კარავი 21 წლის გახდა და ჯერაც ცოცხალია! და თქვენ "კარველებო", ცოცხლები ხართ?

1. რეგიონი: კახეთის მხარე, ახმეტის რაიონი (თუშეთი).

2. მარშუტის დასახელება:
1ლეჩური- შენაქო - დიკლო- ძველი დიკლო
2დიკლოდან დართლოში ჩიღოს გავლით
3დართლო-გირევი-ჰეღო-ფარსმა-ბასო, დანო-კვავლო
4დართლო -გომეწარი( დოჭუ, ბეღელა, ჯვარბოსელი, ვერხოვანი) წარო
5ომალო -კესელოს ციხეები -ალვანი

3. ხანგრძლივობა:
5 დღე და 5 ღამე

4. სირთულე:
სასიამოვნოდ რთული.პირველ დღეს სატვირთოთი მგზავრობა ალვანიდან დიკლომდე. მეორე დღეს: დიკლოდან ჩიღომდე 4სთ, ჩიღოდან დართლომდე 3სთ.მესამე დღეს: სატვირთო მანქანით,ფეხით მხოლოდ სოფლამდე მისასვლელი მანძილი. მეოთხე დღეს: სატვირთო მანქანით დართლოდან დოჭუმდე, დოჭუში გზიდან სოფლამდე მისასვლელი მანძილი და უკან ფეხით; დოჭუდან ვერხოვნამდე სატვირთო მანქანით და ვერხოვანიდან წარომდე ფეხით და შემდეგ ისევ სატვირთო მანქანით ომალომდე. მეხუთე დღე: ომალოდან ალვანამდე სატვირთო მანქანით და თბილისამდე მინიბუსით. (სამწუხაროდ წვიმის გამო ვერ მოვახერხეთ კესელოებზე ასვლა)
5. გასვლის, ლაშქრობის ღირებულება

140 ლარი

6. მონაწილეთა რაოდენობა:
1. პერწკლი
2. kolonkelidze
3. ბუაჩიძე დათო
4. თამუსია
5. Ledi
6. taxvi
7. ელოიზა (თამუნა)
8. ელოიზა + დიანა
9. შოდა
10. მთა მყვარებია,
11. შოდა+
12. NINUCA
13. დეიდა კამა
14. დეიდა კამა+
15. kolonkelidze +
16. Tixy Kharaishvili
17. LOLIKA
18. შოდას +
19.kolonkelidze +
20. ბუაჩიძე დათო +

ყველაფერი ისე კარგად იწყებოდა, პრობლემების და სირთულეების გარეშე.ტური, მარშუტი, დრო ყველაფერი თავის ადგილზე დალაგდა და სიაც ნელ-ნელა შეივსო.მარტო დრო იყო დარჩენილი, სულ რამდენიმე დღე და დაახლოებით 2840 მეტრზე ზღვის დონიდან ახალი გაზაფხული იწყებოდა.ველოდებოდი ამ დღის დადგომას და ჩემთან ერთად კიდევ 19 თქვენგანი.წყნარად , მშვიდად მოდიოდა 26 ივნისი, მარტო ონისე "ანცობდა" ყოველ მეორე დღეს მხვდებოდა მისი მესიჯი "იცი მე ვეღარ მოვდივარ, მანქანა გამიფუჭდა" ან "გზა ჩამოშლილა ცერზე" "გომეწარი ქისტებმა დაიპყრეს მე ტყვედ ამიყვანეს და 26 მდე გამოქცევას და ჩამოსვლას ვერ ვასწრებ"....ეჩქარებოდა მთაში წასვლა, ვეღარ ითმენდა და არც უნდოდა შეემჩნია. 2 დღე რჩებოდა და უცნაურმა შიშმა ამიტანა ის გზები რომ მახსენდებოდა და ბილიკები....ნეტა მართლა ჩამოიშალოს გზა ან ჯანდაბას გომეწარი დაიპყრონ ოღონდ გადაიდოს ეს ლაშქრობა-ვფიქრობდი, მაგრამ არ გადაიდო და ის შიში მაინც გამყვა ალვანამდე.
რა კარგი იყო ალვანში, გახსოვთ? ის პატარა თავგადასავალი-ჩვენი საძილეები რომ ავიკიდეთ და გზას გავუდექით, ზუსტად არც ვიცოდი საით, ხო მაგარი იყო იმ სიბნელეში ერთმანეთს რომ ვერ ვხედავდით და მარტო ალვანის თავზე წამომართული ცხრაკარა რომ გვქონდა სამიზნედ ისე შორს სადღაც ტყის თავში წამომართული და ის ტყე, შეფოთლილი , ნელ-ნელა რომ გვიტყუებდა რაც უფრო მეტად შევდიოდით სიღრმეში. ასე შორს თუ იყო რას ვიფიქრებდი ხო კარგი იყო მერე იმ ტყეში ის პატარა გაშლილი მწვანე მინდორი, მყუდროდ შეყუჟული ის პატარა ეკლესია .
მერე იმ მინდორში კოცონთან გაშლილი საძილეები და ყოველი საათის დასაწყისში იმ უამრავი მამლის ყივილი შორეული ზარების გუგუნივით რომ ამოდიოდა ზემო და ქვემო ალვნიდან, უჰ რამდენი მამლი ყიოდა! გათენება გახსოვთ? მწვანე ქედებზე ამოწვერილი მზე, ვუყურებდი და ვფიქრობდი" რამდენიმე საათიც და იქ გავივლით სადაც ახლა მზე ანთია". ის ალაზნის ველი ჩვენს წინ გაშლილი გაწყვეტილას მინდორი და შუაში წამომართული ალავერდის თეთრი ტაძარი! ამას ხო ადვილად ვერ დაივიწყებთ...მერე ისევ ის ზურგჩანთები და ისევ ხეტიალი ტყეში , წინა ღამისგან განსხვავებით ახლა ნამძინარევ სოფელში ის ქუჩა უნდა გვეპოვნა სადაც ჩვენი ჯგუფის დანარჩენი წევრები დავტოვეთ. ყველა ისევ იქ იყო სადაც დავტოვეთ მერე ის კამაზიც გაჩერდა ჩვენ ჭიშკართან, ის დაუვიწყარი 4 ლაშქობა კამაზით თუშეთის მოუდრეკელ გზებზე "თუ თუშეთი გინდა კამაზით უნდა ნახო". ხოდა აი კამაზეიც და ისიამოვნეთ! ხომ არასოდეს დაგავიწყდებათ ეს კამაზი
შიში სადღაც გაქრა, მძღოლის გვერდით ვიჯექი, სულ რამდენიმე წუთიც და ..ვეღარ ვითმენდი ისე მეჩქარებოდა.ცერის თავზე ისე იყო მოწმენდილი ცა , მე მომეღრუბლა ხასიათი- აბა ცერი ნისლების გარეშე რა ცერია. გაგვიმართლა! ჩვენ ავდიოდით და ნელ-ნელა ნისლებიც დგებოდნენ ნელ ნელა ბოლავდა აბანოს უღელტეხილი ხო გახსოვთ



ეს ძველი ფოტოა მაგრამ ესაც ონისეს კამაზიდანაა გადაღებული

......

წყნარი???მეე??? შენ რაღაცეები დაგავიწყდა ეტყობა მადლობა ასეთი შეფასებისთვის

მშვენიერი, დაუვიწყარი და ძალიან მაგარი 5 დღე..

მადლობა ყველას ერთად და სათითაოდ...

ფოტოაპარატი დაიორთქლა და რავი ზოგი მთლად კაი ვერ გამოვიდა მარა მაინც დავდებ:

ალვანის ნათლისმცემელი: ძალიან ვისიამოვნე ღამეული ლაშქრობით!!!




გზა: ყველაზე ლამაზი გზა, ყველაზე ექსტრემალურიც სწორედ თუშეთისკენ მიდის:

გზა და უღელტეხილი:

შენაქო: პირველი მარგალიტი თუშეთის:
(პირველი სურათი ომალოა გზა შენაქოსკენ)

დიკლო სადაც დავბანაკდით პირველ დღეს:
და ულამაზესი ძველი დიკლო დაღესტანზე ხედებით: საუკეთესო თუშეთში:

დიკლო–ჩიღო–დართლოს ლაშქრობა,
აქ ჩავწყვიტე ბილიკი

ინდური ფილმის გადაღებები:
ზიტა და გიტა:
მონაწილეობენ:
ლედი და შოდა,
ასევე თიქსი სპეც. მოწვევით მეფის ბიძაშვილის როლში

დართლო, გირევი, ჰეღო

თიქსი :



"გზა" ჰეღოში:



ყველაზე ლამაზი ფარსმა!!!!!

კვავლო ულამაზესი ხედებით:

გომეწარი და დოჭუ!!!!