წინარეხი - თავკავთას კომპლექსი 2011 წლის მაისში

[Tamari-ch.]

შეგვეძლო გვევლო მარტივი გზით და გაჭრილი ბილიკით

შეიძლება მეტი მოგვესწრო სანახავი

მაგრამ არა - არჩილის მიერ გაჭრილმა მარშრუტმა მოგვხიბლა წინასწარ გეგმებში

და წავედით ურთულესი გზით -

16 კმ სულ აღმართ-დაღმარებში და 2 კმ ში 1010 მეტრიდან 1600 მეტრ სიმაღლეზე ასვლა ციცაბო აღმართზე..

მუხლები მტკივა, კუნთები დამეჭიმა, მდინარეც გადავიარეთ, წვიმამაც დაგვაწვეთა, დავიკარგეთ კიდეც, გველიც გადაგვეყარა, კლდეებზე ვიფოფხიალეთ და ლამის ხავსმოჭიდებულივით ვიბროდღიალეთ ღმერთმა უწყის სად, ხელებიც დავიტყავეთ, ფეხებიც (ქეთი გულიაშვილმა), ...

ახლა ვარ გახვეული პირსახოცში თბილი აბაზანის მერე და მაინც მზად ვარ ხვალაც გავიქცე იგივე მარშრუტზე...


ძალიან საინტერესო და სასიამოვნო გასვლა იყო მთელი თავისი ექსტრიმ-მოხიბლულობით...

ახლა დავწერ გეგმას და თემას გახსნილად გამოვაცხადებ...


აი ასეთი გზა იყო

[Tamari-ch.]

პირველ რიგში დიიდი მადლობა კასპელ ბიჭებს - არჩილს და მის ორ მეგობარს, ტარიელს და კობას - ერთგულად გვატარეს, მადლობა ყველა მონაწილეს ვაჟკაცური ლაშქრობისათვის....


ახლა ლაშქრობის სქემა
1. რეგიონი:
ქართლი, კასპის რაიონი

2. მარშუტის დასახელება:
თბილისი- წინარეხი-ქვათახევი- წინარეხი

3. ხანგრძლივობა:
1 დღე

4. სირთულე:
საკმაოდ რთული კლდიანი აღმართებიანი გზის გამო
10 ქულიდან ალბათ 8-9

5. გასვლის, ლაშქრობის ღირებულება
10 ლარი

6. მონაწილეთა რაოდენობა
14+3

7. გასვლის, ლაშქრობის ორგანიზატორი
Tamari-ch. და არჩილი ნაგლიაშვილი
ლაშქრობოს ორგანიზება მთლიანად მან ითავა

8. დანიშნულების პუნქტთან უახლოესი დასახლებული პუნქტი:
წინარეხი

9. მარშრუტის სიგრძე ტრანსპორტით:


10. ფეხით გავლილი მანძილი:
ალბათ 16 კმ

11. სანახავი და ყურადღებამისაქცევი ადგილები:
გარშემო ბევრი ძეგლებია, რომელთა ნახვა ერთ დღეში ვერანაირად ვერ მოესწრებოდა

12. საბანაკე ადგილები:
ბევრი

13. სასმელი წყალი მარშრუტზე:
მხოლოდ სოფელში

14. საჭირო აღჭურვილობა, რჩევები:
წაიღეთ წყალი და აუცილებლად აიყვანეთ მეგზური


15. გასვლისთვის, ლაშქრობისთვის საუკეთესო დრო
ზაფხული

16. რისკები, საფრთხეები:
ეს მარშრუტი საკმაოდ რთული გასავლელია
ბევრია გადასავარდნი ადგილები, ქარაფები


17. უახლოესი ღირსშესანაშნავი ადგილი, რომელიც დროის გახანგრძლივების
ბერთა აბანო, ბოტისის ღვთისმშობლის ეკლესია, ეკლესია ძუძუხატი, საკურთხისის ორი ეკლესია, წმ.თევდორეს ეკლესია, წყრუთის საყდარი, ჯვარპატიოსნის ეკლესია

18. პირობები სხვა და სხვა აქტივობისთვის
-

19. პირობები ფიჭური კავშირგაბმულობისთვის:
ზოგან არ იჭერს მაგთი და ჯეოსელი

20. სასარგებლო საკონტაქტო ინფო
წინარეხის სარეისოს მძღოლი ბაკური მერებაშვილი
თუ რამე დაგჭირდებათ, ან სადმე წასვლა (მაგ ქვათახევში) მას დაუკავშირდით - შესანიშნავად მოგვემსახურა -
855110284

21. რუკა, ჯი-პი-ეს-მონაცემები

http://karavi.ge/viewtopic.php?t=5017&p ... c&start=30

[GIO_GEO]

სულმოუთქმენლად ველოდები სურათებს არ დაიზაროთ...

[Tamari-ch.]

დავიწყებ თავიდან

ანუ დიდუბიდან
დილით ყველა მოვიდა დროზე
და თან სიას დაემატა + ები
სულ ვიყავით 14 კაცი + 3 კასპელი ბიჭი...

დილით შევუთანხმდით მძღოლს წაყვანა- მოყვანაზე
და თანხაზე: 5 ლარი იქეთ 5 აქეთ
სულ 10


შესანიშნავი მძღოლი შეგვხვდა - ბაკურ მერებაშვილი
თუ ვინმეს დაგჭირდათ მაგ მიდამოებში წაყვანა იაფად - არ დაგზარდებათ.

[nagli33]

მაპატიეთ.
ჩემი ფოტოთი შემოგეჭრებით რააა...
დღეს მხოლოდ ეს ერთი სურათი გადავიღე დავდებ და გავქრები

დილა კასპში

[Tamari-ch.]

nagli33
რა უნდა გაპატიოთ კაცო, რას ამბობ...


ლამაზი ფოტოა...

გავაგრძელებ, წუხელ ჩამომეძინა კომპთან...

ყველაზე მეტად გამეხარდა ალექსას წამოსვლა,
ვიცი რა ერთგულიცაა და მიტომ..
მიუხედავა იმისა, რომ წინა დღეს 160 კმ -იანი ველტური ჰქონდა,
არ დაიზარა და ერთგული მეგზურობა გაგვიწია...
...როგორც ყოველთვის...



ამ ფოტოში ალექსა "ჭიტაო" - თითქოს გვეუბნება..


ჩავსხედით, წავედით წინარეხისკენ...
გზად კი აბიბინებული მინდორ ველებია...

[Tamari-ch.]

გვერდით ჩავუარეთ მაღალაანთ კომპლექსს

ეს ციხე-ეკლესია მეტ ნაკლებად ყველას აქვს ნანახი,
ჰოდა დრო აღარ დავკარგეთ და წავედით ქვათახევისაკენ

[Tamari-ch.]

11 საათზე ვიყავით ქვათახევში

და ვინაიდან რთული გზა გვქონდა წინ, აღარ შევსულვართ თავად ეკლესიაში,
მით უმეტეს, რომ არამონასტრულად (ლაშქრობის შესაფერისად) გვეცვა და შენიშვნაც მოგვცეს...



პატარძალივით ყელმოღერებული ქვათახევი.....

[Tamari-ch.]

ჩვენ გავედით ქვათახევის მონასტრის უკანა მხარეს და მის უკან არსებულ ხევს ავუყევით

[Tamari-ch.]

დაიძრა გუნდი....




საინტერესი ის იყო, რომ ქვათახევამდე მშვენიერი ცისფერი ცა იყო,
მივედით თუ არა ქვათახევთან - ცა მოიქუფრა და მუქი ღრუბლები დაგვეხურა თავზე
წამოწვიმა კიდეც....

[Tamari-ch.]

მონასტრის უკან მოწყობილია საკალმახე

კალმახები მე ვერ გადავიღე...

ალექსამ დამჩხავლა თავზე - არ შეიძლებაო!!

[Tamari-ch.]

ჰოდა ნელ ნელა შევედიტ ღმად ხევში

და ნელ ნელა გართულდა გზა....



ამ ადგილს სამართლიანად ჰქვია ქვათახევი
მართლაც ხვების ხევია

მცირე და დიდი ზომის ქვებით, კენჭებით და ლოდებით მოფენილია მთელი ხევი, რომელთაც ზემოდან ფოთლების სქელი ფენა ადევს...
ჰოდა ნაწვიმარზე ფეხი გისრიალებს, მყარად ვერ დგახარ და ამიტომ საკმაოდ რთული ასასვლელია, თან უნდა იმოძრავი ნელა, რომ შეცდომა არ დაუშვა და რამე არ იტკინო...

ხევი მკვეთრად ადის მაღლა - საკმაოდ ციცაბო ასასვლელია
ჯგუფი გაიწელა _-
ნაწილი წინ გავიდა ავანგარდში (დროშა არჩილს ეკავა )
- მეორე ნაწილი ჩამორჩა
გზადაგზა ველოდებოდით ერთმანეთს...
თან ვისვენებდით კიდეც...

[Tamari-ch.]

ჩვენს წინ სულ მწვადე ფარდა იყო...



1 საათის ასეთ აღმართებზე სვლის მერე გამოჩნდა ხეებს შორის ცა...
ვიფიქრეთ ავდივართ უკვე მწვერვალზე თქო - თურმე ჯერ სადა ხარ -
1350 მეტრს აჩვენებს ზღვის დონიდან

ჯერ სიმაღლის ნახევარიც არ აგვიკრეფია თურმე უღელტეხილამდე




ვმოძრაობდით ნელა, მაგრამ სიამოვნებით, ძალდატანების გარეშე,
მშვიდად...
სიამოვნებას აი ასეთი პატარა დედოფლები გვიმატებდნენ

[Tamari-ch.]

ალექსა ჩაკარგული ქვათახევის მწვანე "ჯუნგლებში"

[Tamari-ch.]

მორიგი ტაიმ-აუტი....

ჩვენი ავანგარდი...







ჩამკეტები იყვნენ ტარიელი და კობა (არჩილის მეგობრები)...