ასურელი მამების კვალდაკვალ....

Tamari-ch. · Post by **Tamari-ch.** » 24 სექ 2008, 01:12

გარეჯის ლავრასთან არმისული არის პატარა მაღაზია, სადაც იყიდება საეკლესიო ნივთები - სანთლები, ხატები.
იმის გვერდით უნდა აუყვეთ ბილიკს ზევით მთაში -
და მიაგებით უდაბნოს კომპლექსს.
გამოქვაბულების მთელ სისტემას,
სადაც ბერები ცხოვრობდნენ და მოღვაწეობდნენ
და სადაც შემონახულია უნიკალური ფრესკები,. -

გარშემო უდაბნოჲსა იმყოფებიან დიდი მთები სამის მხრით აღმართულნი. ქვემოთ ამისა, კედლებში ნახავს კაცი მხოლოდ კარსა და ფანჯრებს და სხვა არაფერს; მაგრამ შევა თუ არა კედლის კარში შეხვდება გონების გამაცვიფრებელს დიდს პალატს კლდეში გამოკვეთილს კამარედად; სიგრძით აქვს მას ცხრა საჟენი, განით სამი საჟენი და სიმაღლით სამი საჟენი და ერთი ალაბი. ორივე მხარეს აქვს გაზიდული ბაქნები, იმავე კლდისაგან გამოკვეთილი. წინ ექვს-ექვს ქვის სვეტებზე დაწყობილია ხონჩის მსგავსი გრძელი ხის სუფრები.

ამ ტრაპეზიდამ ადვილ გამოსაცნობია, თუ რამდენი ყოფილან უწინ ბერები ამ უდანოში. აქ შეკრბებოდენ წინამძღვარი და ძმები პურს საჭმელად, ეგრეთვე მაშინ, როცა ექმნებოდათ რჩევა სამონასტრო საქმის განგების შესახებ. ამ საზოგადო ტრაპეზს აქვს თავზე საკუთარი საჯდომი, სადაც დაჯდებოდა წინამძღვარი იკონომოსით და რიგის მღვდელ-მონაზონითურთ, ხოლო სხვანი - ორთავე მხარეს თავიდამ ბოლომდის. ტრაპეზის დროს ერთი განწესებული ძმათაგანი აღვიდოდა საწიგნობრეზედ და კითხულობდა წმიდათა ცხოვრებას, ჩვეულებისამებრ მონასტრისა; ყველა ძმანი პურის ჭამისათანა სიჩუმით, ყურადღებით და უგლის ხმის ყოფით ისმენდნენ ამას (როგორც ეს დღეს არსებობს დასავლეთ საქართველოში - აფახაზეთში, ახალ-ათონის სვიმონ კანანიტის მონასტერში, სიმრავლისა გამო რუსის ბერებისა). შემდგომ ტრაპზეიდამ აღდგომისა შესწირვიდნენ მადლობის ლოცვას, წავიდოდნენ მყუდროებით თვის-თვის სენაკებში ხელთ საქმარისათვის, ვისაც კი რა შეეძლო; ვერ ნახავდა ერთი მესენაკე მეორესა; ამ ნაირად იყვნენ მოუკლებელ ლოცვასა და მარხვაში, სწერდნენ საღმრთო წერილების თარგმანებს, ჰქონდათ სკოლა და ცდილობდნენ სწავლის გავრცელებას მით, საიდამაც გამოდიოდნენ მეცნიერნი სასულიერო მქადაგებელნი; მაგალითად, ანტონ I კათალიკოზი და დიდი ანტონ ჭყონდიდელი იყვნენ აქ აღზრდილნი.

Tamari-ch. · Post by **Tamari-ch.** » 24 სექ 2008, 01:22

ეს არის გზა უდაბნოს კომპლექსისაკენ.

Tamari-ch. · Post by **Tamari-ch.** » 24 სექ 2008, 01:23

აი ასეთი ციცაბო გზებია ამ სენაკებთან მისასვლელად -

Tamari-ch. · Post by **Tamari-ch.** » 24 სექ 2008, 01:54

უდაბნოს მთელი კომპლექსი გაშენებულია ამ კლდის ფერდობზე -

Tamari-ch. · Post by **Tamari-ch.** » 24 სექ 2008, 02:04

Mta Mkvarebia · Post by **Mta Mkvarebia** » 24 სექ 2008, 09:49

Tamari-ch.
ყოჩაღ თამთ, ძალიან საინტერესოა

. ამომწურავი ინფორმაცია მიაწოდე დავით გარეჯზე მკითხველს. ახლა ველოდებით უშუალოდ თქვენი მოგზაურობის ისტორიას

Tamari-ch. · Post by **Tamari-ch.** » 24 სექ 2008, 09:54

Mta Mkvarebia
კი ვაგრძელებ -
უბრალოდ ცუდად მუშაობს სურათების ასატვირთი საიტი
და მეც მოცლისდა მიხედვით გავაგრძელებ -
სურათები იმდენია -
ნეტა მოვახერხო ნაწილის დადება მაინც...

აქ ამირანს გაფრენა მოუნდა...
მარა ფრთები გვაკლია, პაწა....

Tamari-ch. · Post by **Tamari-ch.** » 24 სექ 2008, 09:54

ერთ ერთი სენაკი...
ქეთი კი იცხოვრებდა აქ - ისე მოეწონა...

Tamari-ch. · Post by **Tamari-ch.** » 24 სექ 2008, 10:02

უდაბნოს კომპლექსში მაღლა არის ორი პატარა ეკლესია -
ამაღლების და აღდგომის.
ერთი კომპლექსის დასაწყისშია - მეორე კი ბოლოში.
სამწუხაროდ ორივე დაკეტილია, მერე მითხრეს რომ გასაღები მამაოს აქვსო -
შემდეგ ჩასვლაზე წინასწარ უნდა გამოვართვათ -
მხატვრობაა იქ შემორჩენილიო -
ასე მითხრეს...

Tamari-ch. · Post by **Tamari-ch.** » 24 სექ 2008, 10:04

სენაკებში თითქმსი ყველგან მხატვრობაა -
ჩვენი მეგობრები დათვალიერების პროცესში -

უნდა ითქვას, რომ იმ დღისათვის ყველაზე შესაფერის ამინდი იყო -
არც ცხელოდა- და არც ციოდა.
ოდნავ მოღრუბლული, ზოგჯერ მზეც გამოანათებდა ხოლმე.
არც ქვეწარმავლები შეგვხვედრია,
არც სიცხეს შევუწუხებივართ-
ნამყოფი ვარ გარეჯში ზაფხულშიც და ვიცი რა აუტანელი სიცხე იცის იქ...

Tamari-ch. · Post by **Tamari-ch.** » 24 სექ 2008, 10:08

ქეთიმ შესანიშნავი სურათები გადაიღო...
ხან ეკა ენაცვლებოდა ამ საქმეში...

Tamari-ch. · Post by **Tamari-ch.** » 24 სექ 2008, 10:12

ზემო ბოლო სურათში -
სადაც ეკა დგას -
ეს ის ფრესკაა - რომელსაც ხერხი გადაუსვეს აზერბაიჯანელმა მესაზღვრეებმა.
ამაზე ერთი ამბავი იყო ატეხილი -
ტურისტებმა გამოიჭირეს მესაზღვრეები...

ეტყობა კიდეც კვალი -

Tamari-ch. · Post by **Tamari-ch.** » 24 სექ 2008, 10:37

Tamari-ch. · Post by **Tamari-ch.** » 24 სექ 2008, 11:35

qvevri · Post by **qvevri** » 24 სექ 2008, 11:40

აზერბაიჯანელებს რას ვერჩით, როდესაც ფრესკები ქართული წარწერებითდაა გაჯღაბნილი

იმათ მეტი არ იციან და რაც ასწავლეს იმას აკეთებენ, ჩვენ კი ჩვენი ხელით ვშლით და ვჯღაბნით ფრესკებს

.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS