კარავი 21 წლის გახდა და ჯერაც ცოცხალია! და თქვენ "კარველებო", ცოცხლები ხართ?

1. რეგიონი:
ქართლი

2. მარშუტის დასახელება:
თბილისი - ქსნის ციხე - სხალტბა - შიო-მღვიმის გზა

3. ხანგრძლივობა:
ერთი დღე

4. სირთულე:
საშუალო, ფრაგმენტულად რთული.

5. გასვლის, ლაშქრობის ღირებულება
7 ლარი

6. მონაწილეთა რაოდენობა
13

7. ორგანიზატორი
Int3lig3nt

8. დანიშნულების პუნქტთან უახლოესი დასახლებული პუნქტი:
ქსანი, მცხეთა, გოროვანი

9. მარშრუტის სიგრძე ტრანსპორტით:
30 კმ?

10. ფეხით გავლილი მანძილი:
ალბათ 18 კმ

11. სანახავი და ყურადღებამისაქცევი ადგილები:
ქსნის ციხე და მის უკან (ალბათ 1 კმ) არსებული ტაძარი სხალტბის ტაძარი, შიომღვიმის მონასტერი.

12. საბანაკე ადგილები:
უწყლო, ქარიანი ადგილია და ნაკლებად გამოსადეგია საბანაკედ.

13. სასმელი წყალი მარშრუტზე:
მხოლოდ სხალტბის წყარო. ეგეც ცოტა მოწანწკარებს.

14. საჭირო აღჭურვილობა, რჩევები:
ქარისგან და მზისგან დამცავი სამოსი და საშუალებები. მთებზე და ტალახში სასიარულოდ მოხერხებული ფეხსაცმელი.

15. გასვლისთვის, ლაშქრობისთვის საუკეთესო დრო:
ალბათ ზამთრის გარდა ნებისმიერი. ახლა უკვე ისე იყო მოყინული ქსნის ციხის ასასვლელი, ოთხით ასვლა გახდა საჭირო.

16. რისკები, საფრთხეები:
ქსნის ციხიდან იქვე მდებარე ტაძართან ერთ ადგილას იყო ძალიან ვიწრო გასასვლელი და სიმაღლის შიშით შეპყრობილებს გაუჭირდებათ.

17. უახლოესი ღირსშესანაშნავი ადგილი, რომელიც დროის გახანგრძლივების შიო-მღვიმის მონასტერი, მცხეთის ტაძრები.

18. რუქა, ჯი-პი-ეს-მონაცემები
Google Map-ზე ვნახავ და დავწერ დაახლოებით.

19. სასარგებლო საკონტაქტო ინფო:
არ საჭიროებს

ლაშქრობით ძალიან კმაყოფილი ვარ.

მოლაშქრეებმა ყოჩაღად იარეს, 2 საათამდე უკვე შიომღვიმის გადასახედთან ვიყავით და პურის ჭამა ცოტა რომ არ გაგვეგრძელებინა და ტყეშიც გზა არ აგვბნეოდა, ბევრად ადრე ვიქნებოდით სახლებში .

მიუხედავად იმისა, რომ ძირითად მცირედ აღმართ-დაღმართებზე ვმოძრაობდით, მაინც დამღლელი აღმოჩნდა გზა. ამას ემატებოდა სუსხიანი ქარიც.

მოკლედ, ყველა მოლაშქრეს მინდა მადლობა გადავუხადო, ძალიან კარგი დღე იყო .

ფოტოებს მოგვიანებით დავყრი.

რამდენიმე ფოტოს დღესვე გავაგზავნი კარავის კალენდრისთვის.

ერთი საინტერესო რაღაც მოხდა ქსნის ციხეზე:

ავედით თუ არა, ცოტა ხანში ვერტმფრენი გამოჩნდა შორიდან.
დაველოდე, როგორც კი ყველაზე ახლოს გამოჩნდება, გადავუღებ-თქო.
ყველაზე ახლოს კი არა, პირდაპირ ქსნის ციხისკენ წამოვიდა და ზემოთ დაიწყო ტრიალი.
დავზუმე აპარატი (20X ) და გადავუღე.
შევხედე გადაღებულ ფოტოს და ნაცნობი სახე დავინახე .
თამუსიას ვანახე და იმანაც დამიმოწმა, ეგ არისო.
ავტეხეთ ქვემოდან ხელების ქნევა, მგონი ისიც გვიქნევდა, კარგად ვერ ვხედავდი.

რამდენიმე წრე გააკეთა ვერტმფრენმა და გაფრინდა .

არ გაგიჭირდებათ გამოცნობა, ვინ იჯდა ვერტმფრენში .
როგორც მერე გავარკვიე, მარტო არ ყოფილა

ცოტა ხანში დავდებ ამ ფოტოს.

Int3lig3nt

კი ნამდვილად მაგ იყო თანმხლებიც ის იყო, ვიზეც თქვენ იფიქრეთ დილით კარგი ამინდი რომ დამხვდა, გამიხარდა, რომ ფრენა არ ჩაეშლებოდათ

ყოჩაღ თქვენ,კარგად გივლიათ.
ველოდებით ფოტოებს

შორიდან დავაზუმე და ხარისხით ვერ დაიკვეხნის.

Int3lig3nt
ძალიან გაგვეხარდა თქვენ რომ დაგინახეთ ხელიც დაგიქნიეთ, უფრო სწორად გოგამ, მე ფანჯარასთან ვიჯექი და არ გამოვჩნდებოდი გარედან

მოკლედ, მაგარი სიურპრიზი შეხვედრა იყო როგორც მიწაზე, ისე ჰაერში მყოფებისთვის

კარგი გასვლა იყო,
ინტელ გაიხარე. მშვენიერი გასვლა დაგეგმე
5+

მოვყვები ცოტას,

შევიკრიბეთ სამთო ქიმიასთან

გავუდექით დასავლეთის გზას, ახალგორის გადასახვევს რომ მივადექით, გავცდით და იქვე, ქსნის გადასახვევზე გადავუხვიეთ. რამოდენიმე კილომეტრში ჩამოვედით და ქსნის ციხეც ჩვენს წინ იდგა.

ქსნის ციხეზე ასფალტირებული გზა ადიოდა. სამწუხაროდ ადგილებში გზა ჩანგრეულია იმდენად, რომ ძრომიალითღ მოგვიწია ასვლა. თანაც დილით მოყინული იყო და ზოგიერთებს გაგვიჭირდა აძრომა.

ავძვერით ციხეზე და მაშIნათვე ჩვენს თავზე შვეულტმფრენმა დაიწყ ფრენა. ხელი დავუქნიეთ - ე მანდ რუსი ტერორისტები არ ვეგონოთო. ცოტა ხანში უკვე 2 ვერტმფრენი დაგვტრიალებდა თავზე. მაშინ მოხდა ფოტოდაფიქსირება.

საბედნიეროდ არავის დავუბომბივართ. ანუ ჩვენები იყვნენ (რას ნიშნავს ლოგიკა ). ბუნებრივია ავძვერით სადაც ასაძრომი იყო და დავტკბით ქსნის ციხიდან დანახული ხედებით. ცა მოწმენდილი იყო და კავკასიონი ძალიან კარგად მოჩანდა.

აჰა, მერე?
ფოტომასალით მინდა მაგ ყველაფრის დადასტურება თორე არ მჯერა

Archil
სად ნახე კაცო 2 ვერტმფრენი .

მეც ერთი ცალი მახსოვს

Int3lig3nt wrote:Archil
სად ნახე კაცო 2 ვერტმფრენი .

მარშუტკაშივე უყვარს ხოლმე არჩილს ჭაჭა

Naia


დავინახეთ ხელებს რო გვიქნევდა ჩვენი ბრიგადირი ვერტმფრენიდან ძალიან გაგვიხარდა, კარგად ვიხალისეთ საპატიო წრე რო გააკეთეთ ციხის გარშემო

ყოჩაღ ვანო და ყველა მონაწილეს, ყველამ კარგად იარა და შეფერხებების გარეშე ლაშქრობა ასწორებს


მაგრად ვისიამოვნე დღევანდელი დღით


მადლობა ყველააას

ფოტოებს მოვითხოვ ...თ...