22/23/24.05 ზნაკვა(პატაპუტინას და არამარტო -ფესვები)/ფესვებტური I

[ARCHILI]

როგორც იცით, გამიჩნდა იდეა, რომ შეგვექმნა ფესვებ-ტური.

http://karavi.caucasus.net/viewtopic.php?t=3215&start=0

ამ ტურის მიზანი იმ ადგილების მონახულებაა, საიდანაც ჩვენ მოვდივართ, სადაც ჩვენს წინაპრებს უცხოვრიათ, ან მათი საფლავებია, ან მათი ნასახლარები, სასურველ შემთხვევაში კი მათი ნათესავები და ახლობლები ცხოვრობდნენ.

ამ ტურით ჩვენ კიდეც მოვინახულებთ ამ ადგილებს, გავეცნობით ხალხს, მაცხოვრებლებს, შევეცდებით გავიკითხოთ ჩვენს წინაპრებთან დაკავშირებული ნებისმიერი ამბავი ინფორმაცია, მოგონებები.

გადავიღებთ ფოტოებს მოსახლეებთან, ჩავიწერთ მათ მონათხრობებს და ა.შ.

ერთი სიტყვით, კარვებს ჩავდგამთ საწინაპრეთში...



როგორც იცით, პირველ ტურად ჩემი ფესვების მონახულება მინდოდა სუჯუნაში... მაგრამ პატაპუტინასთან საუბრის შემდეგ გადავწყვიტეთ, პირველი ფესვებ-ტური რაჭაში, კერძოდ კი ზნაკვაში მოგვეწყო.

ამისათვის ძალიან მნიშვნელოვანი მიზეზიც გვაქვს, რომ პირველი ფესვ-ტური პუტინას დავუთმოთ, ოღონდ ამ მიზეზს მხოლოდ ზნაკვაში წასული კარველები გაიგებენ იქ, ადგილზე, ხოლო დნარჩენები კი რეპორტაჟის საშუალებით.

========================================================
ჩვენი გეგმა ასეთია:

22 მაისი პარასკევი

1. საღამოსპირს გასვლა თბილისიდან დაქირავებული სამარშრუტო ტაქსით (მარშრუტკით)

2. ახლადდაღამებულზე ჩასვლა ზნაკვაში

3. დაბანაკება ზნაკვაში პუტინას ერთ-ერთი ახლობლის ეზოში (გავიკითხავთ ადგილზე, თუ სად მდებარეობს ამ პიროვნების ეზო)

4. აღნიშვნა


23 მაისი შაბათი

1. დილის საუზმე

2. სოფლის დათვალიერება. მაცხოვრებლების გაცნობა. პუტინას მოგვარეების ან ახლობლების მოძიება. ფოტოების გადაღება და ისტორიების ჩაწერა.

3. ტყეში გასვლა, მდინარეზე ჩასვლა და ჩანქერის ნახვა.

4. ღვთისმშობლის ეკლესიის მონახულება.

5. საღამოს აღნიშვნა და ღამის 12 საათზე სპეცფართი.


24 მაისი კვირა

1. დილის საუზმე

2. კარვების აღება და შუადღისათვის ზნაკველებთან დამშვიდობება და გამომგზავრება.

3. გზად ნიკორწმინდის ნახვა

4. შაორზე გასეირნება მცირე ხნით.

5. თბილისში გამომგზავრება

ნელ-ნელა პატაპუტინა დადებს მასალებს თვის გვართან, წინაპრებთან და ზნაკვასთან დაკავშირებით.

და მიუხედავად იმისა, რომ ძალიან ადრეა, ნელ-ნელა დავიწყოთ სიის ფორმირებაც, წამოსვლის მსურველები კი შეეცდებან გაითვალისწინონ ახლავე, რომ მაისის ბოლოს უიკენდები გამოათავისუფლონ, ხოლო პარასკევს ცოტა ადრე გამოიპარონ სამსახურებიდან...

==============================================================
წამსვლელები:

1. პუტინა
2. არჩილი
3.


პოტენციურად წამსვლელები:

1.

[Int3lig3nt]

ვა, რა მაგარია .
პატაპუტინას ფესვები როგორ არ უნდა ვნახო?!

თუმცა იქამდე დიდი დროა. ჯერ არ ჩავეწერები .

[ARCHILI]

რამდენიმე ფოტო ზნაკვას შესახებ მცირეად მოგითხრობთ, ფოტოები იდეებში თავად პუტინოვნამ მოიძია

[pataputina]

ვაჰხთ, ვაჰხთ....

რა მაგარია

ეს ტური თუ გამოვიდა
ეს იქნება
ჩემს ცხოვრებაში
ყველაზე
მაგარი
ისა.......



კი არა და



ე.ი. რაც ზნაკვას შესახებ ვიცი,
ისაა
რომ
დაახლოებით 2 საუკუნის წინ
ჩემმა წინაპარმა
ბაბუის ბაბუის ბაბუის მამა
კი არა და
პაპის პაპის პაპის მამამ
მოკლა თავადი
( პ.ს. თავადი არ წამოხვალ ზნაკვაში?? საგვარეულო ტრადიციები რომ გავიმეორო...... )
რის შემდეგაც გამოიქცა მცხეთაში,
კერძოდ, სოფელ ძეგვში, სადაც გახდა შიო მღვიმის მონასტრის ყმა......
ძეგვში ახლა ჩემი საკმაოდ ბევრი მოგვარე ცხოვრობს და ყველა იმ ერთი ადამიანის შტოს გამგრძელებლები ვართ....

კი არა და

როგორც ვიცი, იმ ძეგვში ჩამოსახლებული კვახაძის შემდეგ ზნაკვაში აღარავინ ყოფილა......

ანუჰხთ

ფესვ-ტურის გარდა
ეს იქნება
უძღები შვილის დაბრუნება
2 საუკუნის შემდეგ





ჰხოდა ისა......
დანარჩენი შემდეგ

[tavadi]

ჩამწერეთ ბატონო არჩილ

მსურველი ვარ და წამომსვლელიც
ასე რომ სადაც გინდათ იქ ჩამწერეთ თუ არ მოვკვდი უეჭველი მოვდივარ

[pataputina]

რა მაგარია

კი არა და

იმედია მაისის ბოლოს უკვე იქნება მდინარეში საბანაო
თუ არა
შესატობგასაწუწი ამინდი
მაინც

[ARCHILI]

წამსვლელები:

1. პუტინა
2. არჩილი
3. თავადი
4.


პოტენციურად წამსვლელები:

1. ინტელიგენტი
2.


c' est tres bien

[tavadi]

აბა პუტინიანებში ვინ მოდის

აბა ხალხო სადა ხართ

[namcecuna]

მე რა შუაში ვარ მაგრამ, ჩემი ნამცეცფესვები ძალიან ახლოსაა ზნაკვასთან-მამიდაჩემის შვილების ფესვებთან და თუ ცოცხალი ვიქენი მაგ დროს წესით უნდა წამოვიდე

ხოდა, კიდევ ის რომ-გზიდან გადახვევისმაგვარი არ მოსულა?
თხმორის ჩანჩქერს შემოგთავაზებდით-თხლიშინაზე-როგორც ვიცი ზნაკვის ჩანჩქერს ასე ეძახიან-უფრო დიდი და ... მაპატიეთ და ძალიან ლამაზია

არ ჩამქოლოთ

[namcecuna]

pataputina

საბანაო ამინდი შეიძლება იყოს, მაგრამ წყალი ძალიან ძალიან ძალიან ცივი იქნება შესატოპადაც კი

[tavadi]

დაახლოებით 2 საუკუნის წინ
ჩემმა წინაპარმა
ბაბუის ბაბუის ბაბუის მამა
კი არა და
პაპის პაპის პაპის მამამ
მოკლა თავადი
( პ.ს. თავადი არ წამოხვალ ზნაკვაში?? საგვარეულო ტრადიციები რომ გავიმეორო...... )

იქ მოკვლა და დაკვლა არ გვინდა
ეტყობა ის თავადი ღირსი იყო და მიიღო
რაც შემეხება მე ეგ კიდე დასწრებაზეა
თან ნაჯახი და დანა მე მომაქ თუ შენ
და მაგ დღისთვის კიდევ წამოვიღებ რაღაცეებს ........ რავიცი რავიცი

[teo-]

ერთი კვირით გაადადეთ და იქნება საბანაო ამინდი:პ

[ARCHILI]

ერთი კვირით გაადადეთ და იქნება საბანაო ამინდი:პ

ერთი კვირის მერე გურული ტურია დაგეგმილი:

http://karavi.caucasus.net/viewtopic.php?t=3247

[lama]

მე ფესვტური კარავზე უკვე ოთხჯერ მოვაწყვე

ოთხჯერვე სვანეთში და ახლაც ივლისში მეხუთედ მოვაწყობ და ამ ტურებში ფავორიტი ვარ ჯერ-ჯერობით

[ARCHILI]

მე ფესვტური კარავზე უკვე ოთხჯერ მოვაწყვე

ოთხჯერვე სვანეთში და ახლაც ივლისში მეხუთედ მოვაწყობ და ამ ტურებში ფავორიტი ვარ ჯერ-ჯერობით

ლამა, მსგავს საკითხში ნამდვილად სამაგალითო ხარ...



მცირე განსხვავება ის არის, რომ ეს ტური კიდევ იმათაც ეხება, ვინც თავის ფესვებში არაა ნამყოფი...



პატაპუტინა ზნაკველია წარმოშობით და არ არის ნამყოფი...

მე წარმოშობით სუჯუნიდან ვარ და არ ვარ ნამყოფი...

ვეცდებით, ჩავიდეთ, გავიცნოთ, გავარკვიოთ ჩვენი საწინაპრეთი და ა.შ.

აი, შენ, მაგაში მისაბაძი ხარ, რომ ყოველთვის მჭიდრო კავშირი გაქვს და არა მხოლოდ შენ, შენი ფესვტურის მონაწილე და მგონი, უკვე არანაკლებად, მეც ვარ ხოლმე...