კარავი

კვირას, 14 ოქტომბერს, მე და ჩემი ახლობლები მარტყოფის ღვთაებისკენ გავემართეთ. გადაწვეტილება სპონტანურად მივიღეთ შაბათს ღამით, ამიტომ სატრანსპორტო საშუალება აღარ დაგვიქირავებია, რეისის მარშუტკას გავყევით სამგორიდან სოფელ ნორიომდე, იქიდან კი იმავე მძღოლს ფული დავუმატეთ და აგვიყვანა ტაძრამდე. ძალიან ადვილი მარშრუტია და, რაც მთავარია, ძალიან ახლოა თბილისიდან. ღვთაებაში კი ვიყავი ნამყოფი, მაგრამ შემოდგომის ფერებით შემოსილმა მაინც გამაოცა და მომხიბლა; მაგრამ როგორც ჩანს, არა მარტო მე და ჩემი ახლობლები, რადგან იქაურობა ხალხით იყო სავსე, 4 თუ 5 ავტობუსი და უთვალავი სამარშუტო ტაქსი დავთვალე. და რაც ყველაზე სამწუხაროა, ქეიფის შემდეგ გარემოს დასუფთავებაზე ეტყობა, არავინ ზრუნავს. ნამდვილად აკლდა კარველების ხელი, თიკო_რ-ს ხელმძღვანელობით. ერთ-ერთ თემაში კარავზე ვიღაც კითხულობდა, თუ სად არის შემოდგომა ყველაზე ლამაზი. თამამად შემიძლია დავასახელო ღვთაება. ასე რომ ვინც წელიწადის ამ დროს აქ არ ამოსულა, შეგიძლიათ ესტუმროთ, ნამდვილად არ წააგებთ. ხალხმრავლობა ნუ შეგაშინებთ, მარტყოფელის სვეტისკენ მიმავალი ტყე საკმაოდ დიდია და ყველას დაიტევს.

ახლა სურათები...

გზაში:

ღვთაების შესასვლელი



კომპლექსის მთავარი ტაძარი

მაცხოვრის გამოსახულებები

ტაძრის ინტერიერი



წმინდა ნინოს მირონმდინარე ხატი



ანტონ მარტყოფელის საფლავი



საკურთხევლის კარის დეტალი

მართლაც ლამაზია მარტყოფის ღვთაების მონასტერი

სწორედ აქ ამ მონასტერში ერთ-ერთ კელიაში მოკლეს საქართველოს კათოლიკოს პატრიარქი კირიონ საძაგლიშვილი

ბერების წმინდა ნაწილები


კომპლექსში შემავალი მეორე ტაძარი, რომელიც წმინდა გიორგის სახელობისაა

ფრესკები წმ. გიორგის ტაძარში, მართალია ახალი მოხატულია, დაახლოებით 20 წლის, როგორც წინამღღვარმა მამა ბენიამინმა გვითხრა, მაგრამ ამის გამო არანაკლებ საინტერესოა. სხვათაშორის მამა ბენიამინს ძალზე ახარებს ტაძარში სტუმრიანობა. ყველას დაუზარელად უხსნის მის ისტორიას და უკითხავს ქადაგებას მართლმადიდებლური სარწმუნოების შესახებ.

წმ. გიორგის ბორბალზე წამება



მაცხოვრის შობა

ფონზე ჩანს სვეტი, სადაც ერთ-ერთმა ასურელმა მამამ, ანტონ მარტყოფელმა 15 წელი მარტოდმარტომ გაატარა ლოცვაში. ამიტომაც დაერქვა იქაურობას მარტყოფი. მანამდე აკრიანის მთას უწოდებდნენ.


ანტონ მარტყოფელი

lama wrote:მართლაც ლამაზია მარტყოფის ღვთაების მონასტერი

სწორედ აქ ამ მონასტერში ერთ-ერთ კელიაში მოკლეს საქართველოს კათოლიკოს პატრიარქი კირიონ საძაგლიშვილი

მართალი ხარ, თუ არ ვცდები ამ კელიაში (სადაც მარტყოფელის ხატია კედელზე) იპოვნეს ტყვიით განგმირული კირიონ კათალიკოსი. ბაღის სიმწვანემ არ დაგაბნიოთ ეს სურათი მარტყოფში ზაფხულში სტუმრობისას არის გადაღებული.

Mta Mkvarebia wrote:

ფრესკებს აშკარად ეტყობათ გავლენა სვანური იკონოგრაფიული სკოლისა

ეს უკვე ტყის გავლით ავდივართ სვეტზე, რომელიც უკანა ფონზე ჩანს კიდეც

აი ის სვეტი ახლოდან

ეს უკვე ხედი ღვთაებაზე სვეტიდან. ისეთი სილამაზე იშლება თვალწინ გაოცდებით.