ტაო-კლარჯეთი 4 ან 5 დღით აგვისტოში

marika · Post by **marika** » 26 ივნ 2008, 22:47

აგვისტოში ტაო-კლარჯეთში ვაპირებთ 4-5 დღით. 300-320 ლარი ჯდება. მოვინახულებთ ყველა დიდ მონასტერს, არტანუჯის ციხეს, ჯოჯოხეთის კანიონს და თუ სურვილი გვექნება ქართულ სოფლებსაც. ზუსტ დროზე და დეტალებზე შევთანხმდეთ.

tekla · Post by **tekla** » 27 ივნ 2008, 13:20

marika

რომელიმე ტურისტული სააგენტოს საშუალებით თუ საკუთარი რესურსებით? მითხრეს 150 დოლარი ჯდება ტაო-კლარჯეთში 3 დღიანი ტურიო.

optimisti · Post by **optimisti** » 27 ივნ 2008, 15:18

ცოტა უფრო მეტ და დაკონკრეტებულ ინფორმციას თუ დადებთ , გადაწყვეტილების მიღება გაადვილდება.

Wanderer · Post by **Wanderer** » 27 ივნ 2008, 15:56

tekla

რომელიმე ტურისტული სააგენტოს საშუალებით თუ საკუთარი რესურსებით? მითხრეს 150 დოლარი ჯდება ტაო-კლარჯეთში 3 დღიანი ტურიო.

მასეთი ფიქსირებული ფასი არ არსებობს. ისე თუ სააგენტოების გვერდის ავლით წახვალ გაცილებით უფრო იაფი დაჯდება.

SERJ_I · Post by **SERJ_I** » 27 ივნ 2008, 22:11

მე ვიყავი მანდ და 180 $ დამიჯდა 5 დღე...

marika · Post by **marika** » 29 ივნ 2008, 22:31

ტურისტული სააგენტოს მეშვეობით არა. საკუთარი რესურსებით. გავალთ ვალედან, შემოვალთ სარფიდან. იქ 2 ან 3 სრულ დღეს გავტარებთ. ჩვენზეა დამოკიდებული როგორც შევთანხმდებით. პირველ ღამეს ქალაქ არდაჰანში გავატარებთ. დანარჩენ ორ ღამეს იუსუფელში. ვნახავთ შავშათის ციხეს, ხანძთას, იშხნას, ოშკს, ტბეთს, პარხალს, შატბერდს, დოლისყანას, ბანას, ხახულს, ნუკას ტაძარს, ჯოჯოხეთის კანიონს, არტანუჯის ციხეს, ოთხთას და კიდევ უამრავ ციხეს რომელიც გზაში შეგვხვდება. გავჩერდებით ქალაქებში არდაჰანი, შავშათი, იუსუფელი, ხოფა, ართვინი. კიდევ ვნახავთ თორთუმის ტბას. ღირებულებაში შევა ყველანაირი ხარჯი რაც შეიძლება იქ შეგვხვდეს. იმ შემთხვევაში თუ ქართულ სოფელში მოვინდომებთ შევლას, შეგვიძლია ერთი ღამე დავრჩეთ იქ. ოღონდ ღამე კარავში მოგვიწევს დაძინება. გადაწყვეტილების მიღებაში ალბათ ისიც უნდა ფაგეხმაროთ, რომ რამდენიმე ტაძარი, რომელიც ერთ ხეობაში მდებარეობს ერთ წელიწადში დიდ წყალსაცავში ჩაიძირება, რომლის მშენებლობაც ჯერ კიდევ შარშან იყო დაწყებული.

Mta Mkvarebia · Post by **Mta Mkvarebia** » 30 ივნ 2008, 10:57

marika wrote:...........გადაწყვეტილების მიღებაში ალბათ ისიც უნდა ფაგეხმაროთ, რომ რამდენიმე ტაძარი, რომელიც ერთ ხეობაში მდებარეობს ერთ წელიწადში დიდ წყალსაცავში ჩაიძირება, რომლის მშენებლობაც ჯერ კიდევ შარშან იყო დაწყებული.

რას ამბობ? როგორ? რომელ ტაძრებზეა საუბარი?

Wanderer · Post by **Wanderer** » 30 ივნ 2008, 15:26

marika

რამდენიმე ტაძარი, რომელიც ერთ ხეობაში მდებარეობს ერთ წელიწადში დიდ წყალსაცავში ჩაიძირება, რომლის მშენებლობაც ჯერ კიდევ შარშან იყო დაწყებული.

ეს ინფორმაცია ადრე ვრცელდებოდა, მაგრამ არ არის სწორი. თურქეთის მთავრობა მართლაც აპირებდა მანდ წყალსაცავის მშენებლობას, მაგრამ გადაიფიქრეს. რამდენადაც ვიცი ქართველებმა გადააფიქრებინეს მოლაპარაკებების შედეგად.

bela · Post by **bela** » 30 ივნ 2008, 22:34

თუ წასვლის დროს და თანხას დააზუსტებთ, შეიძლება შემოგიერთდეთ.
ისე, აგვისტოზე მეტად ივლისის მეორე ნახევარი მაწყობს...
იუსუფელში ერთადერთი ქართული ოჯახი ცხოვრობს, რომელსაც პატარა გოგონა ჰყავს - გოქსუ. ჩემმა მეგობარმა რეზო გეთიაშვილმა რამდენიმე წლის წინ ინახულა ეს ოჯახი და ლექსი მიუძღვნა ამ გოგონას. საოცარი ლექსია:

სადაც ყვავილები მთავრდებიან
და შენი თითები იწყებიან,
შენი თითებიდან დაწყებული
ჩემი დაკარგული მიწებია.
არ ღირს ობლობაზე ლაპარაკი,
სულით ობლობასაც ნუვინ ტირის,
საკუთარ ძარღვებში დავწანწალებ,
ერთი უცხოელი ტურისტივით,
უკან ურდოები მომყვებიან,
და მიტოვებული მეფეები,
როცა ყველაფერი წესრიგშია,
როცა ყოჩივარდებს ეფერები.
სხვებით სხვა მგოსნებმა გაიხარონ,
ალბათ ჩემს გვირგვინად ეს აკურთხეს:
მთელი უშენობის მფლობელი ვარ,
დიდი დანაკარგის მესაკუთრე.

ეს ქართული ოჯახი და პატარა გოქსუ ნიკო წულაძის ფილმშიც მოხვდა ~მზიანი ღამის ფერები~, თუ გაქვთ ნანახი...
ასე რომ, ინტერესით ვკვდები, ისე მინდა ამ ხალხის გაცნობა... თუ წამოვიდოდი, რეზოს წიგნსაც წამოვუღებდი გოქსუს, სადაც ეს ლექსია დაბეჭდილი და ნიკო წულაძის ფილმსაც...

marika · Post by **marika** » 01 ივლ 2008, 00:31

თანხა 300 ლარია. დროს რაც შეეხება ჩვენზეა დამოკიდებული. პრინციპში ავლისის ბოლოსაც შეიძლება. მაგ ქართულ ოჯახს არ ვიცნობ, თუმცა იუსუფელი პატარა ქალაქია და მოძებნა შეიძლება. რაც შეეება ტაძრებს ხანძთა ყვება მათში, სავარაუდოდ შატბერდი და დოლისყანაც. ტაოს ტაძრები სამ ხეობაშია განაწილებული და ერთ-ერთი ხეობის ტაძრები იძირება.მშენებლობა საკუთარი თვალით ვნახე. მისი შეჩერების შესახებ არაფერი ვიცი, თუმცა დიდი იმედი მაქვს რომ სიმართლეა. კიდევ გაინტერესებთ რამე დეტალები?

Naia · Post by **Naia** » 01 ივლ 2008, 09:46

marika
დიდი სიამოვნებით შემოგიერთდებით. მთავარია თარიღი მაწყობდეს. ასეა თუ ისე, თქვენს სიაში მიგულეთ

Mta Mkvarebia · Post by **Mta Mkvarebia** » 01 ივლ 2008, 09:47

Naia wrote:marika
დიდი სიამოვნებით შემოგიერთდებით. მთავარია თარიღი მაწყობდეს. ასეა თუ ისე, თქვენს სიაში მიგულეთ

+1

qvevri · Post by **qvevri** » 01 ივლ 2008, 09:50

წამსვლელებო ერთი თხოვნა მექნება თქვენთან: დოლისყანაში და იშხანში შარშან სურათები გადავუღე იქაურებს და გაგატანთ გადასაცემად, ძალიან გაუხარდებათ.

pataputina · Post by **pataputina** » 01 ივლ 2008, 10:00

მმმმმ
ე.ი.
28 ივლისიდან 11 აგვისტომდე მაქვს შვებულება
და
მაგ შუალედში თუ დაემთხვევა
ვიფიქრებ
კი არა და
კარგი იქნება

zinzaga · Post by **zinzaga** » 01 ივლ 2008, 10:27

marikaიქ სასტუმროში აპირებთ დარჩენას?

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS