ძეგვის სამება - მშობელთა ლაშქრობა :).

Int3lig3nt · Post by **Int3lig3nt** » 14 ივნ 2009, 00:24

1. რეგიონი:
ქართლი

2. მარშუტის დასახელება:
თბილისი - ძეგვი - ძეგვის სამების მონასტერი - ძეგვი - თბილისი.

3. ხანგრძლივობა:
1 დღე

4. სირთულე:
ჩვენთვის მარტივზე ცოტა რთული, მშობლებისთვის საშუალო ან რთული.

5. გასვლის, ლაშქრობის ღირებულება
60 ლარი

6. მონაწილეთა რაოდენობა

1-3. MIRANDA, marita777 და დედა
4-6. nikushanikusha და lali + ლუკა
7-8. miau და მამა
9-10. z g a r b i და ნათელა
11-12. Chiamaya და გიორგი
13-14. Int3lig3nt და დედა
15. guruli
16. Tamusia
17. civciva

7. გასვლის, ლაშქრობის 2განიზატორი
guruli და Int3lig3nt

8. დანიშნულების პუნქტთან უახლოესი დასახლებული პუნქტი:
სოფელი ძეგვი

9. მარშრუტის სიგრძე ტრანსპორტით:
ინფორმაცია დაემატება

10. ფეხით გავლილი მანძილი:
5 კმ ალბათ

11. სანახავი და ყურადღებამისაქცევი ადგილები:
ძეგვის სამების ეკლესია, კარგი გადასახედით

12. საბანაკე ადგილები:
არის პატარ-პატარა მინდვრები

13. სასმელი წყალი მარშრუტზე:
ტყეებში იქნება ადგილ-ადგილ წყაროები.
ჩვენ მხოლოდ გზაზე ვნახეთ, სანამ მიკროავტობუსით ვმგზავრობდით.

14. საჭირო აღჭურვილობა, რჩევები:
განსაკუთრებული არაფერი.
ტალახი იცის და ალბათ შესაბამისი ფეხსაცმელი.

15. გასვლისთვის, ლაშქრობისთვის საუკეთესო დრო
ნებისმიერი

16. რისკები, საფრთხეები:
მონასტრის ძაღლები (ერთი განსაკუთრებით).

17. უახლოესი ღირსშესანაშნავი ადგილი, რომელიც დროის გახანგრძლივების შემთხვევაში, შეიძლება, ამ გასვლისას ინახოს

შიო-მღვიმე, ჭილის ტბა, მცხეთა.

18. პირობები სხვა და სხვა აქტივობისთვის
ტყიანი მთებია, სამანქანე ნიადაგის გზით.
არ ვიცი, რა შეიძლება იქ გააკეთო.

19. პირობები ფიჭური კავშირგაბმულობისთვის:
ჯეოსელიც იჭერს და მაგთიც. ბილაინი არ ვიცი. მარიტას ჰქონდა და დავაზუსტებ.

20. სასარგებლო საკონტაქტო ინფო
არ საჭიროებს

21. რუქა, ჯი-პი-ეს-მონაცემები
დაემატება მომავალში.

22. გასვლის, ლაშქრობის შეფასება 10ბალიანი სისტემით
არ შეგვიფასებია.

23. სასარგებლო ბმულები

Int3lig3nt · Post by **Int3lig3nt** » 14 ივნ 2009, 00:45

ეს ჩვენ (მხოლოდ miau-ს მამა გვაკლია ფოტოზე).

მაგრად მეძინება და დანარჩენს ხვალ მივხედავ.

lama · Post by **lama** » 14 ივნ 2009, 01:04

Int3lig3nt
ძალიან ლამაზი გასვლა გამოგივიდოდათ ასეც ვიცოდი

მე კი დედაჩემთან და მამაჩემთან ერთად გულდაწყვეტილი ვარ, სახლში

guruli · Post by **guruli** » 14 ივნ 2009, 01:04

Int3lig3nt

10. ფეხით გავლილი მანძილი:
5 კმ ალბათ

აქ ორივე მანძილი იგულისხმება ალბათ, ხომ? ანუ, წინ და უკან გავლილი გზა, არა?

17. უახლოესი ღირსშესანიშნავი ადგილი, რომელიც დროის გახანგრძლივების შემთხვევაში, შეიძლება, ამ გასვლისას ინახოს

შიო-მღვიმე, ჭილის ტბა, მცხეთა.

თვითონ ძეგვშიც ბევრი ეკლესია თუ ნაციხარია. როგორც მძღოლმა გვითხრა, ეგ საეკლესიო სოფელი ყოფილა და, მგონი, 21 თქვა, ამდენი ეკლესია იყოო...

lama · Post by **lama** » 14 ივნ 2009, 01:09

guruli wrote:ძეგვში, ბევრი ნაციხარია.

კი ბევრი ნაციხარია

miau · Post by **miau** » 14 ივნ 2009, 01:18

მოგვიანებით მეც დავაწყობ ფოტოებს, მთავარია ატვირთვა მოვახერხო

ძალინ კმაყოფილი ვარ, მშვენივრად გავერთეთ, მამაჩემს და მე ერთნაირი სტატისტიკა გვაქვს კარაველებთან ერთად ხეტიალისა

ამიტომ განსაკუთრებულ ამბად არ ჩამითვლია.

გურულო, რაო, სად ნახეეს ნაციხრები (სასჯელმოხდილები) ?

მადლობა თითოეულ თქვენთაგანს, ძალიან კარგები ხართ თქვნი მშობლებიანად.

guruli · Post by **guruli** » 14 ივნ 2009, 01:23

16. რისკები, საფრთხეები:
მონასტრის ძაღლები (ერთი განსაკუთრებით).

პრინციპში, დიდი რისკი არცაა, რადგან მონასტერი საიმედოდაა დაცული მაღალი გალავანით, მავთულის ღობით და დიდი ჭიშკარით, თუმცა სიფრთხილეს თავი არ სტკივა. ინტელას ის ერთი ძაღლი ძაან ცუდად დაამახსოვრდა და მართალიცაა, მაგრამ ეკლესიაში ერთი სუფთა სისხლის ნაგაზიც ჰყავთ - თუნთი... აი, იმის სანახავად საგანგებოდ ღირს მანდ წასვლა. ალბათ, ფოტოებს დადებენ - ბერმა გიორგი ძაღლზე რომ დასვა.

ძალიან ჭკვიანი, კაცთმოყვარე და დათვივით ვეება ძაღლია.
საერთოდ, ჩემთვის სასიამოვნო მოულოდნელობა იყო აღდგენილი ეკლესია და, მართალია, წყნარი, თითქოს შეუმჩნეველი, მაგრამ მაინც სიცოცხლე იმ ლამაზ ადგილას. 2 წლის წინ, როცა ჭილის ტბიდან გადავედით მანდ, ეკლესია კი იყო ახალი გარემონტებული, მაგრამ მას მერე - შარშან დიდი მშენებლობა წასულა - იქაურობა შემოღობილია, ახალი ნაგებობებიც დაუდგამთ, ბერებს პატარა მეურნეობაც გაუშენებიათ და ახლა იმ მდუმარებაში ძაღლის ყეფაც ისმის, მამლის ყივილიც და საქონლის ზარის ხმაც. მოკლედ, ხმაურობს იქაურობა და ჯერ ხომ ისედაც მშვიდი ადგილია, ამან - ამ თუნდაც მცირე ხმაურმა, როცა ამ საყოველთაო ნგრევის დროში რაღაც გაშენებულა, კიდევ უფრო დამამშვიდა. იმდენად კარგად იმოქმედა, რომ იქ წასვლის და რამდენიმე დღით დარჩენის დაუძლეველი სურვილი გამიჩნდა. მამაო დაბლა შეგვხვდა - სოფლისკენ მიდიოდა, იქ კი ბერი და კიდევ ერთი ბიჭი დაგვხვდნენ, ძალიან კარგი ადამიანები. პირადად მე იმ ბერით ფრიად კმაყოფილი დავრჩი. თავისივე გადაღებული ფოტოალბომი დაგვათვალიერებინა და ყველა მოვიხიბლეთ სამყაროს, იმ ბუნების აღქმის მისეული ხედვით, მისი კადრებით. ეტყობა, რომ გემოვნებიანი კაცია. ძაღლი რომ ვირს "ეჩურჩულება", ეგ ფოტო და იმ ძაღლის ფიფქებიანი დრუნჩი ახლაც თვალწინ მიდგას - მაგარი ფოტო იყო ორივე.

z g a r b i · Post by **z g a r b i** » 14 ივნ 2009, 09:59

Int3lig3nt wrote:
16. რისკები, საფრთხეები:
მონასტრის ძაღლები (ერთი განსაკუთრებით).

guruli

თამუსიას ვეუბნებოდი, აქ ერთი 10 დღე სიამოვნებით დავრჩებოდი მეთქი, ბევრ წიგნებს ამოვიტანდი, იმ ჰამაკში ჩავჯდებოდი, უშველებელ სივრცეს რომ გადაჰყურებდა დაბლა და ყოველ დღე თონეში ჩაკრულ პურს შევჭამდი იქაური ბოსტნის კიტრი-პამიდორთან ერთად

მართლაც საოცარი სიმშვიდე იყო. ერთი სიამოვნება იქნებოდა მოწმედილ ცაზე მზის ჩასვლის ყურება.. ამ ყველაფრის შემხედვარე, უკვე აღარც მიკვირს ის ბერი ხელოვანი რომ გახდა.

მშობლებს და მათ შვილებს დიდი მადლობა ყველაფრისთვის, სხვათა შორის, ისე იარეს, ერთიც არ დაუწუწუნიათ

და საერთოდაც, რაღაც სხვა ხიბლი ჰქონდა ამ ყველაფერს.. შინაურული, თბილი

რამდენიმე ახალი კარაველი გავიცანი და იმედია აწი ხშირად ივლით ხოლმე ჩვენთან ერთად

lama
შენი ლექსები და სიმღერებიღა გვაკლდა და მთიანად შეივსებოდა ყველაფერი

დიდი მადლობა ვანოს ამ მშვენიერი იდეის ბოლომდე მიყვანისთვის და გურულს ასეთი ლამაზი ადგილის ჩვენთვის გამხელისთვის

Tamari-ch. · Post by **Tamari-ch.** » 14 ივნ 2009, 10:43

Int3lig3nt wrote:ეს ჩვენ (მხოლოდ miau-ს მამა გვაკლია ფოტოზე).

მაგრად მეძინება და დანარჩენს ხვალ მივხედავ.

ინტელ -
შენი დედიკო რომელია?

pataputina · Post by **pataputina** » 14 ივნ 2009, 11:22

ვაჰხვაჰხთ

აბა როგორ მოგეწონათ საპატაპუტინეთი

კი არა და

ძეგვიდან ვწერ სხვათაშორის ამას

guruli · Post by **guruli** » 14 ივნ 2009, 12:58

lama

კი ბევრი ნაციხარია

miau

გურულო, რაო, სად ნახე ეს ნაციხრები (სასჯელმოხდილები) ?

გაჩერდით, თქვე ნაციხარებო!

pataputina

ძეგვიდან ვწერ სხვათაშორის ამას

გოგო, ძეგვში თუ მიდიოდი, ბარემ გუშინ წამოსულიყავი ჩვენთან ერთად.

თუ ცოცხზე გადაჯექი და ისე ჩაფრინდი?

Tamari-ch.

ინტელ -
შენი დედიკო რომელია?

დადებენ ოჯახურ ფოტოებსაც, მაგრამ ინტელამ ისეთი ტემპი აიღო, სურათების დადებამდე მეორე გასვლაც მოესწრება.

ამიტომ მე გაგაცნობთ მშობლებსაც და ახალ კარაველებსაც.
მაშ ასე, მარჯვნიდან მარცხნივ - ლალი და ლუკა, მირანდა, ნიკანიკა, ინტელას დედა, ზღარბი და დედამისი, მიაუ, ჭიამაია და მისი დისშვილი გიორგი ( რომელმაც თავისი სიყოჩაღით გაგვაოცა), მირანდინოების დედა, აქეთა ფლანგს კი თამუსია, მე და მარიტა ვამაგრებთ.

წინ - ინტელა და წივწივა.
z g a r b i

lama
შენი ლექსები და სიმღერებიღა გვაკლდა

გაჩერდი, გოგო - ეგ რომ ყოფილიყო, უეჭველი დაგვსეტყვავდა.

დიდი მადლობა ვანოს ამ მშვენიერი იდეის ბოლომდე მიყვანისთვის და გურულს ასეთი ლამაზი ადგილის ჩვენთვის გამხელისთვის

ინტელას მართლაც დიდი მადლობა ამ გადასარევი იდეისთვის, მე კი თუ დამიჯერებთ, ულამაზესი იქნება ჭილის ტბიდან გადავიდეთ დიდგორზე და იქიდან დავუყვეთ ძეგვისკენ. მაგ ეკლესიასაც ისევ ვნახავთ და იმ მაღალ მთასაც - სამების მთას, თავზე რომ გვადგა თავისი ულამაზესი გრილი ტყით. ძეგვში დედაციხე, ის გოგირდის წყლები და სხვა რამეებიც შეგვიძლია მოვინახულოთ. ჭილის ტბიდან წასვლა (და არა პირიქით) იმიტომ ჯობია, რომ ძეგვისკენ თავდაღმართზე ვივლით, ხოლო იქიდან თუ წამოვალთ, მაშინ ის აღმართი გვექნება ამოსავლელი.
გუშინდელი დღიდან იმაზე მეცინება, მშობლები რომ გვეკითხებოდნენ, სახელები რა გქვიათ, როგორ მოგმართოთო.

იმედია, კარაველები ინტელას ამ მართლაც კარგ იდეას აიტაცებენ, ხოლო ვინც ახლა ვერ დაუთმო სათანადო ყურადღება მშობლებს,

დანაშაულის გამოსყიდვის შანსი 27 ან 28 ივნისს (ჯომარდობას არ დავამთხვევთ) მიეცემა, როცა ავენისში მშობელთა ლაშქრობა II მოეწყობა.

pataputina · Post by **pataputina** » 14 ივნ 2009, 13:22

guruli

გვიან ჩავედი ძალიან
და....

აღარ იქნებოდით
იქ

Tamusia · Post by **Tamusia** » 14 ივნ 2009, 13:56

სახლში სასიამოვნოდ დაღლილი მივედი. კიდევ ერთხელ მადლობა ყველას. მართლაც სასიამოვნო და საინტერესო საზოგადოებაში მომიწია ბუნებით კიდევ ერთხელ განებივრება და, არ შემიძლია არ აღვნიშნო, მშვენიერი კერძების დაგემოვნება. ამ უკანასკნელთან დაკავშირებით გირჩევთ, ერთი-ორი მშობელი ყველა გასვლაში წაიყვანოთ

marita 777 · Post by **marita 777** » 14 ივნ 2009, 15:06

ინეზა და ლალი ძეგვის სამებისკენ მიმავალ აღმართზე

გიორგი, პატარა კარაველი, ჭიამაიას დისშვილი

nikushanikusha, ლუკა & civciva

marita 777 · Post by **marita 777** » 14 ივნ 2009, 15:11

თუნთი

(ლუკას რა სახე ააააააქვს

)

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS