ლაშქრობა სამცხეში 5-13 აგვისტო 2007

Archil · Post by **Archil** » 16 აგვ 2007, 16:34

იქნება სურათები, გადმოვტვირთე უკვე და...

Naia · Post by **Naia** » 16 აგვ 2007, 20:05

უმაგრესი სურათებია

lama · Post by **lama** » 17 აგვ 2007, 12:45

აწი ჩვენი არჩილი დადებს კარგ ფოტოებს

Archil · Post by **Archil** » 17 აგვ 2007, 15:39

კაი დავიწყოთ თავიდან.

შევიკრიბეთ დიდუბის ავტოსადგურში, როგორც წესი თავის დროზე მხოლოდ რამოდენიმე მოვიდა. 11-ის ნახევრისთვის უკვე ავტობუსიც და თითქმის ყველა მონაწილეც მოსული იყო

აი, ასეთი სიურპრიზი გველოდა - მიდი ეხლა და არჩიე, რომელია მერი და რომელი მარი

Archil · Post by **Archil** » 17 აგვ 2007, 16:01

ბარგის ჩალაგება, გამცილებლებთან დამშვიდობება, მარშუტის დაზუსტება და ჩვენ უკვე გზაში ვიყავით. ავტობუსში კონდიციონირება საკმარისად ვერ აგრილებდა და კარებში ბოთლის ჩაყოლების პრაქტიკამ გადაგვარჩინა. სულ უკანა სავარძელზე საწოლი ნომრებიც გაიჩითა და ასე ვმგზავრობდით. ბორჯომის ხეობაში შესვლამ საგრძნობლად გამოასწორა მდგომარეობა, აგრილდა, აწყურის ციხეც გამოჩნდა. ასე ნელ-ნელა მივუახლოვდით ახალციხეს. გადავიარეთ ხიდი და ასპინძისაკენ გავეშურეთ.

ასპინძაში წყლის დასალევად შევჩერდით.

ასპინძა "ქართული" სოფელია, . გაუტეხელები და ძლიერი ქართველებით დასახლებული. ჩვენ რომ ვიყავით, გზას აკეთებდნენ, მალე იქნებაო, იმედიანად გვითხრეს, იმედით შესცქეროდნენ ამ გზას.

ამ მიდამოებში 2000 წელს ვიყავი, რაღაცას ეკონომიკის დარგში ვკითხულობდი სემინარებზე ამ მხარეში. ეხლა შეცვლილად მეჩვენა, სულ სხვა დამოკიდებულება და თვალებში სხვა გამოხედვა ჰქონდათ იქაურებს, უფრო ძლიერი და იმედიანი. უფრო მეტი სიძლიერე იგრძნობოდა მათ საუბარში და სიმტკიცე. რამოდენიმე წლის წინაც გაუტეხელნი იყვნენ, მაგრამ მაშინ დაჩაგრულის მდგომარეობა იგრძნობოდა მათ ხმაში, მხარში დგომა სჭირდებოდათ, ეხლა კი გამიხარდა მათი იმედიანი მზერა.

წყალი გემრიელი იყო, გაგვახალისა, დაგვანაყრა, გერმანელ სტუმრებს დარიგებები მივეცით: აქ ბატონო საკუთარ თავს უნდა მიხედოთ, თორემ დარჩებით ისე თქო და ცივი წყალი დავალევინეთ - პირდაპირი მნიშვნელობით

Archil · Post by **Archil** » 17 აგვ 2007, 17:44

სულ დამავიწყდა მეთქვა, კარლოს მისი გერმანელი მეგობრის ქალიშვილი კალმეა და მისი დაქალი იანთეა ჰყავდა წამოყვანილი. კალმეა ეხლა ხდება 20 წლის. სასიამოვნო გოგონები იყვნენ, მალე ქართულად მადლობა, დილა მშვიდობისა და სხვა სიტყვები აითვისეს

gobe · Post by **gobe** » 17 აგვ 2007, 17:48

ჩემი ფირმა ჩართულია ასპინძის წყალმომარაგების პროექტში

უკაცრავად დაუკაკუნებლად შემოჭრისათვის.

გავიჭერი.

Archil · Post by **Archil** » 17 აგვ 2007, 17:54

ასპინძIდან ცოტა გზის გავლის შემდეგ ხერთვისის ციხეც გამოჩნდა. ჩემი ფოტოაპარატით მოძრავი ავვობუსიდან გდაღება ცოტა არ იყოს რთულია, მაგრამ მაინც მოვახერხე ამ დიდებული და ძლიერი ციხის გადაღება.

აქ გზა ორად იყოფა, მარცხნივ წახვალ, ახალქალაქში, ნინოწმინდაში მოხვდები, მარჯვნივ წახვალ, ვარძიაში მოხვდები. ამ სურათIდანაც ჩანს, რომ ჩვენ მარჯვნივ გავუხვიეთ.

gobe · Post by **gobe** » 17 აგვ 2007, 18:00

Archil,
შეცდომაა (ამ შემთხვევაში): ხორნაბუჯის ციხე
სწორია: ხერთვისის ციხე

Archil · Post by **Archil** » 17 აგვ 2007, 18:10

gobe
ხომ იცი მაგენი ჩემთვის მოსული პონტია

გმადლობ, შევასწორე. შორს არ წახვიდე, კიდევ დამჭირდები

Archil · Post by **Archil** » 17 აგვ 2007, 18:31

გზაზე წინაპრების მიერ გაშენებული ტერასები გამოჩნდა. ამ მთიან მხარეში ვენახის და ხორბლის მოსაყვანად ტერასებს აგებდნენ და ზედ თესავდნენ და რგავდნენ. ტერასაზე წყლის შეკავებაც უფრო ადვილად ხდება, ნარგავის გაჩერებაც. ერთი სიტყვით წინგადადგმული ნაბიჯი იყო ეს მეთოდი სოფლის მეურნეობაში

Shot with COACH 1.0 at 2007-08-17

ასეთი ტერასები ბევრგან შეგვხვდა ვარძიის მიდამოებში სიარულისას

Archil · Post by **Archil** » 17 აგვ 2007, 20:04

ცოტა ხანში გზის მარჯვენა მხარეს თმოგვის ციხე გამოჩნდა

Shot with COACH 1.0 at 2007-08-17

Archil · Post by **Archil** » 17 აგვ 2007, 22:13

ქვემოთ მოჩანს თმოგვის ციხიდან წყალზე ჩასასვლელი გზა, მიუდგომელი მტრისათვის

Shot with Canon PowerShot S3 IS at 2007-08-17

Archil · Post by **Archil** » 17 აგვ 2007, 23:02

ცოტაოდენის გავლის შემდეგ მარცხენა მხარეს ვანის ქვაბები გამოჩნდა, შემდეგ უკვე ვარძიის ქვაბულები.

ჩამოვედით ავტობუსიდან, ჩამოვიღეთ ტვირთი. სიცხისგან და გზისაგან დაქანცულებს უპირველეს ყოვლისა დანაყრება გვჭირდებოდა. ვარძიის ფონზე, სუფთა ჰაერზე...

სახელდახელოდ გაშლილი სუფრას შემოკრებილთ ადგილობრივებმა ჩაგვიარეს, მივიპატიჟე, იქაური სასტუმროს მფლობელი გოჩა მაისურაძე აღმოჩნდა. დაგვლოცა, დავლოცეთ. ქართველი კაცის მასპინძლობა გაგვიხარდა, რატომღაც სომხებს ველოდი და ქართული სიტყვა გვეამა. ჩვენი ამბავი ვუთხარით, დაგვაკვალიანა, მიგვასწავლა საკარვე - დასაბანაკებელი ადგილები. სად რა გზა მიდიოდა, გვითხრა. უხაროდა ქართველი ადამიანის გამოჩენა თავის მხარეში.

სასტუმროს შესახებაც ვკითხე. ქართველისთვის 10 ლარი, უცხოელისათვის 10 დოლარიო დღეში. მასთან მობილურით დაკავშირებაცაა შესაძლებელი - 898 169915 სასტუმროს დაჯავშნისათვის ან სხვა რამისათვის.

აქვე გავიგეთ, რომ არაბებს შეუძენიათ ეს სასტუმრო

Shot at 2007-08-17

მე გული დამწყდა, უცხოური ინვესტიცია კარგია, მაგრამ იქ, სადაც ადგილობრივს არ შეუძლია რამე გაკეთოს, აქ კი ადგილობრივს შეეძლო მოევლო, მეტი შემოსავალი მიეღო და ამ დროს ფულის მისაღებად ვიღაც გადამთიელს მიყიდეს... ამაზე მერე ვარძიაზე ასვლისას ვიკამათეთ კიდევაც...

lama · Post by **lama** » 18 აგვ 2007, 11:55

მართლაც დაუვიწყარი იყო ეს მოგზაურობა

მიდი არჩილ განაგრძე

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS