სამთავისის გათხრები

kotetbeli · Post by **kotetbeli** » 04 ოქტ 2006, 00:20

ვინმემ რამე ვრცელი და კონკრეტული ინფორმეცია ხომ არ იცით სამთავისის გათხრებთან დაკავშირებით?

Kakha · Post by **Kakha** » 04 ოქტ 2006, 09:41

ველპარაკე ნიკა ვაჩეიშვილს, რომელიც ჩემი მეგობარია და არის კულუტურის მინისტრის მოადგილე სწორედ კულტურული მემკვიდრეობის დარგში. თანაც თვითონ კარგი არქიტექტურის ისტორიის სპეციალისტია.

გამოჩნდა ახლანდელ სამთავისზე დიდი, როგორც ჩანს, ტაძრის საძირკველი. ახალი ტაძრის ჩრდილოეთი კედელი დგას ძველი დაძრის სამხრეთის კედელზე. უფრო სწორედ ძველი ტაძრის სამხრეთი კედელი ახლის საძირკვლადაა გამოყენებული. კარგად იკითხება სამი ნავი და მეოთხე ნავი თუ მინაშენი. ვინც არ იცის რაა ნავი (ალბათ ტერმინოლოგია ყველამ არ იცის) ესაა სივრცე ან კედლებით ან სვეტებით ანდა კედლითა და სვეტებით გამოყოფილი. მაგალითად ანჩისხატი სამ-ნავიანია - ცენტრალური და ორი გვერდითი, რომელბიც გამოყოფილია სვეტებით. ახლა ოთხნავიანი ბაზილიკები (უგუმბათო ეკლესიები) ძალზე იშვიათი რამაა. როგორც წესი, უმეტეს შემთხვევაში ნავების რაოდენობა კენტია - ერთი (დარბაზულ ეკლესიებს უწოდებენ), სამი ან ხუთი. ამიტომ, ნიკას აზრით, არაა გამორიცხული რომ ერთი ნავი (მეხუთე) თავად სამთავისის ამჟამინდელი ტაძრის ქვეშ იყოს მოქცეული, მაგრამ ეს არ გაირკვევა სანამ ტაძარში იატაკი არ აიყრება და გათხრები არ ჩატარდება.

ძველი ტაძარი უკვე რაც ჩანს ამჟამინდელზე უფრო დიდია. სავარაუდოდ ალბათ მეექვსე საუკუნისაა. აღმოჩნდა ბათქაშის (შელესილობის) მცირე ფრაგმენტები, თითქოს საღებავის კვალით. ადრეულ პერიოდში ტაძრებში ფრესკები არ კეთდებოდა. მოხატულობა იყო მაგრამ ე. წ. ანიკონური, ანუ ორნამენტებსა და შესაძლოა სიმბოლოებს გამოსახავდენენ, მაგრამ არა სიუჟეტურ ფრესკებს. თითქოს აქაც იგივე სიტუაციაა და ანიკონური მხატვრობის კვალი ნახეს.

წინადადება - ამ კვირას წავიდეთ და ვნახოთ. ნიკას თქმით ახალაღმოჩენილი ტაძარი კიდევ ათი დღე, მაქსიმუმ ორი კვირა იქნება ხილული. მერე ზამთარმა რომ არ დააზიანოს, მომავალ სეზონამდე, ცელოფანს დაახურებენ და მიწას დააყრიან (ასეთი დამარხვა ყველაზე კარგი საშუალებაა დაცვისთვის).

აბა რას იტყვით წავიდეთ სამთავისში. შეგვიძლია სამთავისიდან ქსნის არმაზშიც გადავიდეთ (არის ქსნის ხეობაშიც არმაზი, გადამავალი პერიოდის ეკლესია). იქ მე ნამყოფი არ ვარ, როგორც მითხრეს სამთავისიდან დაახლოებით ერთი საათის გზაა. საჭირო იქნება ორხიდიანი მანქანა, პატარა მანქანას ვგულისხმობ, მარშრუტკის ამბავი არ ვიცი.

აბა გამოხმაურებები.....

Kakha · Post by **Kakha** » 04 ოქტ 2006, 09:51

ისევ მე ვარ - ალტერნატული წინადადება: სამთავისი გათხრების დათვალიერება და მერე კასპთან ანტიკური ხანის კლდეში ნაკვეთი სამარხების ნახვა. მე არ მინიხას ის სამარხები, მხოლოდ პუბლიკაციებით ვიცნობ. არადა ზედ კასპთანაა, როგორც კი გაცდები სოფელ მეტეხის მხარეს. მანდ მგონია პატარა მანქანებითაც მივალთ.

Kakha · Post by **Kakha** » 04 ოქტ 2006, 15:12

ისეთი პირი უჩანს რომ მე წავალ სამთავისის გათხრების სანახავად ამ კვირას - 8 ოქტომებერს ჩემი მანქანით. სამთვისის შემდეგ ვაპირებ ვნახო კასპის მახლობლად კლდეში ნაკვეთი ანტიკური ხანის სამარხები.

როგორც ყოველთვის ვაპირებ ოჯახთან ერთად წასვლას, რაც ნიშნავს რომ ადგილები არ მექნება.

თუ ვინმეს აქვს სურვილი შემომიერთდეს საკუთარი ტრანსპრტით მხოლოდ გამეხარდება. დიდი სასიარულო ფეხით არ იქნება. მანქანაც არაა აუცილებელი ორხიდიანი იყოს. სამთავისამდე და კასპამდე ასფალტის გზა მიდის. მთლიანად 100-120 კმ იქნება გასავლელი თბილისიდან-თბილისამდე.

Kakha · Post by **Kakha** » 04 ოქტ 2006, 23:30

რაღაც აქტიურობას ვერ ვამჩნევ ხალხს.....

kotetbeli · Post by **kotetbeli** » 04 ოქტ 2006, 23:36

მე ძალიან მაინტერესებს და მგონი წამოვალ...

ზუსტად მეცოდინება პარასკევს დილით.

Mao · Post by **Mao** » 05 ოქტ 2006, 01:12

kargi azria!

Kakha · Post by **Kakha** » 05 ოქტ 2006, 11:05

Mao
ჰოდა წამოდი.

ninka · Post by **ninka** » 05 ოქტ 2006, 21:59

აუ რა ცუდია

მე ვერ წამოვალ, არც მანქანა მყავს და არც მაგ დღეს მცალია, არადა მეტეხიდან ვარ წარმოშობით და ყოველთვის მაინტერესებდა მაგ მხრის იტორიული ნაგებობები

თან მარტო არ დავდოვარ, 6 მეგობარი დავდივართ ერთად

კარგით ხალხო შემდეგში აუცულებლად შემოგიერთდებით

აბა კაი მგზავრობა და წარმატებები

ilia · Post by **ilia** » 06 ოქტ 2006, 00:26

მე დავაზუსტებ ჩემს გეგმებს და გეტყვით.

gobe · Post by **gobe** » 06 ოქტ 2006, 00:40

ეჰ, ბოლნისში არ მივდიოდე?! რას ვიზამთ, რთველში ვართ მეგობრები დაპატიჟებულები...
წინასწარ შემიძლია გითხრათ: ბედნიერად მოგევლოთ!

Nika · Post by **Nika** » 06 ოქტ 2006, 08:55

აუუ როგორ მინდა წამოსვლა მარა მგონი არ გამოდის

. შაბათს მცალია და კვირას არა

Toma · Post by **Toma** » 06 ოქტ 2006, 15:46

Nika

ხო მეც მასეთ დღეში ვარ, შაბათს მცალია და კვირას არა

tekla · Post by **tekla** » 06 ოქტ 2006, 16:44

შეიძლება მეც წამოვიდე... ხვალ საღამომდე შეგატყობინებთ თუ წამოვედი

kotetbeli · Post by **kotetbeli** » 06 ოქტ 2006, 17:22

სამწუხაროდ ვერ ვახერხებ

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS