მთელი დღე ვფიქრობდი, ნეტა თემა გაიხსნა, თუ არა მეთქი
. მართლა დაუვიწყარი გასვლა იყო, ამინდის მიუხედავად. ნისლმა, წვიმამ და თოვლმა ვერ შეძლო შთაბეჭდილებების გახუნება, მართლაც ამინდა რა მნიშვნელობა აქვს, როცა ისეთ მადლიან ადგილას ხარ?
სურათები კიდევ იქნება, რა თქმა უნდა, თუმცა მეტნაკლებად ერთნაირი ხედებით, მაგრამ მოგვიტევეთ, თავად ითხოვთ.
მე მაგალითად გერგეთის მილიონი სურათი რომ ვნახო ერთად, არ მომბეზრდება. თემიდან გამომდინარე, ზვიოს ყელგამოწეული ვთხოვ გოგას მიერ დადებული პირველი ანარეკლებიანი ფოტოს მისეული ვარიანტი დადოს, როგორც მახსოვს, ზვიომ რომ გადაიღო, მაშინ ნისლი გაფანტული იყო და ანარეკლში უფრო კარგად ჩანდა გერგეთი. თუმცა ნისლიანი საბურველითაც არანაკლებ ლამაზია გოგას ფოტოზე
.
ახლა თავად ლაშქრობაზე. იმდენად მინდოდა წასლა, რომ ბოლო მომენტამდე მეშინოდა, რამეს არ შეეშალა ხელი. ძალიან დამწყდა გული რომ ნაწილი სიიდან ამოეწერა. 7 საათზე სამთო ქიმიასთან გასაცილებლად ნამცეცუნა, ლეგენდა, ილია და მეკო რომ მოვიდნენ, (მაშინ როცა ჯერ წამსვლელების ნახევარი არ იყო ადგილზე), გამცილებლები რიცხვით გვჭარბობდნენ და ვხუმრობდით ხელისმოსაკიდებელი ადგილი აღარ დაგვრჩა-თქო ვხუმრობდით
ყაზბეგში ღამის 11 საათისთვის ჩავედით. ამ გასვლის უდიდესი მინუსი ის იყო, რომ ღამით ვიმგზავრეთ (გზის ჩაკეტვის გამო სხვანაირად არც შეიძლებოდა) და ჯვრის უღელტეხილისა ულამაზესი ხედებით ვერ დავტკბით. თავი ზღაპარში მეგონა, ჩამოწოლილი ზვავის ორ და ზოგან სამმეტრიან ჯებირებს შორის რომ გვიწევდა გაძრომა, გელოდიმ ის ზვავიც გვანახა, ორი კვირის წინ ყაზბეგის მიმართულებით დაგეგმილი მაგრამ გუდაური-ვარძიაში განხორციელებული ლაშქრობის დღეს რომ ჩამოწილილა. შთამბეჭდავი იყო.. კარგად გადავრჩენილვართ
გელოდიმ მიგვიყვანა თავის მყუდრო, საკმაოდ კომფორტულ, 4 (!) ოთახიან ბინაში, სადაც კი არ თბილოდა, ცხელოდა. ყველამ აღნიშნა, რომ პირველად ნახა სადარბაზოში გათბობა, სადაც წუთში გააშრეს დასველებული ტანსაცმელი. დავბინავდით, ვივახშმეთ, მერე მასპინძელმა დაგვტოვა და თავის სოფელში გორისციხეში წავიდა მშობლებთან. ნინია-გოგოს და წამოსვლის სხვა მსურველების საყურადღებოდ, ვისაც საძილე ტომარა არ ჰქონდა და იმიტომ შეიკავა თავი: ნეტა წამოსულიყავით, უამრავი საბანი და ლეობი დაგვხვდა ბინაში
,ზვიოს მინუსს მიშას სართულებად დაწყობილ საბნებზე принцеÑÑа на горошине-სავით ეძინა. მაინც შეგვაღონა თავისი მეფურ წარმომავლობაზე საუბრით თავი და მუხუდოს მარცვალი რომ გვქონოდა, ხომ გაირკვეოდა მისი ცისფერსისხლიანობა მითია თუ რეალობა
დილით რომ გავიღვიძე და ფანჯრიდან გავიხედე, გავოგნდი: ნისლში გახვეული ბუმბერაზი, თოვლის ლაქებით აჭრელებული მთები. მაშინვე ვაჟა-ფშაველას "ნისლი ფიქრია მთებისა" გამახსენდა.
ესეც ჩვენი მასპინძლის სახლი, ამ მთების ფონზე