კარავი 21 წლის გახდა და ჯერაც ცოცხალია! და თქვენ "კარველებო", ცოცხლები ხართ?

არა მგონია რაიმე ახალი გითხრათ კარგად ნაცნობი ადგილების შესახებ თუმცა ალბად მაინც დაგაინტერესებთ

რეგიონი:
სამცხე-ჯავახეთი

მარშრუტი :

• თბილისი, ახალციხე, საფარა, ჭულევი, ზარზმა, ახალციხე (სასტუმრო ვაით ჰაუზი).

• ახალციხე, ვარძია, ზემო ვარძია, თბილისი

ხანგრძლივობა: 2 დღე

ფეხით სასიარულო: 3-4 კილომეტრი

მგზავრობა: ე.წ. მარშრუტკით (გზა ახალციხემდე კარგ მდგომარეობაშია შემდეგ საკმაოდ დაზიანებული, განსაკუთრებით ჭულევის მისასვლელი და ზემო ვარძიასთან).

ღირებულება: შედგა 13 კაციანი ჯგუფი თვითოეულს მგზავრობა დაგვიჯდა 35ლ. საკვები 40 ლ. სასტუმრო 25-30 ლ გააჩნია ოთახს (ვაით ჰაუზი).

სასმელი წყალი: ყველგან მოიპოვება.

რისკები, საფრთხეები:
ამბობენ გველი არის მრავლადო თუმცა ჩვენ არ შეგვხვედრია

გზას მიმავალს ახალციხიდან საფარასკენ განშტოებები არ გააჩნია რის გამოც მონასტერი ადვილად მისაგნებია.



მიუხედავად იმისა რომ გზა დაზიანებულია აქ ჩვეულებრივი მსუბუქი მანქანითაც მოხვალთ.



ეს ერთადერთი ადგილია საიდანაც ჩანს ტაძარი. ივლისში აქ საკმაოდ ცხელა. სიმწვანეში იძირება აქაურობა, თუმცა ტაძრის უკანა ეზოში ცივი წყაროა და ხვათში დაგეხმარებათ.



ესეც ტაძრის გალავანი და კარიბჭეც. აქედან ჩვენ ფეხით ვისეირნეთ. 700 მეტრზე მეტი არ იქნებოდა ტაძრამდე.





სამწუხაროდ შემორჩენილი კოშკების სანახავად არ ავსულვართ, რასაც ვნანობ რადგანაც კარაველების მიერ იქედან გადაღებული სურათები ვნახე, რომლებიც არაჩვეულებრივია. რა გაეწყობა...



ძირითადი ტაძარი არის საბა განწმენდილის სახელობის და სავარაუდოდ მე-13-14 საუკუნის ძეგლია.

საბა განწმენდილის სახელობის ტაძრის გარდა კომპლექსში შედის IX საუკუნის ღვთისმშობლის მიძინების ტაძარი.






ღვთისმშობლის მიძინების სახელობის IX საუკუნის ტაძარში რესტავრაციისას აღმოაჩინეს ბათქაშით შელესილი ფრესკა. ესეც ის

შემდეგ გავემართეთ ივლიტასა და კვირიკეს სახელობის ტაძრისკენ რომლის თაობაზეც დიდი დავები იყო კათოლიკებსა და მართლმადიდებლებს შორის






ბაზილიკა მდებარეობს ახალციხიდან სამხრეთ-დასავლეთით მიმავალი გზატკეცილის პირას, მას ასევე გვერდიდან უვლის რკინიგზა.



ტაძრი მე-16 საუკუნისაა თუმცა მისი საფუძველი უფრო ადრეული პერიოდისაა. როგორც ჩანს ის გადააკეთეს შემდგომ პერიოდში რაზეც მეტყველებს კედლებში ჩაყოლიებული საფლავის ქვები და უფრო ადრეული ტაძრის ორნამენტების ნაწყვეტები. მას ასევე ცეცხლის კვალი ეტყობა.

ჭულევის მამათა მონასტერში მიმდინარეობს რესტავრაცია. ამის გამო ყველაფერი ხარაჩოებშია ჩასმული და ფრესკების ხილვის შესაძლებლობა არ მოგვეცა.









ცოტა მოღრუბლული იყო და სურათებიც ბნელი გამომივიდა









თუმცა გადავწყვიტეთ მონასტრის უკან მდებარე ჩანჩქერის სანახავად წასვლა და დავადექით კელიების გვერდით გამავალ ბილიკს. აღმართი დავძლიეთ 7 წუთში. და აღმოვჩნდით თვალწარმტაცი სანახაობის წინაშე.

ზარზმასთან რომ მივედით უკვე ბნელდებოდა. სურათებიც დიდად არ გამომივიდა, თუმცა ტაძარი შიგნიდან მშვენივრად ჩანს.

ისტორია

ბერმა მოგვითხრო ტაძრის ისტორია: წმ. სერაფიმ მის ძმასთამ ერთად მოვიდნენ ამ მხარეში გამოცხადების შემდეგ. დაფუძნდა დღევანდელი ტაძრის ტერიტორიაზე. თურმე საოფელი წისქვილი მთებში მდინარის შესაერთთან მდებარეობდა. სოფელი იყო წარმართების, რომლებიც ხელს უშლიდნენ ბერებს მონასტრის დაარსებაში. წმ. სერაფიმემ მათ უწინასწარმეტყველა რომ ღვთის რისხვა დაატყდებოდათ თავს. მართლაც ასე მოხდა. მთების უკან მდებარე ტბა (რომლის ნაკვალევი და ნაშთები დღესაც არის დარჩენილი), რომელიც გაიხსნა და მთებს შორის ჩამოედინა, მთლიანად დაცარიელდა და პირწმინდად წალეკა ეს სოფელი. ყოველივე ამის გამო აღნიშნულ ტაძარს დაერქვა ზარზმა რაც მიუთითებს მის დაარსებასთან დაკავშირებულ თავზარდამცემ მოვლენაზე.





ხატწერა

წმ. სერაფიმ ზარზმელმა ტაძარში პირველ რიგში დააბრძანა "ზარზმის ფერისცვალების ხატი", რომელიც დღეისათვის დაცულია სახელმწიფო მუზეუმში. წმ. სერაფიმის ცხოვრება აღწერა მისმა ძმისშვილმა ბასილ ზარზმელმა, რომელიც შემდგომ პერიოდში გახდა ზარზმის წინამძღვარი.
მე-11 საუკუნეში აქ მოღვაწე მამებმა შექმნეს ზარზმის წმინდა ღვთისმშობლის ხატი, რომელიც ანალოგიურად დაბრძანებულია და დაცულია სახელმწიფო მუზეუმში.

ტაძარი რომელიც დღეს ჩვენს თვალწინ წარმოდგება არის მეცამეტე საუკუნის ბოლოს და მეთოთხმეტე საკუნის დასაწყისშია აგებული ჯაყელების მახრდაჭერით და წმინდა ღვთისმშობლის მიძინების სახელობის მატარებელია.

მე-16 საუკუნეებში მთავრებად ხურციძეები მოევლინა და მათი ხელმძღვანელობით მე-13 საუკუნის ფრესკები თავიდან მოიხატა. შესაბამისად ტაძარში დღეისათვის შემონარჩუნებულია მე-16 საუკუნის ხატწერა. აქ ჯაყელების ფრესკების გარდა შენარჩნებულია ქტიტორი ხურციძეების ფრესკაც. ხურციძეების ხელმძღვანელობით ტაძრის ტერიტორიაზე ასევე აიგო რამოდენიმე ბაზილიკა (წმ. ნიკოლოზის, ნინოს, გიორგის, იოანე ღვთისმეტყველის სახელობის). აღნიშნული ტერიტორიების თურქების მიერ დაპყრობის შემდეგ ტაძარი დაიკეტა. მეცხრამეტე საუკუნის ბოლო წლებში რუსეთის ბოლო იმპერატორის ძმა საქართველოში აბასთუმანში ხშირად სამკურნალოდ ჩამოდიოდა ვინაიდან მას ტუბერკულოზი აწუხებდა. ზარზმის ტაძრის ხილვის შემდეგ გადაწყვიტა მისი რესტავრაცია. ტაძარს დარღვეული ჰქონდა გალავანი, საერთოდ არ ქონდა კარიბჭე და სხვა. მან აღადგინა ტაძარი, რესტავრაცია გაუკეთა ფრესკებს, რიგ ადგილებზე ახალი ფერები დასვა მხატვარმა რის გამოც დღეისათვის ჩვენ ვხედავთ მე-16 საუკუნისა და 1905 წელს დასრულებული სარესტავრაციო სამუშაოების შედეგად დასმულ ფერებს.

Tyupi

წმ.საბა განწმენდილის ტაძარი შედის საფარის სამონასტრო კომპლექსში ?

ვარძიაში გავემგზავრეთ მეორე დილით. გზას მოვანდომეთ დაახლოებით 2:30 სთ. გზაზე მრავლადაა ეკლესია-მონასტრები თუმცა დროის სიმცირის გამო არსად გავჩერებულვართ.



ვარძიაში მდებარე მამათა მონასტრის ბერები შრომობენ მდინარის მოპირდაპირე მხარეს.















ტაძრის გვერდით გვირაბში მოედინება წყალი. ბერებმა გაგვიღეს წყაროსთან მიმავალი ჭიშკარი და წყურვილი მოგვაკვლევინეს.









როგორც ყველა სხვამ მოვიარეთ გვირაბები



შემდეგ გავემართეთ ზემო ვარძიასკენ. აქ არის დედათა მონასტერი.





და ბოლოს ვარძიას მისასვლელ ხიდთან ნაჩქარევად აგებულ საქეიფო ადგილას ვიქიფეთ კიდეც.

Moqandake wrote: Tyupi

წმ.საბა განწმენდილის ტაძარი შედის საფარის სამონასტრო კომპლექსში ?

საფარის სამონასტრო კომპლექსში ძირითადი ტაძარი რომელიცაა ის არის საბა განწმენდილის სახელობის. ასე რომ ეს ერთი რამაა