კარავი 21 წლის გახდა და ჯერაც ცოცხალია! და თქვენ "კარველებო", ცოცხლები ხართ?

მოვიდა მომდევნო ზაფხული და შესაბამისად მომდევნო ლაშქრობების დროც: ჩვენი ოჯახური ლაშქრობის წლევანდელი გეგმაც ზემოთხსენებული მარშუტი იყო. ხოდა ჩვენც შევუდექით დასახული გეგმის სრულყოფას.

გადავწყვიტეთ და 24 ივლისს გავყევით ბარისახოს ავტობუსს. წელს სულ 11 კაცი მოვგროვდით: მე, დედაჩემი, მამაჩემი, ჩემი ძმა მერაბი, ლალი მასწავლებელი, დედაჩემის ნათლული გურამი, მერაბის კლასელი აჩიკო, მამაჩემის მეგობარი ელგუჯა ბიძია (ბიძია ჩემთვის ) მეუღლითურთ და კიდევ ელგუჯა ბიძიას 2 მეგობარი: ნუგზარი ბიძია და ნანა დეიდა.

თუ დააკვირდებით შეამჩნევთ, რომ წინა წლის არხოტის ლაშქრობიდან მხოლოდ ხუთნი ვიყავით: მე, დედაჩემი, მამაჩემი, ჩემი ძმა მერაბი და ლალი მასწავლებელი.


ასე და ამგვარად 24 ივლისის ცხელ შუადღეს ჩვენი ბარგი-ბარხანით ბარისახოს ავტობუსს მივადექით.
აქ მერაბი, გურამი აჩიკო და გურამის მამა საუბრობენ ავტობუსის ჩრდილში:

By Bernar

აი ჩვენც აქა ვართ:

By Bernar

როგორც იქნა დაიძრა ავტობუსი და ასე 3 საათიანი ჯაყ-ჯაყის შემდეგ მივადექით ბარისახოს. მძღოლს ვთხოვეთ და ჩვენ ოხერხევში დაგვტოვა.
ასე და ამგვარად პირველი ბანაკი ოხერხევში გავშალეთ და დაველოდეთ ხვალინდელ დღეს: ნამდვილი ლაშქრობის დასაწყისს

ეს სურათი ღამე გადავიღეთ: უფრო ფოტოაპარატის შევამოწმეთ

By Bernar

გათენდა ნანატრი დილაც. ოპერატიულად ავშალეთ კარვები და შევუდექით გზას: დღეს როშკაში უნდა ავსულიყავით.

ხევსურეთის არაგვის ხეობა როგორც ყოველთვის ლამაზი და ექსტრემალური შეგრძნებების აღმძვრელი იყო. თან მკაცრი ზამთრის და დაგვიანებული ზაფხულის გამო თოვლიც მრავლად იყო შემორჩენილი ნაზვავების სახით.

ეს ერთერთი ჩანჩქერია

By Bernar

ბანაკის აშლიდან ერთ საათში უკვე როშკის ხიდთან ვიყავით. აქ ცოტა დასვენება გადავწყვიტეთ.
აქ ელგუჯა ბიძია, მისი მეუღლე ცუცა დეიდა და ლალი მასწავლებელი მოდიან:

By Bernar

შესვენებისას გაგრილებას არ უწყენია


By Bernar

ეს კიდე იმ ულამაზესი ადგილის 3 კადრიანი პანორამაა:


By Bernar

ალბათ დამეთანხმებით, რომ ხევსურეთის არაგვისა და როშკისწყლის შესართავი ერთერთი ულამზესი ადგილია ხევსურეთში

საფუძვლაინი შესვენების შემდეგ შევყევით როშკის ბილიკს: სამანქანო გზას ბილიკი ვარჩიეთ, სიმოკლის გამო.

ცოტა მაღლა რომ წავიწიეთ ყველასთვის კარგად ნაცნობი წახალეს მთა გამოჩნდა 2534 მ:

By Bernar


By Bernar

აქ ელგუჯა ბიძია და ცუცა დეიდა ამოდიან ბილიკის მცირე სერპანტინზე


By Bernar

ხოლო სერპანტინის ბოლოს, როდესაც თხემზე ავედით, ტანიესა (3499 მ) და წროლის (3442 მ) მწვერვალებიც გამოჩნდა, ოღონდ საკმაოდ სქელი თავსაბურავი წამოეხურათ


By Bernar

აქაც ცოტა შევისვენეთ, დავტკბით ულამაზესი ხედებით და შემდეგ გზა განვაგრძეთ. ასე დღის ორი საათისათვის უკვე როშკაში ვიყავით. საკმაოდ დაგვღალა ბილიკმა და უფრო მეტად სიცხემ და ამიტომ როშკასთან რომ ორი არყის ხეა იმათ ჩრდილში ასე ორი საათი ვისვენებდით.

საფუძვლიანი დასვენების შემდეგ გადავედით როშკისწყლის მეორე ნაპირზე და წყაროსთავზე დავდგით ჩვენი ბანაკი (იმ პირობით, რომ იქაურობას არ დავანაგვიანებდით, რაც სამწუხაროდ საკმაოდ ხშირი მოვლენაა )

ესეც ჩვენი ბანაკი იმ საღამოს

By Bernar

მამაჩემი ცეცხლის გაჩაღებას ცდილობს რათა

By Bernar

დედაჩემმა საჭმელი მოგვიმზადოს:

By Bernar

და ბოლოს: ამ დღის კიდევ ერთი ამჯერად 4 კადრიანი პანორამა:

By Bernar

შორს, შუაში რომ მცირედით თოვლიანი მთა მოჩანს ხახმატისმთაა (3010 მ), ხოლო მისგან ოდნავ მარცხნივ დათვის ჯვრის უღელტეხილია (2676 მ). დათვის ჯვრის უღელტეხილის უკან ასევე მოჩანს ერთი მცირედ თოვლიანი მწვერვალი სახელად ჭოკისმთა-მათურა (3170 მ).

Bernar

კაი გასვლა გქონიათ. დღეს რმ ეს თემა ვიხილე, პირველი რეაქცია ის იყო, რომ მეგონა გასულ შაბათ-კვირას მოახერხეთ გასვლა და გამიკვირს. მე მინდადა ჭაუხებზე გადასვლა და ეხლა უკვე ნაგვიანებია და თავი შევიკავე.

მშვენიერ ადგილებში ყოფილხართ

Archil
მთავარი მშვენიერება წინაა, ტბებზე: ძალიან გაგვიმართლა, როდესაც ივლისის ბოლო კვირაში წავედით: თოვლი ბლომად იყო შემორჩენილი და ტბებიც უჩვეულოდ დიდი ზომის და ფერის იყო.
ამ ყველაფერში ის სურათებიც დაგარწმუნებთ, რომლებსაც უახლოეს მომავალში დავდებ

Bernar

ამ ყველაფერში ის სურათებიც დაგარწმუნებთ, რომლებსაც უახლოეს მომავალში დავდებ

ძალიან დიდი ინტერესით და მოუთმენლად ველოდები.

Bernar
მშვენიერი ოჯახური ჩვეულება გქონიათ.
ასე რომ დადიხართ, ესე იგი, ტკბილი ოჯახი გქონიათ.
ჩვენც დაგვემგზავრეთ ხოლმე.

შემდეგ დილას როგორც კი გავიღვიძე და კარვიდან გამოვძვერი, ეგრევე როშკახორხს (3562 მ) და იმ უსახელო პიკს (3970 მ) გავხედე მარჯვნივ, საძელის უღელტეხილის (3056 მ) გადაღმა რომ მოჩანს. ორივე მწვერვალს ახლადამოსული მზე დაჰნათებდა და უცნაურ შეფერილობას აძლევდა:

By Bernar

თუ კარგად დააკვირდებით, უსახელო პიკის უკან კიდევ ერთი მწვერვალი მოჩანს, რომელიც ჩემი აზრით სახარისმთა (3963 მ) უნდა იყოს.

By Bernar

ცოტა ხანში ყველამ გავიღვიძეთ, ვისაუზმეთ, ავშალეთ ბანაკი

By Bernar
და დავადექით ტბებისკენ მიმავალ ბილიკს.

დღეს მინშვნელოვანი დღე იყო: უკვე ისეთ ადგილას მივდიოდით სადაც ადრე ნამყოფები არ ვიყავით! თან რა ადგილას მივდიოდით!!!

გზადაგზა ვჩერდებოდი და ულამაზეს ყვავილებს ფოტოებს ვუღებდი:

By Bernar


By Bernar


By Bernar

ვინც აბუდელაურის ტბებზე ერთხელ მაინცაა ნამყოფი, ალბათ დამეთანხმება, რომ ყვავილთა ფლორა ძალიან მრავალფეროვანი და რაც მთავარია ძალიან ლამაზია! ხშირად ნახავ ქათქათა თოვლის გვერდით ამოსულ საოცარი ფერების ყვავილებს!