მისტიური რაჭა.... 18-19.08.2012

Tamari-ch. · Post by **Tamari-ch.** » 20 აგვ 2012, 23:54

2012 წელს რაჭამ განსაკუთრებულად გვიმასპინძლა!

იდუმალებით მოცული, ნისლიანი, და საოცრად ღრმა,

სიყვარულით და სილამაზით სავსე!

საოცარი დღეები იყო!!

2012 წელს მისტიური რაჭა ვნახეთ!

Tamari-ch. · Post by **Tamari-ch.** » 21 აგვ 2012, 00:04

1. რეგიონი: რაჭა
2. მარშრუტის დასახელება: თბილისი- შაორის ტბა - ნიკორწმინდა-ჭელიში - მღვიმეები - ხოტევი - ამბროლაური - ხიდიკარი - ხიმში - ბარაკონი - ღები - გლოლა - შოვი - ონი - თბილისი

3. ხანგრძლივობა:2 დღე და 2 ღამე

4. სირთულე:
საშუალო, უფრო მარტივი

5. გასვლის ღირებულება: 30 ლარი +- 2 ლარი საერთო ხარჯების

6. მონაწილეთა რაოდენობა:19 ადამიანი:

7. გასვლის ორგანიზატორი: Tamari-ch.

8. დანიშნულების პუნქტთან უახლოესი დასახლებული პუნქტი: ამბროლაური, ტყიბული, ონი

9. მარშრუტის სიგრძე ტრანსპორტით:
სულ ზუსტად 700 კმ გამოვიდა

10. ფეხით გავლილი მანძილი:
10 კმ-მდე...

11. სანახავი და ყურადღებამისაქცევი ადგილები:
უამრავი!
ნიკორწმინდა, ჭელიშის მონასტერი, მღვიმეები, ხოტევის ეკლესია და ციხე, ხიდიკარის ციხეები, ხიმშის წმინდა გიორგი, ბარაკონი, ღები, გლოლას სამი ეკლესია, ზექალაქის კომპლექსი, შოვი და ა.შ.....

12. საბანაკე ადგილები: ყველგან

13. სასმელი წყალი მარშრუტზე: - ყველგან

14. საჭირო აღჭურვილობა, რჩევები:
თბილი თვეები

15. გასვლისთვის, ლაშქრობისთვის საუკეთესო დრო:
ზაფხული-შემოდგომა.

16. რისკები, საფრთხეები:
ისეთი არაფერი...

17. უახლოესი ღირსშესანიშნავი ადგილი, რომელიც დროის გახანგრძლივების შემთხვევაში, შეიძლება, ამ გასვლისას ინახოს:
რაჭა მდიდარია ძეგლებით

18. პირობები ფიჭური კავშირგაბმულობისთვის:
მაგთი იჭერს, ჯეოსელიც

19. ზღვის დონიდან ყველაზე მაღალი წერტილი:
ღები

20. სასარგებლო ბმულები, იმავე მარშრუტის კარავზე გახსნილი თემები:
მზადება
http://karavi.ge/viewtopic.php?t=5687&start=120

ესეც რუკა

Tamari-ch. · Post by **Tamari-ch.** » 21 აგვ 2012, 00:24

ყველაფერი დაიწყო გეგმისამებრ...
შევიკრიბეთ დროულად რედისონ ივერიასთან
და თითქმის ზუსტად რვაზე გავედით თბილისიდან რაჭუკასკენ...

ამინდმა საოცრად გაგვიმართლა:
შაორთან რომ მივედით დასაბანაკებლად -
სულ ერთხელ წამოწვიმდა და ვსიო....
იმის მერე მთელი შაბათი დღე ერთი წვეთიც არ ჩამოვარდნილა...
ძირითადი სანახავები ძეგლები - თითქმის ყველაფერი ვნახეთ შაბათს
და შესანიშნავად მოვასწარით ყველაფერი....

Tamari-ch. · Post by **Tamari-ch.** » 21 აგვ 2012, 00:39

მეორე დილით - კარვების ქალაქი

ვიპოვეთ შაორი და ვიბანავეთ კიდეც...

ესეც კარავია...

მერე იყო საუზმე...

ვიპოზიორეთ შაორთან...

Tamari-ch. · Post by **Tamari-ch.** » 21 აგვ 2012, 00:56

შემდეგ 10 საათზე გავედით ნიკორწმინდასკენ....

Tamari-ch. · Post by **Tamari-ch.** » 21 აგვ 2012, 00:57

Tamari-ch. · Post by **Tamari-ch.** » 21 აგვ 2012, 01:05

აი ამის მერე დაიწყო ყველაზე საინტერესო......

გეგმით,
ნიკორწმინდის შემდეგ უნდა გვენახა ჭელიშის მონასტერი....
გავედით სოფლიდან და მივდივართ ხონჭიორის გზაზე...

განმეორდა შარშანდელი შეცდომა... მივდივართ ნელ ნელა ვიყურებით იქეთ-აქეთ,
1- 2 კმ გავიარეთ და ჯერ არაფერი ჩანს....
კიდევ კარგი შეგხვდა მანქანა და ვკითხეთ ჭელიშის მონასტერზე...
თვალები ჭყიტა მძღოლმა...
მერე უცებ გამახსენდა, რომ ადგილობრივები
მას უდაბნოს უწოდებდნენ -
- კი კიო - გვიპასუხა -
ეგ გამოიარეთ უკვეო -
უკან დაბრუნდით და სახერხის შენობები რომ დგას - იქ ჩაუხვიეთო.........

Tamari-ch. · Post by **Tamari-ch.** » 21 აგვ 2012, 01:33

რას ვიზამდით, გავბრუნდით უკან....

ნიკორწმინდადან რომ გამოდიხარ,

მართლაც დგას ხის შენობები - იქ სახერხი ყოფილა...

აი მანდ კი გზა იყოფოდა ორად:
ერთი ადიოდა ზემოთ,
მეორე ჩამოდიოდა ქვემოთ...
ვდგავართ და ვფიქრობთ - რა ვქნათ....

მანამდე, ნიკორწმინდადან რომ გამოვედით, შეგხვდა თეთრი სამარშრუტო -
მათაც მაშინ ვკითხეთ ჭელიშის მონასტერზე -
იმათ: - არ ვიცით, ჩვენ მღვიმეები ვნახეთო -
მაშინ ეს გვითხრეს და
ვინაიდან ჩვენ მღვიმეს კი არა, მონასტერს ვეძებდით -
მაშინ ამისთვის არ მიგვიქცევია ყურადღება -
აი ახლა კი გამახსენდა ეგ ნათქვამი - ვინაიდან ზემოთ კლდეზე ხალხი დავინახეთ...

და აქ მივიღეთ სტრატეგიული და "ბრძნული" გადაწყვეტილება
- რამაც მომავალში განაპირობა მოვლენების სულ სხვა მიმართულებით განვითარება!!

გავიყავით: დათო და ჯილდა გავგზავნეთ ზემოთ ამბის გასაგებად,
სადაც ხალხი ირეოდა,
დანარჩენები წავედით ქვემოთ გზაზე...

მივდივართ, ვათვალიერებთ მაგრამ არაფერი ჩანს მონასტრის მაგვარი...

ისევ გავჩერდით....

რეკავს დათო ზემოდან: ხალხმა არ იცისო, სადაა ჭელიშის მონასტერიო....

ახლა რაღა ვქნათ????

აი აქ გვიშველა დოროთეას მეგობარმა
დოროთეას გაახსენდა თავისი მეგობარი, რომელიც ნამყოფია ჭელიშში!

რეკავს დოროთეა და იგებს ამბავს:
თურმე სწორ გზაზე ვართ - უბრალოდ ძალიან ბევრი უნდა იაროთო ფეხითო...
სულ დაბლა ღელეში უნდა ჩახვიდეთო,
იქაა რაღაც ჰესიო და მერე იქვეა მონასტერიო...

ამასობაში გამოჩნდა წითელი ჯიპი და იმანაც დაგვიდასტურა - ჩვენც იქ მივდივართ და ეს ჭელიშის გზააო...

Tamari-ch. · Post by **Tamari-ch.** » 21 აგვ 2012, 01:50

ვინაიდან დავადგინეთ, რომ ჩვენ მივდივართ სწორ გზაზე,
- ვურეკავ ჯილდას და დათოს და ვეუბნები,
რომ აქეთ ჩამოვიდნენ, ჩვენკენ...
- ჭელიშის გზა ეს არის მეთქი...

ჰოდა აქ ხდება ყველაზე საინტერესო:
ჯილდა და დათო მოდიან არ ჩვენკენ, არამედ რაღაც ბილიკით ეშვებიან დაბლა მდინარისკენ....

რაღაც მოკლე ბილიკი ვიპოვეთო, მითხრა დათომ და ჩამოვალთო...
პირველი რაც გამიელვა - არ დაიკარგოთ მეთქი - გარშემო ტყეა!
არა - მოვალთო....
დათოს ჩემხელა ბებუთი ეკიდა ქამარზე,
ამიტომ აღარ დავიჯინე - გინდა თუ არა ჩვენკენ წამოდით მეთქი....
მივდივართ და გზადაგზა გადავძახებთ ხოლმე ჯილდას და დათოს....
რაღაც მომენტში ვიფიქრე რომ დაიკარგნენ და უცებ მირეკავენ -
ქვემოთ ვართ უკვე და გოგოებს შევხვდითო....

ამასობაში ჩვენ ჩავედით ჰესთან...

დაიმახსოვრეთ - აქაა ჭელიშის მონასტერი...

Tamari-ch. · Post by **Tamari-ch.** » 21 აგვ 2012, 02:03

ის ნაგებობა ჰესი კი არა წყლის სატუმბი სადგური ყოფილა...
შენობაში ვნახეთ თანამშრომლები
- გვაჩვენეს ბილიკი და მივადექით ჭელიშის მონასტერს....

ვდგევართ და ვტკბებით....

ლევანი ალბათ ფიქრობს - ოდესღაც ამ სახლში ვიღაც ცხოვრობდაო....

ამასობაში ჯილდაც გამოჩნდა
და ლამაზად ჩაჯდა კადრში და საკურთხევლის სარკმელში

შესანიშნავი საბანაკე ადგილებია ჭელიშთან...

Tamari-ch. · Post by **Tamari-ch.** » 21 აგვ 2012, 02:06

ეზოში მიმობნეული ჩუქურთმები...

ქვევრი კედელში აკუსტიკისათვის...

ტაძრის იატაკი

Tamari-ch. · Post by **Tamari-ch.** » 21 აგვ 2012, 02:12

ჯილდა და დათოც მოვიდნენ
ჰოდა მოგვიტანეს ფრიად საინტერესო ამბავი:

ჩვენ რომ ჩამოვედით ბილიკით - გზაზე ორი დიდი მღვიმე ვნახეთო!

დავინტერესდით....

ჰოდა გადაწყდა უკან დაბრუნებულიყავით არა მოსული გზით -
არამედ იმ ბილიკით და გვენახა ეს მღვიმეები....

და არ ვინანეთ....

Tamari-ch. · Post by **Tamari-ch.** » 21 აგვ 2012, 02:14

აი ისიც - პირველი მღვიმე!

წყალი ცივი ცივი!!!!

ეს ყოფილა ამ მდინარის სათავე - მდინარე პირდაპირ კლდიდან გამოდიოდა...

მღვიმეში კი ნამდვილი სტალაქტიდებია! გამოქვაბული მიდის სიღრმეში და ბოლო კი არ ჩანს!

Tamari-ch. · Post by **Tamari-ch.** » 21 აგვ 2012, 02:18

რაღაც იდუმალ სამყაროში მოვხვდით უცებ....

აქ ვერ იბანავებდი - ძალიან ცივია წყალი....

ამასობაში გამოჩდნენ ვიღაც უცხოელები
- მორბიან ამ მღვიმისკენ -
ნახეს და მერე გაიქცნენ მეორე მღვიმისკენ...
რა ჭელიში, რის ჭელიში - ჭელიში ვის ახსოვს... არც კი აინტერესებდათ ნამონასტრალი...

ჩვენც გავყევით დათოს და მეორე მღვიმეც ვნახეთ....

Tamari-ch. · Post by **Tamari-ch.** » 21 აგვ 2012, 02:21

აქ წყალი თბილია და დათოს უბანავია კიდეც,
სანამ ჩვენ გზით ვეშვებოდით...

იმ უცხოელებს ახლდა ქართველი, ადგილობრივი...
ჰოდა იმან გვითხრა საინტერესო ამბავი:
თურმე ამ ღვიმის სიღრმეში შიგ კლდეში ჩანჩქერი ყოფილა!

ეგრევე გადავწყვიტეთ, რომ მომავალში მოვიდეთ აქ
კიდევ ერთხელ გასაბერი ნავით და შევცუროთ შიგნით
- ჩანჩქერის სანახავად!
საინტერესო იქნება ჩანჩქერი კლდის შიგნით!

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS