ნიჩბისი - მინილაშქრობა 12 მაისს

Tamari-ch. · Post by **Tamari-ch.** » 13 მაი 2009, 23:21

1. რეგიონი:
მცხეთის რაიონი

2. მარშუტის დასახელება:
თბილისი- ზემო ნიჩბისი - ქვემო ნიჩბისი - სასხორი - თბილისი

3. ხანგრძლივობა:
1 დღე

4. სირთულე:
მარტივი

5. გასვლის, ლაშქრობის ღირებულება
1,5 ლარი ღირს სარეისო - თბილისი - ნიჩბისი
სულ 3 ლარი

6. მონაწილეთა რაოდენობა
2 - მე და ბალახა (გიო)

7. ორგანიზატორი
მე

8. დანიშნულების პუნქტთან უახლოესი დასახლებული პუნქტი:
სოფელი ძეგვი. მცხეთა

9. მარშრუტის სიგრძე ტრანსპორტით:
სულ 80 კმ

10. ფეხით გავლილი მანძილი:
ზუსტად არ ვიცი -
ბევრი ვიმოძრავეთ სოფლის შიგნით - ალბათ სულ 10 - 11 კმ
ზემო ნიჩბისამდე 3 - 4 კმ -
+ კიდევ ტყეში 1- 2 კმ
და ძეგლებამდე

11. სანახავი და ყურადღებამისაქცევი ადგილები:
ბევრი ძეგლია - სულ დავითვალე 13 ძეგლი -
და გარდა ამისა მითხრეს ტყეშიაო კიდევ რამდენიმეს ნანგრევბი...

12. საბანაკე ადგილები:
ყველგან

13. სასმელი წყალი მარშრუტზე:
წყაროა ქვემო ნიჩბისშიც და ზემო ნიჩბისშიც.

14. საჭირო აღჭურვილობა, რჩევები:
განსაკუთრებული არაფერი.
მოხერხებული ფეხსაცმელი

15. გასვლისთვის, ლაშქრობისთვის საუკეთესო დრო
ნებისმიერი, ზამთარიც კი.

16. რისკები, საფრთხეები:
არაფერი განსაკუთრებული,
მოსახლეობა მშვიდად შეგვხდა და მაქსიმალურად დაგვეხმარენ

17. უახლოესი ღირსშესანაშნავი ადგილი, რომელიც დროის გახანგრძლივების
შემთხვევაში, შეიძლება, ამ გასვლისას ინახოს
ძეგვი, დიდგორი, წინარეხშია ასევე ძეგლები

18. პირობები ფიჭური კავშირგაბმულობისთვის:
მობილური იჭერს

19. გასვლის, ლაშქრობის შეფასება 10 ბალიანი სისტემით
7-8

აგრეთვე, "კარავის" გასვლის გეგმა:
http://karavi.caucasus.net/viewtopic.ph ... sc&start=0
http://www.karavi.ge/viewtopic.php?t=1388
http://www.karavi.ge/viewtopic.php?p=153403#153403
http://www.karavi.ge/viewtopic.php?t=87

რუქა აღებულია გ.ბაგრატიონის დისკიდან
და მე დავამატე ის ძეგლები რომელიც არ იყო აღნიშნული

Naia · Post by **Naia** » 13 მაი 2009, 23:35

Tamari-ch.
როგორც იქნა წახვედით

დიდი ინტერესით ვადევნებ თემას თვალს. მაინტერესებს რა ძეგლები ნახეთ

უმზეურაში იყავით?

Tamari-ch. · Post by **Tamari-ch.** » 13 მაი 2009, 23:37

11 მაისს საღამოს მირეკავს გიო და ვეუბნები, რომ სამსახურის გამო ხალხი არ დარჩა
და შევრჩით ერთმანეთს მე და გიო.
მერე რაო - მითხრა
წავიდეთო -
შეიძლება იწვიმოს თქო - ვუთხარი -
საწვიმარს წამოგიღებო - მიპასუხა

ჰოდა წავედით.

დილით მართლა წინწკლავდა -
მაგრამ განწყობა იყო შესანიშნავი -

დიდუბეში შევხვდით ერთმანეთს -
გზაში დავაზუსტეთ სარეისოების გასვლა მოსვლა -
ნიჩბისელებმა შესანიშნავად აგვიხსნეს გზაში რომელს საათზე რა სარეისო დადიოდა...

და ჩავედით ნიჩბისში -

მე პირველ რიგში მაინტერესებდა ზემო ნიჩბისი, ვინაიდან ვერც ლიტერატურაში და ვერც რუქებზე (მათ შორის გ. ბაგრატიონის რუქაზე) ზემო ნიჩბისის ძეგლები აღნიშნული არ იყო..
არადა ნიჩბისელმა მღოლმა 2 კვირის წინ მიხსენა აკაკიების ეკლესია და იქ კიდევ რამდენიმეაო...

შაბიამნისფერი წერტილით აღნიშნულია სარეისოს ბოლო გაჩერება-
(ისე ცნობისათვის - 2 საათზე თბილისიდან გამოსული სარეისო ადის ზემო ნიჩბისამდე..)

იქვე გზაზე მილები ჰყრია.
იმ ადგილას გზა იყოფა -
ერთი გზა (მარჯვნივ) ადის ზემოთ - ზემო ნიჩბისისკენ
და მეორე კი გრძელდება მდინარის გასწვრივ

მოგვიანებით გავიგეთ რომ მდინარის პირას მიმავალი გზა უმზეურასკენ მიდიოდა -
სამწუხაროდ ამის გამო ეს ძეგლი გამოგვრჩა.
უმზეურა არ გვინახავს...

ია ეს გზა, რომელიც ადის ზემო ნიჩბისისაკენ

და ბალახა ამ გზაზედა..

Tamari-ch. · Post by **Tamari-ch.** » 13 მაი 2009, 23:40

Naia
უმზეურა უკან დაგვრჩა
და უკვე შუადღეს, როცა ჩამოვედით ზემო ნიჩბისიდან
მხოლოდ მაშინ გავიგეთ,
რომ ეს ძეგლი უკან დაგვრჩა
-ანუ ისევ მაღლა უნდა ავსულიყავით -
და ამიტომ გადავწყვიტეთ აღარ წავსულიყავით იქ..
უნდა ითქვას, რომ როცა ფეხით მიდიხარ -
ერთ დღეში ყველა ძეგლის ნაგვა ნიჩბისის გარშემო ვერ ესწრება.
სხვააა როცა მიდიხარ საკუთარი მანქანით...

პირველ რიგში ადგილობრივებს ვკითხე აკაკების ეკლესიაზე.
აკაკების ეკლესია არისო გზის პირას -
გვაჩვენეს ეს გზა - "აი ზემოთ რომ ხეს ხედავთო - იმის ძირშიაო"...

Tamari-ch. · Post by **Tamari-ch.** » 13 მაი 2009, 23:44

ნელ ნელა ავდიოდით ზემოთ აღმართზე -
და ჩვენგან მარჯვნივ შესანიშნავი ხედები გადაიშალა -

ლამაზად მოსჩანდა წმ ნიკოლოზის ეკლესია და ციციშვილების რეზიდენცია

Tamari-ch. · Post by **Tamari-ch.** » 13 მაი 2009, 23:48

საკმაოდ ვიარეთ - ალბათ 3 კმ -მდე...

რაც უფრო მაღლა ავდიოდით -
მით უფრო მომხიბვლელი იყო ბუნება
ამინდმაც ნელ ნელა იბრუნა პირი

Tamari-ch. · Post by **Tamari-ch.** » 13 მაი 2009, 23:55

უნდა ითქვას, რომ სოფელი ნიჩბისი ქართლის ერთ ერთი უძველესი სოფელია.
მცხეთასთან და მეჯვრსხევთან ერთად იგი ითვლებოდა მეჭურჭლეობის განთქმულ ცენტრად,
ვინაიდან აქ ყოფილა კვარცის ქვიშის საბადოები..
მართლაც უცნაური შენების კლდეებია აქ...

ნიჩბისი ნახსენებია გიორგი II - ის - 1072 წლის სიგელში -
მეფე გიორგის ეს სოფელი შიომღვიმეს მონასტრისთვის შეუწირავს..

1615 წელს მეფე ლუარსაბს ნიჩბისი ქაიხოსრო და მერაბ ციციშვილებისთვის უბოძია.
იმის მერე ეს სოფელი ციციშვილების რეზიდენციად იქცა.

XVIII საუკუნეში სოფელი გაჩანაგდა ლეკების გამუდმებული შემოსევებისგან..
ამ საუკუნის ბოლოს აქ 5 კომლიღა იყოო დარჩენილი...

აი ასეთ მწვანე გორებია ნიჩბისში -
შორს, შორს კი მოსჩანს წმ ნიკოლოზის ეკლესია...

Tamari-ch. · Post by **Tamari-ch.** » 13 მაი 2009, 23:57

როგორც იქნა ავედით მთის თავზე

და დავინახეთ პაწაწინა ეკლესიის ნანგრევები..

იგი მდებარეობს ხის ძირში -
და ზუსტად მის მერე იწყება ზემო ნიჩბისი...

Tamari-ch. · Post by **Tamari-ch.** » 14 მაი 2009, 00:10

რატომ ჰქვია აკაკების ეკლესია?

აკაკები -აკაკია -
სულხან საბას განმარტებით აკაკი - ხეა
"ბრინჯის ხის ხილი"

მ.ჯანელიძის აზრით - აკაკია აკაცია უნდა იყოს

ა. მაყაშვილი აკაკის განმარტავს როგორც ძელქვას - ბრინჯის ხეს, ხებარდას,
Celtis caucasica Willd. - ÐºÐ°Ð¼ÐµÐ½Ð½Ð¾Ðµ Ð´ÐµÑ€ÐµÐ²Ð¾ - კავკასიური აკაკი

არ ვიცი ეს ის ხეა თუ არა -
მაგრამ ამ პატარა მიტოვებული ეკლესიის შიგნით
ამ ხემ ჰპოვა თავისი ბინა...

ლამაზადაა ჩაზრდილი ეკლსიაში
და ფესვებით შემოჰხვევია საყდარს - თითქოს იცავსო..

Tamari-ch. · Post by **Tamari-ch.** » 14 მაი 2009, 00:13

აქ საკურთხეველივით უნდა ყოფილიყო...

არ ვიცი სალოცავი იყო ეს ადგილი თუ ვინმე დიდებულის საძვალე ეკლესია,

მაგრამ ასეთი პატარა სალოცავებ მრავლადაა ამ არემარეში -
არცაა გასაკვირი -
ეს სოფელი ყველაზე ცოტა 10 საუკუნეს ითვლის -
და ვინ იცის რამდენ თაობას ულოცია აქ...

Tamari-ch. · Post by **Tamari-ch.** » 14 მაი 2009, 00:17

განვაგრძეთ გზა -
ზემო ნიჩბისელმა ქალბატონმა გვითხრა - სოფელში -
ძველი სკოლის უკან კიდევ ერთი ეკლესიააო -
წმ მარიამის სახ.

ახლოს გზაზე კი წმ გიორგის ნიშიაო -

ნიშიც ვნახეთ , საკმეველი ვაპკურეთ

ქვევრებიც იყო იქვე -
და საფლავის ქვაც...

Tamari-ch. · Post by **Tamari-ch.** » 14 მაი 2009, 00:24

ზარს ჩამოვკარით -
ლოცვა ვთქვით -
და გავაგრძელეთ გზა...

Tamari-ch. · Post by **Tamari-ch.** » 14 მაი 2009, 00:27

ძალიან ლამაზი ახლადაბიბინებული მწვანე ფერები იყო გარშემო -

და დიიიდი მინდვრები -

გიოს ნიჩბისელი ცხენი მოეწონა და გადაწყვიტა გასაუბრებოდა მას -
მგონი ცხენიც "გაიპრანჭა "-

მერე სამახსოვრო სურათიც გადავიღეთ..

Tamari-ch. · Post by **Tamari-ch.** » 14 მაი 2009, 00:30

ზემო ნიჩბისის "ცენტრში"
ასეთი ლამაზი ტირიფი დგას -
იქვეა წყაროც...

სწორედ ამ ხესთან უნდა აუხვიოთ ზემოთ მარჯვნივ -
ძველი სკოლის შენობისკენ

Tamari-ch. · Post by **Tamari-ch.** » 14 მაი 2009, 00:31

აღმართის ავლის მერე გამოჩნდება შემოღობილი ადგილი
შიგნით კი ეკლესიის ნანგრევებია -

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS