარჯვება კი გეგა მეთეფშიშვილი/ბექა მეთეფშიშვილის ეკიპაჟმა მოიპოვა Chevrolet Geo Tracker–ით. მათ სულ რაღაც 4 წამით ჩამორჩა გიორგი ჭეიშვილი MMC Pajero II–თი. ორივემ ტრასა უშეცდომოდ გაიარა. მესამე ადგილზე გასულ ზურაბ კახაშვილი MMC Pajero II–თი ამ ორივეზე უკეთესი დრო კი ჰქონდა მაგრამ ჯარიმის გამო 1 წამით ჩამორჩა მეორე ადგილს თუმცა თავადაც სულ რაღაც 6 წამი მოუგო მეოთხე შედეგს.

გამარჯვებულებს პრიზებად ტელევიზორები ხოლო პრიზიორებს დვდ პლეერები გადაეცათ.

ამით კლუბმა 2008 წლის სეზონი დახურულად გამოაცხადა.
წინ 2009 წლის არა ნაკლებ საინტერესო სეზონი გველის.