Kavtaradze wrote:დიდი მადლობა არჩილს და დანარჩენ კარაველებს ასეთი დაუვიწყარი დღეებისთვის
გაიხარე ძმობილო
დიდი მადლობა ყველას, ძალიან ვისიამოვნე თქვენთან ერთად, შესანიშნავი საზოგადოება შეიკრიბა, მრავალფეროვანი და მხიარული დღეებიც გავატარეთ.
მე მგონი, რომ ჩემს მიერ ინიცირებული პარასკევი ღამის ათვისების იდეამ კვლავ წარმატებულად ჩაიარა, თან თუ გავითვალისწინებთ, როგორი ენთუზიაზმით გავათენეთ პარასკევი ღამე.
ასეა, დაღლილი სამუშაო კვირის მიუხედავად, კვლევ ენერგიით ავსებულები ღამის მგზავრობას თავიდანვე თავგადასავლური ელემენტებით დავიწყეთ. ჩვენი "ნავაროჩენი" მერსედესის წუწუნა მძღოლი, მოულოდნელად დამთავრებული ბენზინი, ღამის 12 საათზე ცხვარიჭამიაში, ღულელებსა და ხევსურთსოფელში ბენზინის გამყიდველების ძებნა კარდაკარ და ღამით აკლებული სიონის ტყე და ჩვენი სიმღერებით დაყრუებული მგლები პირველივე საათებში ამტკიცებდა, რომ ეს დღეები მოულოდნელობებითა და სიამოვნებებით იქნებოდა სავსე.
ყველაფერი ჩვეულებრივ "მარშრუტკაში" ჩასხდომითა და მგზავრობით დაიწყო, ფრიად კომფორტული მანქანა, ყველას ძალიან გვესიამოვნა, თუმცა, წუწუნა მძღოლის დაუდევრპბები და უხარუსხო რუსული ესტრადა გვახსენებდა, რომ ჯობია ნაკლებადკომფორტული მანქანა და კარგი ხასიათის მძღოლები.
ჯერ კიდევ მარშრუტკაში თავადმა გვამცნო თავისი დაბადების დღის მოსვლა და რამდენიმე წუთში, მისივე თხოვნით, "ზესტაფონო, გშორდები" "რა ლამაზი დღეას ნაცვლად" შევუსრულეთ.
ასე სიცილ-სიმღერ-ბღავილ-ხარხარით, სოფლე-სოფელ ბენზინის ძიებით ჩავედით სიონში ღამის 12 საათის გადაცილებულზე, ქეთუნამ, ქეთუნას პლიუსებმა და ხაომ უკვე გაჩაღებული კოცონი დაგვახვედრეს. ხაოს ეძინა, ჩვენ რომ ჩავედით და ზოგიერთ ჩამსვლელს ეგონა კიდეც, რომ ხაო გამოგოგნილი პერსონაჟი იყო და არა ნამდვილი ადამიანი, მასზე სწორედ ასე ვამბობდით, ჰო, ხაო ის არის, აქ რომ არის და ვერ ვხედავთო.
დახვედრილი კოცონიკიდევ მეტად გახურდა, არტის ბოთლებს თავი წაეცალათ საკალანდო ღორისავით და ღამის ქეიფიც გახურდა დაბაანკების პარალელურად.
თავადის საიუბილეო ღამეს დაბადების დღე კარავმა სიონის პირას, ტყეში გადაუხადა და ყველამ თავი იუბილარად ვიგრძნენით.
ქეიფი დილამდე გაგრძელდა, გათენებულზე ხაო მაინც ვერ გავაღვიძეთ. მე, სიფრამ და სიფრას პლიუსმა, მომავალმა კარაველმა გიორგიმ, უფრო გასაგებად რომ დავასახელო, მე, სტუდენტმა და სტუდენტის ძმამ, გათენებიდანვე სიონს ანკესებით მივაშურეთ და მზის ამოსვლას იქ შევხვდით ანკესებით ხელში მეთევზის რანგში.