კარავი 21 წლის გახდა და ჯერაც ცოცხალია! და თქვენ "კარველებო", ცოცხლები ხართ?

შარშან 2008 წლის შემოდგომაზე ჯავახეთის ზეგანზე გახლდით, 2 დღიანი ექსპედიცია მოვაწყვეთ და უაღრესად საინტერესო ძეგლები ვნახეთ - კვარშა, ქილდა, კუმურდო, კაჭიო, სირგვა, აფნია, ბარალეთი, მეღვრეკისი... მათ შორის სამსარის ქვაში ნაკვეთი გუმბათოვანი ტაძარი და ციკლოპური ნაგებობა ნასოფლარ გრიალში,ეს ის ძეგლებია სადაც ქართველების ფეხი უკვე დიდი ხანია აღარ ყოფილა.
მოკლედ მოგითხრობთ ამ გასვლის შესახებ და შესაბამისად ფოტომასალასაც დავდებ.
თბილისიდან ახალქალაქისკენ მიმავალ გზაზე, მას შემდეგ რაც ხერთვისის ციხესთან მარცხნივ ახალქალაქისკენ მიმავალ გზას დაადგებით, დაახლოებიტ 20 წუტში მარჯვნივ ნიშანი შეგხვდებათ წარწერით სოფ.ჩუნჩხა. აი აქედან იწყება ის გზა რომელიც ამ 2 დღის განმავლობაში გავიარეთ. ძეგლები ერთმანეთისგან საკმაოდ არიან დაშორებული და მიმოფანტული ამიტომ ადგილობრივი მცოდნე მეგზურის გარეშე მატი პოვნა საკმაოდ ძნელია და ბევრ დროს მოითხოვს. ამ გასვლაში ჩემი ადგილობრივი 3 მეგობარი მონაწილეობდა და მათი დახმარებით მოხერხდა სწორედ რომ 2 დღეში ამდენი საინტერესო ძეგლის ნახვა მოესწრო.

მთაზე რომ სერპანტინია სწორედ ეს გახლავთ სოფელ ჩუნჩხასკენ მიმავალი ანუ ჯავახეთის ზეგანზე ამავალი ნაისას სერპანტინი რომელიც ავიარეთ

სერპანტინის ნახევარი გვქონდა გავლილი როდესაც მივადექით რამდენიმე მოზრდილ ლოდს რომელიც გზას ხერგავდა.
ძლივს გადავაგორეთ.

ხედი კვარშასკენ მიმავალი გზიდან რომელიც კანიონს მიუყვება

სერპანტინზე ასვლის შემდეგ გზა ორად იყოფა, მარცხენა ჩუნჩხასკენ მდის ხოლო მარჯვენა კვარშასკენ, ასე 5 კმ გავიარეთ მინდვრის გზაზე და შორს გამოჩნდა კვარშას სილუეტი, ეკლესია ნასოფლარში დგას, გარშემო უამრავი საინტერესო არქეოლოგიური მასალაა, არის დარნები, ნასახლარბი, ხორბლის სანახები და სხვ.

ნასოფლარი

ფრესკების ნაშთი

წარწერა კედელზე

კვარშას ეკლესიაში შესასვლელი კარი საკურთხევლის მხრიდან არის მიმაგრებული ამიტომ პირდაპირ საკურთხეველში შედიხართ, დღესდღეობით ეკლესია მოქმედი არ არის, ძირითადად მწყემსების თავშესაფარს წარმოადგენს წვიმის დროს