სვანე-TOBA 2011 lama-სთან ერთად 19/20-29 აგვისტო

lama · Post by **lama** » 13 ივლ 2011, 22:41

სვანე-TOBA 2011 (19/20-29)

ვიკრიბებით, 19 აგვისტოს ღამის 11 საათზე სასტუმრო რედისონის პირდაპირ, ვლაგდებით მინიბუს(ებ)ში და მივემგზავრებით სვანეთისაკენ!

გენერალური გეგმა:

პირველი დღე 19/20 აგვისტო

ჩასვლა სოფელ ეცერში წახემსება და ასვლა მეზერის ულამაზეს მთაზე. დაბანაკება, კოცონის გარშემო შეკრება და დროსტარება.

მეორე დღე 21 აგვისტო

დილით საუზმის მერე გასეირნება მეზერის მთაზე, მოვინახულებთ მთავარანგელოზის სახელობის X საუკუნის ეკლესიას და დავიწყებთ ჩამოსვლას ბეჩოს თემის ბოლო სოფელ მაზერში სადაც საღამოჟამს დავბანაკდებით.

მესამე დღე 23 აგვისტო

დილით მომზადების შემდგომ გავემართებით საქართველოში ყველაზე მაღალი და ყველაზე წყალუხვი ჩანჩქერის, შდუგრას (150 მ.) მიმართულებით, რომელიც მდებარეობს უშბის ჩრდილო-დასავლეთ მხარეს და ესაზღვრება რუსეთის ფედერაციას, კერძოდ ყაბარდო-ბალყარეთის რესპუბლიკას. ცოტა ხნით შევჩერდებით ჩანჩქერის მიდამოებში და დავიძვრებით სოფელ მაზერისკენ. დავბანაკდებით.

მეოთხე დღე 24 აგვისტო

დილით, საუზმის შემდეგ მოგვაკითხავს მინიბუსი და გავემგზავრებით მესტიის მიმართულებით. გზად მოვინახულებთ სოფელ ლატალისა და სოფელ ლენჯერის ტაძრებს. ჩავალთ მესტიაში, გავშლით კარვებს და გავჩერდებით სკოლის ეზოში. დავანთებთ კოცონს და ავღნიშნავთ დაბადებისდღეს ïŠ

მეხუთე დღე 25 აგვისტო

ეს დღე სრულად დაეთმობა მესტიის დათვალიერებას. თავდაპირველად ავალთ ლაღამში და მოვინახულებთ ლაღამის უნიკალურ ტაძარს, რომელიც გამორჩეულია თავისი ხუროთმოძღვრებითა და ხატწერით, ლაღამის შემდეგ ჩავალთ მესტიაში და მოვინახულებთ მესტიის ისტორიულ-არქეოლოგიურ მუზეუმს სადაც დაცულია უნიკალური ექსპონატები და სიწმინდეები. (მაგ. უძველესი სახარება, რომელიც ადიშის ოთხთავის სახელითაა ცნობილი IX ს. ორმოც სებასტიელ მოწამეთა ხატი და სხვ.) გავისეირნებთ ღამის მესტიაში და გავატარებთ დაუვიწყარ საღამოს.

მეექვსე დღე 26 აგვისტო

დილით დავიძვრებით ჭალაადის ულამაზესი მყინვარისაკენ. დავათვალიერებთ ბუნების ამ საოცრებას და დავბრუნდებით უკან - ბანაკში.

მეშვიდე დღე 27 აგვისტო
დილით ავდგებით და ვისაც სურვილი ექნება წავალთ მაღლა მთაში სადაც ქორულდის ტბებია. ეს ტბები ზღვის დონიდან 2600 მეტრზე მდებარეობს და მის გარშემო კავკასიონის ულამაზესი მთებია. სასწაულია ქორულდის ტბები!!!!

მერვე დღე 28 აგვისტო

მარიამობის დღესასწაულია და არ შეიძლება უშგულში, ლამარიაში არ ავიდეთ. დილით მინიბუსით გავემგზავრებით ევროპის უმაღლესი სოფლისაკენ. გზად მოვინახულებთ სოფლებს: მულახს, უღვირის უღელტეხილს გადავალთ და ჩავალთ სოფ. იფარში, იფარიდან კი ჩავალთ სოფელ კალაში, ხოლო კალადან ავმაღლდებით უშგულს. მოვილოცავთ უშგულის წმინდა ტაძრებს და დავბრუნდებით მესტიაში.

მეცხრე დღე 29 აგვისტო

დილით გამოვემართებით თბილისისაკენ და დავათვალიერებთ მდ. ენგურის ულამაზეს ხეობას. ჩვენ ეს გზა გამოვლილი გვექნება, მაგრამ დილით ძალიან ადრე და ბევრი ჩვენგანი ამ სილამაზეს ვერ ნახავდა. გზად შეიძლება ზღვაზე, ანაკლიაში შევიაროთ და ცოტა ხნით გავირუჯოთ კიდეც

გარუჯულები კი წამოვიდეთ თბილისში...
წინ ულამაზესი სვანე-TOBA 2011 გველოდება!!!

9 დღიანი ტურის ფასია: 300 ლარი

ფასში შედის:
ტრანსპორტი (შიდა ტრანსპორტის მომსახურება)
კვება
გიდი
ცხენის დაქირავება
მესტიის სახ. მუზეუმის გადასახადი

ლაშქრობის მონაწილეთა მაქსილამური რაოდენობაა 40 კაცი
ლაშქრობის მონაწილეებმა უნდა იქონიონ:
ზურგჩანთა
საძილე ტომარა (არქონის შემთხვევაში შესაძლებელია დაქირავება)
ქვეშაგები (პარალონი)
კარავი

სია ასე გამოიყურება:

1. ლამა
2. ჯონი კაპანაძე
3. ???

meleksa · Post by **meleksa** » 13 ივლ 2011, 22:57

კვება არ შედის ხო?

CheLo · Post by **CheLo** » 13 ივლ 2011, 23:00

ეგ მაგრა ტეხავს... ერთი მაგდენი კვებაზე დამეხარჯება

lama · Post by **lama** » 13 ივლ 2011, 23:02

meleksa
WenTTo
რათქმა უნდა შედის

ჩავასწორე

meleksa · Post by **meleksa** » 13 ივლ 2011, 23:06

lama

ძალიან დამაფიქრებლად გამოიყურება

ვნახოთ...

ARCHILI · Post by **ARCHILI** » 13 ივლ 2011, 23:14

ვაჰ, კახაბერ, ჩვენს მიერ დამუშავებული ძველი მარშრუტია?

ტრულიმ თქვა, მესტიის მუზეუმი დაკეტილია რეკონსტრუქციაზე ხანგრძლივადო, მაგრამ სანახავი მაინც ბევრია.

საჰაერო გადაადგილება რა ჯდება?

lama · Post by **lama** » 13 ივლ 2011, 23:24

ARCHILI wrote:ვაჰ, კახაბერ, ჩვენს მიერ დამუშავებული ძველი მარშრუტია?

ტრულიმ თქვა, მესტიის მუზეუმი დაკეტილია რეკონსტრუქციაზე ხანგრძლივადო, მაგრამ სანახავი მაინც ბევრია.

საჰაერო გადაადგილება რა ჯდება?

საჰაერო
150 ლარი პლიუს

კი ის მარშრუტია, რომელიც ძალიან გვევასება, ცოტა შეცვლილი
მეზერიდან ეგრევე მაზერში ჩავდივართ ...

lama · Post by **lama** » 13 ივლ 2011, 23:26

სიაში ცვლილებებია
ამჟამად სია ასე გამოიყურება:

1. ლამა
2. ჯონი კაპანაძე
3. ნანიკო ბურდული
4. მაია კოკაია
5. ლელა ალექსაშვილი
6. ???

P.S. შეგახსენებთ, რომ მაქსიმალური რაოდენობა 40 კაცია

kokabedoidze · Post by **kokabedoidze** » 13 ივლ 2011, 23:42

1. ლამა
2. ჯონი კაპანაძე
3. ნანიკო ბურდული
4. მაია კოკაია
5. ლელა ალექსაშვილი
6. Mr. Kokito ?

lolika · Post by **lolika** » 14 ივლ 2011, 09:48

1. ლამა
2. ჯონი კაპანაძე
3. ნანიკო ბურდული
4. მაია კოკაია
5. ლელა ალექსაშვილი
6. Mr. Kokito ?
7. LOLIKA?

ARCHILI · Post by **ARCHILI** » 14 ივლ 2011, 23:27

ჩემს სტუდენტებს უნდათ წამოსვლა, მაგრამ გადაირივნენ, ძალიან ძვირიაო და ფასდაკლება არ გექნებათო?

lama · Post by **lama** » 15 ივლ 2011, 00:39

ფასი არაა ძვირი

საკმაოდ იაფია...

თუ სურვილი აქვთ წამოსვლის წამოვიდნენ ::::

CheLo · Post by **CheLo** » 15 ივლ 2011, 01:52

lama

ფასი მართლა არაა ძვირი (მე რომ ამას ვიტყვი) ერთი ეგაა დიდი შანსია წამოვიდე... ათი დღით მივდივარ ქობულეთში ზუსტად მაგ დროს და იქაც 300 ლარი მჭირდება.. 200 ლარი დასვენება და 3ჯერადი კვება და 100 ლარი სახარჯო.. ხოდა თუ მაინც სვანეთი ავირჩიე იმედია ანაკომის სუპები არ იქნება

ერთი ეგაა მინდა ბევრი კარაველი ვიხილო სიაში : )

ნუ 30 ლარი გამოდის 1 დღე და ძალიან ბევრ რმეს ვნახავთ თან ცხენების დაქირავება შედის და ამხელა გზაზე მგზავრობა..

lama · Post by **lama** » 15 ივლ 2011, 02:00

WenTTo

სიმართლეა რასაც შენ ამბობ მაგრამ არჩილიც მართალია. ის სტუდენტების ნათქვამს ამბობს

არჩილ...
სტუდენტებს შემახვედრე... ძალიან ძვირი, მთუმეტეს გადასარევად ძვირი ნამდვილად არ არის, მაგრამ რახანც სტუდენტები არიან და მითუმეტეს შენი, ფასდაკლებას გავაკეთებთ

ARCHILI · Post by **ARCHILI** » 15 ივლ 2011, 17:38

მე ჩემს აზრს კი არ ვამბობ (ამისგან თავს ვიკავებ), არამედ, თქვენი პოტენციური კლიენტების შეხედულება მოგაწოდეთ

გადავცემ პასუხს. მადლობა

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS