კარავი 21 წლის გახდა და ჯერაც ცოცხალია! და თქვენ "კარველებო", ცოცხლები ხართ?

კიდევ ერთი კარავისთვის მეტნაკლებად დაუმუშავებელი მიმართულება (წერაქვში და ჭაპალაში (1ხელ) არის კარავი ნამყოფი) რომელიც ასევე სპონტანურად დაგეგმვის გარეშე გავაკეთე ავტომანქანებით; მარშუტი სახეცვლილია იმ შეცდომების გათვალისწინებით რაც დაუგეგმავობის გამო დავუშვი:

1. რეგიონი:
ქვემო ქართლი (მარნეული–ბოლნისი)

2. მარშუტის დასახელება:

წერაქვის კომპლექსი–მამხუტის(სარაჩლის) ზედა და ქვედა ეკლესია–ჭაპალას ციხე–კაზრეთის სამება–კაზრეთის სათხის ეკლესია–რაჭისუბნის მჟავე წყლები

3. ხანგრძლივობა:
1 დღე

4. სირთულე:
მარტივი (მანქანებისთვის მშრალ ამინდში თუ არ ახვედით შეიძლება სარაჩლის მიდამოებში გაუჭირდეთ 1–2 ადგილი) ჭაპალას ციხეზე ასვლა მარტივია და ძალიან სასიამოვნო; სათხის ეკლესია მხოლოდ რამოდენიმე კმ–ია

5. გასვლის, ლაშქრობის ღირებულება
10 ლარი

6. გასვლის, ლაშქრობის ორგანიზატორი:
shoda1121

8. დანიშნულების პუნქტთან უახლოესი დასახლებული პუნქტი:
მარნეული (სმარტი), ბოლნისი

9. მარშრუტის სიგრძე ტრანსპორტით:
250კმ-მდე;

10. ფეხით გავლილი მანძილი:
7კმ დაახლ.


11. რუკა (როგორ მივაგნოთ)
http://goo.gl/maps/lPgMN
(გუგლი არ აკავშირებს მაგრამ ამ ადგილებთან ერთმანეთთან დამაკავშირებელი გზა მიდის; მარნეულიდან წერაქვამდე: http://goo.gl/maps/VIqVw; შემდეგ იქიდან გადადის სარაჩლოში(აზერბაიჯანულად უნდა იკითხოთ სახელი) გზად შაუმიანის სომხურ დასახლებას გაივლით; ეკლესიები სოფლიდან რომ გახვალთ ბოლოშია; შემდეგ ჭაპალაში ასფალტიანი გზაა კარგი(გზა მხოლოდ სარაჩლოსთანაა 1-2გან ცუდი); ჭაპალადან ბოლნისის ცენტრალურ გზაზე გახვალთ და ჩახვალთ კაზრეთში იქ დატოვებთ მანქანას და ნახავთ ეკლესიებს; წამოსვლის გზაზე კი გააჩერებთ რაჭისუბანში მჟავე წყლებზე;
http://dzeglebi.ge/marshruti/kazreti.html
აქ არის მოცემული ტრეკი თუმცა თქვენ ამ ათი კმ-დან მოგიჭრით ტრანსპორტი არასაჭირო 5-6კმ-ს;

12. გახანგრძლივების შემთხვევაში შეიძლება ინახოს:
აკაურთა

13. საუკეთესო სეზონი სანახავად: გაზაფხული, შემოდგომა

14.
ყურადღებამისაქცევი ადგილები:

წერაქვი: მონასტერი, საეკლესიო კომპლექსი გალავნით : 10 ქულა; (მ.ჯავახიშვილის სახლ-მუზეუმი არაფერი განსაკუთრებული თუმცა უფასოა;)
ჭაპალას ციხე: ყველაზე განსაკუთრებული ციხე ხედებით მშრომელი აზერბაიჯანელების განსაკუთრებულად ორგანიზებულ-მოწყობილ სახნავ-სათესებზე! 9 ქულა;
მამხუტის ზედა და ქვედა ეკლესია-ძალიან ლამაზი ფერებით შემკობილი კედლები ეკლესიების რომელიც არქიტექტურით არაა გამორჩეული მაგრამ დგას სერზე სოფელს რომ გასცდები ახლო ახლოს ერთმანეთთან; არქიტექტურულად არაა გამორჩეული მაგრამ ღირს; 7.5 ადგილობრივები 8.5
კაზრეთის სამება 6.0 ჩუქურთმები და ა.შ. უბრალოდ გზაზეა;
კაზრეთის სათხის ეკლესია 9.5 მშვენიერი სალაშქრო მიმართულება და საქეიფოდაც კარგი ადგილია; უბრალოდ პოსტთან მოგიწევთ ტრანსპორტის დატოვება და გზად სამების ეკლესია ყველა ვარიანტში უნდა გამოიაროთ; ჩუქურთმები, წარწერები, ბარელიეფები მართლაც განსაკუთრებული ძეგლია;

სურათებს მოგვიანებით დავდებ; ისე კი მშვენიერი მარშუტია არა მგონია ბევრს ჰქონდეს ეს ადგილები ნანახი

წერაქვის კომპლექსი:


წერაქვის სამონასტრო კომპლექსი — XII—XIII სს-ის ქართული კულტურული ძეგლი. მდებარეობს ქვემო ქართლში, მარნეულის რაიონში, მდინარე შულავერის მარცხენა მხარეზე, სოფელ წერაქვთან. მასში შედის XII—XIII სს-ის ღვთისმშობლის მიძინების სახელობის სამნავიანი დარბაზული ეკლესია (კედელზე XV საუკუნის ლაპიდარული წარწერით), შუა საუკუნეების წმინდა გიორგის სახელობის ეკლესია, სამრეკლო, მარანი და გალავანი.

























ძალიან თბილი და მაგარი ადგილია; უნდა დარჩე და ისიამოვნო

მწვანე სეზონზე: ვიკიპედიის ფოტოდანაც ჩანს რომ კარგი იქნება:

მამხუტი (სარაჩლი)-ს ზედა და ქვედა ეკლესია







ლამაზი ხეობა







ხედები ზემო ეკლესიიდან





ზემო ეკლესია (არქიტექტურულად ისეთი არაფერი მდებარეობა სასიამოვნო




ქვემო ეკლესია ულამაზეს ფერებშია ქვებით















კონტაქტი ადგილობრივებთან; მოხუცი ქალები იყვნენ განსაკუთრებით საინტერესო და ფერად ტანსაცმელში და ეგ არ გადამიღია



მწვანე სეზონზე:


(https://www.facebook.com/bolneli)

არა მგონია სურათებმა აღწეროს ამ ციხეზე ასვლით მიღებული სიამოვნება...

გერმანულივით ზუსტად მოწყობილი სახნავ-სათესები ჩვენი აზერების გამრჯე ხელით... და თვითონ ციხე გაშლილ ველებზე ხედებით საკმაოდ მაგარია!!!

სათხის ეკლესიის აღმოჩენაში მოლაშქრე.გე-ს მადლობას ვუხდი მშვენიერი ტყე ვიარე არც ისე დიდი სიმაღლის აღებით ულამაზეს ადგილას ადიხარ:

ეს მოლაშქრის ფოტოებია მოგვიამებით ჩემს სათხის ფოტოებსაც დავდებ

კაზრეთი: გზა, საბადოზე ხედი

ჩემი ფოტოები

ჯავახიშვილის სახლ-მუზეუმს მაინდამაინც არ გირჩევთ წერაქვში არც ისე საინტერესოა თუმცა ზოგ სურათს ავტვირთავ;

კიდევ ჭაპალას ციხე

სოფელი მამხუტი (სარაჩლი);
ეკლესიები განსაკუთრებულ ადგილას დგას თუმცა ადგილობრივების ნახვა არანაკლებ საინტერესოა;
აღსანიშნავია რომ ჭაპალას ციხიდან ასევე სწორედ ადგილობრივების სახნავ-სათესებზე ხედებია უნიკალური! და არა მაინდამაინც ციხე(ციხეც მშვენიერია ისე);

უნდა აღინიშნოს რამოდენიმე რამ: მამხუტი=სარაჩლი; ჭაპალა=გოჩოლო თუ რაღაც ეგეთი და ამიტომ შეიძლება ადგილობრივ აზერბაიჯანელებს კარგად ვერ გააგებინოთ სოფლების ოფიციალური სახელები;

როგორც გოგამ თქვა ჭაპალაში არსებული ხიდი ისტორიულია;

სათხეზე ასომთავრული წარწერებია რაც არ გადამიღია კამერა დამიჯდა, ასევე საინტერესო საფლავის ქვები
მოკლედ, გირჩევთ წახვიდეთ; ისე კი სალაშქროდ ნამეტანი ადვილია...
თუმცა ადგილი მშვენიერია და ძეგლიც უმაგრესი!

shoda1121 wrote:კაზრეთი: გზა, საბადოზე ხედი

ჩემი ფოტოები

ბლომად წარწერებია კაზრეთის სათხის ეკლესიის კედლებზე ასევე საფლავის ქვებიცაა და მე ვერ გადავიღე: როცა ვინმე წახვალთ ამ თემაშიც შეიძლება დადოთ