კარავი 21 წლის გახდა და ჯერაც ცოცხალია! და თქვენ "კარველებო", ცოცხლები ხართ?

ჰოლანდიაში გახლდით მეგობრებო, მართალია ვიზიტი სამსახურეობრივი იყო და თანაც მეტად დატვირთული, თუმცა ერთმა ადგილობრივმა მეგობარმა სიურპრიზი მოგვიწყო, დილით უთენია დაგვადგა თავზე გამომგზავრების დღეს და კუნძულ ტექსელზე წაგვიყვანა და ქართველი მეომრების სასფლაო გვაჩვენა რომელიც საოცრად მოვლილია და ვარდებშია ჩაფლული.
თუ რატომ მოხდა 800 კაციანი ქართველთა რაზმის აჯანყება ალბათ თქვენთვის ცნობილია.
მათი უმეტესობა ფაშისტებთან ბრძოლაში დაიღუპა კუნძულზე.
რამდენიმე ფოტო კუნძულზე შევიძინე, რადგან ზემოდან არის გადაღებული და ვფიქრობ საინტერესო სანახავია.

კუნძული ტექსელი ზემოდან

სახმელეთო გზით მივდივართ და წინ აი ეს ქარის ,,წისქვილები" გვხვდებოდნენ, ბრუნავდნენ და ბრუნავდნენ...

ეს გახლავთ გემი გიგანტი რომლითაც გადავედით კუნძულზე, მანქანების შვიდი რიგი შედის და ისე მოძრაობს რომ საერთოდ რყევა არა აქვს.

ვუახლოვდებით კუნძულს, თოლიები მოგვაცილებენ

ეს ტექსელის ლანდშაფტია, ცხვრის ფარასთან ერთად რომელიც ძალიან დიდი პოპულარობით სარგებლობს,იყენებენ მატყლს,რძეს,ხორცს. ეს ცხვარი ჩვეულებრივი ცხვრისგან იმით განსხვავდება რომ დუმის მაგივრად კუდი აქვს

შიდა ნავსადგური სადაც ასეთი მშვენიერი პატარა იალქნიანი გემები დგას

ეს კი ნამდვილი ქარის წისქვილია, დონკიხოტი რომ აკლავდა თავს ისეთი

ქართველთა სასაფლაო, რომელიც ძალიან მოვლილია, შესასვლელზე ქართულადაც არის წარწერა რაც ძალიან მესიაამოვნა, ჭიშკარს რამდენიმე ქართული ორნამენტი ამშვენებს

ეს გახლავთ რამდენიმე სურათი,რომელიც მუზეუმშია გამოფენილი, ზემოთ მარცხნივ - რაზმის მეთაური ლოლაძე, მარჯვნივ - ლეიტენანტი მელიქია.

ეს კი უკანასკნელი ბასტიონი სადაც ქართველი ჯარისკაცები აფარებდნენ თავს

ხედი ზემოდან

მოვემგზავრებით უკან და ისევ თოლიები მოგვაცილებენ...
ცოტა არ იყოს სევდიანი გამომივიდა მონათხრობი