კარავი 21 წლის გახდა და ჯერაც ცოცხალია! და თქვენ "კარველებო", ცოცხლები ხართ?

ამ შაბათ-კვირას მშვენიერი ამინდები იყო. ჰოდა, კვირას, 30 სექტემბერს თავი მოვუყარე მეგობრებს და ჩემი მანქანით გავწიეთ კახეთისკენ.

წავედით 3 კარაველი: მე, მეკო და თამარა და კიდევ 3 პლიუსი (მანქანაში სიხალვათე ნამდვილად არ იგრძნობოდა )

თავდაპირველად გავჩერდით იყალთოში. როგორც იცით, იყალთოს მონასტერი მდებარეობს თელავიდან 7-8 კმ-ში და დაარსებულია V-VI საუკუნეში. XI-XII საუკუნეში აქ მოღვაწეობდა არსენ იყალთოელი, რომლის სახელსაც უკავშირდება აკადემიის დაარსება. აკადემია განადგურდა მე-17 საუკუნის დასაწყისში შაჰ აბასის ლაშქრობების შედეგად.

სამონასტრო კომპლექსი შედგება 3 ეკლესიისგან: ღვთაება, ყველაწმინდა და სამება.

ღვთაების ეკლესია

არსენ იყალთოელის საფლავი

აკადემიის ნანგრევები

წარწერა აკადემიის კედელზე:

(ცუდი ხარისხია, მაგრამ მაინც უნდა დავდო)

აკადემიის ნანგრევებში მიწაში ჩაფლული ქვევრები და უზარმაზარი საწნახელები ვიპოვეთ

(ეძღვნება ქვევრს

ამ ეკლესიის სახელი ვერ გავარკვიე. ან სამებაა ან ყველაწმინდა (თუ ვინმემ იცის დაწეროს).

იგივე ეკლესიის აღმოსავლეთ ფასადი

(ხომ არ იცით ვინ შეიძლება იყოს აქ გამოსახული?)

ღვთაების გუმბათი

მონასტერში შესასვლელი

(პს. სავსე იყო იქაურობა მნახველებით. ჩემდა სასიხარულოდ, ამჯერად ქართველები სჭარბობდნენ )