კარავი

სტეფანწმინდის ხედი

მონასტერში პატარა აუზი აქვთ კალმახებით სავსე.

ქვემოთ ისევ ბილიკებით დავეშვით, მაგრამ მეორე მხრიდან, აქ უფსკრულების ნაცვლად (ასვლისას რომ შეგვხვდა) მინდორი და თივის ზვინები იყო და სულ კოტრიალ-კოტრიალით შეიძლებოდა ჩამოსვლა

დამშვიდობებისას კიდევ გადავიღე გერგეთისა და მყინვარის ხედები

ბილიკზე მოარული გავმხდარვარ. ახლა მივხვდი, ეს ტიტული 50 პოსტის მერე ენიჭებათ?

ისე რაც მე ბილიკებზე ვიარე ამ ზაფხულს... ხალხს კი ეგონა მარტო შპილკებზე სიარული შემეძლო

Mta Mkvarebia
გილოცავ!
აი ბევრს რომ დადიოდი ბილიკებზე მიტომაც გაგხადა დიდმა გვალვამ "ბილიკზე მოარული", ეხლა კლდეებზე თუ დაიწყებ სიარულს "კლდეზე მოარულს~ გაგხდის

გავუდექით გზას დარიალისკენ. მაგრამ ამინდი გაფუჭდა, აცივდა, ნისლი ჩამოწვა. თითქმის არაფერი ჩანდა. გავჩერდით იოანე ნათლისმცემლის ნიშთან

ერთი ეს მითხარი, ზემოთ რომ წერ, რომ მონასტერში აუზიაო კალმახებით სავსეო, თეთრი თევზები ჩანან და ეგ ალბათ მოხარშული კალმახები ყავთ არა??? თორე მე აქამდის არ გამეგონა თეთრი კალმახის ამბავი

Qurumi
როგორც მითხრეს ისე გადმოგეცით. მაპატიეთ თუ შევცდი... ასეთი შეცდომები მაშინ აღარ მომივა, როცა მეთევზეობის შენნაირი ქურუმი გავხდები.

ხეობაში ნისლი დაბლა იწევდა. სულ ცოტაც და რაღაცამ გამოანათა. ნისლს ზემოთ მზით განათებული ჭაუხი გამოჩნდა, წარმოუდგენელ სიმაღლეზე, იქ , სადაც ღრუბლების მეტი არაფერი გგონია. ძალიან შთამბეჭდავი იყო. ხალხი გაგიჟდა. სურათზე ასე ეფექტური არ არის, თითქმის არც კი ჩანს.

ჩემთვის სამწუხაროდ, ეს იყო ბოლო ფოტო, რაც გადავიღე. ტელეფონი დამიჯდა. ასე რომ დარიალის ხეობის ჩანგრეული გზა და ბეწვის ხიდი რომელიც მონასტერში გადადის ვერ გადავიღე. შემდეგ უკან დავბრუნდით. ფასანაურში სახინკლეში შევედით, აქ დეტალურ თხრობაზე თავს შევიკავებ. შინ დაახლოოებით 1 საათზე დავბრუნდით.

ჩემთვის დაუვიწყარი დღე იყო.. და არა მარტო ჩემთვის, ჩემთან ერთად მყოფი ყველა ადამიანისათვის. თუ თქვენც დაგაინტერესათ, წაიკითხეთ ან დაათვალიერეთ, მადლობის მეტი რა მეთქმის.

Qurumi wrote:ერთი ეს მითხარი, ზემოთ რომ წერ, რომ მონასტერში აუზიაო კალმახებით სავსეო, თეთრი თევზები ჩანან და ეგ ალბათ მოხარშული კალმახები ყავთ არა??? თორე მე აქამდის არ გამეგონა თეთრი კალმახის ამბავი

მართლა კალმახებია ახლახანს ვიყავი და მეც გამიკვირდა, ასეთი კალმახი არ მენახა. მოთეთრო-მოყვითალო იყო ზურგზე წითელი წინწკლებით