ფოლადაურის (ბერდიკის) ციხე და მის გარშემო - 29.05.11

[Tamari-ch.]

1. რეგიონი:
ქართლი, ბოლნისის რაიონი

2. მარშუტის დასახელება:
თბილისი- ბოლნისის სიონი - წუღრუღაშენი - ინჯაოღლი დემირ -სუ - ფოლადაურის ციხე - სამწევრისი (სამწვერიანის ეკლესია) - ხაჩინი - თბილისი

3. ხანგრძლივობა:
1 დღე

4. სირთულე:
საერთო ჯამში ლაშქრობა იყო მარტივი,
მაგრამ ფოლდაურის ციხეზე ასვლა საკმაოდ რთულია კლდიანი აღმართიანი გზის გამო და ნაწვიმარზე ფეხი სრიალებს
10 ქულიდან ლაშქრობა ჯამში ალბათ 6 -7

5. გასვლის, ლაშქრობის ღირებულება
10 ლარი

6. მონაწილეთა რაოდენობა
სულ 22 აქედან 2 ცალკე მანქანით იყო

7. გასვლის, ლაშქრობის ორგანიზატორი
Tamari-ch.

8. დანიშნულების პუნქტთან უახლოესი დასახლებული პუნქტი:
ბოლნისი

9. მარშრუტის სიგრძე ტრანსპორტით:
სულ 160 - 170 კმ

10. ფეხით გავლილი მანძილი:
ალბათ 6 კმ

11. სანახავი და ყურადღებამისაქცევი ადგილები:
გარშემო ბევრი ძეგლებია, რომელთა ნახვა ერთ დღეში ვერანაირად ვერ მოესწრებოდა
დაგვრჩა სანახავი - თევდორეწმინდა, ვანათი, ქოროღლის ციხე, ფოლადაურის ეკლესიები, ჭაპალას ციხე და სხვ...
ეს კიდევ ერთი გასვლა იქნება უახლოეს მომავალში

12. საბანაკე ადგილები:
მდინარე ფოლადაურის პირას კარგი ადგილებია

13. სასმელი წყალი მარშრუტზე:
სოფელში

14. საჭირო აღჭურვილობა, რჩევები:
მხოლოდ ფოლადაურის ციხეზეა საშიში - ქარაფებია ფეხის რიალებს ნაწვიმარზე
დანარჩენი ძეგლები ადვილი მისასვლელია

15. გასვლისთვის, ლაშქრობისთვის საუკეთესო დრო
თბილი და უწვიმო სეზონი


16. რისკები, საფრთხეები:
ბევრია გადასავარდნი ადგილები, ქარაფები ფოლადაურის ციხეზე


17. უახლოესი ღირსშესანაშნავი ადგილი
ქოროღლის ციხე, ვანათი და სხვ.


18. პირობები სხვა და სხვა აქტივობისთვის


19. პირობები ფიჭური კავშირგაბმულობისთვის:
ზოგან არ იჭერს მაგთი და ჯეოსელი

20. სასარგებლო საკონტაქტო ინფო


21. რუკა, ჯი-პი-ეს-მონაცემები


მოსამზადებელი თემა
http://karavi.ge/viewtopic.php?t=5023&start=0

[arcivi9]

უკეთუ თქუენ არ იცით როგორ უნდა ატვირთოთ სურათები იხილეთ ქვემოთმოცემული ინფორმაცია

[Tamari-ch.]

მოკლე ექსკურსი გუშინდელ დღეზე

შვიკრიბეთ დილის 8 საათზე უკლებლივ ყველა,
და გავედით დროულად,
ვინაიდან რამდენიმე ადამიანს ნანახი არ ჰქონდა ბოლნისი და წუღრუღაშენი გადაწყდა მცირე დროით შევჩერებულიყავით ამ ორ ძეგლთან

შემდეგ გავეშურეთ მდინარე ფოლადაურის ხეობისკენ

რუკის მიხედვით გზიდან მარჯვნივ უნდა ყოფილიყო ინჯაოღლის -დემირ სუს პატარა ეკლესია
არქიტექტურულად არ იყო გამორჩეული ეს ძეგლი, მაგრამ ჩვენთვის საინტერესო იყო მასზე ამოტვიფრული ლაპიდარული წარწერა
აქ ცოტა გზა აგვებნა - შესახვევს ჩავუარეთ და აღმოვჩნდით ტყეში
გადაწყდა მცირე შეგვესვენა და წავიხემსეთ...
შემდეგ გაირკვა რომ ის ეკლესია სულ ახლოს ყოფილა ძირითად გზასთან
და ბოლო ბოლო ვნახეთ კიდეც...

შემდეგ გავეშურეთ ფოლადაურისკენ
გზაზე ყაყაჩოების მინდორი შეგვხვდა და გულგრილად ვერ ჩავუარეთ.

შემდეგ წავედით ციხისკენ -
აქაც ავცდით ასახვევს და მოგვიწია უკან დაბრუნება
თან დაემატა კოკისპირული წვიმა -
ისეთი დაგვაყარა თAვზე თითქოს ციდან ჩანჩქერი მოუშვესო
სანამ ჩვენ გზას ვეძებდით უცებ გამოიდარა და მზეც გამოვიდა!

ბოლო ბოლო სოფელში დავბრუნდით და მეგზური წამოვიყვანეთ
ნელ ნელა ავედით ფოლდაურის ციხეზე
(მე ვერ ავედი ბოლომდე )
შემდეგ ისევ გამოვუარეთ ყაყაჩოების მინდორს და ისევ ვერ ჩავუარეთ გულგრილად

ნაწილი წავიდა სამწვერისის ეკლესიის საძებნელად, რომელიც ამ მინდორის მოპირდაპირე მხარეს იყო და ვიპოვეთ კიდეც
მოგვიანებით დანარჩენებიც შემოგვიერთდნენ
და უნდა გითხრათ რომ ძალიან საინტერესო ბარელიეფები აღმოვაჩინეთ ამ ეკლესიაზე
მერე სოფელში გვითხრეს კიდევაა იქეთ ეკლესიაო
და გადაწყდა ის მეორეც გვენახა
ჩვენი აზრით ის მეორე ეკლესია უნდა ყოფილიყო სომხური, რომელიც სავარაუდოდ დაშენდა ძველ ქართულზე -

ბოლოს გავჩერდით სოფელ ხაჩინში - სადაც ასევე "აღმოვაჩინეთ" რაღაც ეკლესიის ნანგრევები. აღმოვაჩინეთ, იმიტომ რომ
ეს ეკლესია მე აღწერილობაში და რუკებზე არ მინახავს...
აი ასეთი იყო გუშინდელი დღე


ახლა დავდებ რამდენიმე ფოტოს სანამ დანარჩენებს დავახარისხებ

[Tamari-ch.]

[Tamari-ch.]

[Tamari-ch.]

სამწევრისის ეკლესიაში - ვეძებთ ბარელიეფებს...

[Tamari-ch.]

ქვევრი სამწევრისის სამრეკლოზე

[Tamari-ch.]

წუღრუღაშენთან

[Tamari-ch.]

წუღრუღაშენი -
- ქართული ხუროთმოძღვრების ძეგლი, XIII საუკუნის გუმბათოვანი ტაძარი ბოლნისის რაიონში, ბოლნისის სიონიდან ორიოდ კმ-ზე, მდ. ბოლნისისწყლის მარჯვენა ნაპირას, მთის ფერდზე. ეკლესიის წარწერებში მოხსენებული არიან გიორგი მეფე და ეკლესიის მშენებელი ჰასან არსენის ძე. რ. შმერლინგის აზრით, წარწერებში მოხსენიებული გიორგი მეფე გიორგი ლაშაა, ე. ი. ძეგლი აშენებულია მისი მეფობის დროს 1212-1222 წლებში.
http://saunje.ge/index.php?option=com_c ... =3&lang=ka



წუღრუღაშენის ტაძარი მდებარეობს ისტორიულ ქვემო ქართლში. დღევანდელი ადმინისტრაციული დაყოფით იგი ბოლნისის რაიონში შედის და ცენტრიდან სამხრეთით თითქმის 10 კილომეტრითაა დაშორებული. თვით ტაძარი დგას მდ. ფოლადაურის გაშლილი ხეობის მარჯვენა მხარეს, იმ მთის კალთაზე, რომელსაც ვახუშტის მიხედვით, ეწოდება "მცირე მთა ბოლნისისა". ამჟამად განმარტოებითაა ეს ტანწვრილი, მაღალი გუმბათოვანი ეკლესია. , რომლის სილუეტი შორიდან მოჩანს. ძეგლი გადაჰყურებს ძირს, ხევში გაფანტულ სოფლებსა და ჩრდილოეთიდან სამხრეთით მიმავალ დაკლაკნილ შარაგზას. მის პირდაპირ, დასავლეთით, მდ. ფოლადაურის გაღმა, მდებარეობს სახელგანთქმული ბოლნისის სიონი, ხოლო მოშორებით - ქვემო ბოლნისის სამეკლესიანი ბაზილიკა და მათ შუა და გარშემო - XVI-XVII საუკუნეების მცირე ზომის ეკლესიები და სამრეკლოები. წუღრუღაშენის ტაძარი მრავალი საუკუნის განმავლობაში უკაცრიელი ყოფილა. ამ უპატრონობის დროს ძეგლს მთლიანად დაუკარგავს სახურავი, გუმბათის კონუსი და ზოგიერთი სხვა დეტალი. ძეგლის ირგვლივ სხვა ნაგებობები არ ჩანს, ხოლო გალავანი ახლახან აღადგინეს ძველი კონტურის დაცვით. წუღრუღაშენის ტაძრის შესახებ ისტორიულ წყაროებში ვერავითარ ცნობას ვერ ვპოულობთ. როდის ააგეს, ან რა როლს ასრულებდა იგი მაშინდელ ცხოვრებაში, უცნობია. მცირე რამ ვიცით თვით ძეგლის წარწერებიდან.
ძეგლზე სამი წარწერაა.

http://saunje.ge/index.php?option=com_c ... =1&lang=ka

პარმენ ზაქარაია, "ქართული ცენტრალურ-გუმბათოვანი არქიტექტურა, XI -XVIII სს., //გამ. "ხელოვნება", თბილისი, 1978 წ. - გვ.151 - 190.

[Tamari-ch.]

ერთი საინტერესო ფოტო მინდა დავდო აკაკის ალბომიდან





ეს ჩვენ არ გვინახავს და აბა თუ მიხვდებით რაა ეს?

[amigo]

ბოლნისის სიონი

[amigo]

წუღრუღაშენი

[perwkli]

http://upload.ge/download.php?id=B0CB2E1910

წაიღეთ ვისაც გინდათ, ადამიანების სურათებია ))

[Tamari-ch.]

maikomaiko
ამოარჩიე რამდენიმე და აქაც დადე

თემას გაალამაზებს...



პაატა - ყოჩაღ შენ, რა საინტერესო კუთხიდან გაქვს გადაღებული...

[Ismail]

არაჩვეულებრივი ადგილები ვნახეთ და მოვილოცეთ. ძალიან კარგი იყო.


არწივი9-ის პოსტს მხარს ვუჭერ და ვეთანხმები!!! ნუ დაიზარებთ ფოტოების ატვირთვას. ყველას არ გვქონდა კარგი ფოტოაპარატის ფუფუნება და გვინდა სურათები არა ფორუმის, არამედ ორიგინალი ზომით.