კარავი

შაბათს, 4 აპრილს დღის პირველ საათზე თბილისის გასასვლელთან შევიკრიბეთ და გორისაკენ დავიძარით, სადაც ნინის პლიუსი შემოგვიერთდა. გორამდე გოგას პლიუსის - გივის მანქანით ჩავედით.

საოცარი ქუჩებია გორში - დაკლაკნილი. რამოდენიმეჯერ ტე ფორმის გზაგასაყარს წავაწყდით, მარცხნივ საჭირო ქუჩა გრძელდებოდა ზიგზაგისებურად, ხოლო მარჯვნივ ახალი ქუჩა იყო. ასეთი რამ პირველად ვნახე და ცოტა გავხალისდი კიდეც.

გორში გავიცანით ნინის პლიუსი - მარიო, გერმანელი პოლიციელი, ძალიან მშვიდი და მოწესრიგებული ადამიანი. მისი მანქანა უფრო ეკონომიური იყო, თანაც დიზელზე იყო, ადრევე შემოგვთავაზა რომ გასვლის საჭეთმპყრობელი ის იქნებოდა, ამიტომ მარიოს მანქანით განვაგრძეთ გზა. ფრთხილი მძღოლი გამოდგა და დინჯად გვატარა.

გოგას ერთი ასეთი თვისება აქვს, ირგვლივ ყველას აერთიანებს და რაღაცნაირ თავისუფალ გარემოს ქმნის სადაც ყველა შინაურულად გრძნობს თავს.

გზაში უხვად დათოვლილ მთათა რიგი ფონად გასდევა წინ მწვანით მოსილ მინდვრებსა თუ ხეებს და საუცხოო პეიზაჟებს ქმნიდა, ზოგან ყაყაჩო გადაწითლებულიყო.

მარიო როგორც აღვნიშნეთ გზაში ძალზედ ფრთხილობდა ამიტომ იმ დღით უდაბნოს ნახვაღა მოვასწარით.

მანქანა მონასტრამდე 1იოდ კილომეტრში დავტოვეთ და ფეხით ავუყევით, მუხლი გავშალეთ და თვალწინაც საოცარი ხედები გადაიშალა.

გამოჩნდა უდაბნოს მონასტერიც /უდაბნო დაუსახლებელ ადგილს ნიშნავს ამ შემთხვევაში/.

ახალი ეკლესია 2006 წელსაა აშენებული, მის ძირში, რამოდენიმე მეტრით დაბლა ძველი ეკლესიის კედელია შემორჩენილი.

წმინდა იოანე ნათლისმცემელის სახელობი მონასტერი სარეაბილიტაციო ცენტრსაც წარმოადგენს, აქ ლოთობითა და სხვ. სენით დაავადებულები მკურნალობენ.

შესასლელში ხელმარჯვნივ კიბეები ადის და და ეს მეექვსე საუკუნის მეორე ნახევრით დათარიღებული კლდეში ნაკვეთი ეკლესია გვხვდება.

ცოტა ხანში სიმღე-სიმღეით დავუყევით გზას.

უდაბნოს მონასტრის ერთ-ერთI კარის მონაკვეთები.

ნინი 85

აქედან პირდაპირ ოზურგეთს მივაშურეთ სადაც საოჯახო სასტუმრო გვქონდა შეპირებული. ვივახშმეთ და დავისვენეთ.

საღამოხანს სტუმრად მარიკა კეჭაყმაძე გვესტუმრა. ვინც გურიის შარშანწინდელ გასვლაში იყო კარგად ეხსომება კეჭაყმაძეების გულუხვი ოჯახი. მარიკა გერმანულს მშვენივრად ფლობდა, ჩვენს სტუმარსაც ალექსანდრე ყაზბეგივით ვეხუმრეთ, გურიაში გერმანული ყველამ იცისო.

ამასობაში ლიტანიობა დაიწყო. საზეიმო წირვას საკათედრო ტაძარში დავესწარით.

shoda1121

ჰა, როგორი იყო ლელობურთი?

აღდგომის დილა ძალიან ქართული გვქონდა. ქეიფი დილიდან დაიწყო:)

მგონი პირველი ლაშქრობა იყო სადაც გოგას "ადექით, ადექით" არ დაჭირდა. დათქმულ დროს ყველა ფეხზე დავხვდით.

თავდაპირველად შემოქმედის ეკლესიისაკენ წავედით.

შემოქმედის სამონასტრო კომპლექსის სამრეკლო