რკონი სექტემბერში

Bernar · Post by **Bernar** » 07 მარ 2008, 23:34

ასე ორი-სამი კილომეტრის გავლის შემდეგ უკან დაბრუნება გადავწყვიტეთ. ერთი იმიტომ, რომ საღამოს ჩვენს მეგობარს კვლავ უნდა შევხვედროდით და მეორე - ბილიკი უკვე მაღლა ფერდობს აუყვა და მდინარესაც დაშორდა.
ერთ ადგილას მდინარე კარგად გუბდებოდა, ჰოდა ცოტა ბანაობა არ იყო ცუდი იდეა. ასე რომ ნელ-ნელა შევიპარეთ მდინარეში: წყალი საკმაოდ ცივი იყო, მაგრამ მაინც ვიბანავეთ და ძალიანაც ვისიამოვნეთ. თითქოს მთელი დღის დაგროვილი დაღლილობა ამ ერთმა ბანაობამ ჩამოგვაშორა მხრებიდან.

მალევე მივედით რკონში და ჩვენს მეგობართან ერთად ბურთიც გავაგორეთ: კარგა ხანი არცერთს არ გვქონდა ფეხბურთი ნათამაშები.
და ბოლოს ამ კაი ამბებში საღამოც მოვიდა. ჩვენ დავემშვიდობეთ ექსკურსიანტებს და ჩვენს ''ქოხში'' გავემართეთ სადაც ტკბილი ძილით დავიძინეთ.

legenda · Post by **legenda** » 08 მარ 2008, 10:01

ყოჩაღებო....

Bernar · Post by **Bernar** » 08 მარ 2008, 14:51

გათენდა მომდევნო დილაც. ქარიანი დილა გამოდგა. თან ეტყობოდა, რომ ქარი ჩადგომას არ აპირებდა: მეტიც ალბათ კიდევ უფრო გაძლიერდებოდა.
ეს ჩვენი ბანაკი დილით:

[/img]

აქ ჭადრაკს ვთამაშობთ და ჩაისაც ვყლურწავთ

[/img]

სამწუხაროდ დღესვე უნდა დაგვეტოვებინა ეს ადგილები.

ქარიც გვიწყობდა ამაში ხელს.
ასე რომ უხალისოდ ავაშალეთ ჩვენი ბანაკი, მივასუფთავეთ იქაურება და ნელ-ნელა დავადექით გზას...

Bernar · Post by **Bernar** » 08 მარ 2008, 14:59

გზად სოფელ ჩაჩუბეთის ქვემოთ კლდეებია და ამ კლდეებში უამრავი გამოქვაბულია. ერთერთი მათგანი კი დუღაბითაა ნაშენი. აი ამ გამოქვაბულში გვინდოდა მე და მერაბს აძრომა და იქაურობის ნახვა.
აი ეს სურათი და მიხვდებით რომელ გამოქვაბულზეა საუბარი:

[/img]

[/img]
ზურგჩანთები იქვე დავალაგეთ და შევყევით კლდეს. ჯერ პატარ-პატარა გამოქვაბულები მოვინახულეთ და ბოლოს მივადექით დუღაბით ნაშენსაც. მაგრამ ბოლომდე ასავლელად საკმაოდ ციცაბო და შლადი კლდე იყო ასასვლელი, რომლის ქვემოთაც კაი ხელა ჩასავარდნი იყო. კარგა ხნის ჭოჭმანის შემდეგ აღარ გავრისკეთ და უკან დავბრუნდით.

Bernar · Post by **Bernar** » 08 მარ 2008, 15:02

და ბოლოს თამარის ციხე ახლა უკვე საპირისპირო მხრიდან:

[/img]

ეს იყო და ეს ჩვენი მცირე მოგზაურობა პატარა სამოთხეში სადაც ვიმედოვნებ კიდევ ბევრჯერ მოვხვდები.

N67 · Post by **N67** » 09 მარ 2008, 01:15

Bernar,

შენ გაიხარე

როგორ მენატრება იქაურობა...

დარწმუნებული ვარ ერთი გემრიელი ჩახტომა ჩემ სახელზე იქნებოდა თეძამში

ფოტოები კაი იყო და ამბით დამშვენებული - კიდევ უკეთესი

Bernar · Post by **Bernar** » 09 მარ 2008, 19:36

N67, და რო იცოდე როგორ ჩავხტი!
ძლივს ამოვედი იქიდან: ძაან ცივი იყო წყალი.
სხვათაშორის საბანაოდ კარგი ადგილი იყო: შეგეძლო ერთი-ორჯერ მხარულიც მოგესვა .

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS