ხოფას მონასტერი + ჯვარპატიოსანი

Kakha · Post by **Kakha** » 22 მაი 2007, 16:08

შაბათს 19 მაიხხ, 2007 ვიყავი ხოფას მონასტრის სანახავად და გზად თელოვანის ჯვარპატიოსანიც მოვინახულე.

ვიყავით კარველებიდან მე, მჭრელი თვალი, ლუკა95 და კარვის მეგობრები ელისო და ნინო.

ხოფას მონასტერში კარვიდან ამ ზამთარს იყვნენ და ღამეც იქ გაათიეს. მინდა გითხრათ რომ არ ზაფხულ-გაზაფხულზეა ურიგო სანახავი.

ხოფას მონასტერი არის ახალგორთან, თბილისიდან 65 კილომეტრში. ახალგორის გზდიან კი სულ რაღაც 2 კილომეტრში.

ესაა ძალზე ლამაზი მეცამეტე საუკუნის ნამონასტრალი, ამჟამად მიტოვებული. კომპლექსში შედის თავად ტაძარი და სატრაპეზო. მონასტრამდე ორხიდიანი მანქანით არ უნდა გაგიჩირდეთ ასვლა. იქვე პატარა რუ მორაკრაკებს. წყაროს ვერ მივაგენი, მაგრამ მგონია, რომ ეს რუ შეიძლება კაცმა დალიოს.

გადასახვევი ხოფას მონასტრისაკენ არაფრითაა მონიშნული. სოფელ ოძისს რომ გაცდებით, დახლოოებით 2-3 კილომეტრში პატარა ხევი შეგხვდებათ და დაინახავთ გზას რომელიც შედის, ახალგოირსკენ მიმავლებისათვის მარჯვენა მახარეს. ეს ადგილი ასე გამოიყურება, მარჯვნივ რომ გზა მიდის იმას უნდა გაჰყვეთ

Kakha · Post by **Kakha** » 22 მაი 2007, 16:13

თავის დროზე აქ ბენზინგასამართი სადგური ყოფილა (ზაპრავკა) და თუ სწორედ გადაუხვევთ რამდენიმე მეტრში ბუჩქებიდან სადგურის ჩონჩხს დაინახავთ

Kakha · Post by **Kakha** » 22 მაი 2007, 16:18

გზა მალევე გადავა ხევის მარჯვენა ნაპირზე და მერე სულ აღმართ-აღმართ მიდის, ასე 2-2,5 კილომეტრზე. შემდეგ მიადგებით მონასტერს. აი ისიც

Kakha · Post by **Kakha** » 22 მაი 2007, 16:23

ტაძარი თავის დროზე მოხატული ყოფილა. ახლაცაა მხატრობის კვალი შემორჩენილი. ყველაზე კარგად მხატრობა სამხრეთის მონაშენშია შემორჩენილი. მანდვეა მზის გამოსახულება, რომელიც ეერთ-ერთმა კარველმა შემჩნია, მაგრამ ფოტო არ გადაუღო თავის დროზე. მზე ჩახტულია აფრის ნაწილში. შეჭვარტულია, მაგრამ მაინც ჩანს. აი ეს ფოტოც

Kakha · Post by **Kakha** » 22 მაი 2007, 16:26

აქ კი კარგად ჩანს თუ სადაა მზის გამოახულება

Kakha · Post by **Kakha** » 22 მაი 2007, 16:34

ხოფას მონასტრის ტაძარი იმითაცაა გამორჩეულ რომ შემორჩა ავთენტური მოხატული კანკელი, რაც არც თუ ისე ხშირად გვხდება ხოლმე სამწუხაროდ აი კანკელიც

Kakha · Post by **Kakha** » 22 მაი 2007, 16:43

კიდევ ერთხელ ტაძარი

დანარჩენი ხვალ

Post by **Gvalva** » 22 მაი 2007, 20:22

კახა, გაიხარე!!

ხოფას მონასტერზე ბევრი გვსმენია და კარგია რომ ასეთი საინტერესო აღწერა დადე.

მაგრამ განსაკუთრებით მომეწონა გადასახვევი რომ გადაგიღია და დადე, ეს როგორ ადრე ვერ მოვიფიქრეთ?

ეხლა რომ ლენინგორში წავიდე, დარწმუნებული ვარ ამ გადასახვევს ვიცნობ!

Makena · Post by **Makena** » 22 მაი 2007, 23:30

საინტერესო მონასტერი ჩანს, ნამდვილად არაფერი გამეგო ამ მონასტრის შესახებ, როგორც სურათებიდან ჩანს სერიოზულადაა დაზიანებული.
ფრესკებიც მეცამეტე საუკუნისაა თუ უფრო გვიანდელს ჰგავს?

Kakha · Post by **Kakha** » 23 მაი 2007, 09:32

Makena
დაზიანებები როგორ არაა, მაგრამ რესტავრაციაც აქვს გაკეთებული. არ ვიცი როდის, მაგრამ მგონია, რომ სადღაც 80-აინის დასაწყისში. მაგალითად სატრაპეზოს ჩაქცეული კამარა აღუდგენიათ და გადაუხურავთ ხელოვნური ლორფინებით (ლორფინი დიდი, ქვისგან გამოთლილი კრამიტია).

რაც შეეხება მხატვრობას ძეგლზე მიმაგრებული დაფაზე წერია რომ ისიც მეცამატე საუკუნისაა.

Kakha · Post by **Kakha** » 23 მაი 2007, 09:33

ეს კი სატრაპეზოა - ექსტერიერი

Kakha · Post by **Kakha** » 23 მაი 2007, 09:36

სატრაპეზოს ინტერიერი. ნიშს რომ ხედავთ მარჯვნივ ეგ საკურთხეველია რომელიც აღმოსავლეთით იყურება ცხადია. ზედა ფოტოზე ჩანს როგორც მინაშენი მარჯვენა მხარეს. ეტყობა რომ მერეა დამატებული

Kakha · Post by **Kakha** » 23 მაი 2007, 09:44

ახლა თელოვანის ჯვარპატიოსანში გადავინაცვლოდ. იგი მდებარეობს სოფელ ქსოვრისის ჩრდილოეთით, მინდორში. აქ ოდესღაც სოფელი ყოფილა სახელად თელოვანი, მაგრამ ამ სოფლიდან არაფერია შემოჩენილი გარდა ტაძრისა.

ყველაზე მარტივი საშუალებაა ჯვარპატიოსნამდე მისვლისა თუ სოფელში იკითხავთ როგორ მიხვიდეთ. ისე ტრასიდანაც კი ჩანს ტაძარი.

ტაძარი ნამდვილად მნიშვნელოვანია არქიტექტურული თვალსაზრისით და საკმაოდ ადრეულიც მერვე-მეცხრე საუკუნეებისა, ანუ როგორც ეძახიან გარდამავალი ხანისა.

იგი ტრიქონკის ტიპს მიეკუთვენება, ანუ აქვს სამი აბსიდი აღმოსავლეთით, სამხრეთით და ჩრდილოეთით. ასეთი ტიპი შედარებით იშვიათობაა, მაგრამ რამდენიმე დიდი კათედრალი სწორედ ამ ტიპისაა - მაგ. ბაგრატი, ალავერდი

გარდა ამისა ტაძარს უამრავი არქაული ნიშანიც გააჩნია, ძირითადად მის დეკორში გამოვლენილი. უფრო მეტი ჯვარპატიოსნის შესახებ შეგიძლიათ ამ სტატიაში ნახოთ

ცინცაძე ვ. თელოვანის ჯვარპატიოსანი (VIII-IX ს.ძეგლი) //ქართული ხელოვნება.-1959.-N5.-გვ.73-90.რეზიუმე ქართულ და რუსულ ენებზე.

კინაღამ დამავიწყდა - ჩვენ 19ში ვიყავით, და როგორც იქაურმა მწყემსებმა გვითსრეს ჯავრპატიოსნის დღეობა ეწყობა ხოლმე 20 მაისს. მოკლედ ცოტათი ავცდით

აი ასე გამოიყურება ჯვარპატიოსანი, როცა ქსოვრის მაღლა მინდორში გახვალთ

lama · Post by **lama** » 23 მაი 2007, 09:52

კახა დიდი მადლობა ასეთი ამომწურავი ინფორმავციისათვის და ასეთი ლამაზი ტაძრის გაცნობისათვის

ისა და ეგ ტაძარი ქსნის ხეუბაშია ხომ ??

Kakha · Post by **Kakha** » 23 მაი 2007, 09:54

ჰო, ქსნის ხეობაშია, მუხრანს რომ გაცდები შემდეგ სოფელი ქსოვრისია და მის ზემოთ დგას.

ეს კი უფრო დეტალური ხედი სამხრეთის ფასადზე

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS