Page 1 of 3
ფერმერული ესკიზები მარგალეთში
Posted: 18 სექ 2008, 12:20
by ARCHILI
ცოტა ხნის წინ სამეგრელოში გახლდით მივლინებით... ვისარგებლე მომენტით და პაწა დავისვენე კიდეც... დავისვენე არა ჩვენებურად... არამედ, უბრალოდ, ფერმერულად, ახლობლის ოჯახ-სანათესაოში, უბრალო და ერთდროულად განსაკუთრებულ ხალხში, ეს იყო სოფელ ქვალონში, ხობის რაიონში...
ნუ... მეგრული მასპინძლობის ამბავი ყველამ იცის...
იხარე, სულ გამაგიჟეს და მერე პროფესიულ საქმიანობასაც ნასვამი ვეწეოდი...
ერთადერთი, რასაც მიპროტესტებდნენ, მეგრულის უცოდინარობა იყო... "ხოხ, სანდრა რულიოვსმა ისწავლია მარგალიური და შენ, მარგალი კოჩმა არ იციო?...
ასეთ დროს ვწითლდებოდი და მარგალიურად ვეუბნებოდი, "აუცილიებლად ვისწავლი მეთქი", - ანუ, საწყის ეტაპზე მხოლოდ ე.წ. "მიაგკი ზნაკის"გამორევით...
პირველ რიგში, როდესაც სამტრედიიდან სამეგრელოსკენ გადაუხვევთ, თვალში განსაკუთრებული სიმწვანე მოგხვდებათ...
პირდაპირ ვიტყვი, ასეთ მწვანე ფერს ვერსად იხილავთ ამ ბუნების მდიდარ საქართველოში...
ახლა ეს ფოტოები, ჩემი, უხეირო ფოტოგრაფის უხეირო მობილურითაა გადაღებული და თანაც სექტემბერში და თქვენ წარმოიდგინეთ კარგი ფოტოაპარატით, კარგი რეპორტიორით და შუა ზაფხულში...
იმ დროსაც კი, როცა წვიმას აპირებს...
მეორეა განსაკუთრებულად მაღალი და ლამაზი სიმინდის ყანები... ისიც ცნობილია, რომ მეგრულ სიმინდს არანაირი სხვა სიმინდი არ ჯობია, როგორც სილამაზით, ასევე გემოთი, ცხადია... იმიტომაცაა, რომ სამეგრელოში გაკეთებულ მჭადს და ღომს განსაკუთრებული გემო აქვს...
ჯერომ სელინჯერს რომ ეს ყანები ენახა, "თამაშს ჭვავის ყანაში" კი არა "თამაში სიმინდის ყანაში" დაწერდა:
ყველა ფონზე ლამაზია, თანაც ეს ადგილი აკაციის ტყესთან არის ახლოს:
ფერმერული ესკიზები მარგალეთში
Posted: 18 სექ 2008, 12:23
by ARCHILI
ეს საქართველოს მეგრული ცაა... სხვათა შორის, სწორედ ამ ფოტოს გადაღებისას დავაფიქსირე, რომ მხოლოდ ცისათვის სურათი გადაღებული არ მინახავს, არა და ყველა ჩვენი ხოტბა ლამის ცას ეკუთვნის ხოლმე... ჰოდა... მეც გადავუღე:
ფერმერული ესკიზები მარგალეთში
Posted: 18 სექ 2008, 12:57
by ARCHILI
სერიიდან გოჭები...
აქ, მეც გადავწყვიტე ფერმერული სული მეგრძნო და რაიმე საქმიანობა გამეწია, სანამ ქათმებსა და იხვს პუტავდნენ და სანამ ღომი იხარშებოდა და ა.შ.
ჯერ ვუღებდი ფოტოებს...
მერე გადავწყვიტე მეც მეჭმია და თან ფოტოებიც გადამეღო, გოჭებს არ მორიდებიათ:
ჩემი თითი სოსკა ეგონათ, რომ არ იყო, მომიტრიალდნენ და წამიჭყვიტინეს, რას გვეკაიფებიო ამხელა კაციო და გაჭყვიტინდნენ იქიდან:
მერე, კარგად გამომძღრები (უკაცრავად გამოთქმაა) წამოწვნენ და დაიძინეს... დაიძინებდნენ, აბა, რას იზამდნენ, თვის ბოლოს გადასახადების პრობლემა მაგათ არ ადარდებდათ და ნატოში შესვლა-არ შესვლის საკითხი:
ჰო, უნდა აღინიშნოს, რომ ამათმა დედამ (დედა ღორმა) მგონი 15 თუ 16 გოჭი დაბადა და ძუძუები რომ არ ეყო, პატრონს თხოვა, თუ კაცი ხარ, ერთი-ორი შენ გამიზარდეო...
ფერმერული ესკიზები მარგალეთში
Posted: 18 სექ 2008, 13:03
by ARCHILI
ფისო...
ამ ფისოს თავის პატონი, ოთხი წლის ლუკა, დაიჭერდა ხოლმე და დაიძახებდა, "ფისო, ფისო, აბა, რამხელაზე დაფრინავ?...." და ცაში აისვრიდა ხოლმე...
ფისო, როგორც ვიცით, ზურგით არ ეცემა ხოლმე და არაფერი ვნებია... მაგრამ ლუკას რომ დაინახავდა, მაინც ცდილობდა შორს გაქცეულიყო:
ეს კიდევ პატონი ლუკაა და მისი მეძებარი ძმობილი ბიმი, ამას უფრო ნაკლებად აწვალებდა ხოლმე:
ფერმერული ესკიზები მარგალეთში
Posted: 18 სექ 2008, 13:06
by ARCHILI
მე, ლუკა და ეს პატარა ულამაზესი ქალბატონი, ამ ყმაწვილის დისშვილია - თამარი:
ფერმერული ესკიზები მარგალეთში
Posted: 18 სექ 2008, 13:06
by jaba picxelauri
ფერმერული ესკიზები მარგალეთში
Posted: 18 სექ 2008, 13:12
by ARCHILI
ღვინის ამბავი დავწერე კარვული ღვინის თემაში, აქაც გადმოვიტან... შარშანწინ მე და ჩემი ძმაკაცის ძმამ სამეგრელოში კახური ყურძენი დავწურეთ, მერე შესაბამის დროს ბოთლებში ჩავასხით და მიწაში ჩავმარხეთ...
რამდენიმე დღის წინ სამეგრელოში რომ გახლდით, ამოვთხარეთ და მივირთვით...
აი, ასეთი იყო, ამოთხრისას არქეოლოგიური გაწმენდა რომ ჩავატარეთ:
ფერმერული ესკიზები მარგალეთში
Posted: 18 სექ 2008, 13:13
by ARCHILI
და რომ ამოვთხარეთ, მერე:
ფერმერული ესკიზები მარგალეთში
Posted: 18 სექ 2008, 13:18
by ARCHILI
მე და ღვინის გამკეთებელი, ჩემი ძმაკაცის ძმა - გოგა... მე მხოლოდ თანაშემწე ვიყავი... ნამდვილი ყურძნის წვენი (მართალი ვთქვა, სპეციალურად ჩემთვის დამზადდა ეს ღვინო... ბუნებაში ჯერ კიდევ მოიძიებიან ადამიანები, რომლებიც საპატიოდ რაიმეს ჩემთვის აკეთებენ)...
ღვინო თხილების ძირში ჩავმარხეთ და ძლივს ვიპოვნეთ სხვათაშორის 
ფერმერული ესკიზები მარგალეთში
Posted: 18 სექ 2008, 13:18
by ARCHILI
ეს ღვინის ბოთლები უკვე გასუფთავებულ მდგომარეობაში, გარეცხილი ჭიდან ამოღებული წყლით:
ფერმერული ესკიზები მარგალეთში
Posted: 18 სექ 2008, 13:19
by ARCHILI
და ისევ მე...
მერე იყო ახლადდაკლული ვარიკები, ღომი, სულგუნი და ელარჯი... ოსტრი და ხარჩო...
მეგრული ხაჭაპური...
რამდენიმე წუთის წინ ყანაში დატეხილი სიმინდები და კვახი...
ნესვი, ლეღვი, მსხალი და ვაშლი...
მაგრამ ეგ უკვე ალბათ აღარ დაგაინტერესებთ...
ღვინო მართლაც შესანიშნავი გამოდგა... ოდნავ მძიმე დასალევი კი იყო, მაგრამ შესანიშნავი...
ფერმერული ესკიზები მარგალეთში
Posted: 18 სექ 2008, 13:19
by ARCHILI
აი, ასე დაიწურა და დაილია არჩილის სახელობის ღვინო:
ფერმერული ესკიზები მარგალეთში
Posted: 18 სექ 2008, 13:21
by ARCHILI
სამწუხაროდ, უკვე დაზრდილები დამხვდნენ, თორემ მეც ვეძებდი
ხალხი გაკვირვებით მიყურებდა ხოლმე, შუა გზაზე მანქანას რომ გავაჩერებდი და ხან რომელ ცხოველს ვუღებდი ფოტოს, ხან რომელს...
ერთმა მითხრა, ჩემი იხვების მაგიერ მე გადამიღე ფოტოო...
დაგავუღე..
