ვაშლოვანი 27-28 ივნისი 2009

tyupi · Post by **tyupi** » 30 ივნ 2009, 15:25

ვაშლოვანის ნაკრძალში წავედით ორი დღით.
ის მდებარეობს საქართველოს უკიდურეს აღმოსავლეთ წერტილში. იმისათვის რომ მოხვდეთ ნაკრძალში ჯერ უნდა ჩახვიდეთ დედოფლის წყაროში. აქ გაივლით რეგისტრაციას ნაკრძალის ადმინისტრაციასთან, სურვილის შემთხვევაში უზრუნველგყოფენ მეგზურით, მანქანით, ჭოგრიტებით და ოთახით ნაკრძალის სხვადასხვა ნაწილებში მდებარე კოტეჯბში.

ცხოვრების პირობები კოტეჯებში ნორმალურია. კოტეჯები ახლად აშენებულია. აქ არის აბაზანა, 2 ლოგინი, სამზარეულო და შუქიც კი.
ჩვენ გავჩერდით ალაზანის ნაპირზე მდებარე კოტეჯებში.

www.apa.gov.ge აღნიშნულ საიტზე გამოცემული ლიტერატურის გერდზე იხილავთ ვიზიტორთათვის შექმნილ რუქას და ასევე სახელმძღვანელოს, რომლებიც ძალიან მოსახერხებელია, რადგანაც დეტალურ ინფორმაციას იძლევა მათთვის ვინც აპირებს ნაკრძალის ხილვას.

რადგანაც ნაკრძალი ძალზე დიდია და სანახავი უამრავია, გირჩევდით მეგზურის აყვანას. ის დაგეხმარებათ გზების გაკვლევაში და რაც მთავარია მიგიყვანთ განსაკუთრებით საინტერესო ადგილებზე (მაგალითად კარგ გადმოსახედ ადგილებზე). გზების გაკვლევა ნაკრძალში არც თუ ისე ადვილია.

თან აუცილებლად იქონიეთ პირადობის მოწმობები. ჩვენ ვიყავით ივნისში, რის გამოც ნაკრძალში გვხვდებოდა გველები, ვნახეთ დათვის კვალი და ასევე მრავალი ფრინველი. ამიტომ სასურველია თან იყოლიოთ მეგზური.

მზე არის ძალიან მწველი, ნახევრად უდაბნოა. წყლის პრობლემაა ნაკრძალის უმეტეს ნაწილში ასე რომ მოიმარაგეთ ბევრი წყალი. თუმცა კოტეჯებში ეს ყველაფერი უზრუნველყოფილია. მაგრამ სასმელი წყალი მაინც უნდა წაიღოთ.

ნაკრძალში დაცულია უნიკალური მცენარეები ისეთები რომლებიც მსოფლიოში მხოლოდ ერთადერთ ადგილასაა შემორჩენილი - ვაშლოვანის ნაკრძალში. ამიტომაც აღნიშნული ადგილში წასვლის წინ სასურველია დედოფლის წყაროში მდებარე ადმინისტრაციის შენობაში გაეცნოთ ინფორმაციას.

ფრინველებზე დაკვირვებისათვის თან წაიღეთ ჭოგრიტები. არ ინანებთ! ნაკრძალის გარკვეულ ნაწილებში დაშვებულია ანკესით თევზაობა. აქ ხშირია ლოქო.

გზები საკმაოდ რთულია, ჯიპით თუ ივლით მხოლოდ

tyupi · Post by **tyupi** » 30 ივნ 2009, 15:34

დედოფლისწყარო მდებარეობს 162 კილომეტრში თბილისიდან. თავად ვაშლოვანის ნაკრძალში მთელი დღე მოგიწევთ მოგზაურობა რათა შეძლოთ იქ არსებული დაცული ტერიტორიების უმრავლესობის ნახვა. ასე რომ მოემზადეთ ხანგრძლივი მგზავრობისათვის. თუმცა გზაზე იმდენი სანახაობაა რომ ნამდვილად არ შეწუხდებით.

(პანტიშარა)

tyupi · Post by **tyupi** » 30 ივნ 2009, 16:16

გამოვედით თუ არა დედოფლისწყაროდან გავემართეთ პანტიშარასკენ. აქ სავალი გზა მიწისაა და ძალიან სახალისოა მანქანის სატარებლად. გზა პრაქტიკულად გადის მთების ჯაჭვის კიდეზე და ერთის მხრივ ემიჯნება სარგავ მიწებსა და მინდვრებს, ხოლო მეორეს მხრივ ნაკრძალს. ნებისმიერ ადგილაზე გაჩერებისას ნახავთ ამგვარ ხედებს:

აქედან ასევე ჩანს მინგიჩაურის წყალსაცავი.

GAMARJOBA SAKARTVELO

tyupi

ყოჩაღ, რომ წახვედი ვაშლოვანში და ფორუმზე თხრობაც დაიწყე.
იმედია, გააგრძელებ რეპორტაჟს.
თუ ნებას დამრთავ, გთხოვ, რომ სიტყვა "გიდი", გასაგებია, რომ სა1აშორისო სიტყვაა,
მაგრამ "მეგზურად" მოვიხსენიოთ.
რადგან ეს მადლიანი ქართული სიტყვა გვქავს, რატომღა გვჭირდება უცხო სიტყვის მოშველიება?
რომ არ გვქონოდა, კი ბატონო, "გიდის" საწინააღმედგო არაფერი მექნებოდა, ისევე, როგორც, ვთქვათ, "კომპიუტერის", "პროგრამის", "კონცერტის" "ავტობუსის".

გმადლობ.

"კარავზე" ვაშლოვანის თაობაზე რამდენიმე თემაა.
შესაძლოა, ისინი შენც გამოგადგეს.
აბა, ბმულები ნახე:

http://karavi.caucasus.net/viewtopic.php?t=3359&start=0

http://www.karavi.ge/viewtopic.php?t=1546

http://karavi.caucasus.net/viewtopic.php?t=3187&start=0

Archil · Post by **Archil** » 01 ივლ 2009, 00:03

GAMARJOBA SAKARTVELO

სიმღერაში რომაა "ჰაი გიდი მოხევის ქალო", მაგი როგორ უნდა იყოს?

GAMARJOBA SAKARTVELO

Archil wrote:GAMARJOBA SAKARTVELO

სიმღერაში რომაა "ჰაი გიდი მოხევის ქალო", მაგი როგორ უნდა იყოს?

ახლა შენ თემას ნუ აოფებ და თუ რამე იცი ვაშლოვანზე, თქვი

lomikata · Post by **lomikata** » 01 ივლ 2009, 10:33

ეს ვაშლოვანის ნაკრძალში განთავსებული კოტეჯების ინტერიერია. ერთოთახიანი "ლუქსების" ვარიანტია.

კოტეჯებს ორმაგი კარი აქვს. ერთი მინით, ერთიც ბადურით ქვეწარმავლებისგან დასაცავად. ღამით მშვიდად შეგიძლიათ დაიძინოთ მხოლოდ ბადურიანი კარის იმედად.

ესეც კოტეჯის ექსტერიერი

zinzaga · Post by **zinzaga** » 01 ივლ 2009, 11:27

ცოტა ანტირეკლამა გამომივა, მაგრამ ისიც უნდა ავღნიშნოთ რომ გასაწმენდი საშუალებების წაგება ურიგო არ იქნება:)

tyupi · Post by **tyupi** » 02 ივლ 2009, 10:58

პანტიშარას ხედების ხილვის შემდეგ გავემგზავრეთ დათვის ხევში, რომელიც ცნობილია კანიონით და მერცხლების ქალაქით

სპილოს ძვლის სანახავად თქვენ მოგიწევთ პიკნიკისათვის გამოყოფილ ადგილზე გაჩერება და აქედან ფეხით სავალ გზაზე წასვლა. გზას ნელი სიარულით დაახლოებით 2 საათს მოანდომებთ. აქ სიარული არ არის რთული, მხოლოდ მზე ძალიან მწველია. თან იქონიეთ წყალი.

tyupi · Post by **tyupi** » 02 ივლ 2009, 12:06

ესეც კანინონის ამსახველი სურათები (დათვის ხევი)

ეს კი მტკიცებულება იმისა რომ ოდესღაც ეს ადგილი ზღვის ფსკერს წარმოადგენდა. აღნიშნული კანიონი მდებარეობს დათვის ხევში.

როგორც უკვე აღვნიშნე ჯოჯოები გველები სკარპიონები და სხვა მცოცავი არსებები მრავლადაა აქ. ამის გამო ასევე მრავლადაა ფრინველები.

ბევრჯერ წააწყდებით მტაცებელ ფრინველებს. ასევე მწყერს, ხოხობს და სხვას...

ეს არის რეინჯერების სახლები, რომლებიც ნაკრძალის რამოდენიმე ნაწილშია აგებული, სადაც შეგიძლიათ დაისვენოთ და საჭიროების შემთხვევაში დახმარება ითხოვოთ.

აქვე შეგიძლიათ ნახოთ "პატრიარქი" - 800 წლის ხე. სიახლოვეს ასევე არის გიორგი სააკაძის ხე.

თვალწარმტაცი ხედები მრავლადაა დათვის ხევში

მიჯნის ყურეში ჩასვლის წინ უნდა წარადგინოთ პირადობის მოწმობები და დაფიქსირდეთ, ვინაიდან უახლოვდებით სასაზღვრო ზონას.

ღამით დავრჩით მიჯნის ყურეში. ზოგნი ჩამოდიან აქ სათევზაოთ ჩვენ კი გამოვიყენეთ საღამო და ცოტა გავისეირნეთ ალაზანის ბუნების სანახავად (მიჯნის ყურე). /თევზაობა ნებადართულია მხოლოდ ანკესებით./

ალაზანის ხედები... (მიჯნის ყურე)

(მიჯნის ყურე)
რამდენი სურათიც არ უნდა დავდოთ ინტერნეტში ვაშლოვანში ნამყოფმა პირებმა მიუხედავად ამისა იქაურობა მაინც გადააჭარბებს ყველა თქვენს მოლოდინს

tyupi · Post by **tyupi** » 02 ივლ 2009, 13:48

კანიონში მოხვედრისას გაითვალისწინეთ ის, რომ თუ წვიმა დაიწყება აუცილებლად ადით უახლოვეს გორაკზე, რადგანაც გზა პრაქტიკულად გადის ხევში, რომელშიც წვიმისას ჩაედინება წყლები ყველა ქედიდან და იქ ყოფნა უბრალოდ საშიშია.

ამ მხრივ ჩვენ გაგვიმართლა. ღამით წვიმა მოვიდა და დილით სიგრილეში გავემგზავრეთ შავი მთისკენ. მართალია გზა ცოტა გაგვირთულდა ამის გამო მაგრამ მაინც შესაძლებელია მგზავრობა.

მიჯნის ყურედან გავემგზავრეთ შავი მთისკენ. ხევიდან ამოსვლის შემდეგ მოხვდებით მინდვრებში. აქ არის მრავლად ოფოფი, ბუ, კუ და სხვა...

გზა მიმავალი შავი მთისკენ.

tyupi · Post by **tyupi** » 02 ივლ 2009, 13:48

შავ მთაზე

შავ მთაზე ოდესღაც იყო დედათა მონასტერი. სამწუხაროდ დღეისათვის აქ მხოლოდ რამოდენიმე აგურია დარჩენილი და რკინის ჯვარია აღმართული. თუმცა აქ თქვენ იხილავთ არაჩვეულებრივ ხედებს. აი მაგალითად ასეთებს

tyupi · Post by **tyupi** » 02 ივლ 2009, 15:11

შავი მთის შემდეგ დავბრუნდით დედოფლის წყაროში და აქედან გავემართეთ არწივის ხეობაში. აქ ნაკრძალის ადმინისტრაციას აქვს ჩადგმული პატარა სახლი. შეგიძლიათ დაისვენოთ და მოემზადოთ ფეხით სიარულისათვის.

სამწუხაროდ არწივის ხეობაში არ ბუდობენ არწივები თუმცა აქ მრავლადაა სხვა მტაცებელი ფრინველები. შეგიძლიათ ერთ-ერთი მთის ქედზე ასვლა და მოპირდაპირე მთაზე დაბუდებულ ფრინველებზე დაკვირვება.

შესვენების შემდეგ ჩავედით ხეობაში. აქ წყარო მოედინება, რომელსაც 12 მცირე ზომის მაგრამ არაჩვეულებრივად ლამაზი ჩანჩქერები აქვს.

ესეც გზა მიმავალი ხეობაში

tyupi · Post by **tyupi** » 02 ივლ 2009, 15:36

ხეობაში სავალი გზა ცოტა რთულია. მართალია სპეციალური აღჭურვილობა არ დაგჭირდებათ მაგრამ რამოდენიმე ნაკაწრის გარეშე იქედან მაინც ვერ ამოხვალთ

ესეც სურათი გზის

ესეც პირველი "ჩანჩქერი"

ძველად ამ ხევს ადგილობრივი მოსახლეობა იყენებდა ნაგვის გადასაყრელად. დაილოცა ვალდორფის სკოლის მოსწავლეები, რომლებმაც იქაურობა პირწმინდად დაასუფთავეს - ათობით ტომარა აავსეს ნაგვით და თვალწარმტაცი სანახაობა წარმოგვიჩინეს!!!!!!!!!

აბა რაღა გითხრათ...

ფეხით სავალი გზა აქ წყდება. აქედან მხოლოდ ალპინისტების აღჭურვილობით თუ გააგრძელებთ გზას

ასეთ მოგზაურობას ჩვენ ისევ დავგეგმავთ და აუცილებლად ჩავალთ ხევის ბოლომდე. შესაბამის სურათებსაც გამოგიფენთ

ესეც ორი დღის გამჩდარი ბჟღარტები. ჯერ თვალი არ აუხელიათ...

ხევიდან ამოსვლის შემდეგ დავადექით მთის მწვერვალისკენ მიმავალ გზას.
ესეც ასე...

ჩიტუნიებიც აქ ბუდობენ. რაიმე დასაკვირვებლად წაიღეთ. ძალიან კარგი სანახაობაა...

და ბოლოს

გმადლობთ ყურადღებისათვის!

Naia · Post by **Naia** » 02 ივლ 2009, 17:13

tyupi
რა მაგარი ადგილები მოგინახულებიათ! ძალიან მიყვარს მაქაურობა

გველები შეგხვდათ ვაშლოვანში?

არწივის ხეობის დასუფთავებას აპირედნენ და მაინტერესებს დაასუფთავეს იქაურობა თუ ისევ ნაგავს მიაქვს?

პს. ყველა ფოტო მომეწონა. მართალი თქვი, ფოტოზე იმდენად კარგი არ არის რამდენადაც რეალურად

ბარტყების ფოტოზე კი გადავირიე

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS