წმინდა ნინოს გზაზე, 2008

ნინი_85 · Post by **ნინი_85** » 06 ივნ 2008, 01:50

ყველაფერი კი დაიწყო იერუსალიმიდან ჩამოსული ჩვენი ხელმძღვანელის იდეით: მოგველოცა ის გზა, რომლითაც წმინდა ნინო შემოვიდა საქართველოში და შემოიტანა ქრისტიანობა.

შეიკრიბა 20 კაციანი ჯგუფი: 3 ლექტორი და 17 სტუდენტი( აქედან 8 მედიკი და 9 ბიოლოგი). ეს იმ სტუდენტთა ჯგუფია რომელიც მონაწილეობს საუნივერსიტეტო კონფერენციაში "ღერო უჯრედების შესახებ".

თავდაპირველად დავუკავშირდით მეუფე ნიკოლოზს, რომლისგანაც ავიღეთ კურთხევა და შემდეგ კი დავწერეთ პროექტი, რომელიც დაფინანსდა უნივერსიტეტის მიერ (1500 ლარი).
უნივერსიტეტმა გამოგვიყო: კარვები, საძილე ტომრები, საწვიმრები, დანარჩენი ხარჯები წავიდა ტრანსპორტზე და საკვებზე.

31 მაისს, 8:30 ზე უნივერსიტეტის ჯგუფი თბილისიდან სამარშრუტო მიკროავტობუსით გავემართეთ ჯავახეთისკენ.

გზა საკმაოდ დავღლელი აღმოჩნდა, დაახლოებით 7 საათი.

თუმცა ნანახმა მოლოდინს გადააჭარბა:

GAMARJOBA SAKARTVELO

ნინი_85
ძნ მაინტერესებს ეს ამბები
აბა, თვალს გადევნებ.

ნინი_85 · Post by **ნინი_85** » 06 ივნ 2008, 01:57

საოცარი გრძნობა დაგვეუფლა ყველას, წმინდა ნინოს ნაკვალევზე ვიწყებდით პირველი ნაბიჯების გადადგმას... სიმშვიდე და სიხარული ერთად შემოვიდა ჩვენს გულებში. გვეამაყებოდა რომ ჩვენ ეს შევძელით და სულ მალე წმინდა ნინოს ჯარისკაცებად გადავიქცეოდით.

ფარავნის ტბაზე საკმაოდ გრილოდა, რათქმაუნდა გაფრთხილებულები ვიყავით და შესაბამისი ტანსაცმელიც წამოვიღეთ: თბილი ბათინკები, დუტის კურტკები.

ნინი_85 · Post by **ნინი_85** » 06 ივნ 2008, 02:16

ნამცეცუნამ უკვე აღნიშნა და მეც გავიმეორებ, ჯავახეთში, ფარავნის ტბასთან ერთადერთი ღია ტრაპეზია, რომლის ანალოგი არ მოიძებნება მსოფლიოში:

აქ ყოველ წლის 1 ივნისს, წმინდა ნინოს საქართველოში შემოსვლის დღის არსანიშნავად აღევლინება წირვა.

ნინი_85 · Post by **ნინი_85** » 06 ივნ 2008, 02:44

ტრაპეზის ცოტა მოშორებით არის მამათა მონასტერი, სადაც მსახურობენ ბერები. მონასტერს აქვს მცირე ზომის ეკლესია, მონასტრის ეზოშივე, სადაც აღევლინება სადღესასწაულო ლიტურგია ღამისთევით.

როდესაც ჩვენი ჯგუფი ჩამოვედით, მონასტერთან უკვე საკმაოდ იყო მომლოცვეკლები მოგროვილი. წმინდა ნინოს გზის ჯგუფს, რომელსაც შეადგენდნენ საპატრიარქოს სკოლის მოსწავლეები, კარვები გაეშალათ.

ნინი_85 · Post by **ნინი_85** » 06 ივნ 2008, 03:09

მე ჯგუფს გამოვეყე და ტბისკენ გავემართე, გზაში ლეგენდამ დამიმესიჯა, გზა დამილოცა და თან მოაყოლა, ნამცეცუნას რომ ნახავ მილოცვა გადაეციო, ხოდა...
2 ნაბიჯი არ მქონდა გადადგმული და აგერ აქვე, კიდევ ერთი კარველი აღმოვაჩინე, ძალიან გამიხარდა:

ნინი_85 · Post by **ნინი_85** » 06 ივნ 2008, 03:34

ნამცეცუნას უკან უნივერსიტეტის ჯგუფის მედიკი რომა ლომიდძეა, საკმაოდ წარმატებული ფოტოჟურნალისტი, ბევრი საინტერესო ფოტო გადაიღო გზაზე და მისი ნებართვით მოგვიანებით რამდენიმეს დავდებ.

მე და ნამცეცუნამ ვისაუბრეთ, ვისეირნეთ და ჩვენს ჯგუფებს მივაკითხეთ. საღამოვდებოდა.

ნინი_85 · Post by **ნინი_85** » 06 ივნ 2008, 03:35

საღამოს მლოცველები ტაძარში შევიკიფენით, ხალხი თანდათან ემატებოდა, ბოლოს კი ტაძარი გადაივსო და ლოცვაც დაიწყო. ცოტა ხანში კიკი და ნინუცა აღმოვაცინე ჩემს გვერდით. დღის განმავლობაში რამდენჯერმე დამირეკა კიკიმ და მითხრა რომ ის და ნინუცა მოდიოდნენ თბილისიდან თავიანთი გზით, ახალციხის გავლით.

ტაძარში გაირკვა საინტერესო ამბები, კერძოდ როგორ ეძებდნენ ნინი_85 ს მთელს ბანაკში და ვერ მიაგნეს, დეტალურად ამ ამბის მოყოლას მათ მივანდობ

ნინი_85 · Post by **ნინი_85** » 06 ივნ 2008, 03:36

დილით ადრე გავემართეთ წირვაზე დასასწრებად, სუსხი იყო, საკმაოდ ციოდა.
დაიწყო სადღესასწაულო წირვა:

ნამცეცუნა, კიკი და ნინუცა უკვე იქ დამხვდნენ:

ნინი_85 · Post by **ნინი_85** » 06 ივნ 2008, 03:53

წირვას ატარებდა ახალქალაქისა და კუმურდოს მიტროპოლიტი ნიკოლოზი და ცხუმ-აფხაზეთის მიტროპოლიტი დანიელი. მეუფე დანიელმა გვაზიარა მომლოცველები, წირვის ბოლოს კი ორივე მეუფემ დაგვლოცა და ჩვენც გავუდექით გზას წმინდა ნინოს ჯვრით ხელში.

კიკი და ნინუცა ადრე წავიდნენ, ნამცეცუნამ გაგვაცილა.

ჯგუფის წევრები ერთ მწკრივში მოვეწყეთ და დავიწყეთ მსვლელობა, შევუდექით წმინდა ნინოს გზას.თითოეულ წევრს გვქონდა ფსკვნილი, იგივე კრიალოსანი, რომელზეც უნდა გველოცა მთელი გზა, არ უნდა გვესაუბრა ერთმანეთთან, გამოგვერთო მობილურები. გოგოებს უნდა ცმოდათ მხოლოდ ქვედაბოლოები და თავზე თავსაფრები, ბიჭებს შარვლები. ვინაიდან ქუდები და მზის სათვალეები არ გვქონდა მზის დამცავმა კრემებმა ვერ გვიშველეს და პირველივე დღეს ყველას დაგვეწვა სახე.

ilia · Post by **ilia** » 06 ივნ 2008, 09:36

გააგრძელე

Katy · Post by **Katy** » 06 ივნ 2008, 13:28

mec ise davinteresdi am reportajit rom moutmenlad velodebi gagrzelebas!

kiki · Post by **kiki** » 06 ივნ 2008, 13:53

აი მეც მოვედი............

ეხლა ვეცდები ჩემი შთაბეჩდილებები გაგიზიაროთ:)

ჩვენ 4-ნი ანუ მე, ნინუცა, ნამცეცუნა და ნინი-85 სხვადასხვა გზით მოვხდით ფოკაში და ნინოობას ერთად შევხვდით დალოცვილ მიწაზე. შესბამისად ყველას სხვადასხვა თავგადასავლები გადაგვხვდა.......

namcecuna · Post by **namcecuna** » 06 ივნ 2008, 14:03

ნინი, გენაცვალე

როგორ მესმის შენი აღმაფრენა რომ იცოდე, უბედნიერესი დღეები გქონდა -თუნდაც ცოტა, მაგრამ, ძალიან მადლიანი.
წმინდა ნინოს გზაზე რომ დადიხარ-თურმე იგი ფეხდაფეხ დაგყვება და ყველა გასაჭირს შენთან ერთად იზიარებს. შარშან ისეთი საოცრებები ხდებოდა მთელი გზის განმავლობაში, ყველა ვგრძნობდით წმიონდანის მფარველობას ....
დაუვიწყარი დღეებია, სამწუხაროა რომ მეტხანს არ გაგრძელდა თქვენი მსვლელობა...
პატარები ილოცებენ საქართველოსთვის

წელსეს გზა მეოცედ დაიწყო და განსაკუთრებული იქნება

სოფლებში ფილმებს აჩვენებენ მოსახლეობას, რამდენჯერმე ნიკა მემანიშვილი ჩაატარებს თავის მცირე ორკესტრთან ერთად პატარა კონცერტს.
პირველი კონცერტი ფარავნის პირას უკვე იყო და ძალიან სასიამოვნოდ ააჟღერეს ოსტატებმა საკრავები

საღამოს ფოტოებით შეგეშველები, ნინი

გააგრძელე შენ მოყოლა, მუთმენლად ველი ფოკიდან თქვენი გასვლის შემდეგ როგორ მიდიოდა გზა

GAMARJOBA SAKARTVELO

namcecuna wrote:
სოფლებში ფილმებს აჩვენებენ მოსახლეობას, რამდენჯერმე ნიკა მემანიშვილი ჩაატარებს თავის მცირე ორკესტრთან ერთად პატარა კონცერტს.
პირველი კონცერტი ფარავნის პირას უკვე იყო და ძალიან სასიამოვნოდ ააჟღერეს ოსტატებმა საკრავები

ნიკა 3ში ჩამოვიდა ტიფლისში და რამდენიმე კონცერტი მართლაც ჰქონდა.
შუბლი ჰქონდა მზისგან დამწვარი და კიდევ, სასიამვნო შთაბეჭდილებებიდან ვერ გამოდიოდა.
აი, ცუდი გზის გამო კი, თავბედს იწყევლიდა.

ნინი-85

ღამე სად ჩერდებოდით?
იქვე ტბასთან თუ ადგილს იცვლიდით?

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS