ბარსელონა,მადრიდი, ვალენსია, პრაღა 19-28.04.2011

Mta Mkvarebia · Post by **Mta Mkvarebia** » 05 მაი 2011, 10:07

Mta Mkvarebia · Post by **Mta Mkvarebia** » 05 მაი 2011, 10:15

ესკორიალიდან ისევ მადრიდში დავბრუნდით. თავდაპირველი გეგმით პატარა ქალაქ სეგოვიას მონახულება გვინდოდა თავის ცნობილი რომაული აქვედუქით და ალკასარის სასახლით, რომელიც დისნეის თავისი მულტფილმებისათვის აუღია ნიმუშად, მაგრამ ამ შემთხვევაში ვალენსიის ავტობუსზე ბილეთების ყიდვა შეიძლება დაგგვგვიანებოდა, ამიტომ სეგოვიაში გამგზავრება არ გამოგვივიდა

. ესეც სამომავლოდ გადავდეთ

ეს უკვე მადრიდში ვართ

ბანკო დე ესპანიას მოედანი:

დონ კიხოტისა და სანჩო პანსას იქვე მდებარე ცნობილი ძეგლი სერვანტესის ქანდაკების ფონზე

სამეფო სასახლეც გამოჩნდა:

Mta Mkvarebia · Post by **Mta Mkvarebia** » 05 მაი 2011, 10:34

ისევ სამეფო სასახლე:

ალმუდენას ღვთისმშობლის ტაძარი. ალმუდენას ღვთისმშობელი ქალაქის ერთერთი მფარველია.

ეს ეკლესია ფრანცისკო დელ გრანდეს ტაძარი უნდა იყოს თუ არ ვცდები, რომელიც გოიას ფრესკებიტაა მოხატული, მის გვერდით გოიას საფლავი და პანთეონია. მისი მონახულება მოგვიანებით გვქონდა გეგმაში მაგრამ ვერ მოვახერხეთ

, ჩვენი მოგზაურობა Semina Santa-ს წმინდა კვირეულის პერიოდს დაემთხვა, წითელ პარასკევსაც, ორშაბათსაც და კვირას დღის მეორე ნახევარში ყველა ეკლესია და მუზეუმი დაკეტილი იყო. ასევე დიდი ხუთშაბათიდან ორშაბათის ჩათვლით დაკეტილი იყო ფეხშიშველ მონაზონთა მონასტერი - Descalzas Reales Monastery, რომლის ნახვაც მე პირადად ასევე ძალიან მინდოდა. ამ ღირშესანიშნაობების მუშაობის საათების შესახებ თავიდანვე გვქონდა ინფორმაცია და თბილისიდანვე ვხვდებოდით, რომ ყველაფრის ნახვას ვერ მოვახერხებდით მათი მუშაობის შეზღუდული გრაფიკის გამო, ამიტომ არჩევანის გაკეთება მოგვიწია - ან პრადო, ტისენ-ბორნემისა და რეინა სოფია უნდა გვენახა და თითოეულ მუზეუმში რამდენიმე საათი გავჩერებულიყავით ან სხვა დანარჩენი ღირშესანიშნაობები დაგვეთვალიერებინა. თუმცა ვფიქრობ რომ მაინც ბევრი რამის ნახვა მოვახერხეთ.

ქუჩის ანიმატორები ხშირად გვხვდებოდნენ ქუჩაში.
ამ წყვილმა ყველა მოგვხიბლა ქალი ისეთი კეკლუცი იყო და ისე სექსუალურად მოძრაობდა, თოჯინა რომ იყო გვავიწყდებოდა

. აი კაცი რას ცეკვავდა და რუსას რა პარტნიორობა გაუწია, რა დამავიწყებს, ეს ერთი სანახაობა იყო

ცეკვის დასრულების მერე მუხლებზე რომ დაემხო და ფორთხვით წავიდა რუსასკენ ამაზე სულ დავიხოცეთ სიცილით

Mta Mkvarebia · Post by **Mta Mkvarebia** » 05 მაი 2011, 10:49

პლასა მაიორის მოედანი, ეს მადრიდის მთავარი მოედანია, სადაც იმართებოდა წარმოდგენები, კარნავალი, სახალხო დრესასწაულები, განსაკუთრებულ დღეებში- ბაზრობები.

სოლის მოედანი

მადრიდის ერთერთი სიმბოლო, დათვი, რომელიც კენკრას მიირთმევს - Bear and the MadroÃ±o Tree. მადრონო (კენკრა) და მადრიდის სახელწოდებების თანხვედრაც შემთხვევითი არ უნდა იყოს.

[img -http://s55.radikal.ru/i150/1105/b5/36feec83a814.jpg[/img]

Mta Mkvarebia · Post by **Mta Mkvarebia** » 05 მაი 2011, 11:24

მეექვსე დრე, ისევ მადრიდში ვართ
ეს და მომდევნო დღე ძირითადად მუზეუმების დათვალიერებას დავუთმეთ.
დილიდან პრადოსკენ გავემართეთ, შევიძინეთ პასეო არტის (სამი მუზეუმის ბილეთი ერთად), რომელმაც კარგი სამსახური გაგვიწია, არცერთ მუზეუმში რიგში დგომამ არ მოგვიწია. იმ დღეს პრადო და ტისენ-ბორნემისა დავათვალიერეთ. სამწუხაროდ ფოტოების გადაღება არც ერთში შეიძლებოდა და არც მეორეში. პრადოში ძირითადად ადრეული და შუა საუკუნეების ცნობილი ავტორების და მათი ნამუშევრები ვნახეთ: ვილასკესი, გოია, რუბენსი, მურილიო, და სხვა უამრავი - სულ 8 000-მდე ნამუშევარია აქ დაცული, ერთერთი დიდი შთაბეჭდილება მის სარდაფში განთავსებულმა საცავმა მოახდინა, სადაც ბროლის და სხვა ზვირფასი მასალისგან დამზადებული ჭურჭლის გვერდით მინანქარში შესრულებული მოცულობითი ნამუშევრებიც იყო დაცული. ტისენში ძველი პერიოდის ავტორებთან ერთად - ინპრესიონისტების ტილოებიც ვიხილეთ: დეგა, კლოდ მონე, პისარო, დალი, პიკასო.

ეს ჯერ კიდევ ჩვენს სასტუმროში

ეს მეტროსკენ მივემართებით

მეტროში.
4 სართული იყო მიწისქვეშ, სადაც ცალკე რენფეს მატარებლის ხაზი, ცალკე მეტროს სხვადასხვა ხაზები უკავშირდებოდნენ ერთმანეთს, ამ ოთხ სართულზე ჩასვლა ლიფტით გვერჩივნა ხოლმე დაღლილებს

.

სიბელეს მოედანი და შადრევანი

ეკლესია პრადოს გვერდით

პრადო

ცოცხალი პოსეიდონი

პოსეიდონის შადრევანი

კიდევ ერთი ცოცხალი ქანდაკება (მარჯვენა), სანამ თვალი არ გაახილა, ვერ მივხვდით, რომელი იყო ადამიანი, რომელი- ქანდაკება.

Mta Mkvarebia · Post by **Mta Mkvarebia** » 05 მაი 2011, 11:42

მერე მადრიდის სამეფო ბოტანიკური ბაღი მოვინახულე:

რამდენიმე სახეობის და ფერის დეკა ანუ როდოდენდრომი ვნახე.

ამ ყვავილის დანახვა კიდევ განსაკუთრებით გამიხარდა

მახსოვს მსგავსი მცენარე რომ ვნახე ბორჯომ-ხარაგაულში, და მერე მისი სახელწოდება Aquilegia Caucasica (კავკასიური წყალიკრეფია) რომ გავიგე, როგორ გამიხარდა

)), ჰოდა მადრიდის ბოტანიკურ ბაღში ნანახ მცენარეს კი Aquilegia Pyrenaica - პირინეული წყალიკრეფია ეწერა

Mta Mkvarebia · Post by **Mta Mkvarebia** » 05 მაი 2011, 11:45

Mta Mkvarebia · Post by **Mta Mkvarebia** » 05 მაი 2011, 11:51

შემდეგ მადრიდის რეტიროს პარკი მოვინახულეთ:

ისეთი დარლილები ვიყავით, რომ ტბის პირას იმ მინდორზე რომ წამოვკოტრიალდით, თავი უბედნიერეს ადამიანებად ვიგრძენით

Mta Mkvarebia · Post by **Mta Mkvarebia** » 05 მაი 2011, 11:55

ვილასკესის სასახლე რეტიროს პარკში

კრისტალის სასახლე რეტიროს პარკში

ეს ნუ იტყვით და თანამედროვე ხელოვნების ნიმუში ყოფილა. რეტიროს პარკში მდებარე შუშის სასახლის ცენტრში იდგა, მე მეგონა, ალბათ ამ პლასტმასის ნივთებს ადგილი ვერ მოუძებნეს და შეძლებისდაგვარად ეკონომიურად დააწყვეს ერთადთქო

) მაგრამ რეინა სოფიას მუზეუმში რომ ვიყავით (რომელსაც ეკუთვნის მაგ შუშის შენობა) სხვადასხვა დარბაზში დადგმულ ეკრანზე აჩვენებდნენ ხშირად, როგორც თანამედროვე ხელოვნების ნიმუშს

))

Iako. · Post by **Iako.** » 05 მაი 2011, 11:57

ლიკუნა შენი გულისა :*
ისეთი ფოტოებია თითქოს მეც იქ ვიყავი

Mta Mkvarebia · Post by **Mta Mkvarebia** » 05 მაი 2011, 12:00

ისევ რეტიროს პარკში

ისე ოსტატურად უკრავდა "როიალზე" ეს ბაყაყი, რომ მოვიხიბლე

.

პუერტა დე ალკალა -ალკალას კარიბჭე რეტიროს პარკის შესასვლელთან.

Mta Mkvarebia · Post by **Mta Mkvarebia** » 05 მაი 2011, 12:23

Iako.
გაიხარე, შენი გულისა :*
მიხარია, თუ ასეა

რეტიროდან დებოდის ტაძრის სანახავად გავემართე. წაკითხული მქონდა, რომ მზის ჩასვლისას ეს ტაძარი განსაკუთრებით ლამაზი იყო. მაგრამ 5 წუთით დავაგვიანე, მზის სხივები აღარ ირეკლებოდა ტბაში, რომელზეც ეს ტაძარი დგას, აღარც მთის ფერდზე მდგარ სამეფო სასახლეს ეცემოდა მზე, სამაგიეროდ ალმუდენას ტაძარი ჯერ კიდევ ოქროსფრად ანათებდა

თავად დებოდი, გაგიკვირდებათ და, ეგვიპტური ტაძარია, რომელიც რამდენიმე ათასწლეულს ითვლის და რომელიც ეგვიპტიდან გადმოიტანეს ესპანეთში, როგორც ეგვიპტის ხელისუფლების საჩუქარი ასუანის კაშხლის მშენებლობაში გაღებული წვლილისთვის. ტაძრების დაშლა და ერთი ადგილიდან მეორე, ზირიტადად შემაღლებულ ადგილას გადატანა გავრცელებული პრაქტიკა იყო ეგვიპტეში. ეს იმისთვის კეტდებოდა, რომ ეს ტაძრები ნილოსის ტალღებისაგან დაეცვათ. კაშხლის აგებამდე, ნილოსი გაზაფხულზე ნაპირებიდან გადმოდიოდა, თითქმის მთლიანად ფარავდა დასახლებულ პუნქტებს, მოსახლეობა მთებში იხიზნებოდა. სხვა, მრავალრიცხოვანი მატერიალური ზარალის გარდა, მდინარე ეგვიპტურ ტაძრებსაც აზიანებდა. მახსოვს, ლუქსორის კარნაკის ტაძარს რომ ვათვალიერებდით, დაახლოებით 2 მეტრის სიმაღლეზე ნიშნული იყო გაკეთებული, როგორც მეგზურმა აგვიხსნა, ეს ნიშნული ტაძარში ნილოსის დონეს აღნიშნავდა , რომელიც თუ არ ვცდები 1810 წელს დააფიქსირეს. კაშხლის აგების შემდეგ ნილოსის დონის კონტროლი გაადვილდა და მსგავი საფრთხე აღარ ემუქრებოდა ეგვიპტურ ტაძრებს.

მერე ისევ ვიხეტიალეთ მადრიდის ქუჩებში

ისევ სოლის მოედანი

Mta Mkvarebia · Post by **Mta Mkvarebia** » 05 მაი 2011, 12:42

ისევ დათვი და მადრინოს ხე

ეს დღეს ასე დასრულდა

,

მე-7 დღეც გათენდა. ის დღეც მადრიდში უნდა გაგვეტარებინა და საღამოს ვალენსიისკენ წავსულიყავით ავტობუსით.

გზად რეინა სოფიას მუზეუმისკენ.

რეინა სოფიას მუზეუმი. მართალია ორშაბათი იყო და ყველა სხვა მუზეუმი დაკეტილი იყო, მაგრამ რეინა ღია იყო. ამიტომ ჩვენი განრიგიც ისე დავგეგმეთ რომ ეს მუზეუმი ორშაბათისთვის მოვიტოვეთ.

აქ ფოტოების გადაღება მაშუქის გარეშე შეიძლებოდა, ამიტომ რამდენიმე ფოტო გადავიღე.

ძირითადად პიკასო და სალვადორ დალი.

პიკასო

სალვადორ დალი

Mta Mkvarebia · Post by **Mta Mkvarebia** » 05 მაი 2011, 12:59

სალვადორ დალი:

ეს ფოტო სპეციალურად ლიკაკოს საპატივცემულოდ გადავიღე, ჰოდა სწორედ მას ეძღვნება

პაბლო პიკასო

პიკასოს ცნობილი და მასშტაბური ტილო გუენრიკა

Mta Mkvarebia · Post by **Mta Mkvarebia** » 05 მაი 2011, 13:22

მადრიდში მეტი ფოტო აღარ გადამიღია.
საღამოს ვალენსიისკენ გავემართეთ. ვალენსიაში გვიან ღამით ჩავედით. ამის მიუხედავად, მაინც ვაპირებდით კალატრავას მეცნიერებისა და ხელოვნების ცენტრის მონახულებას, რომელიც ღამის განათებაზე ძალიან ლამაზია და ქალაქის სავიზიტო ბარათს წარმოადგენს., მით უმეტეს რომ ეს ცენტრი ჩვენი სასტუმროდან (Hotel Medium Valencia) 200 მეტრში მდებარეობდა. მაგრამ წარმოიდგინეთ ჩვენი გაოცება, როცა ცენტრი ჩამქრალი დაგვხვდა. როგორც სასტუმროს ადმინისტრატორმა გვითხრა, კრიზისია ბატონო ქვეყანაშიც და ევროპაშიც, ელექტროენერგიას ვზოგავთო. მაშინვე სიამაყის გრძნობით ავივსეთ, თურმე საქართველო რა მდიდარი ქვეყანა ყოფილა, ყველაფერი გაბრდღვიალებული რომ არისთქო.

შემდგე დილას, ანუ ჩვენი მოგზაურობის მე-8 დღეს, დილიდანვე ვალენსიის რკინიგზის სადგურ Estachio Nord-ში გავემართეთ შემდეგი დღის საღამოსთვის ბარსელონისკენ მიმავალი მატარებლის ბილეთის საყიდლად. რადგან ბარსელონიდან უნდა გამოვფრენილიყავით ჯერ პრაღაში, შემდეგ საქართველოში.

რკინიგზის სადგური

კორიდის მოედანი, რომელიც სადგურის გვერდით მდებარეობდა.
სხვათაშორის მადრიდში ტომამ და ლელამ მოახერხეს კორიდაზე დასწრება (ბილეთები ჯერ კიდევ თბილისიდან შეიძინეს). თავის შთაბეჭდილებებზე ალბათ თავად მოგვითხრობენ.

ახალი წერილი	ახალი წერილი არაა	ანონსი
ახალი წერილი [ ცხარე ]	ახალი წერილი არაა [ ცხარე ]	თვალშისაცემი
ახალი წერილი [ დაკეტილია ]	ახალი წერილი არაა [ დაკეტილია ]

FORUM_PERMISSIONS