კარავი 21 წლის გახდა და ჯერაც ცოცხალია! და თქვენ "კარველებო", ცოცხლები ხართ?

ს.ო. აისი, 2012 წლის 28 ივლისს, შაბათს გეგმავს ზედაზნის მონასტრის მიმდებარე ტერიტორის და მონასტრამდე მისასვლელი გზის დასუფთავებას.

შეკრების ადგილი მეტრო დიდუბის გამოსასვლელი დილის 09:00 სთ.

თბილისიდან გავალთ დაქირავებული მიკროავტობუსით მონასტრამდე (კონკრეტულად, სატყეოს ტერიტორია), ერთი ჯგუფი იმუშავებს თვითონ აღნიშნულ ტერიტორიაზე, ხოლო მეორე - გზაზე.

აქციაში მონაწილეობა შეუძლია ნებისმიერ მოხალისეს.

აქციაში მონაწილეებმა თან უნდა იქონიოთ 5 ლარამდე სამგზავრო ფული, მოხერხებული ტანსაცმელი (ეკიპირება) და 1 დღისთვის საკმარისი საკვები (დასასუფთავებელ ტერიტორიასთან ახლოს არის რამოდენიმე წყარო, სეზონის მიუხედავად აუცილებელი არ არის განსაკუთრებულად დიდი რაოდენობის წყლის მარაგის წამოღება).

დასუთავების აქციაზე მოქმედებს აისის გასვლის წესები, იკრძალება ალკოჰოლური სასმელი (მათ შორის ლუდიც), უცენზურო გამონათქვამები და პოლიტიკაზე საუბარი!!!

ფოტოები გადაღებულია ზედაზნის მონასტრის გზაზე ა.წ. 15 ივლისს.

დამხმარე ძალა არის? ნაგვის მანქანა ანუ....მნიშვნელოვანია რადგან იმდენი ტომარა გროვდება ძნელი იქნება გამოტანა....

+1

სიის შედგენა და დაზუსტება სავალდებულოა?

datoforesti
კი, ნაგვის მანქანა გამოყოფილია აქციისთვის.

GIVARGIL

სასურველია.



თემა აისის ფორუმზე: http://www.aisiforce.org/forum/viewtopi ... =39&t=1866

ჰმ ჯერ არ ვიცი, თუ მოვახერხებ :S

მიმდინარე წლის 28 ივლისს, როგორც იყო დაგეგმილი, შედგა “ს. ო. აისის” მიერ ორგანიზებული ეკო-გასვლა ზედაზენის მიმდებარე ტერიტორიის დასასუფთავებლად. გასვლის მიზანი იყო მონასტრამდე არსებული ე.წ. ”სატყეოს” ტერიტორიის დასუფთავება.

აღნიშნულ ფართობზე უამრავი საქეიფო ადგილია, რაც სამწუხაროდ უამრავ ნაგავსაც გულისხმობს დღევანდელ რეალობაში. სწორედ ამიტომ გადაწყდა ამ კონკრეტული პერიმეტრის დასუფთავება. აღნიშნულ ღონისძიებაში მონაწილეობა მიიღო 15-მა მოხალისემ (ძირითადად 18-22 წლის ახალგაზრდები), რომლებიც მთელი დღის განმავლობაში მუშაობდნენ. ცალკე აღნიშვნის ღირსია “ს.ო. აისის” მიმდინარე კურსის კურსანტების აქტიურობა.

საღამო ხანს გზის პირას საკმაოდ დიდი პოლიეთილენის გორა დაგროვდა, რომლის საბოლოოდ ნაგავსაყრელამდე გატანაშიც მცხეთის რაიონის დასუფთავების სამსახურის სპეცმანქანა დაგვეხმარა. დალაგების პარალელურად, პოპულარული საქეიფო ადგილების მახლობლად გაიკრა აბრები ტექსტით – ”გთხოვთ ნუ დაყრით ნაგავს”.