ბარსელონა,მადრიდი, ვალენსია, პრაღა 19-28.04.2011

Mta Mkvarebia · Post by **Mta Mkvarebia** » 05 მაი 2011, 13:30

Palacio Marques de Dos Aquas-ერთერთი დიდგვაროვანი მარკიზის ამ სასახლეში ახლა კერამიკის მუზეუმია განთავსებული, სადაც ყველაფერია თავმოყრილი რაც კი ამ სფეროში ამ მხარეში შეუქმნიათ, მათ შორის პაბლო პიკასოს რამდენიმე ნამუშევარიცაა დაცული. გარდა კერამიკული ნიმუშებისა, სასახლის რამდენიმე დარბაზი იმ სახითაა დაცული რა სახიტაც მარკიზის დროს იყო. საძინებლები, სასტუმრო ოთახები, საბანკეტო და საცეკვაო დარბაზები. ერთერთ დარბაზში მარკიზის სამგზავრო ეტლებიც დგას.

მუზეუმი სისეტას გამო დაკეტილი დამხვდა, ამიტომ მის გაღებამდე ვალენსიის კათედრალური ტაძრის მონახულება გადავწყვიტე, რომელიც ვალენსიის მთავარ- რეინას მოედანზე მდებარეობს.

გზად რეინას მოედნისკენ.

.

Mta Mkvarebia · Post by **Mta Mkvarebia** » 05 მაი 2011, 13:38

ვალენსიის მტავარი მოედანი - რეინას მოედანი, რეინა ესპანურად დედოფალს ნიშნავს.

ვალენსიის ცნობილი კათედრალური ტაძარი

ბიბლიური გრაალის თასი. თურმე მსოფლიოში ოთხი თასია, რომელიც გრაალის თასობაზე აცხადებს პრეტენზიას. როგორც ამბობენ, ვალენსიის კათედრალურ ტაძარში დაცულ ამ თასს დიდი შანსი აქვს რომ ის ნამდვილი გრაალის თასი იყოს.

Mta Mkvarebia · Post by **Mta Mkvarebia** » 05 მაი 2011, 13:48

წმინდა მოწამე ვინსენტეს, ანუ ვინსენტე მარტირის წმინდა ნაწილი

კატედრალური ტაძრის მუზეუმი და მისი ექსპონატები

რეინას მოედნის უკან ორი ვიწრო ქუჩა გადის რომელიც კათედრალურ ტაძარს არტყამს წრეს და ვალენსიის არანაკლებ ცნობილი მოედნისკენ , ტურისტებისთვის ერთერთ საყვარელ ადგილისკენ Plaza de la Virgen-ისკენ მიდის. სწორედ ღვთისმშობლის სახელობის ამ მოედანზე მდებარეობს ვალენსიის ცნობილი შადრევანი.

Mta Mkvarebia · Post by **Mta Mkvarebia** » 05 მაი 2011, 13:56

Mta Mkvarebia · Post by **Mta Mkvarebia** » 05 მაი 2011, 14:05

მერე ისევ კერამიკის მუზეუმისკენ გავემართე

მუზეუმი უკვე ღია დამხვდა.

ეს ხუთი ნამუშევარი პიკასოსია.

Mta Mkvarebia · Post by **Mta Mkvarebia** » 05 მაი 2011, 14:11

როგორც ზემოთ ვწერდი სასახლეში მხოლოდ კერამიკული ნიმუშები არაა გამოფენილი, არამეტ მხატვრული ტილოები, , მარკიზის სახლის პირადი მოხმარების საგნები, სამგზავრო ეტლების ჩათვლით, და რამდენიმე დარბაზი თავდაპირველი სახითაა შემონახული:

Mta Mkvarebia · Post by **Mta Mkvarebia** » 05 მაი 2011, 14:23

შემდეგ გავაგრძელე ვალენსიის ქუჩებში ხეტიალი.
გადავწყვიტე ქალაქის კიდევ ორი ღირშესანიშნაობა - მერკადო ცენტრალი (Mercado Central) - ცენტრალური ბაზარი და ლა ლონხა დე ლა სედა (Lonja de la Seda) ანუ ძველი აბრეშუმის ბირჟა მენახა. ეს უკანასკნელი იუნესკოს დაცული ძეგლების ნუსხაში შედის.
ისევ ღვთისმშობლის მოედნისკენ და შადრევნისკენ გავემართე რომ იქიდან უფლო საინტერესო ვიწრო ქუჩებით ჩავსულიყავი დანიშნულების ადგილისაკენ.

მერკადო ცენტრალი რომ დაკეტილი იქნებოდა ვიცოდი, რადგან ბაზრობა მხოლოდ დღის პირველ ნახევარში მუსაობს, და მის გარედან დატვალიერებას ვაპირებდი. მაგრამ სამწუხაროდ ლოხნა დე ლა სედა - აბრეშუმის ბირჟაც დაკეტილი დამხვდა

, წესით ორშაბატს უნდა ყოფილიყო მუზეუმში დასვენება და იმ დღეს ანუ სამსაბათს ღია უნდა დამხვედროდა, მაგრამ რადგან წინა დღე დღესასწაული იყო (წმინდა ორშაბათი), დასვენების დღე სამშაბათისთვის გადმოუტანიათ

. ამიტომ ეს ძეგლიც მხოლოდ გარედან დავათვალიერე.

აბრეშუმის ბირჟის შენობის დეტალები

აბრეშუმის ბირჟის შენობის მოპირდაპირე მხარეს მდებარეობს Iglesia de Santos Juanes, გოთიკური ეკლესია ბაროკოს სტილში შესრულებული ფასადით.

ესეც მერკადო სენტრალის ფასადი:

guruli · Post by **guruli** » 05 მაი 2011, 14:48

ვოუვ - ყველაფერი ხომ მშვენიერია და გადასარევი, მაგრამ მონსერატის მთის ხედებმა, სამეფო ბოტანიკური ბაღისა და რეტიროს პარკის ფოტოებმა ბეჭებზე დამცა!

მოკლედ, მაგრები ხართ რა!!!

Mta Mkvarebia · Post by **Mta Mkvarebia** » 05 მაი 2011, 14:52

მერე ერთ-ერთ ქუჩაზე ერთი სახლის საძებრად გავემართე. მაგ სახლის ფოტო წასვლამდე ფლიკრზე ვიპოვე და მომინდა მისი ცოცხლად ნახვა. მაგრამ ქუჩის სახელმა დამაბნია, ეტყობა ორნაირი დასახელება აქვს, რუკაზე სხვანაირად ეწერა, ფლიკრის ფოტოზე სხვანაირად, მაგრამ დაახლოებით ვიცოდი, რომ როდონდას მოედნის ახლომახლო მდებარეობდა , ამიტომ დიდად არ გამჭირვებია მისი მოძებნა.

აი ბატონო ეს სახლი და ეს ქუჩაც:
მართალია ვერ მივხვდი რა დაწესებულებაა, მგონი რაღაც შავ-ბნელი ძალების თავშეყრის ადგილი იყო

ხუმრობა იქით იყოს და ესპანური წარწერის მიხედვით რაც გავარკვიე ღამის 12-ის მერე იხსნებოდა და დილამდე ფუნქციონირებდა.

მერე ჩვენებს დავურეკე. შევხვდით ერთანეთს და ახლა უკვე ერთად გავემართეთ კათედრალური ტაძრისკენ და მთავარი მოედნისკენ. პირველი ფრაზა რაც ერთმანეთს შეხვედრისაც ვუთხარით: "ვალენსიაში დიდი სიამოვნებით ვიცხოვრებდი" იყო

მართლა ყველა მოგვხიბლა ამ ქალაქმა, რომლის ცენტრალური, ძველი ნაწილი ისეთი მყუდრო, თბილი და საინტერესო ჩანს, რომ მანდ ცხოვრების გარკვეულ პარიოდს სიამოვნებით გაატარებდა ადამიანი.

მერე ისევ შევედით კათედრალურ ტაძარში, იმ ეკლესიაში სადაც გრაალის ტასია დაბრზანებული ესპანელი დიდგვაროვანი წყვილის ქორწინების იუბილის შესაბამის საეკლესიო რიტუალს ასრულებდნენ.

Mta Mkvarebia · Post by **Mta Mkvarebia** » 05 მაი 2011, 15:08

guruli
გაიხარე, მართლა ულამაზესი ადგილები მოვიარეთ

კათედრალური ტაძრის და ღვთისმშობლის (ქალწულის) მოედნის გარშემო კარგა ხანს ვიხეტიალეთ.

ჰო ამ მოედანზე ერთერთი გასეირნებისას ლესბოსელების აქციას გადავაწყდით

მერე ვიწრო ქუჩებს გავუყევით და ბოლოს ერთერთ კაფეში შევედით.

გადაწყვეტილი გვქონდა ვალენსიური კერძის პაელიას გასინჯვა. ცნობილი ესპანური პაელია სწორედ ვალენსიაში დაამზხადეს პირველად და აქედან გაითქვა ესპანეთში სახელი. ეს არის სუნელებით შეზავებული (ხანდახან ნაძვის წიწვებით , როგორც ჩვენს შემთხვევაში იყო

) ბრინჯის კერძი, რომელიც ზოგჯერ ხორცით, ზოგჯერ ქათმით ან ზღვის პროდუქტებით და ბოსტნეულით მზადდება.

პაელიასთან ერთად სანგრია - ხილის და ღვინის მოტკბო-მომჟავო ნაზავი დავაგემოვნეთ. მერე ჩუპიტო - ადგილობრივი ლიქიორი დავაყოლეთ. და ვალენსიურ სამზარეულოსთან მოვშინაურებულები, აშკარად უფრო მაღალი განწყობით გავუდექით გზას ჩვენი სასტუმროსკენ.

Mta Mkvarebia · Post by **Mta Mkvarebia** » 05 მაი 2011, 15:25

ჩვენი მოგზაურობის მე-9 დღე, ანუ ვალენსიაში ყოფნის მე-2 დღე გათენდა.

ბარგი სასტუმროში დავტოვეთ. და ჩვენ ქალაქში ხეტიალი გავაგრძელეთ

კალატრავას მოდერნისტული შენობების - მეცნიერებისა და ხელოვნების ცენტრის უნახავად როგორ წავიდოდით ვალენსიიდან?

როგორც აღმოჩნდა, ეს შენობები არანაკლებ ეფექტურია დღის განათებაზეც.

Mta Mkvarebia · Post by **Mta Mkvarebia** » 05 მაი 2011, 15:38

Mta Mkvarebia · Post by **Mta Mkvarebia** » 05 მაი 2011, 15:44

Mta Mkvarebia · Post by **Mta Mkvarebia** » 05 მაი 2011, 15:51

გულივერის ეს ცნობილი ფიგურა, რომელიც ამავდროულად ბავშვთა გასართობი ცენტრია, ასევე ახლოს იყო ჩვენი სასტუმროდნ, ამიტომ ისიც მოვინახულეთ. მახსოვს გუგლიდან რომ ვათვალიერებდი ვალენსიის ქუჩებს გამიკვირდა აქ მართლა კაცი წევს თუ მეჩვენებათქო

))

Mta Mkvarebia · Post by **Mta Mkvarebia** » 05 მაი 2011, 16:00

მერე პლაჟზე გავისეირნეთ. გადასარევი ამინდი იყო. ტემპერატურა 30 გრადუსამდე აღწევდა. გოგოები გაირუჯნენ კიდეც.

მერე ისევ სასტუმროში დავბრუნდით

სასტუმროდან რკინიგზის სადგურისკენ გავემართეთ . მატარებლით ბარსელონაში ჩავედით. ის ღამე სასტუმროში გავათენეთ და დილის 5 საათზე აეროპორტისკენ გავწიეთ.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS